لمتنا السورية اهلا وسهلا فيكم لشهر شعبان 1432

الدمشقية;15306068:
تؤبشي قلبي والله انا اللي بنبسط لما اشفلك رد F: ماننحرم هالطلة يااحلى طشطنة :063::)

هههههه قلتيلي بتلاقي مين يشد شعرك خخخخخ
ياستي ربك بعين ومابتحسي ان شالله مابتلاقي غير البيبي صار عم يمشي الله يقويكي يارب
والحمد لله اختي اليوم الصبح ولدت وجابت صبي عقبال عندك ياااارب
شو مشتهية شوفه بمووت بالصبيان انا بس لما يكبرو بيتزانخوا :lol:

ياعمري على تالا والله زعلتيني عليها سلامة قلبها دائما انتبهي على دانها ونشفيلها ياهم بعد الحمام منيح ... والله وجع الادان صعب كتير ومنيح اللي السخونة طفشت وطلعت برا
سلامة قلبها يارب

ويؤبشني البيبي الجديد يارب تشوفيه هو وانتي بخير وعافية
ماشالله هيك مجهزة كتير اشيا من هنا وهناك يعني باقيلك اللمم هههههه ... ان شالله بيتهنى فيهم الحلو او الحلوة F:
وبالعكس حلو التوفير ليش لاء وخاصة اذا المشتريات كتيرة على قولتك بقى الواحد بيتحمل مشاق الطريق ههههه وانتي معك سيارة يعني مالك عذر
صحيح بخصوص السياحة هالسنة تعيسة على الكل الله يفرجها على الجميع يارب والله يسمع منك ترجع سوريا متل اول واحسن
نحنا ناويين ننزل على الشتا اذا ربي اراد فالله يسهل الامور يارب
اهلي بعدهم عندي سفرهم على الاسبوع الجاي يعني منروح اسواق ومولات وبحر بس على خفيف لان الجو تعيس وسورية بتسلم عليكي وعلى الجميع وماعندها كمبيوتر حاليا بسبب زوجها الفاضل هههههه

ولاء مارحت عند الدكتورة مو قلتلك انها باجازة 8o| خليها المسكينة تتهنى ولاحقين نقيم البتاع :D:cool:

الف الف مبروووووووووووك لاختك يتربى بعزكم يا رب و ان شاء الله بتشوفيه على خير بس ما قلتيلنا شو سمتو بالنسبة الي نزل اسم جديد على الساحة يلي هو اسم يزن بس لسى جوزي ما عم يعطي رأي و انا مرة حكيت بدي سمي ضياء ما بعرف كيف تالا مسكت بالاسم ههههههههههه

اذا نازلة يالشتوية على سوريا ما بقبل الا تيجي تباركيلي بهدية كبيرة هههههههههههههه اكيد يلي هي شوفتك لانو ولادتي ان شاء الله بتيجي باول شهر 11 يعني تقريبا باجازة عيد الاضحى على خير

ما شاء الله اذا اهلك بعدهن عندك اذا متسليين كتير وما حدا قدكن ان شاء الله انبساطكن على خير يا رب و تبقو مجتمعين متل هيك جمعات ما قلتيلي شو اخر سيرة الحب عندك هالايام لانو انا سيرة الحب عندي شوي و بتتلاشى لاني ما عم طيق الطبخ و لا ريحتو و لا اكلو وقضيتها على الاكل الجاهز و يكون سندويشات و على النواشف و لو يصحلي ما اكل ما بقصر كمان بدي شي اكلات هيك سهلة و بنفس الوقت زاكية اتشجع اعملها و اكلها اليوم عاملة كبدة و قلاية بندورة و رز بلحمة مفرومة ما بعرف كيف طلع معي هالتجمع بس على الاغلب رح اكل قلاية البندورة و الكبدة لجوزي و الرز مع لبن لتالا ههههههههههه

هند الحمد لله امورك عم تمشي بصورة حلوة و ممتازة يلا شدي همتك و بلا هالتشائم افرحي بهالفترة بلا ما تندمي عليها بعدين
اما قصة امك و خطيبك يلي حكتيتها فيهي كتير عادية يعني بتبقى امو مو معقول يحكيلها لا ما بدي قدام الموجودين و قدامك ما بتسوى تحكيلو انها مو راضية عنو مثلا ردة فعل خطيبك صحيحة و بعدين بينك و بينو اتناقشو و اكيد بحبك وما حيعمل الا يلي بيرضيكي بس اتفاهمو بالرواق و بالدلع يعني حركات بنات هههههههههههههههه
اما قصة التل الفوشي قرأت بالردود يلي قبل و باخر رد الك بصراحة بصراحة ما بشجعك عليها لانو ما شاء الله صالتك كتير فخمة بالوانها و تصميمها يعني بلاه التعجيق و انتي عندك شغل بكفيكي و بزيد لحتى تزيدي على حالك شغل بالصالة وما بتعرفي التطبيق على الواقع شو بيطلع ما هيك
بدك رأيي فكري بامور خلال الحفلة طبعا غير الاغاني يلي رح تتفقي مع الصالة عليها و اهتمي بتسريحتك و مكياجك و البدلة و اختاري الصالون و ااتأكدي من اكتر من صالون لحتى تلاقي يلي بعجبك و المسكة يلي رح تحمليها و بنصحك تكون كلها طبيعي يعني ما يدخل فيها اي نوع ورد صناعي يعني انتي حتكوني محط الانظار مو الصالة صحيح كل شي مع بعضو بس انتي يلي رح تكوني الاهم بالعرس و اذا تزكرت اشياء رح اكتبلك اياها و بالاخير اي شي بتوفريه بتستفيدو منو في البيت او بشهر العسل و لا تنسي تتأكدي من الاستديو يلي رح يصوروكي بالعرس ان كان فيديو او فوتغراف لانو ما رح يبقى من العرس الا هالزكرى و لازم تتأكدي انهن يكونو محترفين و مو غلط تشوفي شغلهن قبل

يسعدلي اوقاتكم يارب وشعبان مبارك عليكم والله يبلغكم رمضان وانتو بالف خير وعافية

كاتي حبيبة قلبي ماننحرم هالطلة وتبقي دائما منورتينا وتفتتحيلنا الاجزاء

وتسلميلي يارب الله يبارك فيكي وعقبال عندك يارب بخير وسلامة كتيييييييييير حلو اسم ضياء ويزن كمان بيجنن
اسماء نعومة وحلوة ... اختي سمت ابنها عبد الرحمن يقيوا 3 ايام حتى اعتمدوا على الاسم وخاصة انهم ابدا مو مفكرين انه ولد
كل حساباتهم وامنياتهم انها بنوتة خخخخخ بس انا بشرتها بالصبي من قبل لا تولد مو بشي بس لاني بحب الصبيان هههههه

لك تؤبشي قلبي والله شرف كبير الي اني انزل واشوفك ويارب اني انزل على سوريا بالشتا وصدقيني اذا ربي كتبلي لمر عليكي
او حتى اتصل والك احلى هدية لك كم كاتي عنا نحنا ... هي وحدة والله يخليلنا ياها يااارب

ياستي اهلي فيزتهم 29 يوم بالضبط وبابا كمل 22 وبعد هيك حن قلبو ونزلوا يوم الجمعة على سوريا ووصلوا بالسلامة
اتسلينا فيهم وغيرنا جو بس والله بيني وبينك تعبت شوي يعني ركض ركض بدنا نبيض وجه وان شالله اكون قدرت

لازززم تغصبي حالك على الاكل سلطة فاكهة اكلة خفيفة اكلة دسمة المهم تاكلي حتى يبقى فيكي قوة للطلق والذي منه
وهنا وعوافي على الاكلات شطورة
والله انا اليوم عملت بزيلا برز وجنبها سلطة وسلطة لبن ومبارح كانت فاصوليا بزيت وقليت بطاطا وهوت دوغ على جنب وسلطة
واللي قبله كان صفيحة شامية على كيفك من مطعم شامي كتير طيب (( مين يشهد للعروسة خخخخخ ))

اممم واللي قبله عملت شوربة عدس وشرحات مطفاية بالليمون والتوم
هذا الموجز ههههه اذا بدك بلخصلك اكتر ههههههههههه

وينها زهورة والله اشتقنالها كتييييييييير سلميلنا عليها وان شالله تطل علينا وماتحرمنا منها

صحيح كاتس بخصوص النزلة على سوريا
سمعنا من ناس وحتى بابا سمعهم على الحدود بيحكو ان الاردني والسعودي والكويتي ممنوع يدخل سوريا برا
مابعرف صحة الخبر بس حبيت اخبرك لاني قرئت ردك بانو ابوكي حابب ينزل بسيارته
فيتأكد قبل ماينزل

هنودة حبيبة قلبي قرئت ردك بالجزء الماضي الله يعينك ويبرد على قلبك لانك باين انك من النوع الحساس والنئوزي
وهالشي بيتعب كتيييير

شوفي انا قضيت شهر العسل تبعي جماعي وحتى عيد زواجي الاول كان جماعي والى يومك هدا زوجي بيعمل حفلاتنا الخاصة جماعية ... كنت اتدايق اول بس بعدين مشيت واتعودت وخاصة انه حماتي معي خطوة بحطوة وساكنة معي يعني وين اروح فيها
لا بقدر شربها دوا سعلة ولا شي خخخخخخ
بقى صرت طنش وقد ماقدرت اتجاوز وماحط شي ببالي لان الدنيا بدها مسايرة لابعد حد المهم هو زوجي عندي ياه بالدنيا
وغير هيك لمم بالنسبة الي .... مابدي اتفلسف عليكي ومابدي تزعلي من حكي بس قلت قلت عني هالاشيا حتى ماتستغربي
اي شي تاني من بيت حماكي او من زوجك ....

لولية الف مبروك لسمورة امانة سلميلنا عليها ومبارك ماجاها يتربى مازن بعزها يارب

والله زعلتيني على بنتك مسكينة وانتي كمان انسم بدنك غير عن الغرامة اللي اتغرمتيها كرمال هالسراقة ... يخرب بيتها
مو صارلها عندك زمان كيف هيك بتسرقك ولاء باعته ب 500 الله لا يسامحهم شو مابيجي منهم غير البلاوي

ستي الله يعوضك خير والف مبروك لبنتك وكويس اللي جت بالمال مو بالابدان

اميرة طمنينا عنك ان شالله هديتي شوي وراقت اعصابك
الله يطمنك على خطيبك وان شالله ربي بيحميهم وبيحمي هالبلد يارب

&&&&&&&&&&&&

روح عامر طمنينا عنك شو صار معك ولدتي ولا لسى
قلبي عندك والله يسهل عليكي يااارب

&&&&&&&&&&&&

عروس ابراهيم ياعروستنا يالله شدي حيلك وورجينا عزماتك هههههه
قرب السفر وقرب الفرح وهم الفرح .... ان شالله كل شي بيكون متل مابدك واحسن يارب

************

لولو وشامة ربي يسعدك وان شالله تنبسطوا مع بعض
والله يحميكم وترجعي يالولو لبيتك بخير وسلامة

مسا الخيرات على الحلوات :L:
حوبكم كتير كتير وبرشا برشا كمان :lol:
اشتئتلكم كوميات كوميات F:
كاتي تسلمي على المقدمه الحلوه والله يبلغنا رمضان بخير F:
لوليه ان شاء الله الشغله اللي صارت اخر الاحزان واحكي الحمد لله اللي اجت على هيك :(ومبارك لبنتك وعقبال الفستان الابيض
وضلي احكي انا لله وانا اليه راجعون وانسي همومك F:
دمشقيه :L:توأم روحي F:تشتاقلك الجنه يا رب F:
اعزروني النت كان بسم البدن وانا بكره امسكو وهو متل الحلزونه بس الحمد لله تصلحت الامور ورح نرجع نكركر متل اول
اما يا دودو متمنيتك انتي والصبايا تقعدو قعدتي سوا الدنيا المسا و جوها بجنن واحلى اشي ريحة الكالونيا معبيه المكان والله ريحتها طيرتلي عقلي :adore:بس لو يخففو ولاد الجيران صوتهم 8o|
باقي الصبايا يسعدلي مساكم وصباحكم وضهركم وعصركم وكل ايامكم F:F:

يسعدلي صباحكم جميع كيفكم
ألف ألف مبروك سمورة ويربى بعزك والله هالفترة موسم الصبيان مابدرى الا هالنسوان عم يجيبو صبيان الله لا يحرمهم لحدا الصبيان والبنات يارب والله التنين حلوين مع أنو البنوتات أحلى يعني

لولية الله يعوض عليكم يارب والمهم سلامتكم يخرب بيتهم هالشغالات بتكوني عم تكرميهم وتعامليهم أحسن معاملة وبيطلع منهم تصرفات ما بتخطر عالبال والله اختي جابت وحدة أكتر من رائعة وانتصحت فيها كتير وقد ما بتقولي آدمية وشغيلة وصاحبة دين كانت تشتغل بماليزيا ويماليزيا بيفلحو عليهم فلاحة بقى مدربة تمام بس من كتر أختي مو حظاتها قلال اضطرت تسافر لعند زوجها وما وافقو للشغالة بالسفارة قام رجعتها قالتلي اختي لو كانت مو منيحة الشغالة كانت لزقت فيني بس لأنها منيحة راحت

دمشقية ما أجيتي على سوريا سوريا أجت لعندك الله يهنيك

كاتي قديش صالك حامل ذكرتيني متل هالأيام كنت حامل وعم اتوحم وأول ما أجيت على سوريا نفسيتي ارتاحت وماعاد لا استفرغت ولا حستيت بأعراض الوحام مو تاري شغلتي نفسية ومشتاقة لأهلي بس روقت على فواكي الربيع والصيف عنا لأنو ما كانت نفسي عم تقبل الأكل بنوب بس الفواكي

زهرة بسيطة تعي شوفي النت عنا يوم شغال وعشرة لاء ولما بيشتغل بيحرق الأعصاب من كتر مو بطيء لأني حاليا ساكنة بمنطقة حساسة شوي
ورح عامر شكلك ولدتي يالله تعي طمنينا عنك
أميرة الله يطمنك بالخير و يصلح الأمور ويختار الخير لهالبلد ويهدي الأوضاع يارب

اهلين زهوووورة الامورة ياربي يسعدلي مساكي وكل اوقاتك وحشتينا والله والله لاعاد تقطعينا الله لا يقطعنا جميع من رحمته قولي امين
ويارب يارب يبقى النت عندك تمام وعال العال حتى تنورينا ياقمرنا انتي

ويارب تشتهيكي انوار الكعبة وتزوريها .... ان شالله بتتهنو والله المسا عندكم بيجنن وخاصة معالروايح الطيبة الله يسعدكن
ولازم ولاد الجيران يجننونا ههههه انا بصحى على صوات دبكهم وبنام عليهم الله يهديهم مع انهم دبب بقصد كبار يعني خخخخ
ستي ما علينا

كيفك وكيف الحلوين وشو مشاريعكم لهالصيفية اللي بتععععععععقققققققققققد خخخخخ

وشو اخر سير الحب والحلويات اهم شي حاكم رمضان عالباب الله يعوده عليكي وعلى الجميع بالخير

اهلين شامية الغايب متلك جاااب هدية
اشتقنالك طمنينا عنك وعن الشام وعن سالم مشي ولا لسى هههههه
شايفةاهل الشام عم يزوروني كتير ياستي مابيجيك الا اللي بحبك مو هيك بقولوا .... والله انا نفسي انزل ومو متخيلة هالصيفية بلا سفر
بس عاد شو نقول الحمد لله والله يكتبلنا اللي فيه الخير

وين الصبايا طلوووا علينا ولا تخلووونا وحشتنا الجمعة واللمة

شاميه الله ينور مساكي يا حلوه F:
اه والله شركات عم بتغم القلب والمصيبه كل شركه بتعمل دعايه الها هلقد قدها علفاضي يا ريت كلامهم متل فعلهم 8o|
يا ستي ان شاء الله خير
كيفك هلا وكيف الزغير وكيف الصيف معك وشو جهزتي لرمضان ولا لسا :worn_out:

الدمشقية;15333850:
اهلين زهوووورة الامورة ياربي يسعدلي مساكي وكل اوقاتك وحشتينا والله والله لاعاد تقطعينا الله لا يقطعنا جميع من رحمته قولي امين
ويارب يارب يبقى النت عندك تمام وعال العال حتى تنورينا ياقمرنا انتي

ويارب تشتهيكي انوار الكعبة وتزوريها .... ان شالله بتتهنو والله المسا عندكم بيجنن وخاصة معالروايح الطيبة الله يسعدكن
ولازم ولاد الجيران يجننونا ههههه انا بصحى على صوات دبكهم وبنام عليهم الله يهديهم مع انهم دبب بقصد كبار يعني خخخخ
ستي ما علينا

كيفك وكيف الحلوين وشو مشاريعكم لهالصيفية اللي بتععععععععقققققققققققد خخخخخ

وشو اخر سير الحب والحلويات اهم شي حاكم رمضان عالباب الله يعوده عليكي وعلى الجميع بالخير

مساها ورد وفل وجوري دمشقيه :L:
امين يا رب العالمين وك شو هلدعوات الحلوه اللي بتفتح النفس
والله مشتاقه ازورها للكعبه رحتها مع اهلي وانا زغيره يعني عم بتزكر منها ملامح ورخام الحرم والابنيه هلا اكيد انقلبت 180 درجه وعمرت اكتر وكبرت الله يزيد احباب الله اضعاف واضعاف
تسلمي يا نواره
قلتيلي دبب هههههههههه هو لما ينقرو على راسك من الصبح بدك غصب تحكي دبب :confused:
لسا انا جارتي عندها 6 بنات وكلهم قطاطيم يعني زغار ورا بعض هههه وصوتهم ما شاء الله بخرم الدان :confused:
ما في مشاريع ولا بطيخ :thumbs_down:بلبيت اللهم سجلت ابني بنادي كاراتيه وبروح تلات ايام بلاسبوع واحنا الزيارات العاديه وعم بنضف حموده لحد الان والله جنني مو عارفه مالو هو مستوعب وفاهم كل اشي حتى الله يعزك على التقيل عم يطلب بس البول مو زابطه معو عم يعملها ولما يخلص بطلب او بلاقيه عم بمسح وراه بفوطه او اي اشي :confused:
هديك اليوم عملت عزومة فطور بشي يوم بفرجيكي كم صوره وعملت بسبوسه وليالي لبنان
وبلنسبه لرمضان الله يهلو علينا وعليكم بلخير ونسير كل يوم نحكي طبخاتنا وحلوياتنا :adore: