تجمع الحوامل اللواتي يلدن في يناير 1-2012

السلام عليكم يابنات عاملين إيه

شايفة بريشيان تعبانة جدا من الوحم واللوعة

وشايفة أنفال حطت قصة توجع القلب قوى وترعب

بس تعرفى يابريشيان

اهالينا زمان كانوا بياكلوا اكل سبحان الله فيه الخير

والبركة حتى لو كان قليل بس كان طعام بحق

وحقيق لكن دلوقتى أكلنا شكل بس لكن من غير لا

طعم ولا فائدة هو أصلا أهالينا كانوا يعرفوا عن نزول

الدم كده عليهم والتعب اللى إحنا فيه ده

كانت الوحدة تسقط على طول وده كان نادر

يعنى ماشاء الله تلاقيها مخلفة ييجى سبعة ولا اكتر

ومسقطة مرة واحدة

ربنا بس يعينا وإنتى قرأتى الاطعمة اللى فيها حمض

الفوليك بشكل ملحوظ ركزى عليها وكليها

بالنسبة بقى للوحام

انا عن نفسى فى حملى بسلمى كنت كارهة

اللحوم الحمراء ومش باطيق ريحتها وكنت

متوحمة على الفراخ اما فى حملى ده فنفسى رايحة

اكتر للحوم الحمراء وكارفة الدجاج شوية السمك بقى

مش عارفة حاسة إنى مش ميالة له ولو كلته يوم ما

أطيقش أكله اليوم التالى

البدرة ربنا يحفظ لك ابنك البكرى ويقر عينك برؤية

طفلك اللى فى بطنك بصحة وعافية

بنت السويق عاملة إيه

قصدك التحاليل اللى بتتعمل فى أول الحمل ولا

قصدك تحاليل تانية

كلنا تقريبا بنعمل ليستة تحاليل فى أول ما نعرف

بالحمل وبعدين مافيش تحاليل تانى إلا لما تدخلى

الرابع تقريبا

وربنا يعينك يا أختى على عناء العمل مع الحمل

وبالنسبة للتطعيمات يابنات

مش كل البنات هياخدوا تطعيمات

يعنى اللى اخدت تطعيم التيتانوس فى حمل قبل

كده مش هتحتاج له تانى

اما اللى ده لسه أول حمل لها هتاخده تقريبا فى

الشهر الرابع او الخامس بإذن الله

وفى تطعيمات تانية بتبقى خاصة ببعض الحالات

الخاصة زى اللى مسافرة لمنطقة موبوئة بمرض

محدد بتأخد تطعيم ضد المرض ده

كلاسيكية ذوق ربنا يعينك على الصيام والدوام

والحمل وييسر لك صيامك من غير أى تعب بإذن الله

اخدت امس برد وحلقى طول اليوم فيه إلتهاب بشدة

والنهاردة الحمد لله خف شوية وبدأ معايا الرشح

ومش عارفة اخد اى حاجة غير إنى أشرب عصير

برتقال علشان يقوى مناعتى شوية

وربنا يعديها على خير وبسرعة

الام الحنون العطوف

وأنا كمان بطنى جافة وبدات تحكنى من أسفلها كده

والله خايفة أصلا من حملى الاول باقية عندى اثار

الخطوط الاولى أعوذ بالله مشوهة شكل بطنى خالص

وخايفة الحمل ده يزودها اكتر

ربنا يعديها على خير