ماء الكافور عاملة إيه ياقمر
وبالنسبة لمكواة الشعر مافيش مشكلة من إستخدامها بالنسبة للجنين
لكن مشكلتها بالنسبة لشعرك إنتى
شعر الحامل بيبقى بايظ لوحده فى الغالب
فالأفضل تبعدى عن المكواة علشان هتضعفه أكتر
أسى ياقمر انا زعلانة مين دى اللى زعلانة:lol:
يابنتى أصلك لسه ما تعرفنيش خالص:cool:
ده انا كول خلاص ومش أى حاجة تزعلنى
ده انا كنت حاطة جنب تعليقى لك وجه مبتسم بس تقريبا إتمسح من غير ما
أخد بالى
وبعدين هو فى حد يزعل منك إنتى ياقمر
زوزو هههههههههههه
انا كنت عارفة إنك هتسألى عن الفطير المشلتت ياستى
ده ياستى عجين بيتعجن وبيتعمل بطريقة معينة علشان يبقى طبقات مورقة
بينها السمن أو الزيت وبيتسوى فى الفرن أو على صاجة على النار
وده صورته
اما الجبن المش فهى أصلها جبنة قريش وهى نوع من أنواع الجبن المصرى
المعروفة بيعملوها الفلاحات من الحليب الجاموسى
وطعمها بيبقى لذيذ فى موسم البرسيم
ودى صورتها
وبعدين بنحط الجبنة القريش دى فى بلاص أو برطمان زجاج
ونضيف له صوص مخصوص الفلاحات بيعملوه بطريقة معينة
ونتركه فترة تقريبا شهر او شهرين مش عارفة
المهم لغاية ما يتحول لون الجبن الأبيض للون ده بعد ما إتشرب من صوص
الجبنة اللى إتضاف له
طبعا الجبنة المش دى انا لقيتهم بيبيعوها فى السوبر ماركت الكبير لكن لما
دقتها لا تمت بصلة للمش الحقيقى
ده خلطة غريبة مصانع الجبنة بتعملها
الجبنة الثلاجة دى نوع من الجبن اللى بتعملها المصانع برضه مشهورة عندنا
فى مصر تشبه الفيتا أن ملحها معتدل لكن قوامها يشبه الموتزاريلا اكتر
وطعمها بيبقى لذيذ مع البطيخ او الفطير المشلتت
طبعا العسل الأسود هو عسل قصب السكر وبيتباع فى بنده
والعسل الأبيض هو عسل النحل
أهه تقرير شامل عن اكلة مصرية مشهورة مستنية بقى تقرير عن أكلاتكم
وصور السمك اللى بتأكلوه وإحنا مش عارفينهم;)
على فكرة أنا لما بانزل أسواق السمك فى السعودية والبحرين بألاقى اشكال
وألوان من السمك غريبة وما أعرفهاش خااااااااااااااااالص
وألاقى نفسى فى النهاية اختار السمك اللى نعرفه فى مصر
وغالبا بيكون البلطى هو اللى باختاره
فغنتم بقى إعملوا لنا تعريف عن أكلاتكم الغريبة
وبعدين إيه هو القريقعان ده ^o)
