لمتنا السورية اهلا وسهلا فيكم لشهر جمادى الثاني(ايار) 1432

عروسة ابراهيم;15170484:
تسلمي حبيبتي الله يعطيكي العافية والله شغل البيت ازا الواحد تعبان بيهد حيل كيف مايكون حامل الله يقويكي وتقومي بالسلامة ..

الله يبارك فيكي ان شاء الله عئبال لما بنفرح ببناتك ..

زهرة المناره;15171234:
F:مسا الخيرات على الحلوين F:
عروسه جيبيلنا نكت كمان اما ورده اكلت هوا مسكينه هههههههه
دمشقيه كيفك يا عسل ان شا الله تعلقي بدلة عرسها بخزانتك F:
عندي الكم يوم هدول شوية تعزيلات :worn_out:
وفي علي غسيل سجاد :'(مو عارفه اغسلو انا ولا اوديه المغسله :hysterical:
بلنسبه للشوب شكلو مش بس انضممنا للتعاون الخليجي ورح نوخد الشوب من عندكم كمان :lol:
كاتي الله يسعدك الحمد لله على كل اشي والله ما بحسهم بطيبو تعودت اشوفهم مرشحين وبسعلو :(
اليوم اخدت ريم على المركز الصحي عشان فحوصات المدرسه واعطوها مطعومين ودوا بلتم :confused:
وزنها طلع 15 كيلو بس :badly:شو اعمل معها اكلها متل العصافير وازا بتغصبيها على لقمه زياده بتسير تبكي
نظرها اخد علامه كامله :worn_out:وطولها متر وعشره سم كمان بس :badly:
بس شفت ولد صغير شكلو كمان بعمل فحوصات مدرسه يا حرام ازغر من ريم الدكتوره كانت تحكي لابوه اعملو فحص هرمونات :(

الدمشقية;15172459:
يسعدلي مساكم ياحلوااات

طل القمر طلتها ومشية غزال مشيتها وشو بدي قوووول قوووول ..... هي الغنية كرمال طلة كاتي خانم
اي مية السلامة كاتي والله اشتقنالك بس انتي كمان معذورة الله يقويكي يارب بس انتي والبيبي ببطنك وماعم نشوفك بكرا بس ان شالله بتشوفيه بخير وسلامة منصير مندورك دوارة .... هههههه

الله يقويكي يارب ويعينك شوبدك تعملي بيتكم عامر يارب بالخير والحب
ان شالله تطلع هالشغالة كويسة وتعتمديها لان عن جد بتشيل كتف منيح عنك والله انا هيك زوجي اتفق مع شغالة صاحبه وان شالله راح تيجي يومين بالاسبوع
بدي انضف الشبابيك وشوية شغلات مستصعبتها قلت بتعاوني فيهم .....

بخصوص تالا مسكينة بس هالشي عادي يمكن انتي عم تلتهي عنها غصب عنك بتعبك بوحامك
بضيوفك فهي عم تحسسك بوجودها حتى ماتطنشيها الله يقويكي يارب الهم

وتسلميلي يارب الله يبارك فيكي وعقبال تالا لما بتشوفيها متخرجة وعروس
وهالغصة اللي قلتي عنها غصة فرح والله ولا بد منها

اي منيح التزمتي مع مرت عمك هيك بتخلصي امورك وانتي مجبورة ولو اني واثقة انو مارح يعجبك شي وراح ترجعي فاضية الا من الجينز هههههههههه

قلتيلي كرز اخضر؟؟؟؟؟؟ مين الاخ ..... ههههههه يعني ماعرفته ليش فيه كرز اخضر بعرف كرز احمر
كرز ابو خط خخخخخخ بس اخضر آآآآآ ماعرفتو

ياستي هنا وعوافي يارب وانتبهي على حالك واجبري حالك على الاكل ميزانك ذكرني بحالي كنت بالتاسع ووزني 60 ههههههه راح تنجلط مني الدكتورة

وحاضر راح انزلك كم صورة تانية للحلو ياحلو انتي ههههههه

ييييييييييييييييييي خجلتيني كومايات كومايات :D تسلميلي شو انك مزوقة ما يحرمني طلتك يا رب :adore:

صدقي اوقات بفكر انو رح لاحق على التنين سوا :'( عن جد حاسة اني ما رح لاحق عليهن :confused:

ايه كتير ممتاز انك جبتي شغالة و انا اول شي بدي تعملو هو الستاير و الشبابيك لهلأ ما جبتها لانو كل اسبوع بطلعلي شغلة و اول يوم لازم تكوني فاضية لتوقفي فوق راسها و انا بعد مشوار السوق مبارح ما اظن اتحرك من محلي اليوم و فعلا كانت التنزيلات بعدها موجودة اكييييييييد اشتريت كم قطعة لتالا و للبيبي :D و انا اشتريت بلايز للطلعة بس الجينز الموديل يلي عجبني ما لقيت على مقاسي و حكالي انو حينزل الاسبوع الجاي و هيك بنزل جيبو بدون غلبة و فكرت اشتري عبايات لاوقات الازمات :cool: لحد هلأ ما عجني شي يمكن انزل الاسبوع الجاي على سوق تاني:thumbs_up:

تالا قبل كم يوم اول مرة تعترف بوجود البيبي كنا في مول و اشترتلها جيلاتين على شكل دبدوب كبير ما لقيتها الا فتحتها و عم تعزم على بطني ياكل :lol:

الكرز الاخضر ممممممممممم اسمو عندكن جانرك على ما اعتقد وهيدي صورتو


حتى هيدا ما عاد فيني اكلو لانو صار عم يقلب معدتي و استفرغو العفو منكن و كل ما احكي هالمرة غير و اكلو يصير نفس الشي :024::024:
يا ستي ليش الحكي الضعف احلى حتى الحمل صحيح بكون شكلك غريب انو ضعيفة و بطنك هيك س ما بنتغلب بس نولد بنرجع سمبتيك على طول :rolleyes:
و انتي يلا شدي حيلك و جيبي بيبي اسمو صار عندك خدامة :D
شو اخر مشاريعك اليوم انتي و سورية ان شاء الله عقدة حماتك فكت :!!:

بنت الشام المعذبه;15176707:
اما عني يابنات الله يعلم الفترة الماضية كانت كثير صعبة عندي الم بالحوض ضارب على رجلي اليمين فظيع لافيني اتحرك ولا اركب سيارة وعلى بكى وبكرة إن شالله رايحه على المستشفى

والله الحمل والشغل بيموتوا