شات منتظرات الحمل وامهات المستقبل القريب باذن الله(بنات مصر)لشهر رجب / يونيو

معلش اتاخرت عليككي في الرد اصلي بتفرج علي فلم هندي بس ايه
هندي هندي يعني

maha211;15311258:
قولتي لجوزك دي عيشة تقرف يا مفترية
يا بنتي حرام دي كلمة وحشة اوي
اوعي تقوليها تاني

وبعدين يا رشروش انتي شكلك محتاجة درس جديد :lol::lol:
انا على فكرة كل يوم اديكي درس وعاوزة تمنهم بقى بصراحة ;)
طب نعمل مراجعة سريعة كده اشوفك ذاكرتي اللي فات
اول درس لما تعيطي يا أوختشي جوزك مش هايعبرك وهايخش ينام ويشخرررررر
الدرس التاني لما تكونو متخانقين وتقولي لجوزك انا مش عاوزة اتفسح هايقولك بالسلاااااااامة
(راجعي قصتي مع جوزي هههههههههههههههههههه ص مش عارفة كام)

الدرس التالت يا حبيبتي والأهم والأفيد للحياة الزوجية ان المصالحة عند الست غير المصالحة عند الراجل خاااااااااااااااااااااااااااااااااااااالص
ماتحاوليش عشان نفسيتك ماتتعبش اكتر من كده
احنا المصالحة عندنا ان احنا نحل اصل الموضوع ونحلل ونفصص
هما ولا الهواااااااااااااااااا هما المصالحة عندهم بالسيكو بيكو :D:D وخلاااااااااااااااااااص وشكرا وتصبحي على خير وهاترجعي للدرس الأول وهاتلاقيكي برضه بتسمعي صوت شخيره خخخخخخخخخخخخخخخخخ :lol::lol::lol:

لكن بقى تقعدوا تناقشوا اصل المشكلة مش بالطريقة المباشرة خااااااااالص يا حبيبتي دي بتترمى للرجالة بطريقة غير مباشرة
عايزة تعرفي ازاي ده بقى الدرس الجاي بس هاتي حق اللي فات الأول :p

ايه دا يا ابلة مها:Dايه الدرس التحفة دا و منكي نستفيد يا ابلتيي:lol:

دارينيتا;15311738:
معلش اتاخرت عليككي في الرد اصلي بتفرج علي فلم هندي بس ايه
هندي هندي يعني

و لا يهمك يا دودو

miramiro;15311598:
:lol::lol::lol::lol::lol:
عسل يا مهاميهو
ربنا يكرمك يا حبيبتى يارب

وحبيبتى متخافيش من موضوع التحاليل
دى خطوه و لازم تتعمل ان شاء الله عاجلا ام اجلا فخلاص اعمليها وتوكلى على الله
ليه القلق والخوف ده

قولى يارب و توكلى على الله

وان شاء الله نتيجه التحاليل تبقى زى الفل

هو زوجك هعايز يعمل التحاليل دلوقتى و لا بعد شويه؟؟؟

ياريت فعلا يا رشا تطبرى دماغك و مش تقفى على كل حاجه
وانا مش بقولك كبرى فى كله و بلاش عتاب

لا العتاب يبقى فى المواقف
يعنى مثلا احرجكك قدام حد تقومى تعاتبيه بدلع كده وتلفتى نظره
حصل موقف بينكم وحش كده يعنى و يكون عتاب بدلع

لكن الموضوع ده طلع طبع فيه فمش هينفع العتاب عتاب على ايه ما ده طبعه مش هيعرف يغيره
فانتى تحاولى تتقلمى معه على اد ما تقدرى و تكبرى دماغك وكده

معلش
ما هو مش كل اللى بنحلم به و نفسننا فيه قبل الجواز بيحصل بعد الجواز
فى حاجات كتيررر بتطلع اوت ;);)

رشا احنا اخوات والله
ومتقوليش اتخانقتوا منى

احنا معلش حتى لو كلامنا ناشف بس قصدنا ننصحك لاننا شايفين ان اللى بيحصل ده مش طبيعى
ربنا يخليكم لبعض يارب
دىلا عين و شيطان
ولو السبب السفريه و عين امه و اخته
يبقى انا عن نفسى كرهت السفريه دى :lol::lol::lol::lol:


فكرتينى بسفريه ليا انا و زوجى
واخدنا العين المحترمه على الاخرررررر ده

بس مش هقول من مين علشان يلا الله اعلم بالنيات بس انا قلت ساعتها دى فلانه و فلانه
والله يا رشا
سافرنا واحنا متخانقين و مبوظين
و اتخانقنا هناك فى الشارع و قعدت اعيط يااااااه يوم بشع مش بحب احكى الموضوع ده لانى بزعل اوى اوى و دى حاجه جرحانى من يومها والله بس يلا ما علينا

و كنا فيها زى الاخوة الاعداء

و الشركه اللى طلعنا تبعها نصبت علينا و دفعنا فلوس على الفاضى

:lol::lol::lol::lol::lol::lol::lol: انتى عسل و سكر والله يا مها
ربنا يكرمك ياحبيبتى ياااااااااااااااااااااااارب
اسمعى يا رشا كلام مس مها
وادفعى الفلوس بقى بلاش الحركات دى :lol::lol::lol::lol:

شكرا يا ميرا يا قمر انتي ده انتي اللي عسل وسكر ومربي كمان

إن شاء الله يا حبيبتي تعوضي الرحلة الوحشة دي مع جوزو والبنانيت القمرات كمان بإذن الله
بس قوليلي هو جوزو بيجي كل اد ايه؟؟؟؟

انا بقى جوزي يل ستي مش اتكلمت معاه خايفة زي ماقلت لأمونة وهو مش قال حاجة هو كالعادة بيعمل ثم يعمل ثم يعمل ومش في دماغه حاجة

{KhAyBo3A..~;15311638:
ايه دا كلو الي بسمعو من الهوم ورك بقيييييت اتعقد يا اخواتيييي ههه

[COLOR="DarkRed"]سيبك منهم يا عيوشة خليكي معايا انا
دول يا بنتي بيموتوا في الهوم ورك ;);)
وبالذات البت امونة دي اللي عاملة دلوقتي شريفة عفيفة :lol:
وقال ايه بتنادي بالحب العذري ;)
طب جربوا كده لو جوز اي واحدة منكوا حستوه مطنشكوا والموضوع مش فارق معاه
هانلاقيكوا انتوا اللي بتجروا وراهم ... مش عاوزة اقول كلمة تانية عشان الرقابة :lol::lol: /COLOR]

هه جدعة يا ابلتي مها البت امونة كل مكنت اسالها عن حاجة بتقلي انتي لسة صغيرة ع الحجات ددي زي متكون جدتي هي الي بتقول الكلام دا قال صغيرة قال هههه.المهم انا لو احتجت اي مساعدة حلجا لك يا ابلتي ههه

miramiro;15311379:

يااارب اللهم انى اسالك باسمك الاعظم الذى اذا دعيت به اجبت واذا سالت بقى اعطيت
يارب تنجح عمليه الحقن بتاعت ياسمين يارب
وارزقها بحمل سليم ومعافى و تاام يارب
و اكرمها بذريه الصالحه يارب يارب ياااااااااااااااااااااااااااااااااااااااارب

مالياش دعوة بقى انا عاوزة دعوة زي دي اشمعنا البت لواحظ بقى :'(

ريـري;15311454:

ازيك يامها عامله ايه
انا كويسه والحمدلله
لسه مبنكلمش بعض هو واخد موقف وانا كمان وهو اللي مزعله اوي لما جات السيرة الخلفة هي دي اللي ماثرة اوي فيه

انا كمان باسأل نفس سؤال ميرا يا ريري
هو زعلان ماشي حضرتك زعلانة ليه؟؟؟؟؟؟؟؟؟؟؟؟؟؟؟؟؟؟ هو واضح جدا انك مش عاوزة تحكي
بس احنا حشريين يا أوختشي نفسنا ندب دماغنا في الخناقة زي ما عملنا مع البت رشا الطيبة وجوزها المفتري :D
لا يا ريري انا بهزر يارب يصلحلك الأحوال انتي ورشا وكل البنات يارب

{KhAyBo3A..~;15311875:
ايه دا يا ابلة مها:Dايه الدرس التحفة دا و منكي نستفيد يا ابلتيي:lol:

{KhAyBo3A..~;15311927:
هه جدعة يا ابلتي مها البت امونة كل مكنت اسالها عن حاجة بتقلي انتي لسة صغيرة ع الحجات ددي زي متكون جدتي هي الي بتقول الكلام دا قال صغيرة قال هههه.المهم انا لو احتجت اي مساعدة حلجا لك يا ابلتي ههه

اي خدمة يا أوختشي
ههههههههههههههه :lol::lol:

بس يا عيوش خللي بالك مفيش دروس مجاني خلاويص
:lol::lol: كله بتمنه يا أوختشي ;)

بنات انا هموت وانام وفي نفس الوقت مش عاوزه تشربوا معايا شاي

علي فكره يامها والله والله انا مابمثل ولاحاجه بالعكس انا لو جيه وقالي انتي اجازه شهر هيلاقي بتحزم وبرقص
بعيد عنك شكلي انجليزيه اصليييييييييييييييييييييييييييييييييييييييييييييييييييييييييييييييييييييييييه ولابيخطر علي بالي اساسا مع اني كنت متخيله نفسي وانا مخطوبه اني لما هتجوز هسوي الهوايل طلعت واخده في نفسي مقلب كبيررررررررررررررررررررر

لحظةحب;15310736:
امونه
انا دورتي علي يوم 6 او 7 بس تيجي هروح للدكتور باذن الله ابتدي

مانيا
بصراحه مش عارفه افيدك مش عايزه افتي ؛) انتي اخبارك ايه ..بس عموما ان الدم مدام مش زي دم الدوره ومش وقت الدوره يعتبر استحاضه

ربنا يكرمك المرادى يااااااااااااارب يالواحظ

RAINBOW2000;15310832:
انا محبطة جداااااا رحت للدكتور و لقيتة مسافر و سايب فى العيادة المساعد بتاعة و مش راجع الا بعد اسبوعين مرضتش ادخل للمساعد ده لانة طبعا صغير و هقعد احكى قصة حياتى من الاول و انا اصلا كنت رايحة للدكتور اخد رايه فى موضوع التلقيح و اعرف ايه الخطة فذى ما رحت زى ما جيت انا مش عارفة ايه كمية العكوسات اللى عمالة بتطلعلى فى الموضوع ده

سيبيها على الله وبلاش تفكرى فيها كده

اكيد ده الخير لييييييييييكم

ربنا يختارلك الاصلح يارب

{KhAyBo3A..~;15310850:

احلى سلللللللللللللللللام لحبيباتتتتتتي و اخواتيي وحشتووووووووووني اهلا بيااااااااااا عندم وبينكم ههه يلا مين الي وحشتوووو مين الي سال عليا ههه

ازييييييييييك ياعيوووووووووووش

اخبارك اييييييييييه

ra_tamima;15310923:
ازيكم يابنات
انا الحمد لله حاولت اتكلم مع جوزو ونشوف المشكله اللى بينا روحنا اتخنقنا وقولتله خلاص رجع التذاكر وقمت فضيت الشنط
بعدها قام جبنى واتكلم معايا روحنا اتخنقنا تانى
بقول روحنا اتخنقنا مش اتنخقت انا علشان محدش يقولى يانكديه ..................
فضلنا نتخانق لحد ما قريبى جم علشان الماتش وكل ما حد يسئله اخبار المصيف ايه وهاتسفرو امتى يرد عادى خاالص كاننا مسافرين فعلا


ولما نشوف لما يمشو الناس ها نعمل ايه.........................................يمكن نولع ف بعض ولا حاجه هههههههههه

ra_tamima;15310981:
والله يابنات انا حاسه فعلا انها عين بجد رغم كل اللى قولته بس بجد حاجه غريبه كل ما نيجى نحلها تتعقد اكتر
وانا من طبيعى انى لازم اعاتب علشان اعرف استمر وقولت والله يا امونه هاعاتب بطريقه لذيذه هو اللى فضل يلف حواليا علشان عايز..............
وانا مش ينفع غير لما نتكلم فضلت ادلع لحد مالقيته عايز يصالح من غير ما يفتح الموضوع بوسه وشكرا يعنى وبصراحه اتنرفزت وقولتله دى عيشه تقرف ....................
قام وزعل من الكلمه وانا اللى روحت وكلمته شدينا ف الكلام وقالى خلاص احنا عمرنا ماهنوصل لبعض قولتله انت كده بتعقدها ماشى الغى الحجز وقمت فضيت الشنط وبعدها قالى تعالى وفضل يتكلم وف وسط الكلام اللى يحرق الدم قالى انا رايح السفريه دى علشانك انتى قولتله اومال فين بقى انا عايز اغير جو ومحتاج اسبوع عسل معاكى كنت بتكدب عليا قالى هو لازم اقضى الحاجات دى ف الغردقه انا روحتها مخصوص علشان انتى نفسك فيها زعلت اوى من الكلمه دى قولتله خلاص متخصبش على نفسك ياسيدى والغيها مع انى عارفه انك مش هاتطلع ولا الغردقه ولا غيرها لانى انا اللى بقول وانا اللى ف الاخر بتحرق دمى وبعدها قريبى جم


اصل اهله مش متعودين ان الاستاذ يغيب عنهم وامه اللى ربنا............... يهديها عماله تقوله اشمعنا الغردقه وانت روحتها قبل كده؟؟؟؟وكلام غريب علشان كده زعلت من كلمته اوى ده المفروض بعد كلامهم ده هو ياكدلى انه عايز يروح معايا وعلشانى طبعا بس علشان هو كمان عايز كده
مش رشا تقول يمين يمين رشا تقول شمال شمال
اهى هى دى النقطه اللى بتحرق دم امى

رشا ......... الراجل مغلطش خالص

كتر خيييييره والله

وكلمة طالع عشانك دى تفرررررررررح مش تزعل

لو مكنش عاوز يطلع عشان امه واخته مكنش طلع اصلاااااااااا

بلاش تتلككى ولا تسوقى فى العند عشان مايزهقش

وتبقى انتى اللى نكدية واهله اللى بيريحووووووه

هلى بالك من النقطة دى كويييييييييس

حاولى تهدى كده وروحى اعتذريله وصالحيه

وشغلى البقرة فى البيييييييت اليومين دوووووووووول

ربنا يهدى سركم

maha211;15311258:
قولتي لجوزك دي عيشة تقرف يا مفترية
يا بنتي حرام دي كلمة وحشة اوي
اوعي تقوليها تاني

وبعدين يا رشروش انتي شكلك محتاجة درس جديد :lol::lol:
انا على فكرة كل يوم اديكي درس وعاوزة تمنهم بقى بصراحة ;)
طب نعمل مراجعة سريعة كده اشوفك ذاكرتي اللي فات
اول درس لما تعيطي يا أوختشي جوزك مش هايعبرك وهايخش ينام ويشخرررررر
الدرس التاني لما تكونو متخانقين وتقولي لجوزك انا مش عاوزة اتفسح هايقولك بالسلاااااااامة
(راجعي قصتي مع جوزي هههههههههههههههههههه ص مش عارفة كام)

الدرس التالت يا حبيبتي والأهم والأفيد للحياة الزوجية ان المصالحة عند الست غير المصالحة عند الراجل خاااااااااااااااااااااااااااااااااااااالص
ماتحاوليش عشان نفسيتك ماتتعبش اكتر من كده
احنا المصالحة عندنا ان احنا نحل اصل الموضوع ونحلل ونفصص
هما ولا الهواااااااااااااااااا هما المصالحة عندهم بالسيكو بيكو :D:D وخلاااااااااااااااااااص وشكرا وتصبحي على خير وهاترجعي للدرس الأول وهاتلاقيكي برضه بتسمعي صوت شخيره خخخخخخخخخخخخخخخخخ :lol::lol::lol:

لكن بقى تقعدوا تناقشوا اصل المشكلة مش بالطريقة المباشرة خااااااااالص يا حبيبتي دي بتترمى للرجالة بطريقة غير مباشرة
عايزة تعرفي ازاي ده بقى الدرس الجاي بس هاتي حق اللي فات الأول :p

:thumbs_up::thumbs_up::thumbs_up::thumbs_up:


كلاااااااااااااااام جميييييييييييل ياابلة فضيلة :D

miramiro;15311278:
:lol::lol::lol::lol::lol::cool::cool::cool:
عسل يا جوجو
تعالى يا اختى افقسى تعالى
العشه عشتك :lol::lol::lol::lol:

طب يلا بيتك بيتك

لمى كتاكيتك ومن هنااااااااا عاوزة افقس براحتى:D

maha211;15311317:
بس عارفة يا امونه احساس ان الموضوع بقى صعب بعد ماكان سهل
يعني القدرة على الخلفة بقت مأساة تخللي الناس تبقى عاوزة تقوللك ماتخلفيش ااحسن من لما تجيبي عيل عيان
دع غير كمان انا خايفة جدا من المصاريف والله ما عارفه الله الموفق والمستعان

ربنا يكرمك يا مهاااااااااااا ويوسع عليييييييييييكم

shoshet*himo;15311350:
ازيكم يا بنات

الحمدلله انا تقريبا خلصت بس جوزي نفضلي ونام ومعملش معايا اي حاااجه وانا متغااااااااااظة اوووي ونفسي اتخانق معاه بس سكت علي مضض بس مرقداله يعني ههههههههههههههههههه لسه في حاجات والله انا مش عارفه اعملها وكله يقولي بكرة بكره مش عارفه بكرة هعمل ايه ولا ايه دايما دي مشكلتي معاه بيسيب كل حاجه للاخر كده ونجررري ونتسربع وننسي حاجات بسببه لو كنا خلصنا بدري بدري كنت ارتحت بس هقول ايه حكم القوي بكرة باذن الله اكيد مش هعرف اكلمكم ومش هكلمكم غير ما النت يوصل هناك يلا بااي وتصبحوا علي خير وبالله عليكم تدعووولي سلام يا قمرات

كلهممممممممممممممم هذا الرجل


ربنا يعييييييينك ويقويكى وربنا يطمنا عليكى

ابقى دخلى النت بسرعة

miramiro;15311379:



وامونتى
خلاص هسميكى امونه رابطه الحزام و الفيونكه
وشعار امونه احملى و امنعى :D:D:D:D:D

ههههههههههههههههههههههههههههههههههههههههههههه


تحفة يا ميراااااااااا :thumbs_up::thumbs_up::thumbs_up:

ريـري;15311454:

ازيك يامها عامله ايه
انا كويسه والحمدلله
لسه مبنكلمش بعض هو واخد موقف وانا كمان وهو اللي مزعله اوي لما جات السيرة الخلفة هي دي اللي ماثرة اوي فيه

ربنا ييبعد عنكم الشيطان ويصلح مابينكم

والموضوع ده حساس اووووووووى بالنسبة لاى رااااااااااجل معلش استحملى وتعالى على نفسك

هو تلاقيه تعبان اكتر منك

{KhAyBo3A..~;15311638:
ايه دا كلو الي بسمعو من الهوم ورك بقيييييت اتعقد يا اخواتيييي ههه

هههههههههههههههههههههههههه


بت يا عيووووووووووش ابعدى عن العيال دى

عاوزين يعقدوكى وانتى لسه مدخلتيش دنيا :D:D

دارينيتا;15311576:
عيووووووووووووووووووووووووووووووشه ازيك ياقمر عامله ايه وحشاني جداااااااااااااااااااااا طمنيني عليكي

بنات صحيح شفتكم من شويه بترغوا علي موضوع الحمام المغربي وانه فاشل وفشنك والكلام ده ؟؟؟؟؟؟؟؟؟؟؟؟؟؟؟؟؟؟!1111

مين ده اللي فاشل ومين ده اللي ملوش لازمه وبتاع
علي راي الست ام كلثوم الله يرحمها
العيب فيكوا ........... يااااااااا في اللي بيعملوهولكم :) مش اكتر

ببساطه انا كنت مداومه عليه مره كل اسبوع رغم هده الحيل والملل قبل فرحي بحوالي 7 شهور وخلاني تحفه فعلا اولا بشرتي لونها بقي افتح عشان شال كل طبقات الجلد اللي دمرتها الشمس ونعومه رهيبه وكان عندي مبادي بتاعت الحبوب اللي بتطلع في الرجل بعد السويت وخشونه عند الكوع شويه وكل ده اختفي نهاااااااااااااااااااائي ويمكن من تاني مره
بس الموضوع عاوز صبر وبلاش دلع يابنات انا عامله موضوع تقريبا السنه اللي فاتت وماشاء اتسرق وسمع في كل المنتديات واتنقل نقل مسطره حتي الدعوات اللي كنت طالباها ليا نقلوها :) هههههههههههههههههه
المهم في المواضيع بتاعتي هتلاقوا موضوع اسمه فله شمعه منوره هديتي لكل العرايس ابقوا بصوا عليه كده بصايه ولااقولكم استنوا اللنك اهوه

http://forums.3roos.com/showthread.php?p=11758148#post11758148

ابقوا قولولي رايكم ايه

بجد الموضوع ده روعة... بس عايزة اعرف استمر عليه قد ايه عشان احس بنتيجة؟؟ ماهو الواحد مش بيتشجع يكمله الا لما بيشوف نتيجة و تحسن ..
و سؤال كمان معلش.. عشبة الداد دي بتتحط برده على المناطق الحساسة؟؟ و بتفتح لونهم؟؟ ايه في المكونات دي كلها غلط اني احها في المناطق الحساسة؟؟
ان شاءالله في اقرب فرصة اجيب الحاجات كلها و اشتغل لاني بعاني من الحبوب دي بطريقة شنيعة .. و كوعي و رجلي عايزين سنفرة محترمة .. :D

{KhAyBo3A..~;15311638:
ايه دا كلو الي بسمعو من الهوم ورك بقيييييت اتعقد يا اخواتيييي ههه

لا يا عيووووش.. سيبك من البنات دي يا بنتي.. مالكيش دعوة بيهم.. الهوم وورك حلو مش زي ما انت فاكرة خالص.. هو القصة بس انه عادة اول سنة دي بتبقى مش ممتعة اوي لكن مع الوقت بتبقي خبرة انت و جوزك و بتحبي الموضوع اكتر.. و بدل ماهو حيجري وراك حتجري انت وراه بعد كدا .. :lol:
بس قوليلي صحيح هوو انت حتتجوزي امتى ان شاءالله ؟؟ قريب وللا حتستني تخلصي دراسة الاول؟؟
وصحيح انتوا في المغرب بتهتموا بالحمام المغربي علطول كدا ؟؟

السلام عليكم و رحمة الله و بركاته
مها ما شاء الله عليكى دة انتى جامدة و دروسك فى الجون ابقى اعملي لنا حلقات تقوية كمان

رشا انا قريت كلامك عن جوزك و عايزة اقوللك انك بتتكلمى عن جوزى بالظبط بالمللى بس انا بصراحة كدة مش بعمل زيك بالعكس انا شايفة ان الموضوع فى صالحى جدا و هقوللك ليه بس بعد ما توحدى الله و تصلى على النبي
اولا انا جوزى و اعتقد ان جوزك زيه مش لازم بالظبط بس إلى حد كبير اولا ملوش تجارب قبلك او تجارب قليله اوى اوى و محدودة و ملوش أصحاب كتير يعنى ملوش شله بيقعد معاهم على القهوة أو بيخرج معاهم و يتقابلوا و أعتقد انه قبل الجواز هو الى كان بيعمل كل حاجة لمامته و اخواته من مشاوير و طلبات و كل دة ميزة ليكى انتى و هتلاقيه كمان كان ملوش فى الخروج و الكافيهات و المطاعم و السفر و الخروج
بصى انا جوزى كان زى ما بقوللك كدة فلما اتعرفنا على بعض انا عكسه تماما بخرج و ليا أصحاب و ليا نشاطات و بحب السفر و الخروج و الحمد لله رب العالمين احنا الاتنين بنحب بعض على الرغم من ان جوازنا تقليدي بس الحمد لله حبينا بعض فأنا اللى بقيت أقوله نخرج هو لو عليه يفضل قاعد فى البيت ليل نهار من الشغل للبيت و من البيت للشغل و شكرا انا الى بقوله تعالى نعمل كذا و نروح هنا و ننزل النادى و ننزل نتمشى و هو يقولى ماشى و لما اقوله ننسافر مثلا أو خرج ناكل برة يقولى ماشى نروح فين و انا اللى احدد و اقرر و دة بسبب انه مكانش يعرف أى مكان ولا كان بيخرج بصراحة الأول كنت بتخنق قبل ما أعرفه كويس أيام الفاتحة و الخطوبة و كنت أفضل أقوله متسأل هو لازم أنا اللى أقول أسأل يا سيدى أصحابك بيخرجوا خطيباتهم فين و اعمل ززيهم ولا انا لو مفكرتش انت متعملش حاجة و كنت بقفش جدا بس عايزة أقوللك مرة سبته سأل أصحابه و عمللى مفاجأة وودانى مكان بجد مكان زباله و حاجة عار عار فقررت أنى مش هسيبله الموضوع دة أبدا و حتى أيام الهنى موون انا الى اخترت الأوتيلات و الخروجات لأنى انا كمان عارفة شارم كويس أوى و هو عمره ما راح و على فكرة مع إنى تقريبا حفظاها و انا الى كنت مرشدة سياحية ليه بس بجد أكتر مرة اتبسطت فى شرم لأنى مع جوزى حبيبى و قيسي على كدة حاجات كتير أوى أوى انا اللى متولياها و والله والله و الله بعد ما جربت انى أسيبه هو اللى يفكر و يتعامل رجعت تانى انا الى أعمل و أقرر و أفكر لأنه بصراحة كل الى عمله مكنش بيعجبنى لأه معندوش فيه خيرة و على فكرة كمان انا جوزى بيصحى من النوم يكوى هدومه و يعمل لنفسه فطار و يعمل الشاى و أحيانا يعمللى الفطار معاه و لما يرجع من برة الاقيه دخل المطبخ عمل لنفسه شاى و كتير يسألنى أعمللك حاجة معايا و عمره ما قاللى اكويلى أو أعمليلى شاى إلا بأة لو مش قادر و بيموت و عايزة أقوللك بيقولهالى كأنه بيستسمحنى "حبى معلش ممكن بس كوبايه شاى علشان مصدع و مش قادر" أو "معلش بس لو فيها غلاسه تكويلى علشان مستعجل و يا دوب أخد دش و مفيش وقت" و عايزة أقوللك انا بغلس عليه و أقوله "تدفع كام" أو أقولله "معلش غلبان بردو بس هى المرة دى و بس متتعودش على كدة كتير بعد كدة بفلوس" يعنى باخد الأمور هزار

و قصاد كدة بأة فى حاجات كتيييييييييييييييير هو شايلها عنى يعنى الرخصة و البطاقة و رخصة العربيه و كل مشاويرى و كل طلباتى و اللهى العظيم و بزيادة و بفرح و بيصعب عليا بحس انى بعذبه مرة كان فى الدقى بيعمل مشوار كلمته قلتله هات معاك حاجة معينه من محل فى الدقى المهم قالى طيب و كلمنى و هو راجع بقوله فينك قالى خلاص على الكوبرى فى أخرة أحنا ساكنين فى مدينه نصر قلتله جبتلى اللى طلبته منك قالى لأ نسيت قلتله خلاص ولا يهمك مش مهم و الله العظيم رجع جابلى اللى انا طلبته منه و لما رجع قلتله إيه دة انت كنت بتضحك عليا قالى لأ انا رجعت تانى مش عايزة أقوللك بجد فرحت أد إيه

المهم انا كنت الأول زيك كدة بتخنق و أقول فى نفسي هو انا كلامى دة قرأن و هو ملوش رأى ولا بيفكر معايا و كل حاجة انا الى أفكر و أعملها لحد ما شفت واحدة صاحبتى مع جوزها عمره ما يعملها حاجة ولا يجيبلها حاجة غير لما يكون الحاجة دى هتفيده هو شخصياو بشكل مباشر يعنى تقوله انا نفسي نسافر الغردقة و هموت و أروحها لأ انا مبحبهاش مش هنروح طيب تعالى معايا للدكتور يقولها خدى أمك أو أختك و يبقى هو فى النادى بيعمل ساونا و جاكوزى العربيه هى الى بتوديها للميكانيكى و خدى من دة كتييييييييير و علطول عايزها مهتمة بيه و واخدة بالها منه و مدلعاه بيفكر فى نفسه و متعته و بس و عايزة أقوللك هى بتموت فيه و بتحاول ترضيه بكل قوتها

أحمدى ربنا و فكرى فى الموضوع من ناحيه تانيه انه بيحبك و عايز يبسطك و يرضيكى و متضغطيش عليه و ربنا يهديكو و يصلح الحال يا رب

manyaa;15311119:
أحبك الذي احببتنا فيه يا قمر.. ابقي شاركي معانا علطول و ماتغيبيش كتير كدا...:)


















مها... هو انت كان عندك مشكلة اصلا قبل ما تحملي؟؟؟ و كانت ايه مشكلتك ؟؟و خايفة ليه من التحليل يا بنتي.. دا شكة دبوس:D

الله يكرمك والله عجبتني اوي جملة (احبك الذي احببتنا فيه)للاني دايما بقول بحبك في الله بس دايما الرد (وانا كمان) ههههههه ده للناس مش جوزي طبعا ههههههههه بس جملتك احلى كتييييييييييييييييير وان شاء الله ابقى ادخل ومش اغيب عنكم خالص

د\امونة;15311120:
نور القمر ........ انا عرفت النوع الحمد لله ولد بس عندي امل اروح بكرة للدكتورة تقولي بنوتة :)


يسلم حنكك يا منمن هههههههههههههه, ايوة كده كله يدي البت رشا كلمتين في العضل بدل ما هيا سايقة الهبل عالشيطنة هههههههههههههه

شكلك ماعندكيش اخوات بنات صح ؟؟؟؟؟ :D:D اصل انا كل اخواتي بنات وكان نفسي في ولد ,,,,بس انا دكتوره قالتلي انها بنت وواحد تاني قالي انه ولد وحاده تلخبط والله

صباح الخير يا بنات
انا صاحية انهرده عندى مغص و اسهال و قلبان فى معدتى و مش عارفة جاريلى ايه مع انى مكلتش اى حاجة ادعولى انا هقوم اخد مسكن و انام و اجيلكم بعد شويه مقدرتش انزل طبعا

الف سلامه عليكى شفاكى الله و عافاكى

نور القمر.. شكلك زي القمر فعلا .. و كلامك حلو اوي.. انت اللي فرحتيني انك فرحتي كدا... ربنا يبارك لك يارب و يقومك بالسلامة و تولدي على خير و تجيبي نونو قمر زيك.. و بنت ولد كله حلو.. ربنا يفرح قلبك دايما يا رب..:)

ميوي.. ليه كدا حبيبتي شافاكي الله و عافاكي يا جميلة..

د\امونة;15310659:

شيري ......... ازيك يا جميل , اخبار البامبينو ايه ؟ انا حاسة انك حامل في ولد , بصراحة مش لايق عليكي تبقي حامل في بنت مش عارفة ليه هههههههههههه

لواحظ...........انتي قلتي هتبداي الحقن في شهر 7 بعد الدورة علطول, هيا الدورة فاضل عليها كام يوم؟

لية بس كدة
البنوتة بتبقا عسولة عشان اسرحلها شعرها

السلام عليكن

F:F:
ياسمين عاملة ايه النهاردة؟
كنتي بتسالي علي المطهر المعوي طالما الاسهال انتهي يبقي مالوش لازمة
اللي عندك ده حساية في المعدةوالصيام بيزودها شوية والدوا اللي قلتلك عليه بيهديها خالص زي ما يكون بيبطنها بطبقة لحد مت تخف وترجع لقواعدها سالمة

عائشة
بصراحة انا بدات اقلق عليكي
بتكلم بجد مش بهزر
كل الحوارات اللي هنا ممكن تعملك عقد من الباطن من غير ما تحسي
لانها بتديكي صور وعقلك حيقنعك انها حقيقة لانها عن تجربة اشخاص
بس احلي تجربة اللي بتعيشيها بنفسك
وخليكي فاكرة ان الحكاوي هنا اغلبها في لحظات الضيق وان اللحظات السعيدة محدش بيستفيض في حكيها
افضل ليكي تسمعي كلام عرايس عشان تتفائلي وترسمي لنفسك صورة وردي
لان فعلا بجد كل حاجة حلوة ولا فيه حاجة بتعقد ولا حاجة بتوجع ولا ولا ولا
كلها ردود فعل نفسية ولحظية وشخصية
اللهم بلغت اللهم فاشهد

mooney608;15312744:
الف سلامه عليكى شفاكى الله و عافاكى

manyaa;15312780:
نور القمر.. شكلك زي القمر فعلا .. و كلامك حلو اوي.. انت اللي فرحتيني انك فرحتي كدا... ربنا يبارك لك يارب و يقومك بالسلامة و تولدي على خير و تجيبي نونو قمر زيك.. و بنت ولد كله حلو.. ربنا يفرح قلبك دايما يا رب..:)

ميوي.. ليه كدا حبيبتي شافاكي الله و عافاكي يا جميلة..

الله يسلمكم انا مش عارفة ايه اللى جرالى فجاة كده حتى معرفتش انام

د.ودعه;15313062:
عائشة
بصراحة انا بدات اقلق عليكي
بتكلم بجد مش بهزر
كل الحوارات اللي هنا ممكن تعملك عقد من الباطن من غير ما تحسي
لانها بتديكي صور وعقلك حيقنعك انها حقيقة لانها عن تجربة اشخاص
بس احلي تجربة اللي بتعيشيها بنفسك
وخليكي فاكرة ان الحكاوي هنا اغلبها في لحظات الضيق وان اللحظات السعيدة محدش بيستفيض في حكيها
افضل ليكي تسمعي كلام عرايس عشان تتفائلي وترسمي لنفسك صورة وردي
لان فعلا بجد كل حاجة حلوة ولا فيه حاجة بتعقد ولا حاجة بتوجع ولا ولا ولا
كلها ردود فعل نفسية ولحظية وشخصية
اللهم بلغت اللهم فاشهد

انا كنت عاوزة اقول لعائشة ما معنى الكلام ده قبل كده بس خفت تزعل منى حسا انها صغيرة على الهم اللى فى التجمع ده و هتكون فكرة مش ولابد عن الجواز :woo: