لمتنا السورية اهلا وسهلا فيكم لشهر جمادى الثاني(ايار) 1432

مسا الخير يا حلوات بس يا ريت ولا وحدة تضرب هههههههههههه لانو يلي بيعرف شو صار معي اكيد اكيد بتعزروني
متل ما قلتلكم زهرة روحت يوم الجمعة و تقولو انو المرض كتين على الباب ومن يومها عندي سعلة مو طبيعية ما عرفت نام ابدا ابدا وما صدقت و النهار يطلع و على الدكتورة لانو حسيت البيبي رح ينزل من السعلة و لسوء حظي الدكتورة يلي عم تابع معها ما داومت و اضطريت اروح على دكتورة بنفس المنطقة لانو المشوار كان طويل الها المهم اعطتني دوا و فحصت البيبي و وقفتلي حبوب التثبيت و انا بصراحة ما ارتحت الها ابدا ابدا مع هيك اشتريت الدوا شي شراب و شي حبوب و السعلة متل ما هيي الا بس اخد الحبة بالليل بتحسن شوي و بعرف انام اما باقي النهار ابدا و فوق كل هاد ما لقيت وحدة تشتغلي في البيت و اضطريت اعمل الضروري و اليومي و جوزي كان مش مقصر بغيابي يعني ما راكم علي شي بس بضل شغلنا غير شكل ههههههههههه و التعزيل اجلتو شوي لحتى لاقيلي شي وحدة مضمونة
المهم ما تحملت السعلة اكتر من هيك و جوزي ما كزب خبر و اخدني على الدكتور يلي حكتلكن عنو من قبل و اعطاني ابرة و حكالي الادوية يلي بتاخديها مو منيحة للحامل لك شو اعمل مهما غيرت نصيبي بالدكاترة هو هو ( سمايل معصب وطالع من راسو دخان ) بس بعد الابرة راحت السعلة متل السحر الحمدلله و اعطاني دوا للتحسس و الالتهاب و حجزت عندو موعد لفحص البيبي الشهر الجاي لانو لا يصح الا الصحيح بالنهاية و هلأ لحتى رجعت لطبيعتي بعد المعاناة و الوجع
طولت عليكم بعرف اشتقتو لحكياتي فحبيت عوضكن ههههههههههههههههه

دمشقية يا عمري شو انبسطتلك بالهدايا كانهن الي و ما شاء الله كتير حلوين و ناعمين و الزرقا عندي متلها بالزبط بالزبط بس اكيد بهالايام ما بقدر البسها تهريهم بالهنا و الصحة و ان شاء الله بتشوفي على وجههن الخير و يعطيكي الف عافية على التعزيل و ريحي حالك هالفترة بدنا صحتك تكون تمام اوكي..............

هنودة يا عمري طولي بالك و طنشي الي ما بلحقك لا تلحقي بيجي لحالو ههههههههه هيدا شعاري هههههههه و بما انو حدد يوم عرس احكيلو متل ما بدك بس اذا ما وفيت بوعدك الي تصرف تاني و خليكي حازمة معو و فعلا لازم يكون الك حكي تاني الرجال لازم يكون عند كلمتو وما يسمع للعالم الا اذا هو كان محتار بموضوع و حب يستشير حدا بس مو كل يلي بقعد جنو بيعطي رأيو برد عليه خلي حبك على جنب و احكي شو سلبياتو و شو ايجابياتو و شوفي شو الكفة يلي بتمشي لانو بصراحة الحب ما رح ينفع لا الزواج مسؤولية و اطفال و انتي بعدك على البر استخيري و حكمي عقلك و اعتبريني ما حكيت شي هههههههه

عروسة الشات غرفتك كتير حلوة ما شاء الله عنها و فكرة الشيزلونة متل ما سميتوها لانو صراحة ما بعرف اسمها ههههههههههه شفت صورها هون و اليوم نزلت على محل بفصل متلهن و احترت و الله حيرني بالموديلات و الالوان و ما كنت بعدني مقررة وين بدي اخليها لانو غرفة نومي ما كتير حابة ضيف عليها شي و في صالوني مساحة ممتاز الها و اخر شي قلتلو بفكر كمان مرة و برجع رد خبر و يمكن جيب تنتين هههههههههههه لهيك فكرتك بتجنن و كانت في بالي من زمان و حتى فكرت انا و دمشقية جيب من يلي بتغوصي فيهن بس انا حبالي طويلة بهيك امور و بضل غير من فكرة لفكرة اما الفستان بنتنى تجيبي و تصوريلنا اياه و ان شاء الله بيجي عليكي متل ما بدك و احلى كمان

لؤلؤة الف سلامة عليكي بس قرات انو عندك سعلة و وصفك الها كانك بتوصفي يلي كان معي بس انا على حمل كانت اقوى و الحمدلله على سلامتك كيفك هلأ ان شاء الله احسن و كيف اطافيلك بعدو الصغنون مغلبك و كيف مغامراتو بالتعليم على التواليت ؟؟؟
سلميلنا على شامة كتير كتير اشتقنالها

لولية تتهني في البيت الجديد يا رب و انا من رأي الصبايا بخصوص الجاكوزي لازم تتفرغي على الاقل ساعة لتستجمي يعني لجسمك عليك حق ما هيك

زهرة اسفة هالاسبوع ما عرفت شوفك بس انتي اكتر وحدة بتعرف حالتي وما شاء الله طلعاتكن كلها حلوة تتهنو يا رب اليوم طلعنا بعد الدكتور تغدينا و مشينا تالا شوي بين الاعشاب و غيرنالها جو و شافت كلب بجننننننننننن اسمها تيا هههههههه كانت مع اطافيل صغار