تجمع الحوامل اللاتي يلدن في 3_2012يعني بدايةشهر 4_1433

مبررررروووك فااااااتي ع البنوته

سكر و فااتي مبروووك و ان شاء الله تشوفونهم ف احضانكم . .

1 / 3 / 2012

..Rose..

2 / 3 / 2012

DerRoO Queen

3 / 3 / 2012

الاميره فاتي

الدلوعه المتفائله

~encanto

~Mrs $ugar~

5 / 3 / 2012

عروسةسعودية

ام بتول 2007

6 / 3 / 2012

kamilya

همس الليل0

7 / 3 / 2012

‏الحمـــدلله

MissDiorPink

9 / 3 / 2012

الورده المجروحه

10 / 3 / 2012

نور البحرين

12 / 3 / 2012

النزوانيه

13 / 3 / 2012

: :شموخ: :

14 / 3 / 2012

سكر

16 / 3 / 2012

eng.loolo

19 / 3 / 2012

HAYAWA

21 / 3 / 2012

Abeer5511

almostabda

23 / 3 / 2012

أحلى رومانسيه

26 / 3 / 2012

عروسه مشتاقه للجنه

28 / 3 / 2012

ورده بنفسجيه2009

Alaai

29 / 3 / 2012

umkhokha

Du3a2

مريومة الحلوة

31 / 3 / 2012

alhelwa_7ell

بااقي الكروشااات ماعرف تاريخ ولاادتهم

كلمة وداع

غلا ابوها وبس

MissDiorPink;15644360:
عفــــــيه عليج سكر واللـــــه

اعجبش؟ :lol:

الأميرة فاتي;15644963:

سكر .. أي احس بضربات خفييييييييييييفة .. حلو الشعور :o

الحركة والضربات بتحسين فيها من الاسبوع ال20
ماباقي لش شي:D

الأميرة فاتي;15644968:

بـآركـو ليّ

سويت سونار اليوم

فيني بنووووتة :L:

ياعمري الورديات
تجي بالسلامه ان شاء الله :adore:

الأميرة فاتي;15644980:

بنات اني من جفت انها بنوتة جتني الحووسة على التجهيز ..

سكر و باقي البنات ... سويتون لكم قائمة ؟؟؟ لو بتتسوقون و بس ؟؟؟

و من وين تفكرون تجهزون ؟

عندكم فكرة عن محلات السعودية .. خصوصاً الاحساء ..؟

الأميرة فاتي;15644968:

بـآركـو ليّ

سويت سونار اليوم

فيني بنووووتة :L:

الأميرة فاتي;15644963:

~encanto .. شخبارش ؟ و شخبار الدراسة

الله يعينّا إحس إن هالكورس ثقيل لأن تفكيرنا كله في البيبي :worn_out:

F:

الأميرة فاتي;15644968:

بـآركـو ليّ

سويت سونار اليوم

فيني بنووووتة :L:

اهليين فااتي,, انا بخيير, والدراسه زينه والكورس حده ثقيل مع الحماال :confused:
انتي شخبارج, وشلووونج ويا الدراسة والحمال .. عسى مو واايد تعب

ومبرووووووووك علييج البنووته حبيبتي ,, الله اييبها بالسلااامه يارب

MissDiorPink;15645822:

مبروووووووك البنوتة وتتربى في عزكم مقدما وتبلغين فيها يا رب وتشوفينها عروس


F:

الله يتمم لج بخير يا رب

وعن الاغراض قاعدة اخذ شوي شوي كل شهر شي

بس القائمة قسم التجهيزات ما قصروا بس الواحد ينسى احيانا ومشكله يتذكر حزة الحزة

اهم شي تقسمين اغراضج واغراض الطفل وراح احط لكم قائمة مفصلة ان شاء الله

تصدقين المفروض بكرة اروح الاحساء بس ماقدر عندنا اخت مرت خالي متوفيه بس احس صعبه على هالشارع

مع ان مفكرين نروح دبي بالسيارة في العيد اذا الله كتب باخذ من هناك كم شي

قلت بعد يوم الاثنين موعدي وبتأكد مرة ثانية ان ولد (وسواس عندي) ببتدي اسوي الشراشف وطقم النفاس

وابي اخلص من الاشياء الكبيرة

امي تقولي لا تاخذين جاري وكرسي سيارة وهالسوالف الا عقب نطري اول بمكن يجونج هدايا هههههههههههه

~encanto;15645910:

انا اول مابتديت بديت بالثياب.. بس الحين قررت ماخذ ثياب كله اخاف اخذ وينزلون ثياب
يدد واستخف عليهم ويكون عندي كفايه :lol:
وراويناا قائمتج خل اسووي مثلها .. لان اذا علي احتمال اشتري السوق كامل
بس قلت هالشهر بابتدي افصل فراشات حق البيبي وحقي عشان هاي ياخذ له وقت
وانا بروحي بارده ومن حملت ماحب اطلع الا على المزاج

مو تعب عليج مشوار دبي والاحسا ؟
انا عن نفسي مو بس سالفة تعب انا من اطلع في السياره اتملل
بس ابي اوصل المكان بسرعه ماحب اقعد في السياره ولا حتى ربع ساعه :|

افتريتو على محلات اللي يفصلون الفراشات .. انا سألت جيرانه كروشات تجمع يناير
قالو لي عن محلات في سوق واقف ومحل في الزنج وثنتين خوات يفصلون ..

انتو عندكم محلات غيرهم ؟؟

انا ابرد منج وعن الفراشات بروحه ما عرف وين اسوي محتارة !!
ولان قلت بخلصهم يعني عقب بندخل في لوية التوزيعات بعد :confused:

عن المشاوير متعودة ترا هههههههههه اروح لين عمان بالسيارة بس قلت هالمرة بنسدح ورا لين نوصل بس انا اخاف من المطبات

اما عن الثياب وان اخاف يكون عندي كفايه معليه اخذ سايز اكبر خخخخخخخ

ههههههههههههه,, انا ماقدر اخذ ثياب واخليهم اتيني حوسه
والله بروحهم التوزيعات والضيافة شغله ثانيه .. لازم الواحد يبتكر له شي ويدور من محل لي محل

انا قريت في ورقة عطتني اياها الدكتوورة ,, أن اذا سافرتي بالسياره لازم تتمشين كأنه كل ساعتين
يعني على حسابج مابيوصلون الا عقب اسبوووع :p

هلا بنات كيفكم ؟
انا حامل في اخر الشهر الرابع وهذا المولد الثالث .. والله يسهل علي وعليكم

مع حلول الشهر الخامس للحمل يبدأ الشعور بالحيوية والعافية والتألق للتحسن الملحوظ للبشرة والشعر، ولظهور ملامح الحمل المتمثلة في كبر حجم البطن فلقد آن الأوان لارتداء ملابس الحمل الفضفاضة المريحة.
يقوم الطبيب في هذا الشهر بالفحص الدوري المعتاد والذي أشرنا إليه سابقا بالإضافة إلى سماع ضربات قلب الجنين والفحص الخارجي لحجم وشكل الرحم.

ماذا تشعرين:

ـ بدء الإحساس بحركة الجنين كرفرفة الطير أو كفقاعات تتصاعد داخل البطن.

ـ إفرازات مهبلية غزيرة بيضاء اللون بدون رائحة.

ـ الشعور بآلام أسفل البطن لارتخاء وتمدد الأربطة المساندة للرحم.

ـ استمرار الإمساك.

ـ خروج مادة لبنية من الثديين تدعى اللباء.

ـ حرقة المعدة وعسر الهضم والانتفاخ.

ـ انسداد ونزيف الأنف من حين لآخر.

ـ انفتاح الشهية للطعام.

ـ تنميل القدمين.

ـ ظهور دوالي القدم والبواسير، احدهما أو كلاهما.

ـ الإحساس بخفقان في القلب.

ـ الرغبة الشديدة أو انعدام الرغبة في العلاقة الزوجية.

ـ آلام الظهر.

ـ تغير لون الجلد في منطقة المعدة والوجه والرقبة.

أما من الناحية النفسية فسيتحسن المزاج بشكل عام مع الشعور بالضيق من حين إلى آخر واستمرار الشرود.


كيف تبدين:

تكون الزيادة الكاملة للوزن خلال المرحلة الثانية للحمل ما بين 5 إلى 7 كيلوغرامات بمعدل نصف كيلو لكل أسبوع وهي ما تعادل 50 إلى 60% من كامل زيادة الوزن أثناء الحمل.


كيف يبدو طفلك:

ـ نمو شعر الرأس.

ـ بدء تكون الأسنان.

ـ تكون مادة دهنية على الجسم لحماية البشرة داخل الرحم تدعى الدمام.

ـ انتقال خلايا المناعة من الأم للجنين عبر الدم لتساعد على المقاومة خلال الأسابيع الأولى بعد الولادة. ـ تكثر حركة الطفل.


الشعور بالإجهاد:

عند ممارسة التمارين الرياضية أو خلال القيام بالأعمال المنزلية يزداد الشعور بالإجهاد والتعب، وهنا يجب التوقف عن مزاولة أي مجهود قبل الإحساس بالإجهاد، بمعنى اخذ فترات متقطعة من الراحة أثناء مزاولة الرياضة أو غيرها من الأعمال المجهدة لتجنب التأثير السلبي للإجهاد على الأم والطفل معا.


وضع النوم:

من أكثر الأمور صعوبة خلال فترة الحمل هو تغير وضع النوم المفضل لدى الحامل مما يسبب الأرق حتى يتم الاعتياد على وضع النوم الجديد.

بسبب كبر حجم البطن يصبح من المحال النوم على البطن، كما ان الاستلقاء على الظهر مع كونه أكثر راحة إلا انه يزيد من ضغط الرحم بثقله على الظهر والأمعاء والوريد الأجوف السفلي مما يؤدي إلى الشعور بآلام الظهر وعسر الهضم وصعوبة التنفس و انخفاض ضغط الدم. لذا يكون الوضع المثالي للنوم هو الاضطجاع على احد الجنبين مع رفع احدى القدمين فوق الاخرى ووضع وسادة بينهما.


آلام الظهر:

تكثر الشكوى من آلام أسفل الظهر خلال فترة الحمل، وذلك نتيجة لارتخاء مفاصل عنق الرحم لتسهيل عملية خروج الطفل أثناء الولادة، إضافة إلى ازدياد حجم البطن مما يؤدي إلى اختلال توازن الجسم. ولتجنب هذه الآلام يجب الحرص على الوقوف بشكل سليم مع رفع احدى القدمين على شيء مرتفع مع ثني الركبة لتجنب إجهاد الجزء السفلي من الظهر، والجلوس بطريقة صحيحة مع عدم وضع احدى القدمين فوق الاخرى. مع مراعاة انتقاء أحذية ذات كعب منخفض، والحرص على إبقاء الوزن ضمن الحد المسموح به.

~encanto;15646054:
ههههههههههههه,, انا ماقدر اخذ ثياب واخليهم اتيني حوسه
والله بروحهم التوزيعات والضيافة شغله ثانيه .. لازم الواحد يبتكر له شي ويدور من محل لي محل

انا قريت في ورقة عطتني اياها الدكتوورة ,, أن اذا سافرتي بالسياره لازم تتمشين كأنه كل ساعتين
يعني على حسابج مابيوصلون الا عقب اسبوووع :p

اي الله يعيننا على التجهيزات .. مع ان باقي وايد بس احس لين حزة الحزة ما يمدي :confused:

وعن السفر اذا بيوقفون كل ساعتين مو مشكله كلها 6 ساعات لين دبي يعني 3 وقفات هههههههه :p

yaaraa;15646426:
هلا بنات كيفكم ؟
انا حامل في اخر الشهر الرابع وهذا المولد الثالث .. والله يسهل علي وعليكم

الحمدلله بخير
الله يسهل عليج وعلى الجميع يا رب





مشكوووووووورة سكــــــــــــر على المعلوووماات القيــــــمة

وعن وضعيه النوم بس كنت ابي اقولكم اذا تبون ترتاحوون اشتروا pillow انا خذيت من مذركير مخدة الحوامل مالت النووووم ووايد ريحتني حق النوم وفي اشكال كثيرة لكن
دورت لكم صورة من النت نفس المخدة اللي عندي

شكرا سكر على المعلومات :)

انا من الشهر الجاي بفصل طقم فرشة وجنطة للبيبي لان يجهز عقب الطلب بشهر وراح اكون بالسادس ويجهز بالسابع

احس الايام تركض بسرعة

ومن ناحية الثياب اخلصهم بيومين ريلي يوديني المارينا واخلص الاساشيات وتالي اتلقط اشياء من محلات ثانية بس ماتكون من الاساسيات

لاني ماحب افتر وايد

ام بتول2007;15649047:
انا من الشهر الجاي بفصل طقم فرشة وجنطة للبيبي لان يجهز عقب الطلب بشهر وراح اكون بالسادس ويجهز بالسابع

احس الايام تركض بسرعة

ومن ناحية الثياب اخلصهم بيومين ريلي يوديني المارينا واخلص الاساشيات وتالي اتلقط اشياء من محلات ثانية بس ماتكون من الاساسيات

لاني ماحب افتر وايد

يعطيج العافية ام بتول ان شاء الله
اي صدقتي الايام تركض

ان شاء الله صحتج احسن احين ؟

yaaraa;15646426:
هلا بنات كيفكم ؟
انا حامل في اخر الشهر الرابع وهذا المولد الثالث .. والله يسهل علي وعليكم

أهلين، إحنا بخير انتي شخبارج ؟
مبروك ، والله يتمم لج على خير

سكـر؛؛ شكررا حبيبتي على المعلوومات ..
مـس ديـوور؛؛ أي أنا هاي عندي بس ولا استخدمه

بالضبط أم البتول الوقت قاعد يركض
وآنا بعد الشهر الياي بأفصل الفراشات ،،
أهم شيء انتي شخبارج أن شاء الله أحسن

وعرووسة وينهي بعد اليوم ماجفناها