تجمع الحوامل اللواتي يلدن في يناير 1-2012

روح ريلها

تفكرين تروحين لدكتورة ثانية غير دكتورتك عالشان تعرفي جنس الجنين

او تنطري دكتورتك لما يبين عندها وتقولك؟؟

وفي وين تتابعين؟

اهلين اسى فديتج

انا منيحة الحمدلله اليوم احسن بس الدوام هالكني اففف في بالي افنش واقعد بالبيت اريح لي تعباااانة

هههههههههههه عاد انا طماعه ههههههههه بتم على دكتورتي وبعد بروح حق دكتوره ثانيه علشان اتاكد خبرج احنا الحريم مشكله هههههههه انا اتابع بالعسكري عند دكتوره فاطمه ما شاء الله عليها روعه وطيوبه وتعطيج اكثر من وقتج من جذي انا تامه عليها مرتاحه وايد معاها حتى بسونار تشرح لي كل شي واتم معاي مده وتسولف مع البيبي ههههههههههه تغير لي جو

كلاسيكية

اذا وايد تعبانة تقدري تاخذي اجازة على الاقل اسبوعين ...

روح ريلها


ههههه اييه لازم نروح حق دكتورة ثانية للتاكد انا بروح حق فهيمة لمطوع

وانتي تفكري تروحي عند من ؟

وكلاسيكية بعد تفكري تروحي حق دكتورة ثانية تاكد لك نوع الجنين

ولا تكتفي بدكتورتك ؟

سلام بنات شخباركم وشخبار بيبياتكم؟

ما شاء الله اشوف التجمع صار نشيط الظاهر رجعتون لنشاطكم :D

أمس ما دخلت والله ما كنت في دنيا من ألم الأسنان من أول أمس العصر بدى وياي وعلى الليل زاد وظليت للصبح نياح وصياح وما خليت لا مستشفى ولا عيادة الا اتصلت ليهم وكلهم يقولون ما عندنا طوارئ أسنان :badly:

وبس اتجي الساعة ثمان الصبح اشيل على روحي واروح عيادة الرسالة على امل يشيلون لي الضرس لكن صدمتني الدكتورة وقالت لي ما اقدر اشيله لج لسببين انه انتي توج بالشهر الثالث والبنج مو زين يسبب اجهاض وثاني شي الضرس ملتهب وما اقدر اشيله الحين لازم تاخذين مضاد واذا خف الالتهاب ودخلتين الرابع تعالي اشيله لج ورجعت بخيب أمل :'(

وواصلت ألم للعصر ما اقدرت اتحمل حتى شعري قمت اشده واصرخ والله حالتي تصعب على الكافر لا نوم ولا اكل وحتى ما اقدر انبطح احس الألم يزيد وعقب اتصلت لزوجي اصرخ من الالم قلت ليه تعال ودني مركز كيمز يشيلونه ورحت وشافني الدكتور جذي كسرت خاطره قال ما اقدر اشيله اهني لأن احتمال يسبب لج نزيف واذا تبغين تشيلنه تروحين عيادة متخصصة بالجراحة بس عطاني بنج موضعي لأن شافني اصرخ وقال لي ادري الألم مستحيل يخف بالبندول والحمدلله راح الألم ورجعت حطيت راسي ونمت

لكن جاني الليل الم اسفل البطن مثل الشد وخفت يكون بسبب البنج وتكون تقلصات بس زوجة اخوي قالت لي عادي هالألم بسبب توسع الرحم لأن الجنين قاعد يكبر

هذي قصتي المحزنة والحين اشرب المضاد علشان يخف الالتهاب وان شاء الله من ادخل الرابع بروح اشيله

والله شكلي بعد انا بروح حق فهيمه لمطوع لان يقولون شاطره بهسوالف وتعرف جنس الجنبن من الثالث والله اعلم

ماء الكارفور

ماتشوفي شر حبوبة اعرف وجع الاسنان يذيح

يعني قالت لك الدكتورة عادي تشيله لك في الرابع ؟؟زين لان انا بعد ابي اشيل شنصي ههه

ولاتخافي من الم اسفل البطن هذا طبيعي ويجي كل شوية الالم ...

روح ريلها

انا رحت لدكتورة فهيمة في الرابع بس ماعرف اذا احد راح لها من ثالث وقالت له صح

اسى الأيام

الشر ما يجيش حبيبتي واي قالت لي عادي على الرابع نشيله لأن نكون عدينا مرحلة الخطر وقالت لي حتى في الأشهر الأخيرة ما نقدر نشيله لأن البنج يسبب ولادة مبكرة

وشنصش على قولتش اذا ما كان يوجعش خليه لبعد الولادة بس اذا متأذية منه ماله الا الشيل

وعلى سالفة جنس البيبي انا بعد فكرت اروح لفهمية المطوع بس قلت خلني على دكتورتي اول وتالي بعرف شنهو جنس البيبي الا اذا دكتورتي ما عرقت بروح لفهمية

ماء الكارفور

شنصي مايتعرف له مرة يعورني ومرة يخف حتى ساعات يشق فمي لان صاير منكسر

بس بحاول اخليه لبعد الولادة افضل ...

اييه خليكي على دكتورتك وشوفيها شنوو تقولك اول ...

بنات شخبااااركم شمسويييين

كنت بسألكم من بدت تمسح صدرها بزيت الزيتون عشان مايكون جاف لوقت الولاده والرضاعه
انه الحمدلله بديت ازيته من تقريبا اسبوعين واحسها كله ناعمه احسن من قبل وعشان عقب في الرضاعه يخف الالم
وعن البطن كذلك كل يوم زيت زيتون واااااااايد زين

اهلين ياقلبو

انا الصراحة مابديت امسح صدري لان اتملل ..

بس زيت الزيتون وايد زين وعندج بعد الفازلين زين عن حكة البطن

البدره;15268737:

على طالري اللوز

في البسطات بالضبط والساعه جم يبسطون ؟؟

الله يسلمش حبابه عندش بسطات جد علي لمن تكونين يايه من صوب توبلي تطوفين على حسن محمود سييييده بتجوفين بعدين على ايدش اليمين واحد يبيع لوز
ردي امشي شوي على ايدش اليسار بعد واحد
ردي امشي سيده بتجوفين واحد صوب ماتم جد علي بعد يبيع لوز

في صوب براده الجزيره واحد يبيع لوز
العصر الساعه 5 بتلاقينهم هناك يمكن بعد 4 على حسب لين الساعه 8 ونص او 9
بعضهم الساعه 7

persian_moi;15269441:

بنات يعني هذي حالة مع الفوليك اسيد :'(

الدكتورة آخر مرة اصرت انه آخذه وانه اللي يصيدني مو منه
صار لي 4 ايام آخذه ومتعب معدتي يا بنات والله مو قادرة حتى انام بالليل
اول يوم ماصادني شي بس اليوم اللي بعده رجعت واللي بعده لي حد اليوم اللوعة زادت عندي وحرقان المعدة والدكتورة مو راضية تقتنع وتسوي لي حل
شسوي بنات ساعدوني نفسيتي تعبانة واذا ما آخذه الدكتورة تحسسني بالذنب
بصراحة من اليوم و رايح اي حبوب تعطيني الدكتورة ماراح اصرفهم ماقدر اتحمل محد حاس فيني وفي معاناتي :'(

جوفي خيه الله يسلمش اني كنت عند فضيله النجار في التخصصي عقب جم استشاره سألتني عن الفوليك قالت حقي لمن تبلعينه ما يأذيش ماترجعين اذا ترجعين وقفيه لاتشربينه
لان يوم كنت اروح ليها كنت واااااااااايد تعبانه من النساه
واهو على سالفه التشوهات والنقص انتين اكلي فيتامينات ب9 جوفي الورقه الي عندش مالت الفوليك وش فيها اشياء واكليهم
واهو يقولون ينمي ذكاء الياهل
بس مثل ماقلتين خيو امهاتنا يابونا من غير هالسوالف والحمدلله مافينا تشوهات وشطار ماشاء الله علينا
الله يعينش بصراحه

persian_moi;15270943:

كلاسيكية


يعطيج العافية حبيبتي

انفال

اللوعة عاملة العمايل فينا انا كل مرة تلوع جبدي احس معدتي بتطلع وياها :sick:
الله يعدي هالشهور على خير ونفتك

اتخيل تستمر معاي اللوعة للآخر بال شبصير فيني

خيو اني اول ماتنسيت ام زوجي الله يحفظها يابت حقي علوج البان وكنت اكله ويخف شوي
بعدين زوجي جاف حقي ماي اللبان كان زين من احس بلوعه كنت اشرب شوي منه بس طبعا مايكون بطني خالي ولا برجع
بس كنت اشرب منه وايد واحين مايفيد فيني
واحين شرب مرقدوش وحندبان وهيل مطحون شوي واشربه مره وحده
بس اني احب مرقدوش اليهال اروح وايي اشرب فيه
جيكي الي عطيتش اياه وجوفي شنو الي يخفف عليج

بنت السويق;15271165:
هلا فيك يالحنوون

اكره الحبوووب
انا الفوليك يالله خذيته
كيف عاد حديد

:'(:'(

بنوته خيه اذا على الحديد الحمدلله احين في حديد على كاكو نكهة الكاكو ماينرفز الطعم
وعادي ينبلع ومايخليج ترجعين نفس الي قبل ان فيه ريحه ويلوع الجبد
مادري اذا عندكم او لا سألي دكتورتج

روح ريلها;15271264:
خاطري ادش وادردش معاكم بس التعب مو مخليني مع اللوعه اجوف سوالفكم تينن

برد اعيد الحجي حقش هههه
خيو اني اول ماتنسيت ام زوجي الله يحفظها يابت حقي علوج البان وكنت اكله ويخف شوي
بعدين زوجي جاف حقي ماي اللبان كان زين من احس بلوعه كنت اشرب شوي منه بس طبعا مايكون بطني خالي ولا برجع
بس كنت اشرب منه وايد واحين مايفيد فيني
واحين شرب مرقدوش وحندبان وهيل مطحون شوي واشربه مره وحده
بس اني احب مرقدوش اليهال اروح وايي اشرب فيه
جيكي الي عطيتش اياه وجوفي شنو الي يخفف عليج

روح ريلها;15271297:
صايدني وسواس مو طبيعي على البيبي كله ابي اسوي التراساوند واتطمن عليه احيانا ابليس يوسوس لي باشياء مب زينه

اني تعرفين الوسواس الي صايدني شنو
كل اخاف اروح ويقولون بعيد الشر عنه ان مات
ولا اولده وبسم الله على عمره يموت واقعد اصيح
صج حمل ميانين

ماء الكافور;15271602:
سلام بنات شخباركم وشخبار بيبياتكم؟

الله يعينش خيووو
ناس ويه الحمل يصير كل ضروسهم
مرت اخوي حامل بس قبلي وحملها كله اذونها من مستشفى لمستشفى
وكل تصرخ منها
اشكال وانواع هالحمل
الله يسهل علينا ويقضيها عنا بخير وعافيه