بيتنا الخامس عشر ربات بيوت اكثر سنع في شهر شعبان وقبل رمضان

اليوم انا انجااااااااااااااااااااااااااز
صحيت الصباح الساعة 4 صليت الفجر وقرأت قرآن
وجلست اقرأ يومياتكم حتى الساعة السادسة >>>>>>>>>>> حلوة العربية
المهم جهزت فطور لزوجي للدوام ( ما يفطر بالبيت )
وووو بعد ما مشى دوامه الله يحفظة
ع طوووووووووووول حطيت غسيل ابيض بالغسالة
ثم رحت غرفة النوم وبدلت المفرش
ورتبت الغرفة >>>>>>>>>>>> من غير نفس خخخخخخ
وجهزت لي فطور بيض بالجبن افطرت ثم جلست ع النت
الساعة 10 طلعت الغسيل ونشرته وجهزت اللي للكوي
علشان متى ما انفتحت نفسي اكوي
نمت حتى 12,30 قمت صليت الظهر وطلعت دجاج للغدا
خليتها تلين حتى الساعة 2 جلست ع النت سوالف مع بنت خالي
ثم قمت سويت دجاج مقلقل مع رز ابيض للغدا
وبعدها جاء زوجي وتغدا ودخل ينام وانا جلست ع النت سوالف مع خواتي خخخخ
ثم نمت شوي وقمت المغرب صليت وجهزت العشاء دجاج مفروم بالجبن مع بريد وشربنا معه سفن
وانا جالسة الحين اكتب لكم انجاااااااااااااااااااااااااازااااااااااااااااااتي
هههههههههههههههههههههههههههههههههههههه

جداويا
ياعيني يجنن مشالله روعه توكلي على الله واخذيه
انثى ذوق
الله يجزاك كل خير الفيديو حلو ومعبر بس عجزت اكمله مدري ليش جاني خوووف
دانه قلبه
ان شاء الله تكونين دانه بقلبه ولايشوف غيرك يارب والله يصلح الاحوال

السلام عليكم ،،،

اليوم قمت ١ ، لقيت عيوني مورمه من كثر النوم

الله لايبلانا ،

جهزت قهوه ، تقهويت انا وبعلي ، وكنت بجلس

في البيت لانه دمااااار ، بس تحسفت قلت بروح لاهلي

ولاحقه ع البيت ، جهزت شنطة عيالي ورحنا لاهلي

الساعه ٢ ، طبعا الدار مارحت لها هالاسبوع ولقيت امي متجهزه بتروح

قلت اجل معك ، ورحت حفظت لي وجه ، وتحممت ولبست بلوزه بيضاء وتنوره جينز / ترا ميب حقت اختي

ورحنا الدار ، سمعت اللي علي ورقينا قاعة الحفلات مسوين حفل تعارف ، مجهزين قهوه وعصير وملحقاتها

ورجعنا المغرب ،

ركبتي الله لايوريكم صاااايله علي ، شكله من الكعب والرقص ،

،،،،،،،،،،،،،،

يااااه.. رجعت سنتين ورا..

قعدت اقرا ردودي بملف السنعات اللي حطته لمسة امي..

ذكريااااات.. وانتابني شعور لما قريت رد لي اقول فيه اني السنتين الجايه بتتغير ظروفي..

هذاني اعيش هالتغيير.. وعلى نهايته.. ماشاء الله..

________________

الرد اللي فوق كاتبته من ساعتين او اكثر!! ولا بعد ارسلته..:confused:

يومياتي..

بعد الروتين الصباحي.. وبعد الروقان..

قومت روفه وغيرت لها وطلعنا لتيسكو.. جبنا نواقص البيت ورجعنا..

قعدت عالنت ثم طلعت اجيب بناتي..

ورجعنا وعلى طول شغلت الـ DVD حق العرض المدرسي..

استلمته جود من امس وناسيته بالفصل الله يصلحها..ودي حاقه تتنسي!!!!!

بعد ما تفرجنا مسحت طاولة الطعام.. وفركت بقعة صلصة بمدخل المقلط وش كبرها..

ولا بعد نظفت!! :thumbs_down:وكنست الدور السفلي كله.. جا زوجي..سويت قهوة.. وتقهوينا..

ثم بديت بالعشاء.. صينية دجاج بالخضار بالفرن..

قعدت مع بناتي وهن يتفرجن عالـ DVD ونسوي قبعات من الجرايد..

ثم حطيت العشاء وتعشينا..وظفيت السفرة ورقيت بناتي ينامون..

وطلعت زبالة الورق و القزاز و المعدن..وطلعت اللي بالقراج..وكيسين من الزرع اللي قصصته من كم يوم..

و طلعت صندوق الاكل.. اما البامبرز -تكرمون- فربطت الكيسه وحطيتها بالقراج لأنه مو يومها..

وحطيت كيس جديد ودخلت.. بدا الليل يخيم..والساعة الحين عشر ونص المغرب..

كنت مغسلة دفعتين لبناتي حطيتهن بالنشاف.. وحطيت دفعة بيضاء بالغسالة..

ثم غسلت مواعين العشاء..

وقطو..

سلام

يومياتي امس

تنبهت الساعه 10 ولا قدرت ارجع انام

جلست ع النت لين 12

وبعدها قمت ودخلت المطبخ وشطبته لاني ماشطبته البارح تعبانه

وشبيت على الغدا يمكن الساعه 1 ونص

ودق زوجي قال ابجيب من برا وسكرت ع الدجاج بعد مانضجت وبردت ودخلتهاا الثلاجه لبكره

رتبت البيت ع السسسسريع

وروشت عيالي وغسلت الحمام بالعملاق واخذت لي دوووش منعش ع السريع

جاء زوجي وتغدينا وبعد الصلاة دخل ينام وانا اخذت غفوه عند عيالي المزعجين

وقمت شبيت على القهوه لاني ابروووووح اقهوي اخت زوجي ماشاء الله جابت بنوته

سويت قهوه وشاي زنجبيل مع يانسون

وكنست البيت كله ومسحت السراميك والدرج

وقلت نأخذ فطاير ع الطريق

حطيت عيالي عند اهلي ورحناااا

يوم صلنا المستشفى ونصادف ززوجهاا ياخزياه انحرجت مره

اذن المغرب وراح يصلي وانا دخلت عندهاا وسلمت ع الامووره ماشاء الله تذنن بس مسيكينه

خالعين رجلهااا :( رحمتها

قهويتهاا فنجالين وقال زوجي يالله امشي مستعجلين المعلمه بتجي بعد المغرب

طلعنااا ورجعنا للبيت ومددت لاني تعبت من اسياب المستشفى حشى ممشى مو مستشفى خخخخخ

جت المعلمه درست ريان وطلع عيونهاا مادرس ,,<<صاير حرك بزياده الله يصلحه :(

طلعت صليت العشاء

ونزلت تحت مع اخت زوجي الثانيه لانها ماسكه عيال اختها الوالده وامها راحت تزور

اشكال عيالها يقطعون القلب فاقدين امهم بس مايعرفون يعبرون لانهم توينز عمرهم سنه ونص

تعشينااا وتهاوشنا مع هـ المبزره اجلس اعقل رده هاته خخخخ

الله يعين عليهم

جاء زوجي من النادي قطعت له فاكهه ونمنااااا ع الساعه 1 ونص

ووبس

روحي تحبك ،،،

الف مبرووووك نجاح زوجك ،

ومبروك عليك الاي باد ،الله يهنيك فيه ،

دفا ،

مبروك ماجاء اخت زوجك ، الله يصلحها ،

وياقليبي ع عيال اللي تولد ، ارحمممهم ، الله يخلي

لهم امهم ،

جوجو ،،

بالعافيه الشاني ، شهيتيني عليه ،

اروووووما ،،،

الحمد لله على السلامه ، والله يعطيك العافيه

،،،،،،،،،،،،،،،،

بعد الهواجيس والاخذ والعطا والاقتراحات

تقرر الآتي ،،،

بنسوي زواج أختي نوره في البيت ،

وأمس بدينا بالترتيبات والحجوزات ، زواجها بإذن الله

في &#1633;&#1632; -&#1633;&#1632; ،،،ياااااااارب توفقها وتيسر لنا الحفل الزين ،،، 

السلام عليكم حبايبي

الله يبارك فيكم


أروما: لا إحنا عارفين من الصباح بس ما توقعت يسوي شي
لأنه عنده دوام الى الى الساعه 12

دفا الثلج: كيف خلعو رجل البنت؟

خلوده: الله ييسر أمركم ويوفق اختك يارب



يومياتي:
بعد اخر رد ليا ، كنست البيت ومسحته بداك،
وغسلت دفعتين ملابس،
وصليت الفجر وقعدت على الآيباد الساعه 6 ودخلت انام،
لقيت زوجي صحي ، قمت سويتله فطور،
وقعدت معاه للساعه 8 ودخلت انام،


اليوم:
صحيت الساعه 1 ، لقيت زوجي باقي صاحي،
راح خلص أشغال ورجع،
صليت الظهر وقعدت معاه شوي،
وحميت له من البتزا حقت امس ، اكل ودخل ينام،
وانا قاعده اكمل الغسيل ، باقي دفعه وحده،
وبس.........

جداويا:
أقلك كيف أظلل الخط عشان ازبطه؟
مو راضي يتظلل معايه

خلود

الله يبارك فيك
والله يوفق اخيتك ويسر امرهاا ..

...

روحي تحبك

مادري والله .. مع انها مولده قيصري خالعين رجعلهاا !!!

حسبي الله عليهم

مساء الخير ،،،،

امس زوجي سافر جده هو وابوه عندهم معامله

وبيرجع اليوم ، وامس نمت عند اهلي ، مع اني ضااااايقه من بيتي

اليوم الظهر قلت لابوي رجعني لبيتي ،

صلينا العصر وحطني في بيتي جعل ثوابه الفردوس

فصخت عبايتي ، وشنيت حملة شرسه ع البيت ،

عبيت السطل كلور وصابون وغسلت دورات المياه وعقمتها

ونظفت قسم الرجال وسكرته ،،

والحين بأبدأ في الصاله ، والغساله تشتغل ،

قلت اكتب ربع الانجاز وبعدين اجي اكمله ،،،،

مع السلامه ،،،،،،

روحي ،

ياإنه بيهبل بك هالايباد ، كل يوم تكتشفين

شي جديد ، انا سبهني الاي فون ، صرت امشي

وهو بين يديني ، في السياره في العزايم ، فتنه من جد

ملل محد في الطايف غيري
اهل زوجي سافروا جده
وقريبتي راحت مكه
ولابيرجعون الا السبت
وه بس

مساء الخير..

روحي..عالبركة نجاح زوجك والايباد..

خلود.. الله يوفق اختك ويسخر لها و يسخرها..

______________

يومياتي..

اليوم حطيت الثلاثي بالمدرسة.. و كان عندي محاضرة تجريبية لمعهد لغة..

رحت اوسع صدري بس.. ويشرحون اساسيات عارفتها وماله منها.. ابي شي اكبر..

جاني زوجي ومعه روفة الساعة ثنعش..

سويت لنا قهوة وفطور..

ثم طلعت اجيب بناتي و سويت لهن تشكن برجر..

وبقوم بعد شوي اركب على عشانا.. واظف المطبخ ما لمسته من الظهر..

قطو..