بيت الايمان.. بيـــ السادس عشر ـــتنا.. لشهر رمضان المبارك..

,,وحشتوووني اخباركم معليش ماعاد ادخل واجد مبارك عليكم الشهر والله مدري انا مباركه من اول اولا نسياااان فضيع
رمضان في الديره مرررره متعب انام بالشقه وافطر واروح لاهلي بعد التراويح لقبل السحور وارجع انام وافطر ونفس الموال مافي رااااحه اكرف بشقتي واكرف عند اهلي ولا ليله ريحت عمري واسترخيت كله تعب الله يغفر لنا مقصره بالتراويح يارب غفرانك حيلي مهدود ولازم اروح كل يوم لاهلي لان امي بتزعل لو مااجي وانا اكون مره متعبه عيالي وبنتي وكرف مالاقي وقت
حبيت اسلم عليكم كلكم واعذرووووني ع القصور

ظهر الخير ،،،

الاسبوع هذا طار مثل البرق ،

الايام الحلوه تطير ،

اليوم صديق زوجي من اللي معنا رجع الرياض
حسافه مرررره ، أحب زوجته وبنته ، وسيعين صدر وحركين تحسين بالحيويه معهم الله يحفظهم ويرجعهم سالمين

قمت 3 ، صليت الظهر وجلست أقرأ قران في الحوش ، والحين أذن العصر بصلي واشوف شغلي ، اليوم بتقل الكميه

لان عائله نقصت ، ودي نفطر في البر ، بشوف وش يقول زوجي ،

مع السلامه ،،،

سلام..

امل.. جزاك الله خير على الروابط..

حفظتها عندي.. وان شاء اليوم بسوي الفناجيل..

اما الكنافة..انا من عشااااااقها لكن ما عمري فكرت اسويها!!!

جيدة اكلها بس..خخخخ

_________________

يومياتي..

عندي اشغااال مؤجلة.. ما ادري متى اروق لها!!

ملابس بناتي اللي غسلتها الاسبوع اللي فات لاتزال بالنشاف!!!!!

واللي كانت منشورة.. مسفطة ومركونه بالكونسيرفتي والمنشر مسفوط جنبها..ما وديته لغرفة الغسيل!!!

غرفة بناتي حايسينه حاس الله مرير العدو.. ومطلعين ملابسهن الشتوية!!!!

وانا مالي خلق حتى اعصب.. كني ما شفت شي..

كنت متخيله اني بستفيد من نهاري الطويل.. وبقعد مع بناتي ونلعب مع بعض..

لكن ماش..ابو طبيع ما يخلي طبعه..

وبعد هالمدرسة يروح معها نص النهار.. وبعد ما تروح يا دوب اصلي وادخل المطبخ وعليها..

وبعد الفطور اتخدر وابي اجلس طول الوقت..

وقطو..

السلام عليكم

كيف الحلوات?
اشتقت لكم وللنت ولليوميات
الوقت ضيق في رمضان
والنفسيه تعبانه شوي احس بتعب الله ياجرني
حبيت اسلم عليكم
انا عند اهلي.

سلخير
كلنا كرهناه
انا وحده يوم جاء يوم 10 حسيت اني تعبت
الله يآجرنا على خير :)

سلامووو عليكووو
مباااااااااارك عليكم الشهر الله يتقبل منا ومنكم صالح االاعمال

احناالحمدلله سكنا ليله رمضان
ويومياتي شااااااقه ومتعبه
وغرفه عيالي فصلناه قبل نسكن وجت قبل نسكن بيوم بس صارو غلطانين باللون حاطينه نصر عاد زوجي كلش ولا نصر ورجعناها قلتله مشاها هالمره بس ماناسبت مع البويه ابد البويه تفاحي فاتح بسماوي واحنا فصلنا كحلي بتفاحي غامق
وجلسنا اسبوع بدون مطبخ يوم نفطر عند اهلي ويوم من برا لين جاء المطبخ الاحد اللي راح
الاحد بالليل جلست على الكراتين اول شي مسحت الدواليب والارفف ووزعت المواعين وبقى 3 تعبت تسحرت صليت وتروشت ونمت ..
الاثنين كان فيه فطور وعشاء لام زوجي الله يرحمها
وكان علي انا وحماتي واخت زوجي الشوربه والقهوة
قمت2 صليت وقريت قران وتصفحت نت شوي وعالمطبخ شبيت عاللحمه ورقيت فوق حطيت دفعه غسيل ونزلت لبست العيال ولبست وكملت الشوربه والقهوة وتمكيجت وسشورت ورحنا والصغير لبسته بالسياره راح الوقت بسررررعه
افطرنا وتعشينا واعجبتهم الشوربه الحمدلله
ورجعنا 2 شرينا سحور اكلنا وصلينا وتروشت ونمت
قمت الظهر صليت ورجعت وقمت4
دقيت على اخوي كان منوم بالمسشفى قلت بنجي عندك
لبسنا وطلعنا سلمنا عليه ولقينا بابا وقال ا ن امي تعبانه
وقررت اروح لاهلي اسوي فطورهم دخلت 4ونص
وبسرررعه بسررعه فسخت عباتي وخليت الصغير بمشايته عند امي ودخلت المطبخ سويت مكرونه بالتونه والدجاج وشوربه بالدجاج وبيتزاء
وتوست بالتونه والمايوينز
وجبنيه وسمبوسه مفرزنه وعصيرات وتمر وقشطه وقهوة
والحمدلله على النعمه
وبنص الشغل قامت خيتو ساعدتني الله يعافيها

..



بعد 12 جاءزوجي ورحنا كارفور الحين صار قريب
لبيتي مرره نطوله رجل ياسلام
تقضينا لرمضاان >>بدري صح
وشرينا سحور اكلنا ودخلت المطبخ نظفته ورتبت الكراتين
الباقيه ومسحت الارض والفرن وتروشت وصليت ونمت
الاربعاء
قمت الظهر صليت وقريت قران
ودخلت سويت شوربه وسمبوسه وكفته لحم حشيتها بالخبز الصغار مع مايونيز وخيار وعصيرات
حنا الفطور الاول تمر وقشطه ومويه وقهوة وبعدين الباقي بعد الصلاة.
وابشرررررركم شريت غساله مواعين واستفتحت فيها وناسه بس لوتغسل القدور كان ياسلام <<ابن ادم طماع.
من فطوري لين بعد التراويح وانا كنس وترتيب وتمسيح كللل البيت وبين الغسيل فوق
اخر شي بخررت ومسكت جهازي القط من الشبكات الجيران مابعد حطينا تلفون
وجلست على المجد
على 2 سويت مضغوط دجاج وسلطه خضراء
تسحرنا وكنست وصفيت المواعين بالغساله لاول مرره وعزمنا اهلي على الفطور بكرا وصليت وتروشت ورقيت فوق انا وعيالي طلعت غسيل عالمجفف وطلعتهم بالسطح شوي مادرينا الا الابو راقي معنا الجويجنن وقت الشروق ههههه
نزلنا نومت العيال ونمنا
قمت الخميس 2 الظهر صليت وقريت قران وغيرت للصغير ورضعته وعجنت وطلعت لحمه للشوربه
وبديت بالعجينه قبل العصر سويت ميني بيتزاء وكروسان جبن وصينيه توست بالقشطه وصينيه مكرونه برضو بالقشطه وسمبوسه لحم وبسبوسه وبطاطس مقلي مع عصييرات
والفطور الاول تمرنوعين قشطه علب مويه قهوة
وسويت الشاي جاء بابا وخيو بعد الصلاه وتشهوينا وطلعو وقعدت ماما وخواني
وتقهوينا وقمت انا واختي صفيت المواعين بالغساله والباقي غسلناه ومسحت الفرن والارض بمطهر ارضيات وبخرت ونقعت الرز وطلعت الدجاج وراحو 1ونص ..
رتبت شوي وسخنت لنا مكرونه مع عصير
وكسسسلت مررة صارت الحلوة مشررفه وتاخرت على السحور وقمت بسرعه
سويت برياني دجاج وسلطه حلقات
وانا معدتي تعبانه وداايخه غسلت المواعين والباقي بالغساله وبدلت للعيال وغيرتلهم وبدلت لبسي وتدهنت ونمت
..
الجمعه
قمت كم مرة نومي مقطع وتعباانه
واخرها سحبتها لين 5 قمت اركض تاخرت عالفطور
شبيت عاللحمه والشوربه
وقعدت الف سمبوسه لحم واصابع جبن
وخلصت قبل الاذان الحمدلله
سمبوسه لحم شوربه لحم
اصابع جبن عصير بطاطس تمر قشطه قهوة
واللهم لك الحمد عالنعمه
.......
ضفيت السفره وجبت القهوة والبسبوسه بالصاله
وغيرت للعيال ورحت بريح وانسدح لكن هيهاات الله يصلحهم ..جيت انا وياهم للتلفزيون الثاني بالمجلس
حاولت اسجل بالجامعه عيا يضبط المعدل التراكمي مدري ليش خبريني الطريقه الصحيحه يارايقه الله يعافيك..
وتو نومت الصغير وعيالي قلبو المجلس قلب
والسحور محتاره فيه
وسلااااااااااااااااامي لكم جميعا احببببببككككككككم كلللللللكككككككم

لمعةالماس
المنزل مبارك بس توقيتكم غلط ليتكم
سكنتو قبل او بعد للشهر للفضيل
عشان مايضيع وقتك بالكرف.
،،،،،،،،،،،،،،
سلخير
انا كرهت كل شي يتعلق بالمطبخ
حتي مقاضي رمضان مابعد تقضينا!
مالي خاطر كل يوم اطلب ياجبن
ياطماط يا عصير وعلى هالحال.

ابشركم عرفت اكبر الخط واللون
بس باقي انزل الصور
اللي تعرف رابط الله يسعدها تعلمنا

لمعة الماس
ماشاء الله لا قوة الا بالله الله يجعله منزل مبارك و يباركلكم
فيه يارب

جوجو
يعطيك العافيه
ماسويت جلبريك مافيه مجاني