لمتنا السورية اهلا وسهلا فيكم لشهر شعبان 1432

رجعتلكون بخير وسلامة ومعي سنا احلى بنت بالعالم الله يخليلي ياها
شو هاللمة الحلوة والله تفائلت كتتير لما شفت هالحركة باللمة
شكرا لكل يلي دعالي الحمد لله تيسرت ولادتي يوم السبت بس بعملية
رحت عالمشفى الساعة 7 الساعة 9 كانت سنا منورة حياتي
سبب ولادتي عملية نزلت مية الراس لونا اخضر يعني اشتغلت امعاء بنوتي وهي ببطني والرحم موفاتح ابدا يعني مخاطرة نستنى
الحمد لله رب العالمين
المهم بنوتي هلا جنبي
كاتي انا روح عامر وجبت بنوتة وشكرا ع سؤالك علي شكرا للجميع

يسعدلي مساكم جميع كيفكم
دمشقية اتخيلي صدقيني هيك أحسنلك بلا ما تنحرق اعصابك عللي عميصير ببلدك خليكي بعيدة لتهدا الأمور

زهرة قد ماكان النت سيء ماشي حالو عم يقضي غرض بس ما عم احسن حمل ولا صورة ولا شي اختي نطف قلبها على صور ابني بدي جرب عن طريق المنتدى ابعتلها برسالة بدي خليها تشترك هلق الطريقة خطرتلي

لولية ألف ألف مبروك مافي أحلى من النجاح ان شالله من عالي لأعلى يارب

روح عامر الف الف مبروك تربى بعزك ودلالك انت وابوها وتشوفيها متل ما بتحبيها ان شالله

لكل يللي سألوني عن سالم منيح عم يقول ماما لسا ما مشي اكيد لأنو لسا عمرو 6 شهور وكم يوم وبعتت صورو للي سألوني عنو

زهرة المناره;15333921:
مساها ورد وفل وجوري دمشقيه :L:
امين يا رب العالمين وك شو هلدعوات الحلوه اللي بتفتح النفس
والله مشتاقه ازورها للكعبه رحتها مع اهلي وانا زغيره يعني عم بتزكر منها ملامح ورخام الحرم والابنيه هلا اكيد انقلبت 180 درجه وعمرت اكتر وكبرت الله يزيد احباب الله اضعاف واضعاف
تسلمي يا نواره
قلتيلي دبب هههههههههه هو لما ينقرو على راسك من الصبح بدك غصب تحكي دبب :confused:
لسا انا جارتي عندها 6 بنات وكلهم قطاطيم يعني زغار ورا بعض هههه وصوتهم ما شاء الله بخرم الدان :confused:
ما في مشاريع ولا بطيخ :thumbs_down:بلبيت اللهم سجلت ابني بنادي كاراتيه وبروح تلات ايام بلاسبوع واحنا الزيارات العاديه وعم بنضف حموده لحد الان والله جنني مو عارفه مالو هو مستوعب وفاهم كل اشي حتى الله يعزك على التقيل عم يطلب بس البول مو زابطه معو عم يعملها ولما يخلص بطلب او بلاقيه عم بمسح وراه بفوطه او اي اشي :confused:
هديك اليوم عملت عزومة فطور بشي يوم بفرجيكي كم صوره وعملت بسبوسه وليالي لبنان
وبلنسبه لرمضان الله يهلو علينا وعليكم بلخير ونسير كل يوم نحكي طبخاتنا وحلوياتنا :adore:

يسعدلي ياكي زهورة الله يكرمك وتزوريها قريب قريب ....
اي والله الحرم انقلب 180 درجة صارلي عشر سنين وبهالعشر سنين تغيرت كتيييير فمابالك
من وقت روحتك انتي ... فان شالله تروحي وتزوريها من جديد يارب

ماشالله 6 بنوتات الله يخليلها ياهم شكلها عم تستنى الصبي الله يطعمها يااارب وكل متمني
والله حاليا يا زهورة ماعاد فيه لا ضجة ولا صوت بالعمارة صارت عمارة اشبااح كلهم سافروا ماشالله اللي راح الاردن واللي راح تركيا واللي راح الهند :) بقينا نحنا وبس

غريب حمودة شكلوا مابدوا وحابب الحفوضة ههههه
انتي اتبعي معه اسلوب المكافئة وقليله كل مادخلت الحمام الك شوكولا مثلا وان شالله تنجح
وشوي شوي بصير وبتخلصي من هالقصة ... الله يخليلك ياه يارب

ياعين شهيتيني على الاكلات ا لطيبة ان شالله هنا وعوااافي يارب عم استنى الصور ياقمورة
هلأ قليلي قديش عيار السميد مي ؟ دائما بيطلع معي رخو ومابيجمد وبيتماسك :|

ويالله بس طلطلوا برمضان مو تقطعونا انتي وكاتي بدنا نخليها فلللللللللللللللة ههههه
الله يتقبل منا صيامنا وقيامنا

لولية الله يعوضك خير والف مبروك لبنوتك ماشالله عليها
ان شالله من نجاح لنجاح اكبر ياااارب وعقبال فرحتك بولادها ياااارب

************

روح عام الف مبروك ياقمر ان شالله تربى سنا بالعز والدلال وبحضن امها وابوها
عملية عملية الله يقويكي يارب واكيد وجود سنا نساكي كل الهم والتعب

*************

شامية منيح اللي اجتك فكرة المنتدى بخصوص الصور حلال عليكي ... يعني انتي ماعم تقدري ترسليهم ايميل ؟
وغريبة النت عندكم يالله منيح اللي شغال بهيك اوضاع الله يفرجها عليكم يااارب وان شالله هالغمة بتخلص على خير يارب

ويؤبش قلبي سالم افندي الله يحفظلك ياه من كل شر يارب ماشالله عنه شو بيجنن وشو انيق اللهم صللي على النبي ربي يحميه
وتشوفيه عريس يالله شدي حيلك وجيبي بنوتة ولا اخ اله قوام لا تقولي بكير (( حاسة حالي صرت حماتك خخخخ )) عالسيرة كيفها حماتك معكم ؟

***********

كيفك ميسو طمنينا عنك وعن خلوووودي

كاتس وعروسة ابراهيم واميرة وباقي البنات والله اشتقنالكم

يسعد مساكم بنات كيفكم اشتقتلكم كتير انا لؤلؤة الشام
نايمة اليوم انا وشامة عند ماما وعم استنى الفجر ليأ\ن بقا قلت بطمن عليكم
مبارك التجمع الجديد عجميع ومبارك عليكم الشهر ويارب يبلغنا رمضان نحن وانتو وكل المسلمين بخير وسلامة
رووووووووح عامر مبروووووووووووووووووووووووووووووووووك البنوتة والحمد لله على قيامك بالسلامة
لولية مبرووووووووووك تخرج بنتك والله يفرح قلبك دايما
مبرووووووووووووك لسمورة الامورة ويارب يتربى بعزها
زهورة كيفك حبيبتي وكيف كاتي اشتقت لاخباركم والله
شامية الحمد لله يلي امورك تمام والله يحميلك سلومة يارب بوسيلي ياه كتير
هنودة كيفك ياحلوة لا تحطي ببالك شي سايري امورك ومابيصير الا يلي ربك كاتبه
باقي البنات بحبكم كتير ويارب تكونوا دايما بخير

يسعدلي مساكي دمشقية الامورة اشتقتلك والله
انا بخير والشام بتجنن فيها شوية كلاب بيطلعوا كل فترة بيعوا بس بأزن الله رح تبقى بخير والله حاميها من كل شر
اليوم كان على قولتهم في اضراب عام هههههههههه طلعنا انا واخواتي تمشينا واكلنا ايس كريم كل المحلات فاتحة والشوارع مليانة ناس ماشاء الله يارب يديمها عامرة باهلها وناسها
ومن يومين رحنا سهرنا بمنتزه بطريق المطار الجو روعة والسهرة كتير حلوة مارجعنا للفجر
بقا طمني بالك ولا تنشغلي ابدا سورية قوية دوم والله حاميها
بوسيلي الاولاد وسلميلي على سورية كتير السلام

كاتي حبيبتي ايه الحمد لله اجتمعت باختي شامة واخي وصل من رومانيا هو ومرته وبكرة بده يوصل اخو زوجي وعيلته من الكويت وخال زوجي كمان جاية من الكويت
يعني الحمد لله مهما حاولوا يحرمونا من بلدنا مابيطلعلهم معنا ورح يضل هوا سورايا ينادينا ونحن نلبي
بالنسبة لسؤالك مشان ابوكي الله يحفظه هلق البلد مافيها غريب لانه الناس من يلي عم تشوفه عتلفزيونات خايفة بس الحقيقة انه البلد مافيها شي
بس انا سمعت انه لازم يكون السائق لسيارة الغير سورية وداخل على البلد اكبر من اربعين سنة وانتو بامكانكم تسألوا بالسفارة
وانا بنصحكم بشام تحديدا لانه عنجد ماعنا اي اشكالات الحمد لله

مرحبا صبايا مستعجلة بس امانة عطوني رايكم امانة

حبيباتي برجع بس لافضى عذروني
عطوني رايكم بفستان زفافي قبل مافصله واندم بسرعة اجلت الخياط لاخذ رايكم

لولية;15335026:

مسا الخير يا أمورات باركولي الحمدلله اتخرجت بنتي من الجامعة مع مرتبة الشرف الأولى حبيبة قلبي بيضتلي وجهي والله الوحدة بتنسى كل التعب وقت بتشوف هيك بحفلة التخرج كنت ماسكة حالي بالعافية وهلأ بلشت النق عليها منشان تكمل الماجستير فقالتلي طيب بس استني عليي أول ترم برتاح شوي الله يرضى عليها يا رب

شايفة دمشقية الشغالة صرلها عندي سنتين ونص وأنا أصلا ما كنت أمنلها أبدا بس بنتي الله يهديها ايجيت من العرس تعبانة وحطته بالدرج على أساس تاني يوم تعطيني اياه حطه بالخزنة وأنا بصراحة براسي في ألف موال ما انتبهت بقى راح الخاتم يلا نصيب ومتل ما قلته الحمدلله المهم الصحة والعافية

الف الف الف مبارك للبنوته الحلوه وعقبال اعلى المراتب وتشوفيها عم بتخرج طلاب جداد F:
بس خفي علبنت شوي خليها تتريح :worn_out:

روح عامر;15335259:
رجعتلكون بخير وسلامة ومعي سنا احلى بنت بالعالم الله يخليلي ياها
شو هاللمة الحلوة والله تفائلت كتتير لما شفت هالحركة باللمة
شكرا لكل يلي دعالي الحمد لله تيسرت ولادتي يوم السبت بس بعملية
رحت عالمشفى الساعة 7 الساعة 9 كانت سنا منورة حياتي
سبب ولادتي عملية نزلت مية الراس لونا اخضر يعني اشتغلت امعاء بنوتي وهي ببطني والرحم موفاتح ابدا يعني مخاطرة نستنى
الحمد لله رب العالمين
المهم بنوتي هلا جنبي
كاتي انا روح عامر وجبت بنوتة وشكرا ع سؤالك علي شكرا للجميع

حمد اله على السلامه يا حلوه F:F:
االه يحميلك سنا وينور دربها :L:
وكل تعبك باجرو ان شاء الله :thumbs_up:

مـيـــس الـريـــم ...}~;15337664:

وووواااااااااااوووووووو

الف الف الف مبروك روح عامر
الله يجعلها من مواليد السعاده ويجعلها باره فيكي انتي وابوها امين يارب

الحمدلله ع سلامتك

كيفك ميوس :o

شامية للعظم;15338333:
يسعدلي مساكم جميع كيفكم
دمشقية اتخيلي صدقيني هيك أحسنلك بلا ما تنحرق اعصابك عللي عميصير ببلدك خليكي بعيدة لتهدا الأمور

زهرة قد ماكان النت سيء ماشي حالو عم يقضي غرض بس ما عم احسن حمل ولا صورة ولا شي اختي نطف قلبها على صور ابني بدي جرب عن طريق المنتدى ابعتلها برسالة بدي خليها تشترك هلق الطريقة خطرتلي

لولية ألف ألف مبروك مافي أحلى من النجاح ان شالله من عالي لأعلى يارب

روح عامر الف الف مبروك تربى بعزك ودلالك انت وابوها وتشوفيها متل ما بتحبيها ان شالله

مسا الانوار شاميه شلونك؟
كيفو سلوم ؟
شو مشاريعك اليوم؟

الدمشقية;15341992:
يسعدلي ياكي زهورة الله يكرمك وتزوريها قريب قريب ....
اي والله الحرم انقلب 180 درجة صارلي عشر سنين وبهالعشر سنين تغيرت كتيييير فمابالك
من وقت روحتك انتي ... فان شالله تروحي وتزوريها من جديد يارب

ماشالله 6 بنوتات الله يخليلها ياهم شكلها عم تستنى الصبي الله يطعمها يااارب وكل متمني
والله حاليا يا زهورة ماعاد فيه لا ضجة ولا صوت بالعمارة صارت عمارة اشبااح كلهم سافروا ماشالله اللي راح الاردن واللي راح تركيا واللي راح الهند :) بقينا نحنا وبس

غريب حمودة شكلوا مابدوا وحابب الحفوضة ههههه
انتي اتبعي معه اسلوب المكافئة وقليله كل مادخلت الحمام الك شوكولا مثلا وان شالله تنجح
وشوي شوي بصير وبتخلصي من هالقصة ... الله يخليلك ياه يارب

ياعين شهيتيني على الاكلات ا لطيبة ان شالله هنا وعوااافي يارب عم استنى الصور ياقمورة
هلأ قليلي قديش عيار السميد مي ؟ دائما بيطلع معي رخو ومابيجمد وبيتماسك :|

ويالله بس طلطلوا برمضان مو تقطعونا انتي وكاتي بدنا نخليها فلللللللللللللللة ههههه
الله يتقبل منا صيامنا وقيامنا

امين من تمك للباب السما في مشروع عن قريب ان شاء الله :thumbs_up:
اه والله عم بتحمل وبتجيب عشان الولد اله يهدي النسوين بركضو بركض عشان الولد وبهدو حيلهن وبلاخر بطلع مو منيح لاهلو 8o|ولمعلوماتك بنتها عمرها سبع شهور وحامل بست شهور :worn_out:والله العليم عم بحكولها ولد ان شاء الله الله يعطيها
يعني الكل رايح يصيف ويشم الهوا الا احنا يا دودو :(
بلنسبه لمحمد بلشت معو باسلوب المكافأه زبطت شوي وبطل حاسه انو ما عندو تحكم بحالو :'(
بدك مقادير سميد البسبوسه ولا ليالي لبنان ؟
الاحرى بدك ليالي لبنان انا بحط تلات كاسات مي مع نص كاسه سميد ومعلقتين نشا بتطع زابطه :thumbs_up:

لؤلؤه الشام F:كيفك يا لوه تشتائلك الجنه يا رب F:
ان شاء اله تكوني مبسوطه بلمة الاهل والقرايب F:
وسلميلنا على شامه وخليها اتطل علينا :thumbs_up:

هنوده انا متأكده انو اي اشي عليكي حلو وكل اشي مختاريتو بجنن ولما تقرري شو رح تعملي فرجينا اياه :o
الله يتمملك على خير :thumbs_up:

يلا تعو شوفو عمايلي :o
















هي مش مبين شو نوعها :oهاي ليالي لبنان ناقصها التزيين :thumbs_down:

ماشاء الله قرات أخباركن كلكن بخير الحمد الله

الحمد الله على سلامتك روح عامر وألف مبروك تربى بعزكن ودلالكن الله يحميلك ياها

الدمشقية الحمد الله على سلامت اختك ومبروووك بحب اسم عبد الرحمن ...

انا بخير الحمد الله بكرا سفري ان شاء الله العصر ...

زهرة الأكلات شكلن لزيز صحة وهنا ..

هي صور كم شغلة من يلي صورتهن ..

هاد طقم أكسسوار فضي جبتو


وهدول أكسسورات سهرة كمان




وجبت واحد أبيض لولو بس ماصورتو مافضيت ...
وهي أكسسورات عادية



هدول شكلات جوال خخ


وجبت كمان سلاسل متل اللولو من يلي دارجين كل الألوان حتى صاحب المحل فنجر عيوني فكرني بدي تاجر فيهن خخخخ بس مو مصورتن ببئى بصورن بعدين وبنزلن بس والله مافضيت وماما دغري صارت تضبضب فيهن ..