ما هو شعورك في غرفة الولادة؟!!!!!!!

يمنع مشاركة الرجال بركن الحمل و الولادة
و جميع الاقسام النسائية

الصراحة أنااا وايد خايفة

انا اللحين في الشهر الثالث بس كل تفكيري في الولادة، اتصدقون اول ما تزوجت كنت اتمنى الحمل واللحين خايفة وايد من الولادة
الله يعلم شو بيصير، من كثر ما اسمع عن الولادة احس اني بموت، حتى دوم اوصلي ريلي على البيبي المنتظر إذا صار فيني شيء وتزوج وحدة ثانية يخلي البيبي مع اهلي .

دانة

السلام عليكم ... :)

قصص بدايتها فعلا اتخوف بس نهايتها حلوة...:smile:

أنا متزوجة بس ما عندي أطفال.. يعني ما جربت ...

و بصراحة مرات لما أفكر بالحمل أخاف .. وأقول في نفسي ما أبي عيال.:confused:..

بس لما أسمع و أقرا مثل هالقصص والمواقف و الشعور اللي ينتاب كل وحدة بعد الولادة . أغير كلامي ...

الحين والله متشجعة .. و أبغي أحس بالمشاعر هذي ... :)..

الله يرزكم بالذرية الصالحة...... :)

تحياتي للجميع

سلاااااااام

لحظة الولادة مستحيل الوااااحد ينساهاااا لحظات


جميلة ورائعة وفي نفس الوقت مؤلمة .


أأأما بنسبة لي أأأأول ماأأأأدخل غرفة الولادة


ماأأأأقدر أأأأأفتح عيوني من النوم يجيني نوم فظيع


حتى الكل مستغرب مني :eek2::eek2:


بس لحظة الطلق والألم أأأنتبه حتى يروح الألم وأأأرجع


أأأأكمل نومي الدكتورة تقولي بنفتح الماي عشاااان تولدين


بسرعة وأأأأنا أأأأقول إإإإلها لالالا مش أأأأحين أأأأريد أأأنام


أأأأول مسكينة الدكتورة طولت باااالها علي .


الوالدة تقولي مش وقته النوم خلصينااااا وأأأأسلم أأأمري لله


لكن الحمدالله لله يسهل علي في الولادة .

موضوعكم رائع
في ولادتي الاولى ما كنت دارية بالموضوع وزي ما تقول الدكتورة اسوي وما طلعلي اي صوت وكانت الوالدة معي منذ اللحظات الاولىوتمت الولادة بيسر وسهولة والحمد لله ان زوجي المسكين كان معي طول الوقت وبعد خروج الطفل اصبت باغماء وما صحيت الا وزوجي بيناديني وبيحمد الله وكان الاغماء نتيجة هبوط في الضغط والحمد لله جاء ولي العهد على الفجر بعد معاناة 4ساعات فقط بس المسكين زوجي من الخوف 3ايام وما هو قادر ينام ومن يومها وهو يقول ان الولادة الثانية رايح يخليني عند باب المستشفى وبس ما هو داخل حتى المستشفى ومالو شغل فيني


وفي الولادة الثانية كنت معزومة على العشاء وبعد ما لبست وخلصت حسيت بالم بسيط فرحنا الى المستشفى الساعة 11مساء للاطمئنان فقط لان السائل حول الجنين قليل ولما كشفت الممرضة قالت ان الولادة الصباح فطلبت الخروج فنادو الدكتورة علشان تكتب الخروج وعبال ما وصلت الدكتورة زاد الالم وفجاءة تشنجت يديني وصرت اصرخ وانادي زوجي فدخل وصار يقراء القران على وحسيت اني انشليت ساعتها وهو خاف وصارو ينادو الدكتورة ووصلت الدكتورة بعد ثواني نزل البيبي على السرير في غرفة المخاض حضر زوجي الولادة كاملة وبعدين نقلت لغرفة الولادة من اجل الخياطة وبعد ذلك وصلت امي واهل زوجي واحلى ما في الموضوع ان الساعة1ليلا كنت في غرفتي وكان الكابوس منتهي وزوجي تنفس الصعداء والجميع صارو يضحكو على لاني كنت ناويه اروح العشاء بس ما لحقت:D2:D2:D2


انا اسفة على الاطاله بس لحظات فظيعة الله يسهلها على كل حامل ويقومها بالسلامة ويدوق الولادة لكل مشتهة الخلفة ويعوض كل من فقدت طفل امين

بس يا بنات بغيت اسأ لكم عن الولاده بدون الم فيه احد جربها وهل لها مضاعفات
يعني الولاده بالكمام

:pain:

طيووف

ذبحتيني من الضحك..
انا بكريه و خايفة بس بموقفك هذا هونتي علي

الله يرزقنا بالذرية الصالحه الحافظه للقران ...

وانا لسه ما جربت .. وانشالله الله يرزقنا من واسع فضله (a)

الله يرزقنا بالذرية الصالحه الحافظه للقران ...

وانا لسه ما جربت .. وانشالله الله يرزقنا من واسع فضله

السلام عليكم ورحمة الله وبركاته

اما انا لي تجربتين في الولادة

ابدأ بالاولى الحمدلله كانت الولادة الاولى سهلة ومتيسرة اذكر اني كنت ببيت اهل زوجي فحسيت بألم في ظهري واسفل البطن فقلت اكيد انا بولد عن الفضايح احسن اسير البيت فقلت لريلي خلينا نروح البيت فقال تو الناس قلت له احس اني تعبانه وابي انام قالت ام ريلي انت بتولدي اليوم قلت لها لا مافيني وجع قالت لي شكل بطنك يقول كذيه قلت لها ياريت اول ماوصلت البيت قلت لريلي لاتدخل خلينا نتمشى شوي قال انت ايش فيك اليوم قلت له يالله نمشي احس اني ارتاح لما امشي فمشينا مسافة لما احس الالم زاد اوقف وبعدين اكمل بعدين قلت له الحين نرد البيت قال لي شبعتي قلت له هيه خلينا نرد اول مارديت البيت سرت اتحمم وعقبها قلت له يالله تراني مافيني حيل انتظر اكثر قال شو بتولدي قلت له يمكن قال ليش ماقلتي لامي تيي وياك قلت له ماله لزمه المهم اني قلت له لاتتصل باي احد قال انزين اول ماوصلت على دخلوني غرفة الوالدة وكنت اتألم بس الحمدلله كنت قادرة اتحمله زوجي اتصل بامي وامه لين لما وصلوا عندي حصلوني ارضع البنت بس شكلي تعبان امي قالت لي ماصرختي قلت لها لا قالت حشى هذه ماهي بنتي الي اعرفها معقولة ماصرختي قلت لا بس شعور الامومه مافي اروع منها .اول ماخلصت مرضعة البنت شالتها امي واحضنتها وباستها وبعدين شالتها ام زوجي ونفس الشي بعدين قال زوجي خليها ترتاح البنت تعبانه قلت له الحين البنت تعبانه ولا انا بس احلى شي عندي لما شفت البيبي الظريف اني اول ماجابولي اياها مارضعتها على طول قمت افتش فيها مادري ليش

اما الثانيه فولدت قبل لا ادخل التاسع باسبوع بس طلعت عيني ورفست الممرضة رفسة اظنها ماراح تنساها طول عمرها لانها كانت دفشه معي وايد كانت تدخل ايدها فيني بقوه وانا في هذيك الحالة والا وارفسها بس بعدين سولي عملية قيصرية اول ماراح البنج مني اسأل الممرضة الي تراقبني ويش انا يبت قالت يبتي بنت مثل القمر قلت لها ابي اشوفها قالت لي ممنوع تقومي قلت لها بقوم ابي اشوفها المهم ساعدتني عشان اسير اشوفها حضنتها وبكيت وريلي لما شافني ابكي بكى معي قال لي خلاص انا دموعي خلصت من البكي

وهذه تجربتي واسفه على الاطالة بس ابي اقول لاي وحدة ماجربت الولادة مب اي ولادة متعبة يعني فيها تعب بس شوي ومب اي ولادة سهلة بس الوحدة تدعي ربها يسهل عليها

صراحه في غرفة الولاده تحسين انك اضعف خلق الله مسكينه مالك حيله كلا يكشف عليك وانتي :pain:
صراحه كنت احس نفسي ضعيفه ومستحيه بس مافكتت يد السستر من الخوف واقول لها ياسستر الحقيني انا ابغي اموت قالت كلكم زي كذا منتي ميته انشاء الله
بس بعد الولاده انشوف تكررينها والا لا قلت توبه اخر مره
وقبل ما ادخل علي الكشك بكريه ما اعرف شي قالتلي تبين كمام قلت لا
تصدقون يا بنات مع اول طلقه قعت اصيح واقول الكمام وينه جلسو يضحكون وقالو لسع بدري
اثري الكمام بعد خروج راس الطفل
وما شفت ولدي الا اليوم الثاني لانه كان تعبان وحطوه في الحضانه وانا كنت في حاله نفسيه يرثي لها مو علي نفسي علي ولدي حتي شفته يا حليله نسيت الالم كله

وانا بعد بقول تجربتي


انا كنت مسويه عمري قويه وشجاعه وكنت متحمله بس بصراحه الوجع والطلق اقوي مني بكثير وبصراحه ضاعت كل قوتي واصبحت ضعيفه ومكسوره الجناح


تدرون اي دشيت غرفه الولاده وانا اضحك واسولف ولا على بالي لانه ما كان فيني طلق ودشيتها الساعه 6 المغرب وكان رمضان

وحطوا لي طلق صناعي وتميت اربع ساعات وبعدين بدا الطلق مع اول طلقه كنت اتحمل واصبر واقوي نفسي لين ما زاد الطلق وما قدرت اتحمله ويوم يت الساعه 12 في الليل وفحصوا الرحم عندي لقوه 2 سم كنت بموت كل هذا العذاب والالم وبعده 2سم يعني لازم يوصل 10 وانا ما فيني شده خلاص كنت منهاره وضعيفه ومارقدت طول الليل والطلق ذابحني من دون فايده وفوق هذا عطوني طلق ثاني وياربي عليه كنت بموت واتريث اربع ساعات ثانيه وانا على وجهي الاكسجين وعقب هذا كله قالوا لازم تسوي عمليه لاني مافي فايده وانا كنت تعبانه حيل والماي نازل من قبل يومين وفي خطر على الطفل

وتخيلوا بعد عذاب الولاده الطبيعيه يسولي عمليه قيصريه وبعدها حسيت اني اولدت من جديد وحمدت ربي وشكرت فضله اني بعدني عايشه لاني صدق حسيت اني في سكرات الموت


وبعد ما شفت البنت راح التعب بس كنت اعاني من العمليه شويه


وطبعا الحين انا في الشهر التاسع وادعوا اقوم بالسلامه هالمره وانا بصراحه مايهني اذا كان عمليه بس المهم انه ما يعذبوني بالطبيعي وبعدين اخر شي يقولون عمليه المهم الله يسهل عليه وعلى كل الامهات يارب

الله يقومك بالسلامه

اسال الله ان يرزقني زوج تقي يخف الله فيني وان يرزقني الذرية الصالحه انه سميع قريب مجيب الدعاء

بييييي

خرعتووني ..عن جد خفت


روودي:الله يعوضك

بصراحه يوم اقرا هذي المواضيع يجيني حمااااااااااااااس غريب ... و ابي الشهور تطوف بسرعه علشان اولد

و اول ما اقرا قصه بنت من البنات اضحك و على نهايتها السعيده احس عيني تدمع والله و اتلهف للبيبي

و حتى خواتي يوم اشوفهم يتالمون من الطلق تجيني ضحكه و امسك نفس علشان ما يقولون لي شي

و يقولون من ضحك كثيرا بكى اخيرا ...شكلي يوم بيجيني الطلق ساعتها بس بعرف ان الله حق ...و ببطل ضحك:pain::eek2:

الله يتمم شهور الحمل على كل حامل على خير ان شاء الله...و يهون على كل حامل آلام الولاده ان شاء الله ... و يرزقنا كلنا بالذريه الصالحه ان شاء الله


انتظروا تجربتي بعد خمس ما ادري ست شهور على خير ان شاء الله------مضيعه الحبيبه ما تعرف في اي شهر صارت:cool2:


و ربي يرزق الجميع ان شاء الله

الله يقومك بالسلامه

الله يتمم للجميع بالسلامه .. أنا جربت الولاده بدون ألم وكانت الصراحه لعبه مب ولاده بالنسبه للولاده الطبيعيه ... يعني لالحين ماجربت الألم الحقيقي وبنتي الحين عمرها 11 شهر الله يحفظها ....:smile:

الفاااااااااااااااااال لي
والله يستر من الولادة
خايفة
:confused::confused::confused:
:cry: :cry: :cry: :cry: