تجمع حوامل وامهات قطر لشهر جمادى الثاني لعام 1432ه ؛الموافق لشهر مايو لعام 2011م

صباحكم خير

لولوة قطرية

.. عطيها فديتج وجبة الغدا خضار مسلوقة عالبخار ومهروسة وضيفي لها شوية عيش معاه .. أنا أسلق حق ولدي كوسا وجزر وبطاطا وأخلطها بشوية عيش وأهرسها كوجبة للطفل مغذية ومتكاملة ولا صار عمرها 9 شهور دخلي لها مع هالخلطة شوية دجاج أو سمك أو لحم .. ونوعي لها أحياناً أسلقي لها بروكلي مع بطاطس وأخلطي معاه نص حبة جبن كيري واهرسيهم مع ماي السلق كمية قلييييلة جداً هالوجبة يحبونها الأطفال ويختلف حسب تقبلها للأكل .. وجربي القرع اسلقيه وأهرسيه كوجبة وايد مفيد بعد ..
عطيها فواكه نص حبة موز ولا كمثرى مهروسة ولا نص تفاحة مهروسة نوعي لها كل يوم عطيها نوع من الفاكهة وبعدين أبدي أخلطي لها نوعين مع بعض وشوفيها تتقبله أو خلج على نوع واحد في كل مرة .. وعطيها روب المراعي كوجبة خفيفة العصر ..بس لا تعطينها روب الفواكه لأنه حالي وفيه سكر في ناس يعطون عيالهم بس أنا مأجلته لين عمر السنة وما أعطي ولدي إلا الروب العادي ..ونوعي لها يوم روب ويوم وجبة سيريلاك القمح أو سيريلاك الفواكه ويوم عطيها ميلوبا الأرز وطبعا كل ماتكبر بتزيدين الوجبات بتصير تاخذ الروب والخضار المسلوقة والفواكه والسيريلاك في نفس اليوم .. عصير البرتقال دخلته له من الشهر الثامن يعني رقم عصير ورقم ماي بس مب كل يوم .. وأحياناً عصير تفاح .. أو جزر أو عصير جوافة أنا ماجربته بس يقولن فيه نسبة عالية من فيتامين سي ومفيد للأطفال أكثر من عصير البرتقال .. ونص صفار بيضة مسلوقة تخلطينها مع نص جبنة كيري وتعطينها كوجبة وااايد مفيدة وهذي من الشهر الثامن وتخففينها بشوية حليب (حليب سارونة) وبعد شوربة الشوفان ممكن تسوينها بخضار أو بدون وفي الشهر التاسع تحطين معاها نتفة دجاج وتهرسينها بالخلاط .. وكل اللي كتبته لج استشارة من الدكتور مهند يعني عطيها وأنتي متطمنة .. واذا تذكرت شي بكتبه لج يا الغالية ..