شات حوامل مصر وتجهيزاتهم للبيبي .. لشهر شعبان1432

اول مادخلت المستشفى لقيتهم عارفين وحجزولى الاوضه اللى انا كنت منقياها لانى كنت اتفرجت على المستشفى والغرف بتاعتها قبل ما اقرر انى هاولد فيها علشان اطمن هاولد فين

و وصلونى للغرفه وقالولى بنحضر غرفه العمليات
وكل ده وانا مذهوله ومش عارفه اتلم على نفسى وحماتى معايا وقلت لجوزى خد اختى وديها البيت انا كنت محضرة شنطه الولاده قلتلها تجيبها وهايعدى على ماما يجيبها وجاب اخته معاه هى اد اختى

وحماتى عماله تهزر معايا وعماله تدعى ربنا يجيلى طلق قبل العمليه واولد طبيعى وتهز معايا علشان انسى وافك التوتر اللى انا فيه علشان الضغط والبنج وكده يعنى

وشويه وماما جت اول ماشافتنى بلبس العمليات جريت عليا وخدتنى فى حضنها وهاتك ياعياط كانى هاموت خلاص

وانا كانكم فتحتوا الحنفيه واديتها عياط وانهيار حماتى قعدت تفكنا من بعض وقالتلها ينفع كده بقى انا عامله قرد من الصبح علشان اتوهها وانتى تيجى تعملى كده وتهدى كل ده بدل ماتجمدى قلبها ياختى يابختها هاتولد من غير ماتصوت زينا وقعدت تغمز ماما ومما تقولى اه الطبيعى صعب واتصلت بمرات خالى وعرفتها انى هاولد قيصرى هى الفيلا بتاعتهم ورا المستشفى وهما اللى معرفينى على الدكتور احمد

وجت جرى علشان تقوله يصبر عليا وبلاش قيصرى لانها مجرباه بس كان فات الاوان ودخلت غرفه العمليات وقالتله قالها مينفعش البيبى هايموت جوه

وطبعا انا عياط وماسكه فى ايد جوزى وراسى والف جزمه يدخل معايا الدكتو قاللى حرام عليكى المنظر صعب مش هايستحمله قاله متقلقش يادكتور انا قلبى جامد قوووووووووووووووووووى :lol::lol: هو فعلا كده بس فى غرفه العمليات دموعه نزلت منه عليا :'(:'(

بعد ماروحت البيت حكالى على كل اللى شافه جوه وقاللى دول جزاريييييييييين مش ممكن ايه اللى بيعملوه ده

وصعب عليه زياد كمان لانه خرج من بطنى خدوه علشان الطهاره وبقى عمال يصرخ وهو حيران بينه وبينى يجرى يبص عليه ويجى يبص عليا وبقى دايخ بين الغرفتين

وقعدت ابوس ايده علشان يدينى بنج كلى وده مصر على جزئى وخدت جزئى

وشق البطيخه وطلع زياد باشا ويارب ماحد يشوف منظر ابنه كده ابدا الولد طالع مخنوق وبينه وبين الموت لحظات

الحبل السر كان متضفر بمعنى كلمه ضفيرة من اول السره لغايه الرقبه ضفيره وبعد كده ملفوف على الرقبه 3 لفات داير مايدور وبعد كده باقى الحبل السرى معقود اربع عقدات المنظر رهيييييييييييييب الدكتور اتخض وقاللى اناولدت كتير لكن عمرى ماشفت حبل سرى كده وطبعا جوزى بقى مذهول وقال انا لو مكنتش معاه وهو بيطلعه كنت قلت ده بيبالغ علشان يحلل فلوس القيصرى طبعا نا كنت صاحيه قاللى تحبى تشوفيه وراهولى وكان عمال يبربش بعينه هههههههههههههه بس كان مزرق من الخنقه

الدكتور قاللى لو كن اديت طلق صناعى كان مات من اول طلقه لان الطلق هايفعه لتحت وهو مربوط من فوق كان هايبقى عامل زى اللى بتشنق وهايموت فى ساعتها

وطبعا ده مكنش باين فى السونار قبل الولاده لان الميه نزلت ومش شايف حاجه والدكتور قاللى ده حصل لما الميه نزلت بقى هو عمال يلف وشسه ويتشقلب علشان يوصل للميه بدليل ان اخر نقطه ميه كانت جمب دقنه وده بس اللى كان باين لانه بيتنفس عن طريقها وهى اللى بتعيشه

وقد كان وزياد باشا سمع كلام الدتور وجه 9/9/2009 وانا كان نفسى يجى 12/9 لانه يوم عيد ميلادى


والخلاصه من قصتى ( وعسى ان تكرهوا شيئا وهو خيرً لكم ) لانى كنت خايفه من القيصرى ولولا القيصرى كان ابنى مات والقيصرى اللى انقذه

نور التقوى;15336662:
السلام عليكم

ازيكم يابنات يارب تكونوا بخير

بالله عليكم ادعولى اقوم بالسلامه انا وبنتى علشان بيجيلى مغص كلوى بقالى كام يوم

والميه حوالين البنوته مش كتيره

وادعولى ربنا يفك كريى ويحنن قلب جوزى عليا علشان فى مشاكل كبيره والحمد لله

وربنا ياخدلى حقى من الى ظالمنى

ربنا يقومك بالسلامه انتى وبنتك ويحنن قلب جوزك عليكى ويروقلك الحال ياااااااااااااارب


بس حاولى تهدى نفسك شويه علشان اللى ف بطنكF:

دلوعة الغالى;15335664:
ازيكم يابنات

ااااااايمو عامله ايه معلش ياقمر هى لازم الانيميا بتقل فى الحمل حاولى تاكلى الحاجات اللى بيكون فيها حديد واكتر حاجة جابت نتيجة معايا العسل الاسود على الريق الصبح

موضوع اليكس خلاص روحى ال3 ايام وممكن وانتى هناك يقولك كملى معهم المصيف




مروة جمييييييييييييل اسم كارمن ربنا يخليهالك ويباركلك فيها يارب



بت ياميرا هتندمى لو مقولتيش هنا طلعى كل اللى نفسك فيه على حماتك هنا وهتلاقى نفسك مش قولتى حاجة عليها فى البنج:lol::lol:


عيوش منورنا ياقمررررررررررر

دا نورك يا حبيبتي ربنا يخليكي و يقومك بالسلامة يا رب

emoooooo;15336517:
تسلمي ياميرا ربنا يخليكي هي فعلا كتبتلي حقن وبعد ماجبتها خليت اخويا راح رجعها لاني نفسيا مش مرتاحه خالص انا هروحلها النهرده هتركبلي محاليل وخلاص :( بدل الحقن

واليكس هروح ال 3 ايام ان شاء الله خلاص لو محصلش ظروف يعني قبلها

بس ياميرا هس الحقنه ال خدتها ساره بتاعه الولاده القيصري ال هي بنج نصفي بتبقى ف الضهر انما الولاده الطبيعي بتاخد حقنه ف الضهر ف النخاع الشوكي تقريبا بتنبج الاعصاب ومش بتحسي بأي وجع وانتي بتولدي هي حاجه تررررررررعب بس الفكره عجباني مش عرفه عندنا ف مصر آمنه ولا لأ وزي ماقلتي تعتمد طبعا ع توفيق ربنا وبعدين ع الدكتور ال بيديها يلا ربنا يسهل ولادتنا كلنا من غير الم خاااااااااااااااااالص



ازيك يا بوبا عامله ايه ياقمر .. المشكله ان وحده اعرفها خدت الحقن تاني ومن سنتين ولحد دلوقت لسه مكانها معلّم ودخلت ع النت وشفت اثرها فعلا البنات قايلين بيقعد كتير فأنها مش هخدها خلاص وربنا يسهل بقى ف موضوع المحاليل ده



هههههههه لا ياايمي ماهو جوزي ذكي برده انا هروح اخر 3 ايام مش اول 3 ايام :p
بالنسبه للأنيميا انا فعلا ابتديت اشرب عسل اسود ع الريق بس بجد الله يباركلك انك طمنتيني وقلتيلي انه بيجيب نتيجه هداوم عليه بقى وربنا يسهل...

عيوووووووش منوره الشات ياقمـــــــر

ادعولي بقى يابنات عشان المحلول ده هيفضل في ايدي مده
وامبارح اتكعبلت ع السلم وقعت ع وشي معرفش مالي اليومين دول نفسيا وجسديا تعبانه :'(

مرسي يا حبيبتي ربنا معاكي ويحفظك انتي و البيبي يا رب وتشوفيه ف حضنك سالم معافاة يييا رب

فراشة الايمان ........... قصة ولادتك فظييييييييييييييعة ومرعبة , انا حسيت اني عايزة اعيط زي مامتك :(

ان شاء الله الولاده الجاية تبقى طبيعي

سالخير

د\امونة;15337293:
فراشة الايمان ........... قصة ولادتك فظييييييييييييييعة ومرعبة , انا حسيت اني عايزة اعيط زي مامتك :(

ان شاء الله الولاده الجاية تبقى طبيعي

ربنا يخليكى ياقمر وماخفى كان اعظم بس مش عايزين نخوف الناس بقى هههههههههههههههههههههههه الواحد بيبقى حاسس انه داخل على اعدام

مشمش ام محمد;15337353:
سالخير

ساالنور:)

وحششششششششششششششششششششششششششانى:adore:

emoooooo;15336517:
تسلمي ياميرا ربنا يخليكي هي فعلا كتبتلي حقن وبعد ماجبتها خليت اخويا راح رجعها لاني نفسيا مش مرتاحه خالص انا هروحلها النهرده هتركبلي محاليل وخلاص :( بدل الحقن

واليكس هروح ال 3 ايام ان شاء الله خلاص لو محصلش ظروف يعني قبلها

بس ياميرا هس الحقنه ال خدتها ساره بتاعه الولاده القيصري ال هي بنج نصفي بتبقى ف الضهر انما الولاده الطبيعي بتاخد حقنه ف الضهر ف النخاع الشوكي تقريبا بتنبج الاعصاب ومش بتحسي بأي وجع وانتي بتولدي هي حاجه تررررررررعب بس الفكره عجباني مش عرفه عندنا ف مصر آمنه ولا لأ وزي ماقلتي تعتمد طبعا ع توفيق ربنا وبعدين ع الدكتور ال بيديها يلا ربنا يسهل ولادتنا كلنا من غير الم خاااااااااااااااااالص



ازيك يا بوبا عامله ايه ياقمر .. المشكله ان وحده اعرفها خدت الحقن تاني ومن سنتين ولحد دلوقت لسه مكانها معلّم ودخلت ع النت وشفت اثرها فعلا البنات قايلين بيقعد كتير فأنها مش هخدها خلاص وربنا يسهل بقى ف موضوع المحاليل ده



هههههههه لا ياايمي ماهو جوزي ذكي برده انا هروح اخر 3 ايام مش اول 3 ايام :p
بالنسبه للأنيميا انا فعلا ابتديت اشرب عسل اسود ع الريق بس بجد الله يباركلك انك طمنتيني وقلتيلي انه بيجيب نتيجه هداوم عليه بقى وربنا يسهل...

عيوووووووش منوره الشات ياقمـــــــر

ادعولي بقى يابنات عشان المحلول ده هيفضل في ايدي مده
وامبارح اتكعبلت ع السلم وقعت ع وشي معرفش مالي اليومين دول نفسيا وجسديا تعبانه :'(

الف سلامه عليكى ياجميل وعلى البيبى ركزى بقى فى الحديد علشا حرام مينزلش عنده انيميا

وكلى عسل اسود وتفاح وملوخيه فيها حديد والموز بردو والتفاح بس العسل الاسود اسرعهم نتيجه

وفى فيتامين رهيييييييييييييييييييييب كنت بستعمله وقضى على الانيميا تماما اسمه ( فروز ف ) ده سعودى العلبه ب 21.25 فيها 30 قرص وممكن تمضغيه كمان هو بطعم الشيكولاته وفى منه شرب بطعم الكراميل ده كنت بستخدمه لزياد وقضى على الانيميا فى شهر عنده

ام كارمن هنا يا هلا

السلام عليكم

ازيكم يا بنات يا حوامل يا مكلبظين



مروه عامله ايه انتي وكارمن القمر ما شاء الله شفت صورتها زي القمر يارب تشوفيها عروسه

حد هنا؟

وحشتونى اوووى يا بنات ياريت تدعولى كتير ربنا يفك كربى ويصلحلى حالى ويقدرلى الخير وينصرنى

فراشة الإيمان;15336671:
ربنا يكرمك ياجميل

اول تجربه كانت عجيبه

انا اصلا من اول الحمل كنت خايفه من القيصرى وكنت بشتغل فكان الشغل عامل لووود على الحمل

وكان كل شويه ينزل دم ومره ميه البيبى وهكذا ما ارتحتش يوم وحصلى اجهاض منذر والدكتورة قالت لااااااااازم راااااااحه وخدت اجازة اسبوعين

ورجعت نزلت اسبوع والمشيمه نزلت كنت فى الرابع الدكتوره قالت لو ما اترفتش للسابع يبقى قيصرى

سبتها بعد الزياره دى

وروحت لغيرها دكتوره تانيه وطبعا كنت قعدت اسبوعين اجازة تاااااااااااانى والحمدلله لما روحتلها قالت المشيمه اترفعت شويه شويه راحه كمانوهاتبقى فى وضعها الطبيعى

وفضلت معاها وجينا للتاسع وبنتكلم معاها على الولاده كده واسعارها ايه بقى علشا نعمل حسابنا لان الدكتورة الاولى كات تبع النقابه وهاتولدنى فى مستشفى تبع النقابه فا المبلغ مكانش هايبقى كبير

لقيت الحاجه بتقولى نعمل حسابنا على القيصرى ولو ربنا كرم بطبيى مفيش مشكله :-o:-o ده كان شكلى ساعتها وخرجت من عندها بلا رجعه قال قيصرى قال هو انا هبله

وطبعا ملقيتش حد يعرف ستات تانى لانى مكنتش عايزة رااااااجل وزوجى كمان


بس مالقيناش الا ده الدكتور احمد ده قدامنا لانه مولد كذا حد فى العيله وعدوه حاجه اسمها قيصرى قلت يابت اجرى جوزى وافق على مضض

بس لما جه معايا وشافه عزه قوووووووووى وقالى انسان محترم فوق الوصف


وطبعا كنت فى التاسع وكان كل شئ طبيعى وجينا فى نص التاسع تقريبا

الراس دخلت الحوض الدكتور قاللى انتى كده البيبى عندك جهز نفسه وف وضع الاستعداد قدامك يومين او 3 بالكتير

ولو محصلش حاجه قبل ميعادنا يبقى الاسبوع الجاى نكشف نسا ونشوف الوضع ايه :badly::o طبعا انا كنت فى نص هدومى

مشيت وعدوا اليومين والتلاته والاسبوع ومردتش اروح علشان كشف النسا وقعدت لغايه ماعدى 10 ايام بدون طلقه واحده حتى

جوزى قاللى لا نروح بقى

روحت عمل سونار ولقيته تنح وقال ايه وقعد يطق طق كده ووشه قلب قلتله خير يادكتور قاللى ايه ده الراس خرجت ليه من الحوض:-o والراس كبرت ليه كده:| واختكم عامله كده بالظبط

ولقيته بيقولى تحبى نستنى شويه كمان قلتله نستنى ؟ ازاى يعنى قاللى يعنى نسبي فرصه يومين كده يمكن الراس تدخل تانى اختكم قلبها وقع فى كرشها ماهو يادوب كرشى هايعرف يعدى منه وينزل لرجلى ازاى وانا كرشى بقى عامل زى جبل المقطم:lol:

وقعد يكلم زيزو فى السونار ويقوله شد حيلك ياكابتن وانزل بكره بقى علشا تبقى فى يوم مميز لان بكرة ده كان 9/9/2009

وخدت بعضى وخرجت من عنده وانا مفحومه بالعياط وطل الليل اعيط وجوزى يهد فيها يابنتى مالك بس قلتله شكلها خلاااااااااص قيصرى لانه وشه قلب وقعد يطق طق لما شاف السونار وهو بكره القيصرى وبعدين بيسألنى نستنى يبقى قيصرى وبيسألنى

ومنمتش فضلت اعيط لغايه لما طلع النهار وعينى ورمت خاااااالص

واول النهار ماطلع كلمت ماما وانا منهاره
قالتلى طب تعالى بس تعالى مشى يمكن الراس تنزل تانى وقد كان لبست ونزلت وروحت لماما مشى بينى وبين ماما مشى حوالى ساعه على مشى الحوامل

وطلعت لغايه التامن على رجلى لان مفيش اسانسير

ويادوب طلعت وبقلع ولقيت ميه نازله اتخضيت اتصلت بيه قاللى فى ووجع قلت لأ قاللى خليكى ولو محصلش وجع لغايه قبل الفطار اشوفك بعد الفطار اصلنا كنا فى رمضان قفلت

وبقيت كل مامشى خطوة الاقى ميه كتيييييييييييييييير نازله اقعد فى مكان ابله روحت مكلماه قاللى طالما مفيش وجع خليكى

سكتت ودخلت خدت حمام وقلت لماما هانام شويه لانى طول الليل صاحيه

ونمت وصحيت فطرت وجوزى جاللى بالعربيه علشان ياخدنى يودينى للدكتور وعدينا على البيت علشان حماتى كانت عايزة تيجى معايا وكان اختى وروحنا وحكيتله قاللى ده كده القرن طش

قومى اشوفك ودخلت حماتى معاه وكشف نسا كنت مروعوبه ومكسوفه بس الصراحه معرانيش اصلا قاللى اقلعى واتغطى بالملايا ودخل لبس الجوانتى ودخل ايده من تحت الملايه وزى مايكون واخد ميداليه فى النشان اوماحط ايه ومن غير مايبص نشن صح وحط ايده :o وقاللى الرحم فاتح 2 سم هاشوف لو طايل راس البيبى هاندى طلق صناعى ومعاكى للصبح وقاللى للاسف راس البيبلا فووق ومش لامسها بايدى مش هاعرف الفه بايدى لو اديت طلق

نسيت اقولكم انه عمل السونار ومكنش شايف زياد خالص الميه كلها نشفت ومش فاضل غير شويه نونو كانوا جمب دقنه قاللى لو كنتى استنيتى للصبح ومش جيتى كان مات :woo:

وخرج وقال لجوزى جاهز قاله ااااااااه قاله طب على المستشفى وانا وراكم هاكلمهم دلوقتى يحضروها وانا وراكم كمان ربع ساعه

المستشفى كانت فى الشارع اللى وراه

واختكم مفاصلها سابت

اراكم بعد الفاصل:$::$:

يياااااه يا حببتى فعلا قصتك عجيبه الحمدالله انك ولدتى بالسلامه انتى وزياد

انا برضو فى الرابع والمشيمه نازله والدكتورة قالتلى راحه تامه وكتبتلى على مثبتات
وربنا يسترها ان شاء الله

بوبا 123;15338648:
وحشتونى اوووى يا بنات ياريت تدعولى كتير ربنا يفك كربى ويصلحلى حالى ويقدرلى الخير وينصرنى

ربنا يفك كربك يااااااارب وكل المكروبين يارب

ربنا يصلحلك حالك يانور يهديلك حالك ويهديلك زوجك ويهديكى ليه ويقومك بالسلامه انتى وبنتك وربنا يفرحك انتى وكل البنات يااااااااااااااااارب بأولادهم

اكيد كله نايم مفيش الا انا عاااااااااااااااااااااااا
علي راي نجوي كرم بعد اليوم مافي نوم مافي نوم عااااااااااااااااااااااااااااا
ياجدعان مبنمششششششششششششششششش

÷ههههه
ساره انا صاحيه

YouYaa;15339594:
÷ههههه
ساره انا صاحيه

صاحيه بمزاجك ولا كفاح مسلح ؟؟؟
وكام عندك

بمزاجى ياايختى من الساعه 2 واان صاحيه زى عندك بالظبط جبتى ايه ياموزه صحيح وصورتى ولالا

YouYaa;15339606:
بمزاجى ياايختى من الساعه 2 واان صاحيه زى عندك بالظبط جبتى ايه ياموزه صحيح وصورتى ولالا

لا انا صاحيه كفاح
جبت يوسف مصورتهوش لسه لانه جاتله الصفرااا ووشه اورنج 8o|اول مره اشوف عيل عنده الصفرا يبقا لونه اورنج :-#
وكمان وشه متبهدل حبوب اللي زي الحمونيل من الرضاعه لما خده بيلمس الصدر الواد بيطلع صهدان ووشه احمررررررررر وعرقاااااااان
ورغم كده انا بحميه كل يوم وبغسل وشه وبردوه الحبوب مبهدله وشه
فامستنيه ربنا يكرمه كده واصوره

كمان نسيت اقولك اني صاحيه بطبخ لان مفيش وقت الصبح بيبقا علي طول زن وعايز يتشال وانا ببقا خلاص مش قادره اعمل حاجه من سهر بليل والصبح

ايه ده فى حد صاحى زيي
ساره ازيك ياقمر وحمد الله على سلامتك
والف سلامه على يوسف معلش وموضوع الحبوب ده عندى اروى زيه كده لو بس اتحريت شويه تلاقى وشها ده كله حمونيل
انتى ولدتى امتى صحيح وطبيعى ولا كالعاده زينا