انوار الحب;15341522:
بنات رحت للقابله وصار معاي شي الله لا يوريكم تمنيت الارض تنشق وتبلعني :'(
رحت اول شي الضغط مرتفع عندي شوي .. اجت تشوف نبضات البيبي
ولا عشر دقايق تمشي الجهاز وتمشي ومافي صوت ولا شي :'(:'( بنات ماادري وقتها شسوي اشوف وجهها قام صار اصفر واطالع لوجه زوجي اقووووله شفيه البيبي قولي ليش مو قاعده تلاقي النبض اخ يابنات موقف صعب والله
قعدت تسالني متى حسيتي بحركته قلتلها الصبح اليوم المهم قالت هو مبين عندي ان في حركه بس ماقاعده الاقي نبضه فالافضل الحين تروحون للمستشفى
طبعا ماادري شلون مسكت نفسي ومشيت ووصلنا وطول الطريق دمعتي بعيني وادعي ياربي لا تضيع تعبي فيه ياللهي
المهم وصلنا وعلما دخلوني قبل مايدخلوني بشوي تحرك حبيبي عاد قمت ابجيييييي غطيت وجهي بايدي وصرت ابجي من كل قلبي والحمدلله حطتلي الجهاز وسوولي تخطيط نص ساعه لقلبه الحمدلله تمام بس قالت قاعد بوضعيه صعب يطلع نبضه بالجهاز العادي اللي عند القابله
وبين بالجهاز هم ان عندي شوي انقباضات بالرحم بنات الله يخليكم ادعولي خلاص اعصابي ماتتحمل بعد من بعد موقف اليوم خلاص احس روحي متت وحييت مره ثانيه
الله يحفظه الي ومايضيع تعبي ويفرح قلبي بشوفته سليم معافى يارب ياكريم يارحيم ياارحم الراحمين
الحمدلله على السلامة عزيزتي انوار
وكان موقف صعب جدا جدا الله يعينك
واهم شي طمئنتي وانشاء الله ساعة :L::L::L::L:خفيفة ودكومين بخير وسلامة