manyaa;15312639:
D
لا يا عيووووش.. سيبك من البنات دي يا بنتي.. مالكيش دعوة بيهم.. الهوم وورك حلو مش زي ما انت فاكرة خالص.. هو القصة بس انه عادة اول سنة دي بتبقى مش ممتعة اوي لكن مع الوقت بتبقي خبرة انت و جوزك و بتحبي الموضوع اكتر.. و بدل ماهو حيجري وراك حتجري انت وراه بعد كدا .. :lol:
:lol::lol::lol::lol::lol::lol::lol:
عسل يا منمن
اخيرا لاقيت حد بيقول الهوم ورك حلو
ربنا يبشرك
بس انا كان عندى فكره ان الهوم ورك اول سنه احسن بعد كده بيبى روتين انتى بتقولى العكس
طيب ليه يا منمن؟؟؟؟:!!::!!::!!:
mooney608;15312671:
السلام عليكم و رحمة الله و بركاته
مها ما شاء الله عليكى دة انتى جامدة و دروسك فى الجون ابقى اعملي لنا حلقات تقوية كمان
رشا انا قريت كلامك عن جوزك و عايزة اقوللك انك بتتكلمى عن جوزى بالظبط بالمللى بس انا بصراحة كدة مش بعمل زيك بالعكس انا شايفة ان الموضوع فى صالحى جدا و هقوللك ليه بس بعد ما توحدى الله و تصلى على النبي
اولا انا جوزى و اعتقد ان جوزك زيه مش لازم بالظبط بس إلى حد كبير اولا ملوش تجارب قبلك او تجارب قليله اوى اوى و محدودة و ملوش أصحاب كتير يعنى ملوش شله بيقعد معاهم على القهوة أو بيخرج معاهم و يتقابلوا و أعتقد انه قبل الجواز هو الى كان بيعمل كل حاجة لمامته و اخواته من مشاوير و طلبات و كل دة ميزة ليكى انتى و هتلاقيه كمان كان ملوش فى الخروج و الكافيهات و المطاعم و السفر و الخروج
بصى انا جوزى كان زى ما بقوللك كدة فلما اتعرفنا على بعض انا عكسه تماما بخرج و ليا أصحاب و ليا نشاطات و بحب السفر و الخروج و الحمد لله رب العالمين احنا الاتنين بنحب بعض على الرغم من ان جوازنا تقليدي بس الحمد لله حبينا بعض فأنا اللى بقيت أقوله نخرج هو لو عليه يفضل قاعد فى البيت ليل نهار من الشغل للبيت و من البيت للشغل و شكرا انا الى بقوله تعالى نعمل كذا و نروح هنا و ننزل النادى و ننزل نتمشى و هو يقولى ماشى و لما اقوله ننسافر مثلا أو خرج ناكل برة يقولى ماشى نروح فين و انا اللى احدد و اقرر و دة بسبب انه مكانش يعرف أى مكان ولا كان بيخرج بصراحة الأول كنت بتخنق قبل ما أعرفه كويس أيام الفاتحة و الخطوبة و كنت أفضل أقوله متسأل هو لازم أنا اللى أقول أسأل يا سيدى أصحابك بيخرجوا خطيباتهم فين و اعمل ززيهم ولا انا لو مفكرتش انت متعملش حاجة و كنت بقفش جدا بس عايزة أقوللك مرة سبته سأل أصحابه و عمللى مفاجأة وودانى مكان بجد مكان زباله و حاجة عار عار فقررت أنى مش هسيبله الموضوع دة أبدا و حتى أيام الهنى موون انا الى اخترت الأوتيلات و الخروجات لأنى انا كمان عارفة شارم كويس أوى و هو عمره ما راح و على فكرة مع إنى تقريبا حفظاها و انا الى كنت مرشدة سياحية ليه بس بجد أكتر مرة اتبسطت فى شرم لأنى مع جوزى حبيبى و قيسي على كدة حاجات كتير أوى أوى انا اللى متولياها و والله والله و الله بعد ما جربت انى أسيبه هو اللى يفكر و يتعامل رجعت تانى انا الى أعمل و أقرر و أفكر لأنه بصراحة كل الى عمله مكنش بيعجبنى لأه معندوش فيه خيرة و على فكرة كمان انا جوزى بيصحى من النوم يكوى هدومه و يعمل لنفسه فطار و يعمل الشاى و أحيانا يعمللى الفطار معاه و لما يرجع من برة الاقيه دخل المطبخ عمل لنفسه شاى و كتير يسألنى أعمللك حاجة معايا و عمره ما قاللى اكويلى أو أعمليلى شاى إلا بأة لو مش قادر و بيموت و عايزة أقوللك بيقولهالى كأنه بيستسمحنى "حبى معلش ممكن بس كوبايه شاى علشان مصدع و مش قادر" أو "معلش بس لو فيها غلاسه تكويلى علشان مستعجل و يا دوب أخد دش و مفيش وقت" و عايزة أقوللك انا بغلس عليه و أقوله "تدفع كام" أو أقولله "معلش غلبان بردو بس هى المرة دى و بس متتعودش على كدة كتير بعد كدة بفلوس" يعنى باخد الأمور هزار
و قصاد كدة بأة فى حاجات كتيييييييييييييييير هو شايلها عنى يعنى الرخصة و البطاقة و رخصة العربيه و كل مشاويرى و كل طلباتى و اللهى العظيم و بزيادة و بفرح و بيصعب عليا بحس انى بعذبه مرة كان فى الدقى بيعمل مشوار كلمته قلتله هات معاك حاجة معينه من محل فى الدقى المهم قالى طيب و كلمنى و هو راجع بقوله فينك قالى خلاص على الكوبرى فى أخرة أحنا ساكنين فى مدينه نصر قلتله جبتلى اللى طلبته منك قالى لأ نسيت قلتله خلاص ولا يهمك مش مهم و الله العظيم رجع جابلى اللى انا طلبته منه و لما رجع قلتله إيه دة انت كنت بتضحك عليا قالى لأ انا رجعت تانى مش عايزة أقوللك بجد فرحت أد إيه
المهم انا كنت الأول زيك كدة بتخنق و أقول فى نفسي هو انا كلامى دة قرأن و هو ملوش رأى ولا بيفكر معايا و كل حاجة انا الى أفكر و أعملها لحد ما شفت واحدة صاحبتى مع جوزها عمره ما يعملها حاجة ولا يجيبلها حاجة غير لما يكون الحاجة دى هتفيده هو شخصياو بشكل مباشر يعنى تقوله انا نفسي نسافر الغردقة و هموت و أروحها لأ انا مبحبهاش مش هنروح طيب تعالى معايا للدكتور يقولها خدى أمك أو أختك و يبقى هو فى النادى بيعمل ساونا و جاكوزى العربيه هى الى بتوديها للميكانيكى و خدى من دة كتييييييييير و علطول عايزها مهتمة بيه و واخدة بالها منه و مدلعاه بيفكر فى نفسه و متعته و بس و عايزة أقوللك هى بتموت فيه و بتحاول ترضيه بكل قوتها
أحمدى ربنا و فكرى فى الموضوع من ناحيه تانيه انه بيحبك و عايز يبسطك و يرضيكى و متضغطيش عليه و ربنا يهديكو و يصلح الحال يا رب
ما شاء الله الله اكبر
ربنا يخليلك زوجك يا منى يارب و يهديه لكى
الحمد لله نعمه وفضل اللى يشوف احوال غيره يقول الحمد لله والشكر لله
بصراحه الراجل اللى مش يعمل مشاوير البيت و يرمى كل حاجه على مراته بيبقى صعب اوووى
انا بحس انه مش بيبقى عنده اهم صفه من صفات الرجوله
الراجل راجل كده يتحمل المشاق ويشتغل و يصرف على البيت
والست تبقى ليدى فى بيتها تنظمه ترتتبه و تغير فيه
تقوله هات و انت جاى و تحسسه بالمسؤليه
وهى قاعده فى البيت مللللكه تفكر و تتطلب و متتبهدلش
يا سلالالالالالالام احلى عيشه
انتخه من الاخر يعنى :lol::lol::lol::lol::lol::lol::lol:
لكن الزوج اللى منى بتقول عليه ده اعوذ بالله عااااااااااااا
عندى بيبقى شكله راجل لابس فانله حمالات فى البيت و بكرش اد كده ومراته تروح وتيجى وتطلع وتنزل و تودى العيال وتعمل وهو انتخه فى البيت عاااااااااااااا
ربنا يعافينا يااااارب
ده لو جوزى كده
كنت مش هبقى زى رشا لالالا تلاته عشرات اضعاف رشا
كنت اتخانقت معه لما طلعت عينه
بس النوع ده كان اخره هيقولى انا نظامى كده عاجبك عاجبك مش عاجك باى باى
عااااااااااااااا ما هى بلطجه بقى فى كله :confused::confused::confused::|:|
مش هيقعد يقولى لا خلاص يا حبيبتى هحاول او انا بعمل كده علشانك(واخده بالك انتى يا رشا ;););))
نورالقمر999;15312682:
الله يكرمك والله عجبتني اوي جملة (احبك الذي احببتنا فيه)للاني دايما بقول بحبك في الله بس دايما الرد (وانا كمان) ههههههه ده للناس مش جوزي طبعا ههههههههه بس جملتك احلى كتييييييييييييييييير وان شاء الله ابقى ادخل ومش اغيب عنكم خالص
شكلك ماعندكيش اخوات بنات صح ؟؟؟؟؟ :D:D اصل انا كل اخواتي بنات وكان نفسي في ولد ,,,,بس انا دكتوره قالتلي انها بنت وواحد تاني قالي انه ولد وحاده تلخبط والله
ازبيك يا نورررررررررر
عالمه ايه يا سكر
داما بيطير منى اسمك الحقيقى و بقولك يا نور :o:o:o
طبعا احنا فاكرينك بس انتى مش بتدخلى هنا من زمان بقالك كتيررررررررررر
بشوفك فى شات الحوامل اكتر
وانتى حامل فى بنوته ما شاء الله على خير يارب
لما قرائت كده افتكرت انك كان نفسك فى ولد اووووووووووووووووووووووى
دلوقتى بتقولى احتمال ولد او بنت
فلسه فى امل
ربنا يرزقك باللى انتى عيزاه يارب
RAINBOW2000;15312735:
صباح الخير يا بنات
انا صاحية انهرده عندى مغص و اسهال و قلبان فى معدتى و مش عارفة جاريلى ايه مع انى مكلتش اى حاجة ادعولى انا هقوم اخد مسكن و انام و اجيلكم بعد شويه مقدرتش انزل طبعا
الف سلامه عليكى يا ميويه
شافاكى الله وعافاكى ياااااااااااااااااااارب
اوعى يكون عندك الدور اللى ماشى الايام دى فى البلد
ربنا معاكى يارب
وتبقى كويسه ان شاء الله
د.ودعه;15313062:
عائشة
بصراحة انا بدات اقلق عليكي
بتكلم بجد مش بهزر
كل الحوارات اللي هنا ممكن تعملك عقد من الباطن من غير ما تحسي
لانها بتديكي صور وعقلك حيقنعك انها حقيقة لانها عن تجربة اشخاص
بس احلي تجربة اللي بتعيشيها بنفسك
وخليكي فاكرة ان الحكاوي هنا اغلبها في لحظات الضيق وان اللحظات السعيدة محدش بيستفيض في حكيها
افضل ليكي تسمعي كلام عرايس عشان تتفائلي وترسمي لنفسك صورة وردي
لان فعلا بجد كل حاجة حلوة ولا فيه حاجة بتعقد ولا حاجة بتوجع ولا ولا ولا
كلها ردود فعل نفسية ولحظية وشخصية
اللهم بلغت اللهم فاشهد
:thumbs_up::thumbs_up::thumbs_up:
ما شاء الله
ربنا يكرمك يا ودعه يارب عندك حق انا مجش فى دماغى كده والله
بس البت عيوشه عاقله مش هتعمل زى امونه هههههههههههههههههههههههههههههه
د.ودعه;15313293:
انا لسة في اول الرابع وبرده باخد فوليك بس
بيقولو النوع ممكن يبان دلوقتي بس انا قدامي شهر علي ماروح للدكتور
اهو يكون وضح اكتر
ربنا يتمم بخير لينا وللجميع يارب
ودعتى
اعتقد المفروض من اول الرابع تبدائى تاخدى الكالسيوم وممكن الحديد كمان
كده عقبال ما تروحى بعد شهر هتبقى دخلتى الخامس وفات شهر بحاله من غير كالسيوم
مممم طب مفيش تليفون جوزك يتصل بالدكتور يساله عن نوع الكالسيوم تاخديه عقبال ما تروحى؟؟؟
mooney608;15313311:
ازيكو يا بنات
ادعولى إن شاء الله هنسافر بكرة الصبح انا و جوزو يومين الساحل نقضى الويك إند يا رب بس تتم على خير و منلاقيش تليفون الفجر يقولوله انزل على المديرية ربنا يستر
ان شاء الله على خير يا منمن
يااااارب ميتصلوش به يارب
بصراحه ربنا يكون فى عونك
وان شاء الله تسافروا ويبقى ويك اند جميل باذن الله ياااااااااااااااااارب
هتوحشيناااااا فى الويك اند F:
RAINBOW2000;15313313:
و الله ما انا عارفة يا ودعة ممكن كل اللى انا فيه حالات نفسية القولون و بعدين تاخير البيريود و جايه بشكل غريب جدا تقريبا اول يوم بس كانت قوية جدااااااا و بعدها تقريبا خفيف جدا و خلاص مش عارفة ده طبيعى و لا لاء و بعدين بالمغص و معدتى و الاسهال و ختمت بخناقة مع زوجى العزيز فى التليفون بجد مش قاااااادرة
ا
الله يسلمك يا ماجدة انا تعبانة جدااااا حاسة ان فى 10 بيضربوا بعض فى بطنى
لف سلامه عليكى يا ميويه
هى ممكن تكون حاله نفسيه فعلا
وانتى كمان اتخانقتى مع جوزك عاااااااا
فى ايه يا جدعان
الحمد لله انا مش بكلم جوزى بقالى فتره كان زمانا اتخانقنا احنا كمان :|:|:|
دارينيتا;15313408:
السلام عليكم ياقمرات سبحان الله صاحيه الصبح رايقه ومزاجي وقريت كام رد من كلامكم اللي كنتوا بتقولوه لرشا وفجاه حسيت اني رخمه وغلسه اوي مع جوزي لاني اوقات بعمل بلاوي زرقا فعلا ده غير طبعا فيلم الهروب الكبير اللي انا عايشاه وقلت في نفسي اني ان شاء الله من النهارده هجاول اهدي واخفف عصبيه شويه واروق كده واعيش ايامي الجميله دي بهدوء وسعاده ومن غيررررررررررررررررررررررررر نكد قوووووووووووووووووم ايه تليفون رقيق جالي من العزيز الغالي بيبلغني فيه انه بناء علي قرار الاسره الكريمه ( الغاليين ) برده اننا مسافرين معاهم بكره الساحل يااااااااااااااااااااااااااااااااسلاااااااااااااااااااااام انا مشوار ساعه بيبقي تقيل جدا علي قلبي ااقضي يومين وياهم والاجمل بقي ونفسي حد يجاوبني عليه بصدق مش بعقل يعني اللي ترد عليا تقولي احساسها اييييييييييه مش المفروض اعمل ايه الشاليه بتاعهم هناك غرفتين وريسبشن كبير ماعليناقال ايه بيقولي بما ان الاسره المكونه من الاب والام والابنه الجميله وزوجها وبنتها القمرايه ذات السنه ونص هيكونوا موجودين فبناء عليه ان الرجاله هتنام في اوده والستات في اوده كتير اوي هيقولوا عادي وفيها ايه لااااااااااااااااااااااااااااااااااااااااااااا فيها وفيها وفيها وفيها وكتير اووووووووووووووووووووووووووووووووووي كمان انا عمري مانمت جنب حد في حياتي كلها ولاحتي امتي معرفش ولو حد جالنا البيت وبات عندنا في بيت بابا زمان كنت بفضل صاحيه طول الليل ولحد ماالضيف يمشي كمان يبقي هنام انا مع مامته واخته ؟؟؟؟؟؟؟؟؟؟؟؟؟؟؟؟؟؟؟ واساسا بنتها من النوع اللي بعشقه فعلا ربنا يحفظها بس هي زنانه اوووووي ونومها متعب موت وهتفضل طول الوقت بين تروح اوده باباها ومره عند مامتها وهتطلع عين الجميع فانا ذنبي ايه بقي ان شاء ومحدش يقولي معلش يومين ويعدوالان معلش مش اول سفريه ليا مع البيه تبقي مع الاسره الكريمه وخصوصا انه نفس المكان اللي قضيت فيه الهني مون بتاعي وكمان الجمعه بتاعت بكره دي هيبقي فاضل 4 ايام علي عيد جوازنا :(:(:(وبعدين هما اساسا طباعهم غريبه شويات يعني اخته لطيفه ايوه ماقلتش حاجه بس مش من النوع اللي بيعرف يضايف حد ولاتتكلم يعني ترد لو سالتها فيما عدا ذلك جنب جوزها او مع بنتها لكن مش متحركه ومامته برده نفس القصه وباباه اول ماهيشوفه هياخده ويفرح يمشوره وراه في كل حته وقال ايه واحشه ومش بيشوفه وهو مش بيعدي عليه اسبوع من غير مايكون شايفه ميت مليون مره ومكلمه يوميا فون وانا بقي اللي عادي ممكن مش اروح لبابايا غير مره في الشهر وعاااااااااااادي ماعلينا انا من الاول قلت له لو عاوز تسافر اتفضل وانا هروح لماما واهي فرصه كويسه برده ان بقالي كتير مش رحت لها ولاقعدت معاها واهي تبقي اجازه زوجيه قبل الهني مون الجديد بتاعنا قال لا ياتيجي معايا يااما لاااااااااااااااا قلت له وبعدين قالي هو كده كلمني منالشغل طبعا فمش قدامي ولاعارفه اتخانق بضمير هو مصر اني اسافر وانا قلت له لا لانه عارف اني اساسا قعدت 6 شهور مش متقبله فكره انه ينام جبني وفين وفين ربنا هداني وعديتهاوقالهم كده مره من قتره وقالوا له يعني ايه نفهم من كده ان عمرك ماهتسافر معانا قلت له رديت قلت ايه ماقالش دوقتي بقي كرر نفس القصه تاني قلت اتكلمنا قبل كده في الموضوع ده وخلصنا قالي انتي مصر ه انك تخلي اهلي يكرهوكي يابنات احنا اتفقنا قبل الحواز ان اول ماندخل بينتنا استقلال كامل في كل شي يعني لااقوله بيت بابا ولاهو يقول واننا بقينا كيان غصب عن عين الجميع يحترم ومحدش يتدخل ابدا في حياتنا ولايحركنا زي العرايس الماريونيت وبناء عليه ماينفعش حد يتصل بيه يقوله البس وانزل تعال عازمينكم علي الغدا ( حاااااااااااااااااالاااااااااا) هو انا جزمه مش يمكن عازمه ناس عندي او ورايا مواعيد او حتي ماليش مزاج وبعدين هو السفر ده مش عاوز استعداد هما عندهم كل حاجه سبهلله انا ماللللللللللللللللي ويقولي وايه يعني انتي هتعملي ايه اصلا بصوا انا رغيت كتير اوي ردوا علي الشويه دول وبعدين لما افوق هبقي اتكلم لاني اساسا حاسه اني نفسي رايح ومش قادره اتنفس وعلي وشك يغمي عليا
اهلا اهلا دارييييييييييين
ازيك ياحبيبتى
اهلا ومرحبا بكى صباحا
اصلك دايما تدخلى بالليل
وبصراحه هو موقف مستفز جدااااااااااااا
وانا مقدره حالتك
لانى برضو مش بعرف انام جمب حد ولا بعرف انام و لا اقعد و لا ادخل الحمام فى مكان غريب او مكان بروحه بس مش بحبه
فانا مقدرررررره جداااااااااا اللى انتى بتقوليه ده
بس بصراحه مش عارفه اقولك ايه
لا عارفه اقولك روحى و لا عارفه اقولك خليكى
انتى ادرى بظروفك و بجوزك
فمش عارفه افيدك والله
وهدعيك ربنا يرشدك للقرار الصح يااااااااااااااااااااااااارب
د\امونة;15313577:
انا بدخل اقل من عقلة صباع كمان يا ميرا لان المكان عندي ضيق جدا وبحس بالم برده, بس اعمل ايه الافرازات دبحتني وقرفت منها
انا عندي افرازات لونها اصفر او مخضر ومفيش هرش خااااااااالص , ومش عارفة اعمل ايه, قريت انه الالتهابات بتخلي كيس المية يفتح وده خوفني اوي ومخليني الف حوالين نفسي بس دكتورتي قالتلي طالما مفيش هرش والم خلاص متاخديش دوا
بالنسبة للحركة , اللي بيحصلي مش حركة معدة ولا امعاء خالص , دي حركة في اخر بطني مطرح ما الدكتور بتعمل السونار , والنهارده ببص على بطني لقيت الناحية الشمال عالية واليمين واطيه باينة اوي , سألت مرات اخو جوزي بتقولي ايوة دي الحركة بس لانه صغير الحركة هتلاقيها تحت خالص وكل ما يكبر يتحرك لفوق
انا بروح للدكتورة كل اسبوعين وبكون مش عايزة اعمل السونار بس هيا بتقولي بطلي هبل السونار مش هيأذي البيبي خالص, ومضطرة اروحلها النهارده عشان تكتبلي نوع حديد وكالسيوم كويس
طريقة الولاده دي موجودة على موقع بيبي سنتر , الدكتور اداها حقنة في اخر ضهرها وبعد شوية لقيتها عادي وبتضحك ومش حاسة بالم الطلق خالص وكمان ولدت طبيعي من غير ما تحس بالم , خليكي شجاعة واتفرجي عالفيديو هههههههه
انا هنزل المنصورة ان شاء الله يوم 15 يوليو لان بابا هييجي من الكويت في اليوم ده , هييجي من المطار عالبيت عندي واروح معاه , وهضطر اسيب جوزي عشان الحق اقعد مع ماما شوية واجازات جوزي مش سامحاله باكتر من اسبوع متواصل , وكده هقضي اسبوعين مع اهلي وجوزي هيقضي اسبوع مع اهله ونروح سوا
والله يا دارين كل الستات العرب بيكرهو الهوم وورك لانه مشقة بالنسبالهم ههههههههه, اولا في ستات بتحس بالم وفي ستات مش بتحس بمتعة وفي ستات زيي بيكرهو يستحمو غصب عنهم ههههههههههههه, بس مينفعش ابدا تقولي لجوزك لا خصوصا لو انتي مش تعبانة , لازم تعفي جوزك والا يبقى الجواز زي قلته ويروح يتجوز واحدة تانية :) انا دايما بقول لجوزي هاتلك واحدة لمزاجك وسيبني في حالي هههههههههههه
اازيك يا امونتى
حمد لله على سلامه بابا و ماما مقدما يا حبيبتى
وهما هيفضلوا قاعدين لغايه ما تولدى بالسلامه و لا هيسافروا؟
ومامتك مش هتجيلك ساعه الولاده باذن الله؟
وامونتى
انا كمان عندى افرازات كتيرررررررررر و فى ابيض و اصفر و اخضر و ممكن متكتل كمان
يعنى التهابات التهابات يعنى
ومرعوبه منها لان بعد الشر على الجميع اختى حصلها اجهاض فى حملها التانى بسبب الالتهابات تصورى بقى
ومرعوووووووووبه منها
وقلت لدكتوره عليها
قالتلى فى هرش؟؟؟؟ فى حكه
قلتلها لا
كتبتلى غسول
قلتلها تانى
سالتنى فى هرش فى حكه؟ اصل ده عادى فى الحمل بس انا حاسه انها التهابات لانها ممكن تبقى متكتله واعتقد دى علامه واضحه انها التهاب مش كده ؟؟؟
المهم اخر مره قالتلى على الغسول برضو و لو لسه مضيقاكى المره الجاه نكشف نسا
هى قالتلى كده خفت جدااااااااااا وكتمت قلت حتى لو فى مش هقولها لانى خايفه من كشف النسا بصراحه :(:(:(:(
ومش عارفه اعمل ايه اجيب مرهم اللى اسماء او جوجو بيقولوا علييه و اعمله من نفسى و خلاص
بصراحه محتاااااااره
قولولى اعمل ايه؟؟؟؟؟؟؟؟؟
وانا مش هجمد قلبى واتفرج على ولاده ابدا ابدا يا امونه
مقدررررررش
انا لما باجى افكر ان فى مشرط هيفتح بطنى و فى خياطه
جسمى بيوجعنى و بتعب و اعيط
وبعدين اقول بلاش افكر واخوف نفسى من دلوقتى و الغوش
اقوم اروح برجلى اتفرج على فيديو لا والف لالالالالالالالالالالالالا:study::study::study:
وانتى بتقولى لجوزك يتجوز عليكى
ياعينى على الرجاله اتجوزوا و اخدوا مقلب :lol::lol::lol::lol:
وانتى يا حبيبتى مفيش زى حالتك فى الستات العرب
لان مفيش واحده غيرك مش بتحب الهوم ورك علشان الشاور :|:|:| انتى حاله نادره ههههههههههههههههه