شات حوامل مصر وتجهيزاتهم للبيبي لشهر رجب

لا انا مش هقوله اي كلمتين حلوين ولا وحشين
انا متدايقه
لانه زعل وانا ماليش ذنب .. وكمان لسه هناك لحد حالا... طب مايجي كفايه كدا

اشري... مش حكاية واخدة صفه بس دي كلمة الحق
انا عارفه بابا كويس.. بابا لو محمد نفسه باباه بيقوله اعمل وماتعملش كان مش هيعجبه
امال ايه بقى
فانا عملت الي قال عليه
هو كضغط عليا قالولي ماتنزليش حتى لو مش هتيجي عندنا
فانا مانزلتش... ولا رحت عندهم
لاني فعلا مش طايقه لو كنت رحت كانوا هيفضلوا يشتغلوني وهما مقتنعين ان محمد بيغصب عليا انزل معاه وده مش حقيقي
ومش بيصدقوا غير كدا
وانا مبحبش وجع الدماغ ده

افهم ايه غلط وازعل منه ياام عمر؟؟؟ مافهمتش

ان انا بقولك ان باباكى غلط يعنى خفت تتضايقى

ازيك يا اشري :)

انا باخد فعلا خلاصة خبرتكم في الخباثة هههههههههه

اصلا انا معنديش حاجة اسال عليها لاني مش عارفة اسال على ايه, وبستنى اي معلومة تقولوها سواء على ادوية او حاجات للبيبي او الحموضة بتاعتك اللي تاعباكي :)

ربنا يقومكم كلكم بالسلامة يارب ويفرحكم باولادكم

انا عندي العكس منك ياكيتي
اهل محمد بيندخلوا بشكل غريب
لدرجة ان باباه بيقوله متعملش اي حاجه خالص غير لما تسألنا
كأنه طفل في الحضانه مثلا :D
وكل مانيجي نازلين لو عرفوا قبلها يقعدوا يسألوا علي كل التفاصيل رايحين فين وعملتوا ايه هناك وشربتو ايه وكلتو ايه
ساعات بحس انهم هيسألو دخلتوا الحمام كام مرة :lol:
بجد والله ونظام بقا اعمل ومتعملش وزن كتيييييير حرام يعني

لا انا مش اتدايقت ولا حاجه
هما بقى زعلانين مني وماكلمونيش طول النهار
عشان طبعا مقموصين
وانا بجد هطق مبحبش كدا انا حرة ف حياتي افرضي انا تعبانة وضغطت على نفسي عشان اروح مع جوزي ف حتة؟؟ ايه المشكلة
ساعتها يزعلوا منه هو ليه وكل حد يبكته بكلمة

هوبس.. عند محمد بيسالوا بس مش للدرجادي
كمان هو مش بيدي فرصة يعني مش بيحكي تفاصيل ولا بيدي مبررات ولا بيقول قبل مانعمل
انا مشكلتي ان بابا مش قادر يتخيل اني خلاص اتجوزت وفي حد مسئول عني
حتى ف اختيار الاسم
كان في اسامي عاجبانا وبابا قال مش عاجباني ولو سميتيها هعمل واسوي هههههههه وهيأثر على حبي للبنت وتعاملي معاها
امبارح كان مصر نختار اسم ونتفق عليه
مارضيتش اتكلم خالص
محمد جه قالي كويس انك ماقولتيش حاجة لان اي اسم كان هيتقال كنت هرفضه

احنا اساسا عيلتنا معرووووفة بالعند...كلهم راسهم ... تييييييييييييييييت

هههههههههههههههههه
الله يكون في عونك بجد
انا بابا وماما مش كده خالص بالعكس مش بيتدخلوا بأي شكل ولو عندهم نصيحه بتتقال علي استحياء يعني ومرة واحده بس
ولما بشوف اهل محمد والزن وتكرار الكلام بتضايق رغم ان محمد مش بيديهم فرصه والله بس بيسألوا كتير كتييييييير يعني حتي لو رد بكلام قليل عشان يقفل الموضوع بيفضلوا برضو يسألوا وحاسين انه عيل مش هيعرف يتصرف من غيرهم وعاوزينه ياخد رأيهم
وياسلام بقا ياسلااااام لما نعمل حاجه من وراهم زي ماحجزنا المصيف مثلا وبعدين قلنالهم بعدها
كانت ليله مش فايته وازاي وامتي وفين وبكام ودي عندنا في الشغل ارخص وكنتو طلعتوا تبعنا وحرام عليكو الفلوس
والكلام بقا بيتكرر لحد دلوقت والله مش كنتو طلعتوا تبعنا كنتو وفرتلكو 200 جنيه
حاجه تشل وتنقط
انا حاسه بيكي والله :(

يا يعال كيتى بنت وحيدة على صبيان وباباة الى بيعملة دة انا شايفاة طبيعى جداااااااااااااا
ومصرة
انة مش غلطان بس بقاا
هههههههههه

هبة اهل الجوز دايما كدة بيحسوا ان ابنهم دة وحياتة ملكهم هما والفضول بيبق بيمزقهم اربا ارباااااااااااا

ههههههه انا مش بنت وحيدة على صبيان
انا بنت وحيده على صبي واحد

قعدتكوا حلوة يا عيااااااااااااااال يا رخمة بس مضرة اقوم
اهئ اهئ
عشان هروح عند ماى مااااذر
خليكوا كدة اتكلموا فى المشاكل والحوارات لحد ما البت امونة تمشى وبعدين اتكلموا على الحمل بقا والخبرة ها
هههههههههههههههههههههههه
نيا ها ها هاااااااااااااااا

مش قادرة والله اقوم واسيبكواا

اه بس فيه حدود يعني
مش لازم كل حاجه نعملها تبقي غلط واحنا غلطانين عشان مخدناش رأيهم الاول

لا اناا شوفت ايام مايعلم بيها الا ربنا اول ماتجوزت كان كل جمعة استنى مكالمة بابا
هتنزلي اقوله اه يقوم قافل ف وشي ههههههههههههههههههههههه

ههههههههههههههههههههههههههه

kitty_kity;15220302:
هوبس.. عند محمد بيسالوا بس مش للدرجادي
كمان هو مش بيدي فرصة يعني مش بيحكي تفاصيل ولا بيدي مبررات ولا بيقول قبل مانعمل
انا مشكلتي ان بابا مش قادر يتخيل اني خلاص اتجوزت وفي حد مسئول عني
حتى ف اختيار الاسم
كان في اسامي عاجبانا وبابا قال مش عاجباني ولو سميتيها هعمل واسوي هههههههه وهيأثر على حبي للبنت وتعاملي معاها
امبارح كان مصر نختار اسم ونتفق عليه
مارضيتش اتكلم خالص
محمد جه قالي كويس انك ماقولتيش حاجة لان اي اسم كان هيتقال كنت هرفضه

احنا اساسا عيلتنا معرووووفة بالعند...كلهم راسهم ... تييييييييييييييييت

مرمر روقى كدة ذنبها ايه توتا فى دماغ ابوها وجدها هى تلاقيها دلوقتى متوترة من توترك حرام عليكى البت وقومى ابعتى رساله حلوة لجوزك بس من غير كلام فى الموضوع عشان ميكبرش بس حسسيه انك مفتقداة وخلاص واعمليلو كيكه حلوة من بتاعتك دى طالما انتى شايفه ان محمد مش غلطان فتعالى على نفسك وارضيه ومعلش باباكى بردو خايف عليكى بس زى مقولتى لسه مش مستوعب ان فى راجل تانى مسؤل عنك فا متزعليش منو وشويه كدة وكلميه فى التليفون جرى شكلو وهرجى معاه وكدة وتجاهلى الموضوع خالص بردو عشان ميكبرش وربنا يخليكو لبعض يارب وما يدخل بينكو شيطان ابدا يارب ويباركلك فى توتا وتشوفيها عروسه يارب

استغلك حبه بقا ياريت لو تعرفى سعر كرسى الاستحمام تقوليلى عليه انا عارفه انو هديه بس ممكن تكونى سالتى اخوكى عن سعرو وكنت عايزة اعرف جبتى الليفه بكام وبقولك ايه صحيح هو احنا هنجيب كحول السرة معانا ولا هما الى بيجبو فى المستشفى وفى معلومه سمعتها امبارح من الصيدليه انهم بيحمو النونه اول ما تتولد بشامبو مش شاور ياترى الكلام دة صحيح عشان لو كدة اجيب شامبو بدل الشاور

عارفه فيلم جعلتني مجرما لما كان بيقولها ابوكي بيموت ف قفل السكة؟؟
والله بجد المكالمة كانت بتبقى كدا
هتنزلي
اه
سلام .. دبببببب

مش متخيله والله ياكيتي
اكيد صعبه يعني
بس معلش برضو اكيد هو لسه مش قادر يستوعب يعني انك في بيتك مش لازم تاخدي اذنه ورضاه يعني

قطقوطة
انا مش هكلم محمد لاني زعلانه منه :)
زعلانه انه نزل وانا زعلانه ومتدايقه.. صحيح هو نزل ولما كلمني لقاني بعيط رجع تاني وقعد معايا شوية لحد مابطلت ونزل بس انا مخنوقة اوي
كل شوية يتصل يطمن عليا يلاقيني تعبانة طب ما كفايه تعالى بقى
وبعدين مبحبش انه يزعل من حاجة حد عملها يقوم معاقبني انا.. وانا ماااااااالي

بالنسبة لسؤالك
مكرونة لسه باعتالي بتقولي شافت الكرسي ف اور كيدز ب 199 جنيه
نفسه هو بالظبط
ممكن بره يكون ارخص حبه يعني اعتقد انه بحوالي 100 ريال قطري اغلى او ارخص حاجة بسيطة
يعني حوالي 160 جنيه


بالنسبة للكحول مش عارفه والله بس عموما ممكن لما تولدي تشوفي لو ماجابوهوش تجيبيه انتي
تشطيف النونة بقى... ساعات مش بيحموها وبيمسحوها وخلاص ... وساعات بيحموها بس معرفش بايه بالظبط
مش هتفرق خليهم يحموها بالشامبو يومها وخلاص وخلي الشاور ف البيت لما تروحي

مرمر حبيبتى روقى كده يابنتى معلش
وبصراحه يااشري محمد له حق يزعل من بابا كيتى مينفعش انه يقفل السكه فى وشه ولا يزعقله
ممكن يزعق او مايزعقش لمروه ده بباها وهتستحمله بس اكيد محمد لا
بس انتى روقى كده ياحبيبتى ومتزعليش وهو هتلاقيه جاى دلوقتى وناسي كل حاجه
الطنطاويه طيبين يابنتى ههههههههههههههههههه
ربنا يهدهولك يارب