الدمشقية;15391643:
يسعدلي مساكم يارب
يالله شو تعبانة حاسة جبال الدنيا على كتااافي تكسير جسم مو طبيعي حتى النوم ماعم ارتاح فيه
قولتكم هالشي سبب نقص فيتامين ب ولا شوووو تعبت كتير واعصاااابي باااايظة على الاخر .... ماعلينا
اهلين شامية الله يعينك انتي التانية على رضاعة ابنك برمضان بس شو بجك تعملي كلله باجره ان شالله
صحيح طمنيني ان شالله ماصار عليكم شي بهاليومين اللي مروا ؟ سمعت ان المظاهرات كانت عنكم بحرستا ؟؟ الله يحميكم والله قلبي عندكم
هلأ برجع لسالم الله يحفظه انا مابدي شائمك بس مااعتقد ابدا ياخد الرضاعة بعد هالعمر انا ولادي جننوني ومااتعودوا عليها ابدا وهنن بيبي ولا هنن كبار شوي فاعتقد سالم هيك بس انتي جربي مابتخسري
انا برايي انك تعوديه على الكاسة فيه عندك كاسات اطفال من تشيكو كتير حلوة والطفل لو شو ماعفس فيها مابتطلع الحليب لبرا وينكب على الارض ...هي عوديه عليها من هلأ لبعد العيد وقت دوامك بيكون كتير تمام وعال ان شالله وكمان وقت الدوام تبعك بتكوني انتي مرضعتيه الصبح واثناء الدوام امك بتعمله وجبة اكل سيريلاك او اي وجبة اكل تانية وهي لحالها بتغني لوقت جيتك من المدرسة يعني ان شالله الامور بسيطة لا تقلقي والحليب الصناعي دخليه عليه بكميات بسيطة تدريجيا لبين ماتتعود عليه معدته
أهلين دمشقية سلامتك ماعلى قلبك شر وتعبك ممكن يكون نقص فيتامين أنا ماعاد قطعت الفيتامينات والا ما بيصير الي حيل ساوي غرض والله
وبالنسبة للمشاكل ياستي تعودنا على ضرب الرصاص وكل خميس وجمعة وأحيانا السبت كمان قطع التلفواات والجوالات والانترنت وحظر تجول تخيلي من فترة غلطنا وطلعنا الخميس عالسوق هون بحرستا نشتري خضرة بعد العشا والله لا يورجيكي ضرب الرصاص والطريق انقطع فجأة والله رجعت عم أبكي مو خوف بس من امتى كانت بلدنا مافيها أمان هيك من يوم يومنا بالصيف كل حياتنا بالليل شو يلي اتغير والله كل العالم خايفة من المشاكل برمضان الله يفرج يارب
ومنشان سالم أنا رح جرب برمضان وقت يلي بيضوج بدو ينام ومتعود ياخد صدري بركة بجربلو الرضاعة واذا ما مشي الحال بدبر حالي بالعصاير والأعشاب متل ما نصحتني كاتي
روح عامر;15392726:
مراحب حلوات كيفكون
صح حكيكون ما فيني اعمل ريجيم ابدا لانو مابدي احرم بنتي من الرضاعة الطبيعية
انا بحب الرياضة كتير بس صار لازمني جهاز رياضة لانو انا قاعدة بغرفة بس يعني حركتي كتير قليلة وما فيني اطلع امشي برا من دون جوزي ان شاء الله بس اخلص الاربعين رح جيب جهاز وشو رأيكون بالرقص هالشي بيخفف وزن ولا لأ مين عندا تجربة بالرقص وضعفت عليها منيح
وبالنسبة للتعب والخمول والاحساس بالكسل ما ألكون غير التمر
انا كل يوم الصبح باكول تمر عنجد بيعطيني نشاط كتير من وقت ما جيت عالامارات والتمر ما بينقطع من بيتنا جربو وشوفو
حتى لوجع الراس رائع
روح عامر الرقص نوع من أنواع الرياضة وأكيد بيضعف ومعك حق بالنسبة للتمر بس عتبك عاللي بيداوم عليه
سورية وبفتخر;15395526:
جمعة مباااااااااااااااااااركة عالجميع يارب
شامية نحنا عنا درجة الحرارة فوق الاربعين والله المكيفات شغالة 24ساعة الله يجيرنا من نار جهنم يارب
وبلشت بفطامة هدى الي يومين وهاد اليوم التالت بس والله مغلبتني مو حابة الحليب ابدا ولاعم ترضى تحط الكاسة بتمها حتى جربت حطلها بسكوت بالحليب وطعميها كمان ماحبته وعم تبكي والله خصوصا لما بدها تنام والحمدلله عم تاكل موز و اكلت حلاوة بالسميد حبتها وعملتلها شوربة شوفان كمان حبتها وطبعا انا صدري محجر عالاخر وكله كتل وعم يوجعني كتير
واولادي ماحدا منهم قبل الرضاعة ولاحب السيريلاك ولا الحليب المخصص للاطفال عشان هيك تاعبيني
وبالنسبة لسالم متل ماقالت الدمشقية رضعيه قبل ماتروحي عالمدرسة منيح ودخليله السيريلاك ان شاء الله مابتتغلبي فيه
اي والله الله يفرج وخصوصي أنو الحر عنكم مو عادي معو دبق ما بنسى لما كنت بعدن الجو وبالنسبة للفطام اي ما قصرتي ولوجع صدرك علكي بالمي السخنة كتي على صدرك مي سخنة أكتر درجة سخونة بتتحمليها بترتاحي كتير كتير و الله معك حق تتعبي اذا بنتك ما أخدت شي بس بكرا ممكن تضطر أنا بتذكر أختي لما ماما فطمتها بعد بفترة شي جمعة صارت تاخد نيدو لأنو ينشف قلبها اضطرت
CATS_ANGEL;15399620:يسعدلي الناس الخبرة يا رب وما انحرم من هالنصائح :adore:
انا جربت الصيام بالحمل كنت بالشهر السادس و اموري كانت تمام الحمد لله لانو كنت اكل من الفطور للسحور :D و كمان و انا عم رضع كنت اشرب قمر الدين اكيد بتعرفي حكولي انو كتير مفيد بالصيام و اكيد ما بدك حد يحكيلك عن التمر مع اني ما بحبو كتير كنت اجي على حالي و اكل 3 حبات على السحور :confused: حتى كاسات المي كنت اعدهم لحتى اشرب على الاقل 7 كاسات و الحمد لله ما افطرت و لا يوم و يا رب يكون هيدا رمضان نفس الشي خفيف علينا و عليكي يا رب و ما تنسي سالم من العصير ليمون او برتقال بساعد انو ما ينقصو سوائل و بنفس الوقت بخفف عليكي شوي او اعشاب و اكيد كلو كميات قليلة:thumbs_up:
دكتوري حاليا ما وصفلي غير حبوب الامومة اما الحديد لحالو حكالي انو تقيل على الجسم و بستهلك من طاقة الجسم ليتخلص من كميات الحديد الزيادة لهيك اكتفينا بالكمية الموجودة بحبوب الامومة بس هالفترة عم حس بوجع بالعضام يمكن لاني ما شربت حليب كتير بفترة حملي و لا اكلت بيض متل حملي بتالا لانو وحامي هيك اجى :( لازمني فحص كلس لاطمن و يمكن احتاج لحبوب كلس زيادة :(
معك حق بس هالسنة الصيام مع الحمل غير لأنو حر بتالا يمكن الحرارة كانت أخف ومعك حق السوائل كتير مهمة للشخص العادي كيف الحامل ورح آخد بنصايحك تبع العصاير معك حق ممكن تغني وبتبل قلب الطفل
