شات منتظرات الحمل وامهات المستقبل القريب باذن الله(بنات مصر)لشهر رجب / يونيو

بقولك يا امونه هو انتي حسيتي بالحركه امتي يعني في الكام كده اصل انا بحس بحاجه كده غريبه بس اعتقد ان لسه بدري انا في نص التالت

ربنا يسهلهالك المرة دي يا لواحظ , يارب يخفف عنك كل الوجع وكل التعب ده يارب ويجعلها ناجحة المرة دي ياااااااااااااارب

والحزام اللي ميجو رابطاه هو حزام العفة ههههههههه انا قلتلها ووصيتها تبعد عن الهوم وورك خالص احنا ما سدئنا الحمل يحصل , وباذن الله يوم ما تحملي يا لواحظ هفضل ازن على دماغك لحد ما تمنعي الهوم وورك خالص هههههههههههههه

جدعة يابت يا ميجو انا كمان كنت كل اما احس ان جوزي هيغدر بيا اقوله عندي مغص , اصلا السائل المنوي بيعمل مغص للست , الدكتورة قالتلي كده

عسل يا يسمينه شوفتي احنا منحرفين ازاي

انا دلوقتي يا ميجو في الاسبوع ال 20 ويادوب بحس بحركة خفيفة , لسه بدري اوي على ما تحسي بحركة لان الجنين بتاعك صغير اوي هتلاقي طوله دلوقتي 3 سم ووزنه حوالي 4 جرام وطبيعي مش هتحسي بحركته خالص , بس انا حسيت لاني بطني بتحجر في اماكن معينة وبحس بالتحجيرة وهيا بتحصل , بقول يمكن النونو بيكوم نفسه في حتت معينة في بطني , هسأل الدكتورة عليها

ايووه يا امونه انا ايام زمااااان ههههه كنت بعد الجماع يجلي مغص فعلا و كنت اقول للدكتور يقولي عااااادي

اه يا امونه الي اسمعه ان الحركه بتبقي زي نقر الكتكوت كده يعني تحسي بنقر خفيف انما التحجير ده اعتقد بيبقي في الاخر قولي للدكتوره بتاعتك يا امونه اوعي تنسي

انا لسه دلوقتي شايفة على موقع بيبي سنتر ان الحركة هتحسي بيها يا ميجو من اول الاسبوع ال 18 وهتبقى خفيفة اوي وبعدين تنتظم وتزداد قوة مع مرور الوقت


عيوش......... انتي سافرتي ولا لسه؟


مهاميهو ..........ايه الاخبار يا جميل , مش هتبداي بئة تعملي التحاليل ولا لسه جوزو معاند شوية؟


ميوي.......... هتروحي عزومة صاحبتك ولا هتكبري دماغك؟

مش بتشوفوا الماتش يا بنات حاسه ان الاهلي هيتغلب ربنا يستر

الحركة بالنسبالي دلوقتي يا ميجو مش نقر كتكوت خالص , هيا زي حجر بيقع في ماية, بحس بتقل فجاة في حته معينة في بطني ولما احس عليها الاقيها جامده وبعد شوية تطرى وحته تانية تجمد وهكذا

انا محبطة جداااااا رحت للدكتور و لقيتة مسافر و سايب فى العيادة المساعد بتاعة و مش راجع الا بعد اسبوعين مرضتش ادخل للمساعد ده لانة طبعا صغير و هقعد احكى قصة حياتى من الاول و انا اصلا كنت رايحة للدكتور اخد رايه فى موضوع التلقيح و اعرف ايه الخطة فذى ما رحت زى ما جيت انا مش عارفة ايه كمية العكوسات اللى عمالة بتطلعلى فى الموضوع ده

انا جوا اوضتي مش بشوف الماتش عشان اخو جوزي بره , بس بسمع النتيجة من صوت جوزي المجلجل ههههههههههههههههه

ولا عكوسات ولا حاجة يا ميوي , يعني هو الراجل هيفضل مسافر طول العمر , هيرجع ان شاء الله ويمكن ربنا عمل كده عشان تعملي التلقيح بعد رمضان بروقان كده ومن غير ما يضيع عليكي العبادات في رمضان

هو المساعد قالك الدكتور هيرجع امتى؟

د\امونة;15310823:
انا لسه دلوقتي شايفة على موقع بيبي سنتر ان الحركة هتحسي بيها يا ميجو من اول الاسبوع ال 18 وهتبقى خفيفة اوي وبعدين تنتظم وتزداد قوة مع مرور الوقت


عيوش......... انتي سافرتي ولا لسه؟


مهاميهو ..........ايه الاخبار يا جميل , مش هتبداي بئة تعملي التحاليل ولا لسه جوزو معاند شوية؟


ميوي.......... هتروحي عزومة صاحبتك ولا هتكبري دماغك؟

انا مش عاوزة اروح و قلت لجوزى كذا قعد يقولى ان مش عاجبة انعزالى على الناس و اللى يتكلم معاكى اقفليه و خلاص و معرفش ايه بس انا شايفة ان على ايه انا مش ناقصة حرقة دم بصراحة هو قالى خلاص بش شكلة مش مبسوط يعنى اللى هو عاوز يريحنى و خلاص مش عارفة بقى انا عارفة انى بضايقة و بحملة فوق طاقتة بس كل ده عصب عنى

لحظةحب;15309294:
مي
خلاص انتي شوفي الدكتور واعرفي رايه ولو كده حاولي تقنع جوزك تعمليه شهر ٧ علشان ٨ رمضان وشوفب هيفولك ايه وباذن الله خير..بس لو جوزك عصلج وقالك لا زي ما قلت شهرين خلاص متتديئش استني رمضان يخلص واعمليه

ودعه
انا يا قمر الحمد لله كويسه خفيت وابتديت صيام النهارده رابع يوم صيام طول عمري متعوده اعوض ايامي بعض رمضان وبعدين اصوم ال٦ بتوع شول السنه اللي فاتت كنت عامله الحقن في شول فمعرفتيش اصوم والدكتور نزلي الدوره في رمضان مرتين فبقا علي ١٣ يوم الحمد لله وطبعا نسيتهم لاني مش متعوده ان عليا ايام ولازم اصومهم فالحمد لله بس معدتي لدلوقتي مش قابله اكل يعني شوربه فاكهه بقسماطم ماشيه تمام امبارح فطرت بطاطس محمره وشكشوكه نفسي هفتني عليهم معدتي تعبتني ورجعت روحت اتسحرت فاكهه وبقسماط معندكيش حل

ربنا يتقبل منك يا ياسمينا يا رب.. و يجبر بخاطرك و يفرح قلبك...
و الف سلامة عليكي و على تعب معدتك.. انا رأيي بلاش تاكلي مقليات الفترة دي لحد ماتبقي كويسة.. كلي مشويات او اكل مسلوق.. و بلاش المقلي او الدهون كتير و ربنا يشفيكي يارب..

Nesoo;15309400:
وعليكم السلام ورحمه الله وبركاته
وحشتوووووووووووووووووووووووووووووووووووووووووووونى اخر حاجا بجد
اخباركم ايه كلللللللللللللللللللللللللللللللكم؟؟
معل انا مقصره معاكم جداااااااااااااا
طمنونى عليكم

نيسوووووووووووووووووووووووووووووووووووووو يا قمر..واحشاااني انت اخبارك ايه...

mooney608;15309441:
انا فعلا قلت ربنا يسهل لما ييجى بيبى إن شاء الله بس أصل اليومين دول مصيف و أخواتى كل يوم واحدة رايحة و واحدة راجعة و بيتجمعوا هناك كل شوية و يكلمونى يقولولى حاولى تيجى فأنا متغاظة منهم الجزم دول :)
عموما أهو كلام بس أكيد مش هاخد خطوة غير لما أكون متأكدة أنى مش هندم عليها و ربنا يستر

مي انا كمان رأيي استنى بعد رمضان و توكلى على الله حتى تاخدى فرصة فى رمضان عمل خير و تقرب من ربنا و دعاء و ربنا يكرمك بإذن الله بس فهمى جوزك كدة اقعدى معاه كدة فى ساعة صفا قوليلو إيه رأيك نعمل الحقن بعد رمضان و ناخد رمضان كدة فرصة نتقرب من ربنا و ندعى و ربنا يكرمكو إن شاء الله

انا برضو مقلقة لأن لما حسبتها لقيت كدة الحقن هيكون فى رمضان لأن المفروض أعيد التحاليل تانى قصدى تالت فى نص يوليو و لو طلعت كويسة (يا رب) نبدأ فى التحضير و الحقن بس انا هسيبها على ربنا كان نفسي تكون الشهر الى فات التحاليل كويسة بس الحمد لله على كل حال انا هسيبها على ربنا و هو كريم رحيم

هو المشكلة عندك ايه أصلا يا مووني في تأخير الحمل؟؟و تخاليل ايه اللي بتعمليها؟؟

لحظةحب;15310775:
ربنا يسمع منكم يا بنات يارب ويكرمني

امونه
هعملها في مستشفي السلام لو تعرفيها خاص هي هو مركز تابع لميتشفي السلام والدكنور مصري عملي خصم من ثمن العمليه ٤٠٠ دينار فهتكلفني ١٢٠٠ بالكتير باذن الله

ماجده
وحشاني اخبارك يا كتكوته عامله ايه ؟؟ايه حكايه الحزام اللي بتقول عليه امونه ده

مانيا
معتقيديش التمارين ليها علاقه ..الرياضه تخلي الدوره تنتظم ..انا مش عارفه السبب لكن مستبعده الرياضه.هومستمر يا مانيا وله نقط ووقفت..انا هعنلها في الكويت المره ديه

هي واقفة دلوقتي يا لواحظ... معرفش حتنزل تاني وللا لأ .. انا رجعت من التمرين لقيتها خدت دش كدا و مانزلتش تاني فلسة مش عارفة نظامها ايه..

د\امونة;15310779:
دي حيرة والله يا منمن الدورة بتاعتك دي , انتي بصراحة محتاجة تقعدي في مصر فترة كبيرة , تاخدي راحتك في العلاج وفي المتابعة مع الدكاترة لكن الشحططة دي مع دكاترة اغبياء مش نافع, بس المشكلة في جوزك ازاي تسيبيه لوحده فترة كبيرة, ده انا ناوية انزل المنصورة اسبوع بدري قبل جوزي ومع كده قلقانه عليه عشان هسيبه لوحده بصراحة هيصعب عليا اوي

يا امونة.. انا من قبل جوازي ب 3 سنين و انا بتعالج عند دكاترة في مصر يا حبيبتي.. من قبل ما اتخطب حتى.. بس كلهم قالولي مالكيش علاج غير اني اخد جلوكوفاج و دوا ينزل الدورة و خلاص.. و علاجي الوحيد اني اخس و اني اتجوز و احمل.. خسيت وقتها كتير و اتجوزت و طخنت :) بس دلوقتي اشتركت الحمد لله في جيم و ماشية بالتمرين مع الدايت و ربنا يعين يارب..
و جوزي انا طبعا ما ينفعش اسيبه لوحده نهااائي.. دا انا بسيبه بالعافية لما ماما او بابا يكونوا تعبانين جامج و هم قاعدين لوحدهم و بسيبه 5 ايام بس و بيبقى مش عارف يعد في البيت.. فمش حينفع انزل مصر خالص .. غير ان نزولي مصر من غيره غير مجدي.. لان انا علاجي اني اخد منشطات قوية.. و طبعا لازم علاقة بعد المنشات دي.. فحنزل مصر اعمل ايه؟؟؟
ربنا يسهل.. و بعد رمضان ان شاءالله نكون لقينا حد هنا كويس يديني منشطات محترمة كدا و ربنا يسهل.. و اهو اكون خسيت شوية.. ادعولي ربنا يعينني و يصبرني على الخسسان ده ... لحسن العملية بتقلب معايا بصداع و دوخة

خلاص يا مي روحي العزومة ومتزعليش جوزك , انا عارفة انك بتضغطي على اعصابك , لكن خديها بالشكل ده , ان كل ما حد يأذيكي بكلمة ربنا بيرفعك درجة او بيشيل عنك ذنب , وان شاء الله ربنا هيكرمك قريب وهتكيدي الاعادي يابت :)


ازيك يا عيوش انتي وحشتينا كلنا وكلنا سالنا عليكي

هو النت خلاص اتصلح عندك؟

وانتي كمان يا ام عمر وحشتيني.ايوة اتصلح النهاردة بعد طول اانتظاااااار

أهلاااااااااااااااااااااااااااااا عييووووووووووش.. كيييييييييييييييفك....

خلاص يا منمن خلي عندك اراده قوية عشان تخسي , وحلو انك اشتركتي في جيم هيساعدك كتير اوي بس لازم تنظمي اكلك وتعملي ريجيم والا مش هتخسي بسرعة, انا عارفة ان الدايت بيدوخ بس معلش اديكي قاعده في البيت والدوخة مش هتبقى جامده اوي زي ما بتكوني بتشتغلي برة البيت


انا نفسي اوي اطمن على دينا وحشتني والله , الريجيم فكرني بيها هههههههه, يارب تكون خست ويكون عندها اخبار حلوة

معلشي يا مي كله بأوانه ان شاء الله يمكن ربنا يكرمك من غير تلقيح متزعليش يا حبيبتي ربنا فرجه قريب ان شاء الله