التجــمع الثاني لحوامل يناير 1-2012

والله تعبت حبيباتي من الصداع واللوعه و كلشي بصوب و الحموضه بصوب، الا امس اقول حق ريلي مادري احس روحي ما اعيش حياة طبيعية اذا اكلت قليل اتييني اللوعه اذا اكلت عادي بعد اتييني اللوعه يعني شاسوي اذا ما اكل بعد اكون تعبانه يعني في كل الحالات انا تعبانه بس لما اكون في الشغل اشوي اريح بس لما اوصل البيت يبتدي التعب واللوعه والصداع يزيد عشان جذي اقعد في الشغل عقب الدوام لساعة و ساعتين عقبها اروح البيت سيده شور وصلاة ونوم .....

الام الحنون،
حبيبتي انا دايما اكل علك و العصاير مادري شنو تسوي فيني مادري لما اشرب احسه تثقل على معدتي مثل يوم السبت رحنا السيف صار خاطري في عصير رمان شربته الا ما اشوف روحي مو طبيعيه من المعده و اللوعه ، مادري الله يستر احنا صبرنا 4 اشهر ما باقي شي بنصبر بعد هههههه عشان خاطر النونو ......

الام الحنون

اي فعلا هالكريم وايد حلو وريحته عجيبة خاطري آكله تصدقين من امس للحين فيني الريحة حتى زوجي مستانس ههههه
والبيبي فديته ارتاحت نفسيتي يوم جفته :L:

ام دانيال

انتي شنو نوعية الحموضة اللي عندج ؟ يعني مثلي ترتفع لج وتطلعينها كل دقيقة او بس في اوقات معينة؟ تره انا حالتي جدا متأزمة من جذي الدكتورة عطتني حبوب او بالاصح دكتور المعدة كان واصف لي هالحبوب بس انا خفت وماخذيتهم ويوم رحت حق بانو هاوشتني قالت لي ليش ماخذتيهم وضعج مايسمح انه ماتاخذينهم وأكدت لي انه امان على البيبي وانه ينوصف حق الحوامل وقالت تبي تجوفني ضروري الاسبوع الياي لانه وضعي مو عاجبها جافتني تعبانة .. انا خذيت حبة امس في الليل واحس معدتي كانت وايد مرتاحة بس مو هاي اللي ابيه انا ابي الحموضة توقف عني اذا انتي على اللوعة والترجيع انا تخيلي كل مكان اروح ماسكة كلينكس في يدي حتى الكل يسألني شفيج مريضة؟ وبعضهم سيده يعرفون اني حامل .. بالنسبة للحموضة ابتعدي عن الحامض نهائيا لا تاكلين اشياء حامضة ولا اشياء فيها كافيين مثل الكاكاو و الشاي والقهوة واذا صار في خاطرج اكلي قليل جدا والوجبات وزعيها سويها مثلا 5 او 6 وجبات خفيفة في اليوم لا تثقلين على الاكل ولا تنسين الحليب البارد وايد يخفف من الحموضة وجربي علج اللبان او الماي ماله اكا يبيعونه جاهز مثل الزموتة لانه انتي حموضتج اتوقع اخف مني يمكن هالاشياء توقفها