pink life;15344269:
سلام بنات شخباركم يا حلوات
ام زوزو الحمد لله تطمنتو على الاء
ام البراء حبيبتي سامحيني انا قريت سؤالج بس نسيت ارد عليه من كثر الصفحات ما شاء الله
المهم يا ستي انا خلصت sfi3 بشهر 11 سويت امتحان sfi c و نجحت فيه و الي ما يريد يدرس اي تخصص بعد او يكمل دراسة هذه الشهادة تكفيه اذا يدور شغل بس اي شغل يعني مثل التنظيفات و غيره اما الي يريد يكمل دراسة فلازم ينجح ب sfi D و هذا اخر مرحلة من تعليم اللغة السويدية للاجانب و الامتحان اذا الواحد يدرس و يعرف كلمات سويدية فهو مو صعب كثير رغم انه يعتمد اكثر شي على الذكاء لانه بيعطونك text نص من جريدة مثلا تقرينه و بعدين يحطون اسئلة عليه و على كل سؤال يعطونج 3 او 4 اجوبة كلها تكون متقاربة فانتي تختارين الجواب الصحيح من بين 4 اجوبة ، و ما يعطون بس نص واحد يمكن 2 او 3 هذا الكتابي خلصنا من هذا يجي دور السمعي يحطون شريط فيه 3 حوارات و على كل حوار اسئلة فانتي تسمعين الشريط و تجاوبين على الاسئلة بعدها يجي دور الانشاء تكتبين موضوع باسلوبج الخاص و مو مهم الاخطاء الاملائية عندهم اهم شيء يشوفون تصريف الافعال صح و تقدرين توصلين الفكرة ، بالامتحان الاخير الي سويته جابو لنا بالموضوع الاول رسالة تبعثيها لصديقة كانت وياج بالمدرسة و تسألج عن الدراسة عن المقرر و عن الانشطة الجديدة ، و الموضوع الثاني ان ادارة المدرسة استلمت مبلغ من المال من الكومون و يريدون يسوون بيها تعديلات بالمدرسة فطالبين اراء و اقتراحات الطلاب ، يعني تكتبين هم مثل رسالة و تعطين اقتراحات شنو المفروش يسوون بالفلوس الي استلموها
اخر شي الشفوي ، يجيبو لج مدرستين يختارو لج موضوع و يقولو لج تكلمي عن هذا الموضوع ، انا جابو لي موضوع عن التلفزيون اتكلمي عن ايجابيات و سلبيات التلفزيون و شنو البرامج الي تحبين تشوفيها خلصتي من هذا طلعين من الغرفة شوية و هما يتناقشون بعدين ينادونج مرة ثانية بس مو روحج تكون وياج زميلة او زميل من الصف و يعطوكم موضوع تناقشوه مع بعض و هما بس يسمعون و يسجلون مناقشتكم مثل الصحافة يجيبون مسجل صغير ههههههههه
اتمنى اكون شرحت لج بالتفصيل الممل و اي سؤال انا تحت امرج حتى لو اتأخر بالرد
طبعا هذا الامتحان خاص بس باللغة السويدية للاجانب و الي يدرسها ما ياخذ اي مساعدة من csn بس لما يخلص و يبدي يدرس مثل الاعدادي هنا يصير تاخذين مساعدة منهم و هذه مالها دخل بالسوسيال
هاي شنو شو صاير كلش صعية طريقة الامتحان اني من درست مو هيجي يا مكملة بوكتها احسن يمكن اسهل من هسا
