26 مرة نقول يا تري بتعملي الأكله دي ازاي ؟ مبدعات مصر القمرات شهر رجب 1432

ازيكم وحشتونى

انتو هنا وانا عماله ادور عليكو

انا عاوزه بقا يابنات اكلات سريعه مش تخليني اقف كتير
انا مبقتش قادره اقف اكتر من ربع ساعه علي بعض :(

هو أنتم اجازة من المطبخ خميس و جمعة ولا اجازة من المنتدي بس.. فين الابداعات

السلام عليكم ورحمه الله وبركاته
تصدقو انى اول مره اشوف تجمع بتقولو في وصفات اكل لو كنت عرفت كنت سالتكم وهرتكم اسئله
ام بودي وفراشه في بيتها يارب تكونو كلكم بخير
ووحد يقولى بقي طريقه الكبسه حد يكون مجربها وتكون سهله
واللى تجرب اى اكله تبعتلى منها لانكم جوعتونى وهقوم افطر لتانى مره :D

السلام عليكم

تسلم ايديكم يابنات كلكم

عاوزه رأيكم لو هعمل عزومه لاتنين صحاب جوزى

هعمل فراخ كنتاكى وكفته مشويه ومكرونه بالصلصه

وصينينه بطاطس حمرا باللحمه ورز

ورقاق وبطاطس شيبسى وشوربه وسلطه خضرا وسلطه طحينه كده تمام ولا تقترحوا عليا ايه

وبعد الغدا بيبسى وهعمل جلاش وشاى

ام عمر افندى;15192497:
نور حبيبه قلبى عمرى ما طلبت حاجه الا والاقيكى رديتى عليا علطول ربنا يسهلك لمورك يارب

بصى يا ستى الفسيخ تعملى معاه بطاطس محمرة وخضرا بقا يعنى بصل اخضر وجرجير وخيار وطماطم وخس بس مش تقطعيهم سلطه لاااا حتت كده عشان اللى ياكل لقمه يبلع بحاجه تطرى وليمون ولو فى رنجه ماشى وسردين مش هيقول لا واكيييييد لااااازم بعد الاكله دى عصير ليموووون سااااااااقع اساسى وجهزى بقا سرير ومخده ومروحه اساسى برضوا بعد الاكله دى ههههههههههههههههههه ويبقا كده عملتى اللى عليكى وزياده كمان

يوم الباميه بقا هتعملى معاها لحمه مسلوقه ومحمره او تطبخيها مع الباميه وتعمليها فى طاجن فى الفرن بتبقا تححححفه وطريقه سوسى روووعه اوى
ورز شيعريه وسلطه خضرا وبصل متقطع وليمون وعيش وشوربه وسمبوبه خضار وفراخ عشان تبقى نوعتى

اليوم التالت بقا ممكن تعملى صنيه مكرونه بشاميل فى الفرن ومعاها فراخ فى الفرن برضوا او فراخ محشيه رز بالخلطه ومعاهم صنيه جلاش اى حشوه تحبيها وممكن بطاطس المتقوره ومحشيه لحمه مفرومه وسلطه وشوربه

اليوم الرابع محاااااشى محشى كوسه وفلفل وبتنجان وورق عنب وكرنب وبطاطس اى محشى ومعاه ملوخيه وبط مسلوق ومتحمر او ارانب مسلوقه ومحمره وسلطه زبادى ومخلل وتبوله وشووووربه


ممكن تشيلى اى يوم من دول لو مش عاجبينك وتعملى يوم سمك مشوى ومقلى وصنيه جمبرى وشوربه سى فووود وسلطه طحينه وليمون


ممكن تعملى فته ولحمه وشوربه

ممكن تعملى يا ستى لو الميزانيه تسمح حمااام محشى ورز بالخلطه وملوخيه وسلطه وشوربه وسمبوسه

الحلو بقا يوم تعملى بسبوسه مره كنافه بالقشطه مره رزباللبن وعليه مكسرات حته قشطه امممممممم مره كيكه قدره قادر اللى هيه كيكه شيكولاته وكريم كراميل او كيكه تايجر او ممكن تعملى شوكلت كيك وتعملى صوص شيكولاته وتحطيه عليها ساعه التقديم علطول مع الشاى اليوم بتاع الفسيخ ده والسمك ممكن تجيبى ايس كريم من برا وتحطيه فى الكوبايات وخلاص او تعملى فروت سلاط او تعملى الفروت سلاط وعليها بوله ايس كريم صغننه لان اى حلويات تانيه مش هتنفع خاااالص

العصاير بقا خليكى فى الطبيعى مفيش احلى منه موز باللبن جوافه باللبن برتقال فريييييش بيبقا روووعه مانجا وتقطعى فيها حتت كده بتبقا جميييله اوى فراوله او ممكن فراوله بالقشطه تحطى الفراوله فى الخلاط مع حبه ميه نوووونه اوى وتضربيها كويس وبعدين تحطى معلقتين قشطه مع حبه سكر وتضربى تانى وتغطيها كويس وتدخليها الفريزر ساعه وطلعى وحطى فى الكوبايات بتبقا حلوة اوووى بيبقا عصير بس تقيل كده ماسك نفسه او ممكن تعملى عصير فراوله عااادى خفيف وتقطعى عليه فراوله وتتاكل بالمعلقه

ده كل اللى جه فى بالى اختارى اللى يعجبك ومتنسيش تشيليلى نصيبى هههههههههههههههه

واحشانى يا مضروبه مواااااه

ماشاء الله المنيوهات جااااااااااااااااااااااامده
بس ممكن اشيل يوم المحشي ده واخليه سمك مشوي كده يبقى كويس الموضوع عشان مفيش وقت للسهر نحشو المحشي او وقت لتاني يوم عشان كل الايام ورى بعضها وربنا يسهل
وفعلا اخلي العصائر فريش احسن الناس اللي جايه بيحبوه كده اكتر بكتير من اي عصير تاني
يبقى بصي بقى خليكي معايا

اول يوم
بامية + رز شعرية + شوربة لسان عصفور+ فراخ مش هنعملو لحمة هما نفسهم في الفراخ الي هي بتتسلق وتتشوح في الزيت دي ويترش عليها ملح وفلفل اسمر
وجمبها سمبوسة محشية لحمة مفرومة وسلطة او مخلل

وطبعا عصير ماشي

تاني مرة
فسيخ + رنجة + بصل وخس وخيار وطماطم + بطاطس محمرة
وعصير لمون بعدها ومش لازم بقى حلو ممكن فاكهة

تالت مرة
المكرونة بالبشاميل وجمبها فراخ بانيه وبطاطس محمرة وسلطة

ورابع مرة
السمك المشوي ورز وسلطة وبابا غنوج

ربنا ما يحرمني منك ياااااااااارب والله ضبطتيلي الدنيا جدااااااا
موووووووووووواه وحشاني قووووووووي

رشرووش;15192627:
بسبس ونور وام عمر وسالاد وحشنى موووووت والله
سالاد الكشرى حلو اوووى تسلم ايدك

والله وانتي وحشاني جداااااااااااااا وبوسيلي البنات

أم مازن*;15192755:
اطعم مسا عالكباتييييييييييييييييييييييييييييين
وحشتونى وحشتونى وحشتوووووووووووووووووووووونى
عاملين ايه يابناويت يارب تكونوا كللللللللللللللللكم بالف خير وصحه وعافيه يارب
نوووووور ياحبى الطعميه بقيت اما احط عليها عاربوناتو تغمق وتشرب زيت كتيييييييييييييييييييييييييييير وتعمل قشره فاصله عن العجين كده وللعلم مابكترش كربوناتو بحط رشه بسيييييييييطه خالص

عاملة ايه وحشااااااااااااااااااني يا بنتي جدا
طيب يبقى رشة بسيطة انا اصلا نفسي تطلع زي الراجل بس يمكن السر في الزيت
لازم يبقى معفن عشان تطلع زي بتاعة الشارع هههههههه

salad;15195286:
تسلموا يا بنات رشروش وحشتينا وعودا حميد نورتى المنتدى من تانى وتسلم ايدك شكله حلو قووووووووووووووووووووى وكل ما اجيب بسكوت عشان اعمله اقوم اكل البسكوت انا وزيودا ومعملش
لو سمحتوا يابنات تدعوا لمرات خالو ربنا يقومها بالسلامه وقعت من على السطوح ونزلت الدور الارضى

لا حول ولا قوة الا بالله ربنا يقومها بالسلامة ياااااااااااارب طيب هي عاملة ايه دلوقتي
بالله عليكي تطمنينا عليها لما تدخلي

@زهرة دبلانة@;15209570:
بناااااااااااااااااااات بالله عليكم تدعولى ف اوقات استجااااااااااااااابة انا
بمووووووووووووووووووت بجد مش مبالغة بمووووووووووووووووت
عندى طفح جلدى ف جسمى كلللللللللللله
معرفش انا مالى انا باينى محسوده او شهرة والله انا ف كرب لايعلمه الا الله
ادعووولى

رورو انتي محسوووووووده
ارقي نفسك كتير ارقي ومتتعبيش مش عارفة اقولك ايه والله
ربنا يفرج كربك يااااااااارب

.. Hopes;15219004:
انتو هنا وانا عماله ادور عليكو

انا عاوزه بقا يابنات اكلات سريعه مش تخليني اقف كتير
انا مبقتش قادره اقف اكتر من ربع ساعه علي بعض

هاتي كفتة متصبعة جاهزة تعمليها في صينية على طول وجهزي صلصة متسبكة جاهزة وتسلقي مكرونة وتشتغلي بقى مكرونه وكفتة
او تجهزي بانيه على القلي على طول
بصي انتي اللي محتاجاه تكون التجهيزات عندك عشان لما تطبخي تطلعي تطبخي على طول فهمة قصدي ازاي؟
لو عايزة التجهيزات اجيبلك مشاركة كنت قايلاها لرورو قبل كده

~OM-ADAM~;15219131:
هو أنتم اجازة من المطبخ خميس و جمعة ولا اجازة من المنتدي بس.. فين الابداعات

لا من المنتدى كله يا ام ادم
وحشااااااني قوي

basmatelislam;15219497:
السلام عليكم ورحمه الله وبركاته
تصدقو انى اول مره اشوف تجمع بتقولو في وصفات اكل لو كنت عرفت كنت سالتكم وهرتكم اسئله
ام بودي وفراشه في بيتها يارب تكونو كلكم بخير
ووحد يقولى بقي طريقه الكبسه حد يكون مجربها وتكون سهله
واللى تجرب اى اكله تبعتلى منها لانكم جوعتونى وهقوم افطر لتانى مره

بجد اروع كبسة بتاعة سوسو فظيييييييييييييعة ماشاء الله
وده اللينك
http://forums.3roos.com/showthread.php?t=547058

نور التقوى;15222007:
السلام عليكم

تسلم ايديكم يابنات كلكم

عاوزه رأيكم لو هعمل عزومه لاتنين صحاب جوزى

هعمل فراخ كنتاكى وكفته مشويه ومكرونه بالصلصه

وصينينه بطاطس حمرا باللحمه ورز

ورقاق وبطاطس شيبسى وشوربه وسلطه خضرا وسلطه طحينه كده تمام ولا تقترحوا عليا ايه

وبعد الغدا بيبسى وهعمل جلاش وشاى

ماشاء الله جميل كده بس كده في حاجة هتبور التانية
يعني مكرونه ورز كتير الموضوع مع بعضه فهماني
انتي ممكن تعملي صينية البطاطس باللحمة والرز تمام وطبق ملوخية وفراخ مسلوقة ومتحمرة
والرقاق والبطاطس واعملي صلصة بالفلفل عشان تبقى جمب الملوخية وتعملي شوربة كمان جمبها

وتمام الحلو والعصير وكده كويس وان شاء الله عزومه موفقة وجميلة F:

السلام عليكم
كيفكم خواتي المصريات
انا تركت كل التجمعات و[COLOR=Red]جيت عندكم بالذات عارفاكم اولاد بلد وعندي طلب صغير
بدس بدي اللي عندها فيس بوك تخدمني خدمه صغيره مش حتاخد منها دقيقتين عالفيس وهي قصة تصويت في مسابقه
اللي بتحب الفلسطنينه تخدمني ومش حنسالها اياها
اللي عندها فيس بوك تبعتلي رساله عالخاص وانا بشرحلها
يا ريت ما تطنشونييييييييي[/COLOR]

فراشة الإيمان;15207070:
دى كفته مشويه

بس محدش يعيب هى الصوابع معوقه شويه هههههه:lol::lol: بس طعمها جميييييييييييل زى بتاعه بره وانضف;)







محدش يتريق مااااااااااشى:hysterical:

مش بعرف اصبع غير كده على قدى بقى:(

ما شاء الله تحفة شكلها جنان بالهنا والشفا والله من حلاوة الصور ورتها لماما قالتلى شكلها جااامد بس ماما عاوزة الطريقة والتكنيك بتاع السوا

نور التقوى;15222007:
السلام عليكم

تسلم ايديكم يابنات كلكم

عاوزه رأيكم لو هعمل عزومه لاتنين صحاب جوزى

هعمل فراخ كنتاكى وكفته مشويه ومكرونه بالصلصه ( ماشي و حلو قوي و ممكن تغير الكفته بسمبوسك او جلاش )

وصينينه بطاطس حمرا باللحمه ورز ( ملاهاش لازمه خااااااالص )

ورقاق وبطاطس شيبسى وشوربه وسلطه خضرا وسلطه طحينه كده تمام السلطات و الشيبسي حلوة قوي مش لازم الشوربه بقي ممكن الجلاش و السمبوسك احسن من الرقاق
ولا تقترحوا عليا ايه

وبعد الغدا بيبسى وهعمل جلاش وشاى

:thumbs_up::thumbs_up:

و انا كمان يا فراشه طريقه الكفته الجامده دي دي شبه بتاعه بره بالضبط

فراشة الايمان ماشاء الله الكفتة حلوة اوى عايزة الطريقة بالتفصيل

بنات انتو فين فراشة الايمان عايززززززززززززززززززززين طريقة الكفتة

عاملين اييييييييه

هو ليه الموضوع بقى ميت كدا؟؟؟؟

احنا لازم ننشطه ونعمله حاجات جديده

مش عارفه مالكم في ايه :(

فراشه أنا عملت البرجر مستوي طبعا معلش المرة اللي جايه حأصور بالتفصيل

مساء الخير
خسارة يابنات المنتدى محدش بقه بيدخله كله بيروح المنتدى التانى المشهور
ممكن بس أطمن على سوسى منكم ايلى بيكلمها لو سمحت يقولى هى كويسه ومش بتدخل ليه بقالها فترة
أم بودى وبسبس نشطوا الملف شويه انتو ليكو شعبية
مثلا تدخلوا تقولوا طبختوا ايه كل يوم كل بنت بالتالى هتدخل برود تقول ونفيد بعض هبدا بنفسى عملت مسقعة بالبشاميل وسلطة خضراء وسلطة زبادى

أم بودى
ممكن تقولى لى الفرق بين السوسيس والهوت دوج والسلامى والبيبرونى اللحوم المصنعة دى كلها معنديش فكرة الفرق بينهم ايه

والله يا زدنى انا اصلا عند ماما فا مابطبخش ولو طبخت بدخل اقول

والبلوتوث بتاع اللاب مش شغال ولو شغال كنت نزلتلكوا صور والله

انا صورتها قبل الاكل وبعده هههههههههههه بدل ما الموضوع نايم دى فى الكيس الحرارى




واضح اهو انها متاكله

تسلم ايدك يا سالاد بجد تحفة
فرخة محشية ايه ياترى انزلى بالطريقة

فراشه انا مستنيه طريقة الكفته الجامده دى ماشاء الله
انا كمان مش بعرف اصبعها

سالاد حلوه اوى الفراخ الطريقه يامعلم

نور

مكرونه بالصلصه والرز مع بعض مش هاتبقى حلوه