أم مازن*;15290624:
الله يسلمك ياشيرى وحشتينى اوى ازيك وازى زياد
الله يباركلك يااااااااااااااااااااااااااااارب ويكتب الفرح من نصيبك ويبعد عنك الحزن والهم ويباركلك فى بناتك يااااااااااااااااااااااااااارب
والله انا لسه مخلصه الاكل وغلفته وكنت خايفه يرجعوه تانى
ادعوله بقى يوصل هو والاكل بالسلامه
وانا نفسى اشوفك اوىىىىىىىىىىىىىىى
بس استنينى 6 شهور بامر الله
ربنا يغنمه السلامه ان شاء الله ويبعد عنه كل سوء ويطمن قلبك عليه ويجمعكم على الخير يارب وميفرقكوش ابدأ
&pinky tears&;15290676:
متحرمش من ردك ياشيرى طب والبسيمه دى حلوة وطعمها حلو فعلا وهتعجب الكل ولا يتريق عليا ولو عملت نصف الكميه احطها ف صنيه اد ايه ؟؟
وانا قرات اوفلاينك وبعتلك رسايل ع الخاص كتير ومافيش فايده يمكن ببعت للبت طمطم فراشه ف بيتها:D
اما الكنتاكى والرز وااااااااااااو بجد ماشاء الله قولى الطريقه مايضرش عشان اعمل الرز ده بكره وياترى انتو اكلتو الكنتاكى مع الرز بس ولا ايه ؟؟هوده الرز الريزو
انا برضه طالبه معايا حلويات ماتعرفيش ليه من يوم ماولدت:rolleyes:
ام بووووووووووودى وبسبس تسلموعلى ردكم :adore::adore:
نورما:lol::lol:انا برده قلت اكيد البت نورما بتوجهلى التواقيع دى ههههههه وجوزى دايما يقولى الكلمه دى انى هعجزمن العييط بس ماعادتش فارقه المهم اربى العيال وخلاص مش مهم يطفش الراجل هههههه
طب ياترى انتى برده مابتعيطيش ؟؟؟سؤال يطرح نفسه ؟؟بس بصراحه
لابصدق توقيعك فوق الروعه ربنا يستعملك ومايستبدلكيش انتى وانا والمسلمين
وتسلمى على ردك
البسيسه جميييييله هى زى الكيكه فى الشكل والقوام بس اطعم شويه هاتعجبه ولو عملتى نص المقدار تبقى صينيه 22 او 24 مش اكبر من كده
الفراخ زى كنتاكى كده بس مش كنتاكى لكن جميله اصل جوزى بيقرف قوى وبخاف اعملها نيه كده واقليها يطلع فيها دم هايلبسنى الاكل فى وشى ومش هاياكل فراخ تانى ابداااااااااااا
فبعملها كالاتى
احط معلقه سمنه واخرط بصله واقلبها فيها لحد ماتصفر واقطع الورك قطعتين ورك ودبوس يعنى واحطهم على البصله بعد ماتصفر واقلبن بسرعه لونها هايتغير وتنزل مايتها اوطى عليها واحط نص كوبايه مايه فقط وساعات لا لو الفراخ نزلت مايه كتير واوطى النار واحط توابل ( فلفل اسود - بهارات - رشه قرفه ) ومكعب فاين فودز واقلبها من وقت للتانى بديها حوالى 1/2 ساعه
وبعدين اطفى عليها واشيلها من الشوربه لما تبرد
واعمل الاتى
دقيق واحط عليها فاين فودز فور بحط كيسين وكل التوابل اللى تقابلنى ( توم بودر - بصل بودر - حنزبيل - شطه - قرفه - بهارات - فلفل اسود - كسبرة ناشفه ) واقلب كله فى بعضه واجيب مايه واصب بشويش واقلب لغايه لما اوصل لفوام كريمى سااااااااايل بس مش قوى بمعنى انى لو حطيت الفراخ يمسك فيها الخلط وزودى الشطه لو عايزاها سبايسى وبعد كده تكون الفراخ بردت اشيل الجلد واحطها فى الخلطه دى واقلبها بحيث كل الفراخ تطولها خلطه واسيبها
وساعه القليه بجيب دقيق كتير واحط عليه معلقه بيكنج بودر علشان تنفش وتطلع مقرمشه واخد الفراخ بالخليط واحطها فيه وعلى زيت مغلى واهدى النار علشان متتحرق ولما تشد القرمشه اعلى النار بتبقى جمييييييييييييييله جوزو بيموت فيها وبعمل جمبها الرز ده وكول سلو او سلطه ولو مفيش يبقى طرشى وساعات بحمر بطاطس ومعاه بيبسى وسلملى على كنتاكى هههههههههههههههههههه
الرز بقى
اقدح زيت واخرط بصل واتوصى بالبصل بيخلى طعمه جميل واقلب لغايه البصل مايبقى لونه اصفر دهبى اوعى تحمريه لو عندك فراخ فيليه قطعهيها زى الشاورما وارميها مع البصله واديها تقليبه بعد البصل مايصفر طبعا مفيش يبقى البصل لما يصفر تنزلى عليه بالرز ومعلقه كبيره كركم و2 مكعب فاين فودز ورشه فلفل اسود وقلبى لغايه الرز ماتنشف مايته وبعد كده كملى عادى زى مابتعملى الرز اديله المايه ودوقى الملح بس تكونى متأكده ان الفاين فودز دابت انا بفتتها قبل ما احطها مع الرز
هو زى الريز الفرق انى مش بعمل الكراميل مش بنحب طعمه مع الرز
ولو عملتيه بالفراخ هايبقى جميل
انا ده عملاه من غير فراخ مكنش عندى
والف هنا وشفا مقدما:)
