بيتنا الخامس عشر ربات بيوت اكثر سنع في شهر شعبان وقبل رمضان

خلود بسم الله عليكم ياقلبي
اقري على بناتك
والجمد لله على سلامتكم

تونا واصلين من السفر قريت يومياتكم

دانه الحمد لله انك رجعتوا لبعض بس انتي ياقلبي تكبري الامور كل مشكله تقولي خلاص بنتطلق ومشاء الله يومين وترجعون عرسان الله يتم عليكم ترا مو بس انتي اتوقع اغلب الحرم كيذا اذا صار لها مشكله تحس انها خلاص نهايه حياتها وتتفاجاء انها ترجع مع زوجها بروح جديده وحياه احلى من قبل المشكله





روحي تحبك مبروك عليك الايباد ومبروك ذكرى زواجكم
ياحليل رجالكم ياهل الحجاز رومنسين مشاء الله تبارك الله
الله يخليهم لكم

خلود ياحليلك انتي ولحمتك وش رايك باللي تسوي بليلا وطلعت من البيت من العصر الى العشاء وهي على النار خخخخخخخخخخخ بس جاء زوجي للبيت لقى الغاز مخلص الله اعلم متى خلص بس البليلا طالعات مثل الحصى الاسود والقدر كانه صلعه عبد



انثى وش فيك ملوله عادي واذا راحوا الناس اللي عندك مو انتي ودك تطلعين عنهم وترتاحين ابسطي نفسك بنفسك لاتقولي لو عندي احد كان صار وصار لا غلط
اخذنا بالجامعه الذكاء الذاتي وهو يتكلم عن كيف الواحد يسعد نفسه بنفسه بحيث لو يجلس بسجن يكون سعيد صراحه عجبني وبديت اطبقه على نفسي بس لسى ماتعمقنا بالموضوع ذا




روز باقي لكم شهر بس !!!!!!!!! يابنت فليها هنا وقضي كل الاشايء اللي ماتلاقينها بالسعوديه من بريطانيا بس يمكن يعوقك الشحن



لمعه الله يخلي لك ابوك وش صار بيبتكم احنا ماستانسنا بالسفره العمال كل شوي يدقون هذا وش نسوي فيه وهذا وش مانسوي فيه تعبونا استغفر الله


جداويا الله يكتب لك الخيره ويصرف قلبك عن الابتعاث ان كان خير لك

دفاء مشاء الله مبروك بنت اخت زوجك اموت على التؤام الله يخليهم لها خصوصا لو كانوا تؤام متشابه واتمنى اجيب تؤام بنت وولد متشابهين لان كل ولاداتي قيصري فاتمنى التؤام

لمسه امي يالغلا لاتقطعينا ترا لك بصمتك بالملف

اخبار سفرتنا

مشينا يوم الاثنين للمدينه وحجزنا فندق زواجي وبكيييييييييت يوم دخلته تذكرت ايام الصبا <طسي يالعجوز


وعلى طول طلبنا عشاء ونوووووم الى الساعه 12 وقمت روشت الشباب يبون يجربون صوابين الفندق خخخخخخ ولبستهم قمصان وطواقي طلعوا بخارين بس بعيون وساع خخخخخخخخ والله اشكالهم تحف

واخذت ولدي الوسطي معاي والكبير والصغير مع ابوهم لانهم هادين والوسطي شوي متعب ودخلنا المسجد وكل شوي يختار لي مكان ويغير ويجيب لي مصحف ويفتح شنطتي ويقفلها ويتسدح علي وانا جالسه معاه فرط حركه ومرات يزوووووود الله يصلحه

وبعدين قلت بصلي بالروضه وطلبت زوجي ووافق بس قال 2 نسلم الفندق
وقسموا الحريم حسب الدول يدخلون الروضه عشان الزحمه الخليج لحال والعرب لحال وتركيا لحال والهند وباكستان لححال وايران لحال كش عليهن الايرانيات تتكلم معاهم البنت المسؤله عنهم ولا يعبرنها رحمتهااااااا اللي تلوي فمها واللي تسولف وتذكرت انهم رافضيات واكيد هي تنصحهم بالسنه واتباعها


وبعدين طلعت وضيعت الفندق وجوعاااااااااااااااانه وادق على زوجي ونوصف لبعض ولا واحد يعرف وين مكان الثاني وراح زوجي شال شناطنا وصار يدورني على السايره ولقاني بعد ماغرقت نقابي دموع

ومشينا على جده مشاء الله يابختكم ياهل جده بس لو يهتمون بناضافتها شوي لاني بجد تعبت عدم الاهتمام مع اننا نستاجر فنادق نضيفه بس الاماكن العامه زوجي يقول من بعد المطر خلاص شوارعهم ماتنضف ودخلنى جده على العشاء وعلى طول على البيك طلبنا عشاء واخذنا شقه ورحنا للاسواق وخلصت عيالي للعيد وللمدرسه وزوجي اخذ له تشيرتات حلوه وبارده واخذت هدايا لخواتي وعيالهن
ورجعنا للشقه وصرنا ندق على مركز سياحه نبي مهرجان ولا شي نروح له مدح لنا ملاهي الشلال
ونوم وصحينا 2 سلمنا الشقه

ورحنا نتمشى بالسياره ولقينا بطريقنا لتوز ار اص ولدي منهبل يبي العاب بن تن واحنا رايحن للمحل وقفنا عند اشاره ولقينا بنات يمكن اعمارهم 8 و12 الكبيره تطق الصغيره ويطلع زوجي راسه من الشباك عليهم ويهاوشها قال لاتضربينها عسى يضربك الشر والتكرونيه فاتحه فمها فجعها وانا بغيت اموت من الضحك عليه حركات زوجي مضحكه

وولدي اشترا براتبه حق اول البتدائي العاب له ولاخوانه ومن ضمنها بن تن يدين له ووجه وكل شي يخصه متعلق فيه الله يكفيه شره

ورحنا لبيت الدونات واخذنا دونات ولاتيه

ورحنا لملاهي الشلال ولعبت انا وزوجي والعيال بعدين زوجي عوره ضهره ولقيت بنات من الطايف لعبت معاهم ونيسات وكنت بركم معاهم الشوايه بس زوجي هاوشني قال تعالي مع عيالك لاتخاوين ناس ماتعرفينهم قلت تكفى عاد هاليي بعطيهم جوالي ابي العب معاهم وبس لان الملاهي يركبون حريم ورجال وابي اضمن ان بجنبي مره ولا اتوهق وتحمل على نفسه ولعب معاي وولدي الصغير نخاف عليه مانبيه يركب ويوقل عادي ماحاف وه ياملحه وجلسنا الى السعه 2 باليل وكنت بركب قطار الموت بس زحممممه يمكن مايوصلني السراء الا الساعه 3


وتعب ضهر زوجي وطلعنا ورحنا نستاجر شقه ونوووووم الى الساعه 2 وقمنا تغدينا وراح زوجي اشترا حرامات وروشت العيال وهو لبسهم الاحرامات
وانا اشترى لي زوجي قميص لان كل اللبس اللي معاي بناطيل
ولبسنا وطلعنا للحرم وزحممممممممممممه وولدي الوسطي ضاق ويقول شيلينيوانا ماقدر ثقيل الله يصلحه وسعينا فوق خفيف وقاموا يلعبون ويطلعون المواهب وولدي الوسطي كل شوي يحبه احد عليه حركات مضحكه ويرقص مصري بالمسعى يحط حرامه على وجهه ويهزززز ويردح واهاوش واقرص مافيه فايده قسم بالله ضيق خلقي ماخلاني اعرف ادعي ولا اخشع
وفيه بنات تركيات ورانا عطنه تفاح وبلونات اعجبهم لعبه ماخلا الناس تعتمر اشغلهم هههههههههههه وكانوا يبون يصورنه ورفضت وشكرتهم
وتحللنا بالمسعى وكنت جايبه لهم بدل معاي قطنيه وغيرت لهم بالمسعى وسفطنا حراماتنا وحطيناها بكيس وتركناها بالمسعى يمكن احد ياخذهم او ترمى بالزباله مادري بس مانقدر نشيلهم بجدمعانا اغراض وتعبانين اصلا


وكنا بنطلع للطايف نبي البراد بس العمل طلبوا زوجي ضروري ومشينا واحنا تعبانييييييين واخذنا عشاء من البيك وداعيه وعيالي عصبوا يبون القرود يعني الطايف بس يالله اهم شي العمل مايسببون له مشكله خصوصا ان مديره مو مضبوط معاه

وتعشينا بالسياره والعيال ناموا وبعد 200 كيلو وقفنا نعبي بانزين وبالمره وقفنا نفرغ توانكي العيال هههههههه وكل شوي اشيل واحد واوديه للحمام وارجعه للسياره واجيب اللي بعده وعلى ذا الحال ولقيت قصيميه تضحك علي يوم جبت اخر واحد تقول صحيهم سواء وخليهم يمشون بس ابوهم مايبيهم يصحون
واخذنا موكا حار ودونات وسوالف على زوجي اخربط عليه عشان ماينام واقص له قصص حريم عالم حواء وكل ماقلت شي قال كذب خخخخخخخ قلت عاد كذب هذا ذنبهم انا اقول لك اللي اقاره لانه متاثر بعمله محقق وكل شي عنده كذب ويحلله متعبني بذي النقطه صراحه

ووقفنا جبنا مشروب الطاقه لاعادت وانا خايفه اشربه وغصبني عليه عشان ماننام وشربته ونمت ههههههههههههههههههه مادريت الا يصحيني يقول بموت نوم قومي الا الساعه 2 ونص وحنا ماشين 9 ياربي تعب ويصب علي مويه واصحى
ووصلنا بالسلامه الحمد لله الساعه 4 ونص آآآآآىه ياضهري وجسمي كله يعورني
وتوته توته خلصت الحتوته يالله عاد مابي تقورن وتسكتون علقن على سفرتي المتواضعه احم احم


لو فيه اخطاء املائيه مشوها لاني مو فاضيه اراجع وش كتبت
الحين بحاول النوم العيال وابخمد ماشوف ابد

جالكسي اشتري لاب توب عشان تاخذين راحتك

عطوني رايكم بفستان زفافي قبل مافصله واندم بسرعة اجلت الخياط لاخذ رايكم

بدي رايكم ياحلوين

http://go.3roos.com/o7igddlh2u5

بصراحه تحمست افرزن ماشاء الله لاقوة الا بالله

رايقه ،

ياحلو سوالفك خشيت جوووو حسيت اني معكم ،

والحمد لله ع السلامه والعمره مقبوله ياارب ،

رايقه \

الحمد لله على سلامتكم
دخلت الجو معكم ماشاء الله
ومبارك العمره

رايقة
عمرة مقبولة
ممكن سؤال ؟؟
احس رحلتكم مكوكية :) كم يوم خذتوا فيها ؟؟
من جد تعب اذا بتشيلين وتحطين حسب مافهمت كل فندق فيه ليلة فقط صح ؟؟
انا في مكة بالذات بعد العمرة يبي لي يوووووووووووووووووم فقط انام ارتاح من تعب الطريق هههه

آه يالقهر ،

متفقه مع زوجي نروح المخيم لحالنا ونشوي وننبسط

دق عليه ابوه امس وقال له بنروح الشرقيه نعزي ولد عمنا شايب متوفي / الله يرحمه ويغفر له

زوجي كان ناوي يدق يعزي بالتلفون ، بس خالي نشب له ، طلع من شوي ، وانا منبطه كبدي ،

ودي أمسك مطبخي عمييييق ، ادعولي تنفتح نفسي عليه ،

رايقه

الحمد لله ع السلامه .. ومبروك العمره
ياحليلك انتي ورحلتك كلهاا شلشله وفقعت ضحك على النوم والبايسن خخخ

...

جالكسي

الله يسخر لك زوجك

...

انثى

الله يسهل عليك ويكون بعونكـ

....

خوخه
حمدلله على سلامتكم .. جت سليمه
ولاتعودين لها تشبين على شي وتلهين بالنت عنه
وابدي بمطبخك شجعيني واشجعك لي يومين باديه فيه كل يوم اشوي
واليوم جت اختي رتبت فتحت القدور وعلب البلاستيك الله يجزاها خير ويرزقهاا الولد الصالح
وانا نظفت اصعب شي قسم البهارات والمؤنه
وراحت وجاني احباط وابي تشجيع

مساء الخير..

خلود..حمدالله على سلامتكم..

نايمه والقدر عالنار؟!!!!

رايقة.. عمرة مقبولة.. يا شين الطريق الطويل..

ما توصلين الا وقاعتك متخدرة..

بس تعالي.. اذا لعبتي انتِ وزوجك.. عيالك وين يكونون؟!!!

جالكسي.. الله يسخركم لبعض..

غيري الباس وورد خخخخ

____________________

يومياتي..

اليوم الثلاثي كله مداوم.. وحدعش ونص جبنا روفة..

وقدمت طلب على صور لبناتي بالحفل.. ودفع زوجي حق اللنش للاسبوع الجاي..

ورجعنا للبيت.. و جا على بالي انظف المطبخ عميق<< توارد خواطر معكم

لبست قلفز وكمامة وبديت من فوق لتحت..

ومن الحماس رقيت عالكاونتر ووقفت بمسح الدولاب من فوق..







و طاااااااخ...آآآآآآه



صقع راسي السقف :039:

ومسحت وانا مدنقة!! ونزلت..

رتبت رف العلاجات وشلت اشياء مسويه زحمه وما نستعملها..

ومسحت الدواليب من برا وجوا ورتبت الاغراض..

وفركت الشبابيك..تربعت عالكاونتر وهاتك يا تلييف..ومسح ثم تلميع..

وفكيت فلتر هواية الفرن..كانت تنقط زيت.. بخيت عليها فيري..

وغسلت صندوق القمامة بديتول وكلور وشطفته وخليته ينقط هو وصندوق النعمة..

نظفت تب الفرن.. نظفت المجلا وشبك المواعين والغلاية والكوفي ميكر..

وصبيت فيهن ماء وخل وشغلتهن..

و نظفت الشباك اللي قبال المجلا.. ولمعته وشلت الحوسه اللي عليه..

ثم طلعت اجيب بناتي.. وقابلت وحدة سعودية جديدة توهم جايين..

خذت بناتي ورجعنا.. سويت لهن تشكن برجر وبطاطس.. وكلت معهم..

ثم رجعت للمطبخ.. كان حماسي بدا يخف..

وبغيت اطمر دولاب المواعين على اساس انه نظيف..

ثم جا على بالي اغير ترتيبه.. واحط الاكواب والكاسات مع بعض..

نزلت كل اللي بالدولاب ومسحته.. ونزلت الرف وسار اقرب للعين اشوف اللي فيه..

فرشت مناديل وصفيت الفناجيل والبيالات والاكواب والكاسات..

وبالرف اللي فوقهم رصيت الصحون والبوادي.. ياسلااااام انبسطت عليه..

وكل شوي فاتحته اتفرج خخخخ.. هاللي بغيت ما انظفه طلع هو اكثر واحد بين فيه الشغل..:thumbs_up:

وكملت عالدواليب اللي تحت.. مسح وترتيب..

والكاونتر فركته ومسحته.. وكنست الارض ومسحتها ومسحت الجدران والثلاجة..

وخلاااااااص تعبت..او معنى اصح..مليت..

وباقي لي الادراج.. واليوتلتي<<غرفة الغسيل..

ومطلعه دجاجة تذوب.. وبقوم الطبخها الحين..

قطو..

امس حضرت شبكة وانبسطنا ورجعنا على 2 ونص ونممت وصحيت الساعة 7 ..

وافطرت كبدة وجلست اسووولف مع اخواتي واشوف اغراضهم من السووووووق امس راحو ..

ليييييييييييين الجمعه ... اذن وصلييييييييييييت وتغدينا وطبعا الضيوووووف عندنا .. بس الحمدلله انهم رجال بس ..

حضرنا لهم الغداء تغدوا

وانا ما نمت ابي اعدل نومي ... >>> جلست اتصفح والعب مع ولد اختي العاااب mbc3 خخخخخخخخخخ

وقمت على المطبخ وغسلللت ومسسحت ..

وعلى دفعة من ملابسي .. باقي لي شووويااات بخليهم بكره ..

والحييييييييين فضيت للنت بس بصلي العشاء ... واهـــــــــــجم خخخخخخخخخـ



وكاااااااااااااااااااااااااااااااااات

مساااااء الانجازات ،

اليوم عقب ردي ، قريت الكهف وجاني النوم

وغفيت انا وولدي الين المغرب ، قمت صليت وسميت

بالله ودخلت المطبخ ، غسلت المواعين ، وفركت الفرن من برا وداخل ،بداك

ولمعت قزازته ،وغسلت شبك البصل والبطاطس ، ورتبتهم ،

وغسلت الفريزر من برا ، ومسحت باب المطبخ ، وغسالة المواعين والميكرويف ،

وفركت مفرش الطاوله ، والكونترات ، وغسلت الارضيه،

اللي من داخل الدواليب توه ماله شهر منظف ، قلت بخليه قبل رمضان الله يبلغناه على خير ،

 

بنات الله يسلمكم جميع ،

روز ،

لاماكنت نايمه ، جالسه اتقهوى وماسكه جهازي

وجيت بشوف هو اللحم استوى والا توه ، شفت الساعه &#1634; ونص

ورحت اقوم ابونا عشان يصلي وجلست عنده ساعه على ماقام وجلست ابربر فوق راسه ونسيييييت

الغدا، وصار اللي صار ،

فرحاااااااااانه خلصت المطبخ وغرفه الجلوس والمجلس عميييييييييق واااااو
اكتب لكم من الجوال