لمتنا السورية اهلا وسهلا فيكم لشهر شعبان 1432

مرحبا بنوتات
والله ماعم افضى اعذروني والحمد لله صدر البدلة خلص وطلع نفس الصورة على قياسي يعني مزبوط بس مارضي يعملي الظهر شفاف قال مو حلو ومابيزبط

بقى بس الظهر ماعجبني سادة مافيه شي مابعرف رح نزل صورته شوي تانية

يسعدلي مساكم جميع يابنات كيفكم دمشقية اي دخيلك دخيل الحيا تبعك ياستي تسلم ايدين أختك ماشالله عنها بتاع كلو لذيذة طقطوقتك أنت وسوريا تلبسيها بالهنا بس والله مو خوفي عليك خوفي على سوريا هالطقطوقة تطق السبع قفول تبعها بقى خليها تدير بالها أكتر وأكتر وأنا شخصيا رأيي من رأي لولية تبعت زوجها لعندك أضمن

هنودة الله ييسرلك يارب وبانتظار الصورة أكيد

اهلين هنووودة الله يقويكي واكيد عازرينك
والحمد لله اللي طلع الصدر متل مابدك واحلى ان شالله البدلة كلها تكون بتجنن وتعجبك

***********

اهلين شامية لك الله يخليلي ياكي يارب وشايفة الحيا عم ينقط خخخخخ

قلتيلي عجبتك اي الحمد لله وياستي والله صرتوا تخوفوني من سورية ههههه يحرء حريشها كل شي معها بصير مابستبعد شي هههههه

الله يسترني منها مو باينة اليوم

دمشقية حبيبة قلبي كيفك والله يسلملي هالايدين يارب على تصغير الصور مو انتي اختي يلي اكبر مني اتحملي :rolleyes:
بعدين اذا بترضي جوزي يقعد عندكم ماعندي مشكلة خديه لأني زعلانة منه هلأ ماعم حاكيه خخخخخخخخخخ

اهلين هنودة يارب يتمملك امورك متل مابتحبي واكتر واكيد مستنيين الصور ;)

اهلين شامية والله يسلم قلبك يارب حلوة هالطقطوقة مو لسى عاللبس احلى خخخخخخخخخ بس اطمني هي الطقطوقة مابتفتح طقات
بعدين حاجة تقروا عليي كلياتكم يعني اذا بكرة طلعت حامل بيكون منكم ايواااااااااااااااااا انا مادخلني :rolleyes:

هي صورة الاصلي بس تبعي لسا مانحطت الدانتيلة يلي تحته



وهي صورة الصدر تبع بدلتي وانا لابسته




شو رايكم كيف بدي حط الشك عليه


وكنت بدي ورجيكم الظهر بس ماعم تنبعت الصورة على الكمبيوتر بس لسا ماحط الفراشة بس مو عاجبني لانو سادة ابيض وشكل السياخ مبين يعني متل الكورسيهات

شامية للعظم;15372764:
يسعدلي صباحكم
وأخيرا كاتي طلت علينا أهلا وسهلا وما شالله صرتي بالسادس الله يعينك ويقويك على رمضان يارب ويتمملك على خير والله ياكاتي في ناس بتضل بتتوحم لآخر الحمل وهي بصراحة مشكلة كانت جارتي لما كنت بعدن بالتاسع وعم تتوحم وأختي بابنها التالت هيك بس لاء ان شالله ما تكوني هيك أنت

لولية الله يعينك ليش بالسهل الواحد بيثق بشغالة تعيش معو بالبيت خبرينا ماعم تطلعي على حمص هالأيام وشو أخبار أهلك هونيك ان شالله بخير

دمشقية عم نستنى طقطوقتك أنت وسوريا حتعمليلي خجل وما خجل هالنسوان عم تعرض شغلات بستحي البسها خخخخخخخخخخخ بقى عادي قد ماكنت مشخلعة مو قد يلي عم نشوفو عالمنتديات

ياجماعة قرب رمضان ان شالله كل عام وانتو بخير عم أعمل قائمة بالطبخات والمقبلات منشان ما أحتار هههههه صرنا بسوريا وهلق عنا عزايم وواجبات اجتماعية وحنحس بجو رمضان مع الأهل عالمظبوط بس مع هالشوبات الله بيعين

سورية وبفتخر;15373632:
مية الف اهلين وسهلين بصمصومة قلبي كاتس خانم والله وحشتينا كيف البيبي عم يتحرك وكيف تالا العسل والله انا بخير واطافيلي مجننين امهم كالعادة اما هدى خانم فهيه مجنننة الكل بحركاتها ورقصاتها كل ماتسمع موسيقى ولاغنية بترقص حتى وهيه عم ترضع وبتحب تساعدني لما بحط الاكل بتقاتل وبتصرخ حتى اعطيها السفرة وتروح تعطيها لأبوها ههههههههه
الله يعيني على فطامتها يارب
وانتي الله يعينك على هالوحام الصعب يالله اجرك عند رب العالمين وان شاء الله بتقوميلنا بالسلامة يارب

اهلين ام سالم تؤبشي قلبي لاينطف قلبك ولاشي شوي وبحط الصور لفأني لسى مانزلتهم وترى هنن مو مشخلعين كتير بس هي دمشقية الله يهديها بتستحي من خيالها خخخخخخخ
وان شاء الله انتي وكل البنات بألف خير ورمضان كريم عالكل والحق معك والله لازم من هلأ تجهزلي الليستا واكيد مافي احلا من لمة الاهل والعيلة وخصوصا برمضان الله يهنيك يارب وبوسة كبيرة لسالم

الدمشقية;15373707:
يامية اهلا وسهلا بالغالية على قلوبنا انتي بتعرفي غلاوتك عنا عشان هيك عم تتقلي علينا ما8o| يالله بس مو مشكلة عازرينك نحن المهم ماتحرمينا هالطلة اماااانه ها :cool:

ولااااااا ماحزرتي الراية راح تبقى معك يعني لا تحرمينا الافتتاحية كمان :(

ومن هلأ لتولدي وقتها باخد الراية عنك :hysterical:

اي والله الاسماء بتجنن ودخيلك بنت ولا ولد المهم الخلقة التامة والله يخليلك عبد الرحمن يااارب :adore::D

خليني افكر وامخمخ وبجبلك اسماء حلوة تعي لقلك اسماء ولاد اخواتي ههههه
محمد وانس وعبد الغني وعمر ونور الدين وعبد الله
ومن اسماء العايلة الكريمة عندك مهند ومؤيد . جواد . غيث . ماهر .. .... الخ :|
وخلص من عيوني بصورلك الاكلات وبنزلك ياها ههههه والله يعينك على هالحمل ويتتم على خير يارب
المهم انو مافي وجع وكل شي منتحمله الله يقويكي يارب

والله يسلمك ويخليلي ياكي خلص نزلوا سورية من اسبوعين الله ييسرلهم والله اعلم من الضيوف الجايين حاليا :confused:

ويارب يسمع منك تتحسن الامور وترجع سوريا متل اول واحسن .... ان شالله ماصار عليكم شي سمعت عندكم مظاهرات بعمان .... الله يستر يارب:confused:




اها معناها انتي الدلووووعة ههههه ياستي سبحان الله كل طفل واله وحام وحمل بيختلف عن التاني فالله يقويكي ياااارب

واحكي تؤبشيني مسامحة دنيا واخرة وهي الصور هههههه

لولية;15373776:

مسا الخير يا حلوات كيفكن يا أمامير
شامية حبيبتي والله ناطف قلبي على نزلة حمص بس ما حدا عم يخليني زبالنسبة لأهلي فكلهن موجودين بالرياض وطبعا ما نازليين هالسنة الله يفرجها
لك مية أهلا وسهلا بكاتس ايه والله الله لا يحرمنا هالطلة يا رب ويا عمري ليكي اتدللي واتدلعي أد مافيكي إذا بتقدري وان شاء الله تقومي بالسلامة يا رب
سورية حبيبتي ما بعرف والله إذا الإجراءات اللي عم تعملوها بتكفي أنا من رأيي زيادة احتياط خلي ابن عمك يروح ينام ببيت دمشقية هيك أفضل وضمان أكتر

حبيبتي هند الف مبروك كتير عم انبسطلك و انتي عم تجهزي الله يتمملك على خير اما بخصوص الشك اعمليها متل الصورة الاصلية كتير حلوة وناعمة الله يهنيكي على طول يا رب

اهلين هنودة بسم الله ماشاء الله كتير الموديل يلي مختارتيه حلو وراقي اما بالنسبة للشك انا والله مابفهم كتير بهالشغلات بس شك الموديل نفسه كتير حلو وان شاء الله تتهني


كاتس الله يسعدلي ياك الشات منور فيكم كلكم
واكيد البيبي رح يطلع لأمه نعوم وهادي ;) ربي يتمملك عالخير يارب
وشايفة هالبنات شو مرضيين مافي منهم بكرة بس ليصيروا بيطيروا :lol:هدى خانم صار عمرها سنة وشهر وهالكتني بالرضاعة كل شوي بدها ترضع جبتلها حليب نيدوبلاس ماحبته وجبتلها كاسة عشان تتعود عليها والله طفشتني ومبارح حطيت لصق لونه اصفر على صدري وصارت تتطلع بصدري وتبكي بقهر خليتها شي ساعة وشوي بعدين حرقتلي قلبي ورحت رضعتها :(
ماشاء الله عنها تالا حاولي تضل هالعلاقة بينك وبينها بعد جية البيبي بالسلامة

كاتس وانتي ربي يخليلك اخواتك يارب شايفة البنات كيف عم يقروا عليي بالحمل وبالنسبة الي والله انا ماعاد فيني حيل يادوب عم اركض وراهم بسم الله عليهم بعدين انا هلأ بدي افطم هدى لأني كتير نحفانة وبدي اسمن وانتي ربي يخليلك تالا وتشوفي البيبي بصحة وعافية يارب

دمشقية حبيبتي وينك اليوم طلي علينا
شامية شو سالم شاغلك عنا الله يحميه يارب طلي علينا عشان مانسجلكم غياب

اهلين سورية حبيبة قلبي مبارح كنت مشغووولة وماصحلي وقت ادخل النت
قليلي انتي ليش مقفلة جوالك هلكت وانا اتصل عليكي مالت عليكي وعلى جوالك خخخخخخ

&&&&&&

هنودة ماشالله كتير حلو التصميم والخياطة تتهني يااارب ان شالله يكمل ويصير متل احلى من اللي ببالك

CATS_ANGEL;15380867:

حبيبة قلبي انا ما بقدر على غيابكن و صحيح ما بقدر افتح كل يوم بس بضل بالي عندكن و بحب اطمن على اخر اخباركن اول باول و اليوم دخلت خصوصي لشوف الصور :lol:

مخمخي كمان هيدول ما عجبني منهم الا جواد و ماهر و التنين ما في مجال سميهن لانو جواد صاحب جوزي مسميه و ماهر اسم مقرب كتير بالعيلة :adore: مع هيك ما بقدر سميه :-#

وين الاكلات لهلأ ما شفت شي :mad: و اعطوني وصفات بكميات كبيرة من البسكويت عندي بكيت
كبير ما عم اعرف شو اعمل فيه :!!:
الف الحمد لله على سلامة اهلك يا رب و ان شاء الله بكونو ضيوفك الجايين من يلي بحبهن قلبك و تتهني فيهن يا رب :thumbs_up:

مظاهرات بعمان :!!: ما بعرف ما سمعت شي لاني مش صحبة كتير انا و الاخبار حتى اخبارنا :lol:

قلتيلي انا الدلوعة :( ان شاء الله ترجع دكتورتك ( بتتزكريها و لا نسيتي :mad: ) و اشوفك حامل عن قريب يا رب و اشوف مين الدلوع :cool:

لا شو احكي ما شاء الله كتير حلوة الطقطوقة شفت متلها بالسوق و صدقيني متل هيك قطعة غالية كتير عنا ( مو انتي :lol: ) بس كأنو انتي و سورية حجمكن نفسو :-#

حياااتي انتي الله لا يحرمنا طلتك وتقومي بالسلامة وترجعيلنا كاتي القديمة النشيطة:D
ممممممم والله ماعم يجي ببالي اسماء صبيان كتير كلهم تقليدين

خدي هالكم اسم .... ورد .. معتصم ... مؤمن .. عمران ... مياس ... :confused: وغدا نلتقي باسماء جديدة :cool:

وتسلميلي يارب ربي يسلمك ويخليلك اهلك واحبابك يارب

شوفي بالبسكوت اعملي الحلا اللي قلتيلنا ياه مره تبع الطبقات كتير طيب
وبدك شي اسهل خدي طريقة الليزي كيك دائما بعملها

سيحي اصبع زبدة وضيفي عليه علبة نسلة كبيرة وملعقة صغيرة كاكاو وحركيهم عالسريع وطفي النار

بتكوني مكسرة على جنب باكيتين بسكويت قطع صغيرة كتير وبضيفيهم على الزبدة والحليب النسلة وحركيهم منيح بعدين مديهم على القصدير ولفيهم متل الرول وحطيهم بالفريزر

وكل مابدك بطلعي لفة وبتقسميها وبتاكلوها بالهنا والعافية

وعندك حلا بيجنننننننن سورية تقبر قلبي بتعمللنا ياه بييييجنن خدي طريقته

اطحني علبتين بسكويت ناااااعم وضيفي عليهم 3 ملاعق حليب بودرة وثلاث ارباع الكاس سكر مطحون وملعقة كاكاو بودرة .... كلهم مع بعض تخلطيهم

وكمان سيحي اصبع زبدة وضيفي عليه علبة قشطة وحطيهم فوق الخلطة السابقة تبعت البسكويت بتصير معك متل العجينة اعجنيها منيح ومديها على قصدير او نايلون ولفيها رووول
وبالفريزر ولما التقديم طلعيها وقطعيها وبالعافية

ممكن ماتضيفي الكاكاو وتخليهم قسمين بالعجينة وحدة بالكاكاو ووحدة سادة وتفردي العجينتين فوق بعض وتلفيهم مع بعض متل مابتعمل سورية بتطلعلك رولادت بتجنن لونين والطعم تحفة :thumbs_up:

دكتورتي اااااه اتزكرتها هي المصرية صح:rolleyes::rolleyes: ههههه
احزري شو ياستي اجت من الاجازة وان شالله رايحة بكرا لعندها قولي امين هههههههه

واتدلعي يلبقلك والله والله يتمم بالخير ياقمر

اي والله هدول اللي عملتهم اختي غاليين بالسوق بس مع انو شغلهم جدا بسيط وسلس
لو كنت قريبة كنت خليتها تعملك واحد والله F:

اي حجمنا انا وسورية نفس الشي تقريبا انا ازود منها ب5 كيلو مو اكتر

صباح الخيرات يا بنات كيفكم F:
هنودة كتير طالع الصدر وعالشك بيطلع أحلى أكيد بس كيف بدك تشكيه الأساسي حلو والشك يلي كنتي حاططتيه على فستان أليسا كمان حلو كتير أنت شوفي الأنسب

كاتي معك حق ان شالله الله يهون علينا رمضان والله وأنا كمان هكلانة همو مع الرضاعة والشوب وبالنسبة للأكل عادي أنا ما حبيت اللحمة بحملي بس أهم شي تعوضي بأنواع بروتين و حديد تانية حليب جبنة قريشة بيض ملوخية سبانغ كل الخضار يلي ورقتهم خضرا أغنياء بالحديد ولا تنسي الفيتامينات خديهم بانتظام عالسحور فيكي تاخدي كورن فليكس بالقمح الكامل مع فنجان حليب يشبع لفترة طويلة كتير وبيعطي طاقة وخدي حبة فيتامين الأمومة عالسحور وحبة الحديد عالفطور

خلصت النصائح على أساس أنا خبرة;)

الدمشقية;15377868:
اهلين هنووودة الله يقويكي واكيد عازرينك
والحمد لله اللي طلع الصدر متل مابدك واحلى ان شالله البدلة كلها تكون بتجنن وتعجبك

***********

اهلين شامية لك الله يخليلي ياكي يارب وشايفة الحيا عم ينقط خخخخخ

قلتيلي عجبتك اي الحمد لله وياستي والله صرتوا تخوفوني من سورية ههههه يحرء حريشها كل شي معها بصير مابستبعد شي هههههه

الله يسترني منها مو باينة اليوم

اي والله دمشقية كتير لذيذة ما شالله عنها أختك أنا بحب الشغل اليدوي

سورية وبفتخر;15378009:
اهلين شامية والله يسلم قلبك يارب حلوة هالطقطوقة مو لسى عاللبس احلى خخخخخخخخخ بس اطمني هي الطقطوقة مابتفتح طقات
بعدين حاجة تقروا عليي كلياتكم يعني اذا بكرة طلعت حامل بيكون منكم ايواااااااااااااااااا انا مادخلني :rolleyes:

ما أنا منشان هيك عم قلك ديري بالك ما تفتح طقات هالطقطوقة لأنو عالأغلب بتكون حلوة عاللبس

سورية وبفتخر;15381359:
اهلين هنودة بسم الله ماشاء الله كتير الموديل يلي مختارتيه حلو وراقي اما بالنسبة للشك انا والله مابفهم كتير بهالشغلات بس شك الموديل نفسه كتير حلو وان شاء الله تتهني


كاتس الله يسعدلي ياك الشات منور فيكم كلكم
واكيد البيبي رح يطلع لأمه نعوم وهادي ;) ربي يتمملك عالخير يارب
وشايفة هالبنات شو مرضيين مافي منهم بكرة بس ليصيروا بيطيروا :lol:هدى خانم صار عمرها سنة وشهر وهالكتني بالرضاعة كل شوي بدها ترضع جبتلها حليب نيدوبلاس ماحبته وجبتلها كاسة عشان تتعود عليها والله طفشتني ومبارح حطيت لصق لونه اصفر على صدري وصارت تتطلع بصدري وتبكي بقهر خليتها شي ساعة وشوي بعدين حرقتلي قلبي ورحت رضعتها :(
ماشاء الله عنها تالا حاولي تضل هالعلاقة بينك وبينها بعد جية البيبي بالسلامة

الله يخليلك ياهن يارب خبريني بدك تفطميها لهدى قبل رمضان لأنو والله ماما بتقللي عالشوب شوي صعب عالولد بتقلي ماما أحسن شي الفطام بأربعينية الشتا ما بينشف قلبو الولد كتير

سورية وبفتخر;15381379:
دمشقية حبيبتي وينك اليوم طلي علينا
شامية شو سالم شاغلك عنا الله يحميه يارب طلي علينا عشان مانسجلكم غياب

والله أوقات شغل البيت يلي بيشغلني وأوقات بيكون مالي نفس أفتح النت يعني كسل

مرحبا ياحلوات اشتقت للكل والله كنت حاسة حالي ضايعة من دون ما ادخل عالشات شو اخبار الكل ان شاء الله بخير
انا صرت احسن الحمد لله بنوتي عم تنسيني كل وجعي
سلامي للجميع ولكل يلي سأل علي
هلا حابة ارجع متل ماكنت بوزني لانو صار وزني بالحمل 80 كيلو وكنت 55
وهلا بدي اضعف وما اعرف شو اعمل لاني عم رضع وعم جوع كتير واكول اكتر شو الحل قولولي