shoshet*himo;15308639:
سارة يارب تطلعي حامل ياررررررررب باذن الله
ميرا الحمام المغربي مش بعمله لنفسي طبعاااااااااا بجيب واحده تعملي وبطلع نضيفه اصلا وهي بتستغرب ياشيحه بلا هم مش هعمل تاني وهوفر فلوسي هههههههههههههههه
@ green apple @;15308653:
ياااااااااااااارب يا شوشو
عاملة اية يا حبيبتى واخبارك اية
قوليلي بكم بقى بتعملك الحمام المغربى الست دى
والمكونات بتكون من عندك ولا من عندها ؟
وبيتلع بلاوي فعلا زى ما بنسمع ؟
دارينيتا;15307146:
هالو ياقمرات
الاول قبل ماامسي عليكم
عاوزه اشكركم بنوته بنوته علي ردودكم ودعواتكم ليا وربنا مايحرمني منكم ابدا ويسعدكم جميعا ياااااااااااااااارب ويحقق لكم كل ماتتمنوا ياااااااااااااااااااااااارب وزياده شويه كمان
انا فعلا بسبب الهبابه اللي جت لي دي عكننت عليا عشان بدري اساسا عن ميعادها بحوالي 5 ايام فاتغاظت منها جدا وهو كمان جنني يوميها من غير مايقصد بس صدفه ان كل حاجه يقولها او يعملها كانت مدايقاني علي الاخر
والحاله دي عندي بقالها فتره طويله اني مش مستحمله اي كلام من اي حد وبتنرفز بسرعه رهيبه وياقلبي يامااما هي الوحيده اللي مستحمله وساكته ومش بترد عليا ابدا وسايباني كده اطلع اللي جوايا فيها وخلاص ا
المهم اللي طالع عليا بقالي فتره بتهرب من الهووم ورك ليه معرفش مش عاوزه اساسا
السبب مش عارفه ماليش نفس لاي حاجه لدرجه انه حاسه انه حلاص قرب يتجوز عليا والمره اللي روحت فيها للدكتوره جيت اقولهاكده كان معايا فاتكسفت اقولها اي حاجه اني بقيت مش عاوزه القصه دي اساسا وهو اتخانق معايا من فتره وقالي علي اي اساسا ياهانم عاوزه اطفال هتجيبهم من السوبر ماركت ولا هتتصلي ب0900
هي مش حاله عضويه لاني كان عندي التهابات واتعالجت بس النفسيه عندي في الحضيض بمعني الكلمه ياتري حد عارف للحاله النيله دي علاج
د.ودعه;15309025:
موني
فجر
ياسمين
ازيكم؟؟؟
ودعتى اززيك انتى يا قمر
شوشو
مش حرام الحاجات اللي فيها قلع قدام ستات تانية دي؟
ولا ايه؟
mooney608;15309086:
ازيك يا ودعة أخبارك إيه انا النهاردة الشغل خفيف علشان كدة برغى معاكو براحتى قبل ما يدونى شغل تانى
موضوع انى عايزة اسيب الشغل بأة لأنى من ساعت مرجعت الشغل تانى (لأنى كنت سيبته سنه و نص قبل الجواز و رجعت تانى بعد الجواز بكام شهر) و انا حاسه إنى مقصرة فى حق نفسي و فى حق ربنا و فى حق جوزى و أهلى بجد متضايقة أوى الشغل بياكل اليوم كله بتلاقى نفسك يا دوب راجعه البيت الساعة 5/5.30 كدة يا دوب أخد دش بسرعة و أقلب أى أكل كروته من غير نفس و طبعا المواعين بتقعد باليومين و التلاته و البيت زى الزفت طول الأسبوع و أهلى مش بشوفهم إلا فى المناسبات و اصحابى تقريبا مبقتش أشوفهم إلا كل سنتين مرة و مبسألش على حد خالص و كمان كنت باخد دروس دين بطلتها و قللت جدا قيام الليل علشان بصحى بدرى و بجد حاسه ان حياتى مش سعيدة ناقصها كتير أوى
shoshet*himo;15308660:
انا بخير الحمدلله
مانا لسه بقول اهوه بالنسبالي اختراع فاشل ومش بيطلع اي حاجه لان اصلا مافيش ده بالعكس بلتهب من كتر الدعك وبحمررررررررررررررر
المكونات من عندها طبعا وبيكون ب 100 ج معرفش كل الناس كده ولا في ناس اغلي
mooney608;15309277:
انا و اللهى فعلا بعمل كدة بشتغل بنيه إنى أنفع الناس و أفيدهم و اسهل عليهم شغلهم عملا بالحديث اللى معناه ان ربنا فى عون العبد ما دام العبد فى عون أخيه و بردو انا بخلى نيتى إنى نوعا ما بساعد فى اقتصاد البلد و لو بالشغل القليل جدا اللى بعمله و بحاول اتقن شغلى جدا و اتعلم كل جديد علشان أفيد و استفيد بس غصب عنى انا و اللهى المشكله الوحيدة هى ضيق ذات اليد يعنى بجد لو جوزى ظروفه أحسن من كدة مكنتش اشتغلت و دة فعلا اللى كان حاصل اول ما اتجوزت مكنتش بشتغل و الحمد لله كنت راضية بس اول ما دخلنا فى مواويل العلاج و الدكاترة و المصاريف ربنا كرمنى بالشغل دة من عنده و سبحان الله ربنا بعتلى الشغل دة فى نفس الشهر اللى عرفت ان عندى مشكله يعنى بعتهولى علشان يساعدنى بيه على المصاريف (بجد ربنا رحيم و كريم) هى دى المشكله الوحيدة و جوزى مش مقصر و بيعمل اللى يقدر عليه بس هما مرتباتهم طبعا حدث ولا حرج ... الحمد لله على كل حال