شات حوامل مصر وتجهيزاتهم للبيبي لشهر رجب

انا ماعملتش غدا برده عشان محمد هيتغدا عند الجماعة وانا مش عايزة اتغدا

ما مانتخييين انتوا

انا كمان معملتش غدا ههههههههههه كان عندى رز وسمك باقى

اية دة اية دة صور نزلت وحركات
بت يا مى
مليش فى عايزة اشوف تياااا
لانها صعبانة عليا منك اووى يا مفترية وبعدين دى لسة 4 ايام توقيعها عسسسسل 4 ايام بس واكيد هتحلو لماتكبر يعنى هتطلع وحشة لمين يا بنتى ؟؟

كيتى
الحاجات تحفة يا بت ما شاء الله ولعبة السرير سكر اوى ربنا يخليلك اخواتك يااارب وجوزك كمان
ومتعيطيش يا مروة بقا دة انتى فى التاسع يا بنتى حرام عليكى بجد وكبرى بقا ما احنا اتفقنا ان يوم الجمعة دة مش بتاعك هه اكيد على موضوع النزول ولا اية ؟ ربنا يصلحلك الحال وطمنينى عليكى يا بت وانتى قاعدة لوحدك لية هو انتى لسة مروحتيش عند طنط ؟ انا بردو لسة فى شقتى بس مرعووووبة اووى وخايفة اولد هنا لوحدى لان المسافة ما بين شقتى وبين امى ساعة ونص وحماتى نفسها انى اولد هناا فخايفة اووى وناوية اروح النهاردة عن امى ان شاء الله

بنات هو كدا ناقصلي ايه اجيبه من بره غير البامبرز والفوط بتاعت بعد الولادة دي؟

انا بردو معملتش غدا عشان هروح عند امى مستعبطة بقالى يومين اساسا

على ما اعتقد يا كيتى مفيش انا شفت تجهيزات بنوتك كده تمام اوى

اشرى عامله ايييه واخبار التاسع معاكى اييه

اشري.. انا بقالي فترة بنزل معاه كل جمعة وبطلت اعترض وهو كمان قدر ده فبقى يقولي على راحتك... والاسبوع الي فات كنت تعبانة قالي ماتجيش قلتله لا عشان ماسيبوش لوحده فقالي طب خليكي وهقعد معاكي... بس انا الي مارضيتش
الي مزعلني ان اخويا مسافر بكره...واخوه مسافر يوم التلات
فكنت بقوله نروح عندنا النهارده ونروح بكره عندهم نسلم على اخوه ... وانا الحق يتقال طول الاسبوع ده كنت بروح عندنا كل يوم عشان اخويا نازل اجازة اسبوع بس
المهم بنتكلم بابا اتصل... وقالي ماتنزليش تروحي للجماعة وبتاع وانتي تعبانة وكاني وماني فقلتله ربنا يسهل عشان محمد مايفهمش هو بيقولي ايه ويزعل
قالي اديني محمد وكلمه وقاله ماتاخدهاش معاك وهي تعبانة ومش لازم تاخدها ومعرفش ايه
واتنرفز عليه وقام قافل
قام محمد زعل طبعا
قالي هتيجي معايا قلتله انا تعبانة... قالي خلاص تعبانة يبقى اقعدي ف البيت ريحي
وطبعا مقدرتش اقوله اروح عندنا عشان مايفكرش اني قولت تعبانة عشان ماروحش عند اهله واروح لاهلي
ولا طايقه اكلمه ولا اكلم بابا ولا اكلم حد

لا انا مش هروح عند ماما قبل ما اولد اساسا
لما اولد ان شاء الله هروح على هناك واول ما بقى كويسة هاجي
انا شايلة هم الفترة دي جدا لان لما بروح هناك بابا بيبقى مش عايزني اروح
والمرتين الي فاتت روحت بخناقة ههههههههه

ربنا معاكى يا كيتى ويهديلك الحال ياااااااارب

كيتى باباكى بصراحة مش غلطان واكيد محمد شايفك تعبانة بس تلاقية اضايق وحس بقا واعتبرة تدخل ولا حاجة خاصا انك سمعتى كلام باباكى
اصلا الازواج بيبقوا حساسين اوى لكلام الاهل انا دايما جوزى بيقولى اى كلمة اخواتك بيقولوا بتعمليلها حساب وانا فعلا كدة بصراااحة مكبرة اصلا اخواتى واهلى جداااااااااااااااااا وفى نفس الوقت والله بسمع كلامة بس هما بيبقوا عندهم حساسية كدة

ازيك يا ام عمرو عاملة اية

لا يااشري انا شايفه ان بابا غلطان
محمد كان موافق اني مانزلش
بس المشكلة ان بابا لما كلمني ولقاني بقوله ربنا يسهل وكدا فكر اني هنزل ومحمد غاصب عليا فكلمه واتنرفز عليه وقفل ف وشه :)

مش محمد يبق ابن اختة صح ؟ يعنى زى باباة بالظبط خلى محمد بقا ميمثلش وقوليلة منك ليةو وخرجنى من الليلة دى اساسا وربنا يهدية ويارب يرجع من العزومة ناسى كل حاجة

لا مش ابن اخته
عمي يبقى ابن عم بابا
وبعدين هو مش بيمثل يعني هو بابا يوافق ان عمي يكلمني يقولي اعملي وماتعمليش ويزعقلي ويقفل؟؟
انا عملت الي يريحني..مانزلتش معاه عشان تعبانه ... وماروحتلهمش عشان زعلانه منهم

امـــــــــــــــــــــــــــــــــــــــــــــــــــــــونة
كالعادة قاعدة تحت بتقرا ومش بتحب تشارك
بتاخد خلاصة خبراتنا العريقة
نفسى مرة يا بنتى تتكلمى دايما ساكتة كدة صدقينى احنا مش بنعض خالص

اية دة اية دة
شوف البت واقفة فى صف جوزها ازاى
ماشى يا ستى ههههههه
بابا غلطان ومحمد لا
اية يا ختى دة فين محمد يجى يشوووووف لو عرف كلامك دة هيجيلك جرررررررى
هههه
ربنا يصلحلك الحال ياااااااااارب

الحمد لله تمام يا اشرى

بس بصراااحه انا شايفه ان فعلا اكبر غلط ان الاهل يتدخلوا فى حياه اى اتنين اكبر غلط بجد يعنى شوفى لو مكنش باباكى يا كيتى اتكلم كان الموضوع عدى عاادى

واذا جوزك زعل حقه لان انت خلاص مراته وده بيته وهوا بيخاف عليكى زيهم بالظبط هوا تلاقيه اللى زعله انه حس انهم مش مقدرين كده وبعدين تلاقيه بيقول بينه وبين نفسه يعنى ما هيه كل يوم كانت عندهم اشمعنى اليوم ده اللى خلاص بقيت تعبانه وخايفين عليها

حاولى تمتصى غضبه لما يرجع وابعتيله رساله دلوقتى قوليله فيها اى كلمتين حلوين

اففففف

هههههه طب كويس يا كيتى انك فاهمه كده كنت خايفه تزعلى منى

ربنا يهديلك الحال يااااااارب ويهديلك جوزك

متزعليش نفسك قومى ابعتيله رساله حلوة وهوا هيجى مبسوط ام شاء الله