تجمع حوامل وامهات قطر لشهر جمادى الثاني لعام 1432ه ؛الموافق لشهر مايو لعام 2011م

السلام عليكم


شخباركم


نفسيتي تعبانه والسبب اني مااقدر ارقد عدل بنتي كل ربع ساعه او ثلث ساعه تقوم من الرقاد تصيح وطول الليل هذي حالتي اول مااحط راسي واقول الحمدلله نامت ترجع تصيح لين اقوم واشلها من سريرها واحطها بحظني وارجعها عالسرير عشر دقايق وترجع تصيح مرة ثانيه المشكله ماتبي مرضاعه واشربها ماي ويكون البامبرز نظيف غير هذا كله احسها خوافه تخاف من اي شي مو مثل باقي الاطفال اللي بعمرها:|

الورد
الله يعينج
كم عمر بنوتج الحين؟

مرحبا بنات.. شحالكم ..؟


بغيت اسألكم واتمنى حد منكم يفيدني..

بغيت اعرف اذا مرطب زبدة الكاكاو للجسم ماركة بالمرز .. موجود فالدوحه ولا ؟؟
لاني دورته بكذا صيدلية ومالقيته ..
فـ مادري يمكن حد منكم عندها علم وين ممكن احصله بالضبط ؟

مدحوه لي وايد عشان ابدا ارطب فيه جسمي قبل لايصير لي بطن عشان ماتطلع لي التشققات وتوابعها عقب >,<

عيون محمد
موجوده في الجمعيات
شوفي جمعيه الميره تحصلينها صوب الكريمات
انا استخدمها ومرتاحه عليها الحمدالله
انتي عليج بها ثرا مفروض مرتين في اليوم
وبعد ادهني الصدر بزيت الزيتون وبطنج بعد مره في اليوم

الورد
بنتج حد مخوفها ..
اقريها عليها وحصنيها الفجر والمغرب بالمعوذات
مايصير انها تفز جذي من نومها كل 10 دقايق الا لانه حد مخوفها او انه مضحكينها وايد بالذات حزة المغرب





عيون
ثرا التشققات مب شرط انها تطلع ومب شرط بعد انج اذا استخدمتي هالكريمات يعني بتحمي جلدج منها
في حريم ينتفخون في الحمل
نفاخ ماااي مب متن ومن يربون يفشووون وهالنفاخ يسبب تشققات يعني الشي ساعات يصير غصب

مشكوره حبوبه ..
والله من اسبوع ابي اشتريه وكل مامريت صيدليه مالقيته .. بشوف فالميره ان شاءالله هاليومين لازم ..
زيت الزيتون سمعت انه زين بس احس صعبه ادهن نفسي فيه ريحته مش ولابد ووايد زيتي اخاف يوصخني >.<


من امس حاسه بتشنج فظهري وبطني عالاجناب .. مثل الالم الي يصير للواحد اول مايبدا يلعب رياضه ..
ماقدر اثني جسمي وايد وامشي كأني رجل الي مابي احني ظهري عشان مايألمني ولما انقلب فالنوم تصيدني نغزات وبعد يعورني..
بس مارحت المستشفى زهقت من المستشفيات .. فالخاص والعادي كله انتظار الواحد يموت وهو ينطر :(

بس الحين احس شوي خف بس موجود .. واواسوس اخاف فيه خطر عالبيبي :( المشكله ماعرف من شنوصارلي.. قبل مانام امس بشوي ولين الحين,,
حد صارلها مثلي وهي حامل ؟

لولوة الدوحه;15110970:



عيون
ثرا التشققات مب شرط انها تطلع ومب شرط بعد انج اذا استخدمتي هالكريمات يعني بتحمي جلدج منها
في حريم ينتفخون في الحمل
نفاخ ماااي مب متن ومن يربون يفشووون وهالنفاخ يسبب تشققات يعني الشي ساعات يصير غصب

:|

لاحول ولا قوة الا بالله يعني الشالفه مش بس فالبطن :(
ان شاءالله مايصدني نفاخ .. تطلعلي كرشه واربي وارتاح وتروح الكرشه عقب وخلاص:lol:
انا لحد الحين مازاد وزني.. اول شهرين نزلت كيلوين وعقب رديت كيلو والحين مستقر وزني ..
ان شاءالله مامتن وايد وتكون الزياده طبيعيه ..وانا الحمدلله ضعيفه من الله بدون رجيم ولا غيره ..

عيون
لاتحطين الشي فبالج مايصير ان شالله
اهم شي عليج بالكريم وزيت الزيتون
وسالفه نفاخ الماي مب لازم يصيب كل وحده
انا اشرح لج بس عرفتي

مساء الخيييييييييييير

والله انا اللي ما حطيت شي على بطني الى الان .. مدري شنطر ..!!!

اصووووووووول
مساج نور وسرور
لاتنطرين يمه
حطي زيت زيتون الصبح
مايوصخ ولاشي او عقب السبوح
لان الجلد يشد مع السبوح

السلام علييكم

شخبااركم


الشر مايجييكم حبايبي تسلمون


ماميز من قترة موزان حطت حمية الاسهال اذكر


حاولت ادور عليهااا



في حميااات وايد


شي قولج عطي هاي والحمية الثانية تعارضة يعني كلامهم وايج



اللي تذكرها تحطها لي



عيون محمد

انا وحدة اذكر قالت لي احسن وقت تحطين زيت الزيتون بالليل تقولي تدهنين بزيت الزيتون ولبسي بجامة ثقيلة شوي والصبح اخذي شور معتبر



ونجيتي تستبحين حط شوية ماي ورد في البانيو.. خلصت السالفة حصلتي ترطيب للبشرة ونعومة وريحة حلو

مشكوره حبيبتي النوري وان شاءالله بحاول احطه

هلا لولو ..

ما حب ريحته شلون اذا حطيته على جسمي حتى الشامبو مدري شلون مستمره عليه

وفعلا من اللحين بطني شاد .. ابي شي ماله ريحه مب محصله

اصوووله
ماعرف اذا في شي بدون ريحه
بالمرز ريحته زوينه لي
وزيت الزيتون احطه ومن امسحه على جسمي ماشم ريحته بعدين

فارفالا عمرها سنه واسبوعين


لولو دايم اقرا عليها بس مااشوف انها تصير احسن بس بتم اواضبط عالقرايه والاذكار ان شاء الله ويعطيج العافيه حبيبتي

النوري :
الحمية اسمها : BRAT Diet
موز - عيش - التفاح ( عصير تفاح او صلصة التفاح ) - توست .. ممكن تضيفين الروب و الشاي
تستمرين عليهم لحد مايوقف الاسهال , بس اذا طوول لازم تودينها المستشفى



الاصيلة :
في لوكستان كريم بزبدة الشيا ريحته شبه معدومة ..

تسلمين دوحانية

توني قبل ساعة رادين من المستشفى الحين الثانية بعد ترجيع الله يكرمكم


بس الظاهر بعد برد مسكينة كل نص ساعة فزت من النوم ترجع



الله يعنيهم حبايب ع تغيررر الجو

النوري
الله يعينج والله
هي دام وحده مرضت لازم الثانيه تتعادى منها
تصير سايكل في البيت
ماتشوفون شر اهم شي انتي وابوهم لا طيحون مرضى عشان تقدرون تشيلون اليهال






الورد
عيل يلعبون معها لعب دفش وهي تخاف اوتضحك وايد قبل المغرب ..
اقري سورة البقره عليها كل اثنين وخميس وهي نايمه ماتحس فيج
وحاولي لعبها يكون خفيف بالذات عقب المغرب خليها تلعب الين تتعب
وعقب نوميها واخري ساعة نومها شوي
وامسديها بزيت زيتون قبل النوم واقري المعوذات وانتي تمسدينها

السلام عليكم

عيون محمد
لوكستان عنده زبده الشيا بدون ريحه ؛ وعندهم زيت حق التشققات أنا استخدمه بس فيه ريحه حلوه ؛ اذا تتنسين لا تاخذينه ؛ وبالمرز موجود في صيدليه محطه بترول التضامن وفي الصيدليه الاولى الي عند محطه البترول الي عند دوار المول ؛ وشفته بعد في عالم الاغذيه الي في المعموره ؛  في كريمات ثانيه يمدحونها بعد وتنباع في الصيدليه بس ريحتهم قويه مثل أفالون وفي واحد ثاني نسيت اسمه ؛ ويمدحون زيت للحمل في صيدليه بوتس.

عن الألم الي تحسين فيه أخذي موعد عند اي عياده وروحي تطمني ؛ لا تسكتين ان شا الله ما عليج شر.