ما هو شعورك في غرفة الولادة؟!!!!!!!

شو هي تماريييييييييييين التنفس........؟؟؟؟؟؟؟؟؟

خواتى تمارين التنفس

هى تأخذين نفس كل ما تجيك الطلق يعني طلقك كل خمسه دقائق ويكون الطلق منتظم تكونين عادي مافيك الم بعد خمسة دقائق يوم ياتي الالم تأخذين نفس يعني شهيق ولو كان مع الأوكسجين بعد افضل بس لا تأخذينه كل الوقت لأنكك بدوخين بس يوم الالم يكون فيك عشان الرحم يتوسع وكل ماتأخذين نفس يتوسع الرحم لكن الذي يحصل ان الحريم كل ما يأتيها الالم او الطلق تصرخ ويكون هذازفير وليس شهيق لذلك تتعب الام ويتعب الطفل

والله يسهل ولادت كل حامل آمين :shy:

اااااااااااااااااااااااااااااااااااااااامين

موضوع تقشعر له الأبدان:D2

الله ييسر للي ينتظرون الولادة
والله يرزق الجميع بالذرية الصالحة:shy:

:down:

:pain::pain:أنا ماتحمل ألام الدوره .. تبوني اتحمل الولاده .. :pain::pain:

أنا أذا جاتني الدوره اروووح على طووول المستشفى يعطوني ابره للدووره ..:pain:


مشكووووره حبيبتــــــي فواااانيس على الموضووع ويعطيج العافيه ..

وترى ياعســــــــــــــــل أشتقت لك وااااااااااااااجد ..





:z_bye:

السلام عليكم ورحمة الله وبركاته

انا عن نفسي كنت خايفه وايد ابدا ما اتوقعت الولاده تكون بها الالم لكن الله يسر ويسهل بداية الاعراض نزل عليه دم الله يكرمكم الصبح يوم نشيت من النوم وكان فيني الطلق كانت الساعه 8 الصبح كان الطلق متباعد قلت اروح الصالون عشان انسى اشويه <---------- (متفيقه) وخلصت من الصالون الساعه 12 الظهر وما خبرت حد حتى ريلي ما خبرته وبعدين يوم رجع ريلي من دوامه خبرته كانت الساعه 1 ونص الالم وصل حده وبعدين اتصلت بأمي ورحنا المستشفى وانا كنت خايفه وايد وقاعده افكر متى بشوف البيبي مالي وكشفت علي الدكتوره كان فاتح عندي 4 سم وبعدين فتحتلي الماي لانه ما فتح عندي وكل ماله يزيد الالم وانا احس نفسي بموت من التعب وامي الله يخليها كانت تقرا عليه وصلت الساعه 7 المغرب وفتح عندي 10 سم مره وحده الحمدلله واخر شي الساعه 9 طلعت بنوتي الحلوه الله يخليها لي :confused:.....
والحمدلله على كل حال ..... بس صدقوني ما راح انسى الام الولاده
وهذي القصه الحزينه :s2

اخواتي الشعور في غرفة الولادة شعور لا يوصف ابدا تحسين ان الدنيا كلها مقفله من الالم الى يعتريك لكن بالرغم من هذه الالام تحسين بخوف وتحسين بفرحه فرحه لانك بتتخلصين من معاناه
الحمل وبتستقبلين مولود جديد وخوف مما بتواجهينه اثناء الولادة لان الولادة مو شيء سهل
هي خروج روح من روح واول ماتشوفين طفلك تنسين كل تعب الحمل والولادة وتفكرين بس انك تاخذينه وتظمينه الى صدرك اااااااه قلبتوا علينا المواجع :pain:

اول ولاده لي كانت سهله حتى اني ما اذكرها وثاني ولاده كانت صعبه شوي فالحمدلله انها مرت وامه الولاده الثالثه فباقولكم عنها
انا كنت قاعده في البيت رحت الحمام الله يعزكم فشفت نقط دم فقلت خلاصبيجيني الطلق وتميت لين ثاني يوم نزل علي مره ثانيه دم هاذي الساعه 2 بالليل ورحت المستشفى قالولي توج 3 س رديت البيت ونمت شوي ولين ما نزل علي ماي اراس الاخضر اهني جاني الخوف قلت خلاص ورحت المستشفى على طول والاالم كل شوي يزيد علي يز ويزيد والبيبيضعف تنفسه فققروا ياخذون دم من راس البيبي وهو في بطني اهني انا مت من الخوف عشان يتأكدون ان الاوكسجين يوصل للبيبي وما اقدروا ياخذون وبعد ساعه جاو مره ثانيه جاتني دكتوره ثانيه بعد تبي تاخذ دم من راس البيبي فخذت دم وانا خلاص ما بقدر استحمل الالم وطمنوني انه البيبي يوصله الاوكسجين فرتحت شوي فحطوا علي اوكسجين صناعي علشن يتأكدون اكثر ان الاوكسجين يوصل وتميت اعاني من الالم وكل ما له يزيد لين جات الساعه اربع ونص ولدت يعني بعد ما طلعت روحي وردت كان الم فظيع وجبت بنت واول ما شفت انها بنت فرحت كثير لدرجه ما تصورونها لأني كنت اتمنى انها بنت وانا عندي ولدين قبلها والله من او لما شفتها نسيت الالم الفظيع يعني كانت ولادتها متعبه وااااااااااااااااااااااااايد اكثر من اخوانها وكان طلقها بااااااااااااااااااااااااااااااااااااااااااااااااااااارد لأنه من دشيت التاسع وانا يجيني الالم فغير كلش كان حملها وولادتها عن اخوانها واقول حق الي على وشك ولاده واول ولاده لا تخافون رى كل حمله المها غير وكل مره المهل واحساسها بالتعب والالم غير .


والله يسهل على كل حامل والحمدلله

الله يسهل على الجميع و يرزق كل محروم

لكن ياليت اللي جرب الولادة بدون الم يقول تجربته

مرحبا
بقول لكم قصتي والولادة

طبعا انا اشتغل في المستشفى اللي ولدت فيه ومعظم الممرضات والدكاتره يعرفوني
قبل الولادة بيوم رحت المستشفى ان الولد ما يتحرك
وقالوا لي لازم طلق صناعي لانهم شافو بالتلفزيون انه فعلا ما يتحرك بس فيه نبض الحمدلله
على المغرب حطت لي الدكتوره التحميلة علشان الطلق الصناعي
الى الصبح وانا عادي ما فيني شي
على الساعه 11 الصبح جاتني الدكتورة وفحصتني وقالت لي اني مفتوحة 3 سم بس انا ما كنت احس بشي
عقبها كتبت لي على حقنة علشان تنظف البطن

وعيونكم ما تشوف الا النور

نظفت كل شي وقالوا لي يالله غرفة الولادة الحين بتولدين
كنت فرحانه وكنت متحمسه وكنت افكر اشكثر انا صبورة وما صارخت مثل كل هالنسوان خخخخخخ
صار الصج
دخلت غرفة الولادة اضحك جت الدكتورة و فتحت الغشاء
وطلع الماي
وانا ماعرف شو السالفه
اقولها احس بماي ينزل منى قالت عادي
قلت عادي
وياتني الممرضه قالت لي تبين احط لج دوا في المغذي علشان يحمي الطلق قلت لها حطي
بعدين الالم قام يزيد وزوجي يمي ويقول لي تنفسي تنفسي
وانا اتنفس والا لم ما يروح
عطوني ابرة في العضد
وما نفعت .. قلت حق الممرضه شيلي الدوا من المغذي مابيه
قالت لي انا ما حطيت
جان اعصب عليها ليش ما حطيتيه وحطت لي المسكينه
وبعدها ياتني صديقتي الدكتورة اللي بتولدين
وقالت لي انتي توك مفتوحه 5 بروح اصلي الظهر وبرجع لج
هي طبعا ما فحصتني خذت على كلام الممرضات اللي فحصوني قبل ربع ساعه
وهي طلعت من هني وانا قمت اصارخ خخخخخخخخخخخخخخخخخخ
جان ترجع وتقول لي اشفيج قلت لها بموووت وزوجي يقول لي خذي نفس
وفحصتني الدكتورة الا تقول لي اني خلاص الحين بولد دفعي
قمت ادفع واصارخ واصيح
وامسك زوجي ( لانهم ما خلوه يطلع علشان يمسكني لاني سويت مسرحية)
و قمت ادعي حق صديقتي انها تحمل وادعي حق ولدي وادعي حق كل اللي وصوني وقمت اخربط من الالم
المهم طلع الولد و قالت لي صديقتي بوسيه
بسته بس كنت لايعه جبدي بالدم والوصخ ابوسه واقوللهم شنو طلع قالوا لي ولد وقمت اضحك
وبعدين علشان المشيمه تطلع قالت لي الدكتورة ادفع
ودفعت نفس ما دفعت حق الولد وجان تطلع المشيمه في ويه الدكتورة
بس وقت الخياطة تأذت مني الدكتورة لاني كل شوي اقول لها اني ما تحسين شوي شوي
بس في النهاية كل شي الحمدلله و الدكتورة ما زعلت مني بس شوي حطت في خاطرها لاني مللتها ولا سكت علشان تشوف شغلها
خخخخخخخخخخخخخخخخخخخخ


تحياتي

[CENTER]حبيباتي عضوات عروس

ألف شكر لمشاركتكن بهذا الموضوع

و آسفه على تأخري بالرد

و ننظر المزيد من التجارب

في البداية أحب اني اقول للي عندهن أولاد الله يعطيكن الصحه والعافيه ويبارك في عيالكن ويصلح حالهم ويهديهم لطريق الرشاد ان شاءالله ...
وان شاءالله الله يرزق خواتي اللي ماعرسن بالريل الصالح وبالذرية الصالحه...
انا بصراحه مب متزوجه بس دخلت غرفة الولاده كم مره يمكن مرتين بس وهي فاضية هاهاهاهاهاااا... حشى يابوكم هذي مب غرفة ولاده هذي مصلخ ... شكلها وألوانها اتروع هي والاجهزه اللي فيها انا شفتها تروعت حشى اهم شي نفسيه الام اللي تولد لازم يسوون لها ديكور هادي شوي لوووووووووووووول
وبعدين علشان اطمن خواتي اللي متخوفات من الولاده وبعدهن ماجربنها .. ماعلييييييييييييكن من سوالف اللي مجرباااااااات ... اتقول لج كان يوم يروع وصعب ومؤلم وبعد شهرين تلقينها حامل ومستانسه لوووووووووووووووول ... سبحان الله هذي من نعم الله علينا .... لان الولادة البعض يسميها الموت المنسي ... يعني سبحان الله الوحده بعد ماتخلص من الولادة وترتاح تنسى ألمها والاوجاع ... انا اقول هالكلام من حريم مجربات مب من راسي هاهاهاهااا... لانه كم وحده قالت اتصدقون يابنات مره قعدت مع نفسي احاول اتذكر اوجاع و آلام الولاده بس ماقدرت اذكرها بالضبط .. لانها احساس اتحسينه بلحظتج وانتي اتكونين في هذيك اللحظه في عالم ثاني سبحان الله وعقب ماتخلصين منها اتردين لحالتج الطبيعيه والعالم المعتاد .....

الله يتمم على الكل على خير ويسهل ولادة خواتي اللي على ويه ولاده ان شاءالله ويسر عليهن يارب..

جم سم لازم يكون عشان يقدر الطفل يطلع في الولاده الطبيعيه؟؟؟

والله صار لي يومين وانا اقرا في مواضيعكم :pain: وانا في بداية الثامن وخفت ...

بس في نفس الوقت متلهفة :cool2: ابا اربي بسرعة ... وادعي الله من الحين انه ولادتي تكون سهلة ...

واعتقد الرحم لازم يكون مفتوح 10 سم عشان الولادة

وانا بعد اسمع من 8 - 10

بخبركم عن تجربتي..

أنا كل خميس أسير بيت الوالده أتغدى وأقعد عندهم... ولكن يوم الاربعاء أبتدت النهايه
كانت الساعه 4 ونص الفجر .. والحامل لها من العاده كل ساعه تسير الحمام (عزكم الله) حتى الفليل لوووووووووول
فكنت صاحيه من النوم ورايحه الحمام (عزكم الله) وانا رايحه احس اني عملتها في نفسي وماي يمشي على ريولي... لما وصلت شفت السائل ابيض وغير يعني مش بول...................... مممممممممممممممممممممممممم وايد خفت وتميت متسمره مكاني في الحمام




افففففففففففففففففففف ارتجف لما اتذكر المهم

طرشت حق الوالده مسج قلت عسى وعلى تكون صاحيه حق الصلاه

حاولت ارد ارقد ما قدرت... الماي ما وقف , تميت افكر !!!!!!!!!!!!! قولوا شوه سويت ؟ لبست كوتكس لوووووووووووووول
لانه كان التسرب مستمر ... يمكن تم 3 ساعات .... والساعه 5 ونص الفجر بدأ الالم ....




وكلمت امي الساعه 6 الصبح قالت لي صحي زوجج الساعه 9 عشان نسير عند الدكتور زين (في دبي) ............ سبحان الله كان ماخذ اجازه كأنه حاس..

المهم مرينا على الوالده ورحنا ... كشفت عليه الدكتوره وانا باديه عندي التقلصات بس متباعده وعلى الخفيف ... قالت:انتي بكر؟قلت:هيه, قالت:مفتوحه النفس 2 سم فممكن تولدين بكره ولا بعد بكره وشربتني خروع

المهم رحت البيت عند الوالده وما كنت مرتاحه .. حاولت انام ما قدرت تميت طول الوقت أتألم وأمشي ..... تحملت لي المغرب وبعدين ودوني الطوارى مستشفى الوصل .. قالت مفتوح 3 سم .............ز وانا اصرخ واقول:كل هذا و 3سم الله يستر من الياي


المهم رجعت البيت ويا ريتني ما رجعت .. تميت امشي وكل ما تيني الويعه اوقف واتمسك في اي شيء .... واون وابكي مكاني

واااااااااااايد واااااااااااااايد كنت أتألم من ظهري

المهم تميت طول الليل على هذا الحال ولا اقدر انا ولا شيء ..... وامي ويايه

وتحملة لين وصلت حدي الساعه 6 الصبح وأتصلت حق زوجي قلت له خلاص ما اقدر دخيلك ودني المستشفى ...


ياني ركض وانا ابكي في السياره ودخلوني الطوارى وقالت السستر:مفتوح 4 سم بسرعه على غرفه الولاده

حطوني على الكرسي المتحرك وبعدين غرفه الولاده

المهم دخلت غرفه الولاده 8 الصبح وولدة الساعه 2ونص الظهر ((تم بحمد لله) لوووووووووووووول



الله يسهل على كل اللي على الطريج

انا سوولي طلق صناعي واليوم الخامس بدا معاي الطلق وطبعا انا ما ادري بس حسيت بعوار ونغزات في ظهري وريولي وماني عارفه انام ولا اقوم ولا امشي ولا اقعد يعني رحت فيها ولما ناديت الدكتور نقلني غرفه الولاده وانا كل هذا ما ادري شسالفه شوي وبدا عوار في بطني واحس بعوار مثل الدوره وكنت اتلوي من العوار واحس اني بحلم طبعا كنت اتمني يكون زوجي معاي يواسيني وطبعا من العوار ما كنت قادره ابكي ولا قادره اصرخ وبعداهم زادوا الطين بله عطوني كمام واحس لساني ثقيل ما ني قادره اصرخ بس من شفت البيبي نسيت العوار وكل شئ صارلي صار عندي مثل الحلم
واتمني زوجي يدخل معاي غرفه الولاده بس ما يرضي يقول لو شنو ما ادخل معاك اخاف ما اقدر استحمل بس صبركم علي ان ما دخلته وعظيته ذيك العظه:bigsmile:

اووووووووووووووووووووووووف كل هذا يستوي

انا سووا لي طلق صناعي وربطوني بأجهزة قياس الطلق ونبضات البيبي ، ويوم ابتدى الالم قعدت اتوسل لهم ان يفكون عني هالاجهزة لاني حسيتها مضايقتني واايد واحس ان هي اللي تسبب الالم .
وحسيت بعد بضيقة وحومة وقعدت اصيح شوي واصارخ شوي وانادي شوي وكل شوي اقول لهم بموووووووووت وقعدت اقول خلااااااص مستحيييييييييييل احمل مرة ثانية هي اول مرة واخر مرة ما في غيرها ،، ومن كثر الطلق لاعت جبدي وقعدت استفرغ مرتين وكنت كل احس تكرمون اني ابي اروح الحمام مع ان ما فيني شي لان الطلق صار كأنه مغص قووووي .
وكنت احاول اشغل نفسي بقراءة دعاء تسهيل الولادة اللي محطوط قدامي في غرفة المخاض واذا جتني الهبة اصررررررررررخ ، احس اني بطيت راسهم لاني اشتغلت عليهم من الظهر لليل ، وكل شوي ما يشوفوني الا طالعة ورايحة الحمام ولين رجعت الغرفة حسيت بألم اقعد اصرررخ مرة ثانية هههههههههههههه اذيتهم مساكين.
ومن كثر العذاب وقتها قعد اترجى الدكتورة انها تسويلي عملية قيصرية عشان ارتاح من الطلق لكنها ما رضت وقالت ما يصير .. ويوم دخلي زوجي قلت له يقولهم ابي عملية لكنه ما رضا وتم مسكين ماسك ايدي وكلما تجيني الهبة اصرررررخ وامسك ايده بقوة .. ومن كثر ما صارخت ما جا وقت الولادة الا ما فيني قوة اعصر حق يطلع البيبي وعقب الولادة حسيت خلااااااااااص ان جسمي متكسر وكأني طايحة من 10 طابق ودق علي نوم ولا سألت عن ولدي الا عقب ما ارتحت شوي ..

ذكرتونا بالذي مضى :dd:

بصراحة غرفة الولادة لا هي فليم رعب ولا شي ... هي غرفة حاله حال غيرها بس أنها مجهزة من كل أنواع الأجهزة لتسهيل الولادة... بنسبة لي كان لحد ما قبل الولادة بنصف ساعة مرتاحة وبالي متطمأن لأان كان زوجي معي في الغرفة ... بس لما جد الجد وصار الوقت الولادة ... بدء التعب علي وخصوصاً أن زوجي صار في الخارج بعيد عني ..... كلها على بعض نصف ساعة بكثير وزفرت ولدي وبعدها حسيت براحة شديدة بعد الألم الشديد ... وسعادة غامرة بعد مشاهدة ولدي ...

هذا الي حصل في غرفة الولادة ...