هام للبنات المصريات

ازيكم

كلكم
وحشتوني جداجدااااااا

معلش بقا مشغولة شوية عنكم

برايد تو بي

شكرا اوي علي الشرح يا ستي
ونحدمك في الافراح

بس ياتري هو بيقعد كام يوم؟؟

وعلي فكرة الشوز الكريستال اشيك وافخم


ريهام
والله وحشاني جدا جدا وربنا يقويكي بس ايه اخر اخبار الفستان والتجهيزت


ايمان
وحشاني موووووت
عاملة ايه ربنا معاكي ويقويكي

وتلاقي افكار احلي واحلي

مع ان الافكار اللي عندك كلها جميلة


عودة
نورتي الموضوع واحييتيه من تاني بعد ما بقا ما فيهوش جديد

وانا عيوني ليكي يا عودة في اي حاجة
وعلي فكرة راي ريهام نعمان صح:up:


فين هالة وامل والعصفورة وباقي البنات


the cat

منورة

وانتي ايه اخبار فرحك وتجهيزاتك

[CELL=filter: shadow(color=purple,direction=135) glow(color=skyblue,strength=5);][ALIGN=center]ازيكم يا بنات بجد وحشتوني اوى اليومين دول بس غصب عني مكنتش بعرف ادخل الموقع و كمان جهازى بيخرف بطريقه غريبه:eek2: ..

اولا ايمي انا متشكره جدا على اهتمامك بالرد عليا . ودى حاجه مش غريبه
عليكى وانا ملاحظه انك بتساعدي كل البنات ومش بتتاخرى على اى حد عشان كده ربنا حيساعدك كتير .:shy:

بس يارب متنسنيش عقبال ما الخاص بتاعي ينفع:confused::confused: ولو في طريقه تاني ياريت تفيديني بعد اذنك ..... وربنا يتمم لك على خير .. وعلى فكره كل افكارك للفرح تحفه وجميله جدا:clap:

وتي واتر حبيبتي هحاول معملشي شقاوه بس موعدكيش(wink) :bigsmile:

وبرايد ربنا يتمم لك على خير يارب ومبروك على بروفة الفستان ويارب يخلص على خير..

ريري اهلا بيكي وياريت اقدر اساعد ولو باي معلومه بس للاسف انا مش من القاهره ومعرفش فيها حجات كتيييير

وانا تحت امر كل البنات في اى حاجه يحتاجوها:smile::shy:[/CELL]

عودة

الف حمد الله على السلامة

غبتى علينا كتير اوى

بس الحمد لله انك رجعتى وحشتنى طريقة كلامك اللى زى العسل يا قمر

ميرسى ليكى على ردك عليا بخصوص الكريم بس ان ماكنتش اعرف انها شركة يهودية كويس انك قولتيلى يا عودة

وهل فعلا انتى جربتى منتجات زين الاثات لانى سمعت عنها كتير اوى وعن الخبير اللبنانى انتى اية رايك اجيب منهم كريمات ولا لأ هو يقدر يوصل لمصر؟؟؟؟؟؟؟؟؟؟؟؟؟؟؟؟؟؟؟؟؟؟؟؟


وبالنسبة للمكياج السيمبل اللى انتى عايزاة فانا اقترح عليكى ميسو عبدة لسبب انة مكياجة هادى جدا وفى نفس الوقت تحسى انة شكل العروسة زى القمر وانة بروفيشنال اما علاء التونسى هو طبعا مكياجة رائع بس تقيل شوية لانة تركيزة بيكون اكتر على العين وبيرسمها حلو اوى

انا بصراحة كنت ناوية اعمل عند علاء التونسى بس كنت خايفة انة مكياج العين التقيل يبقى مش لايق عليا علشا كدة قررت اعمل مع ميسو عبدة

:up::up::up::up::up::up::up::up::up:


بالنسبة للتصوير عندك حق انا نفسى اتصور بطريقة غريبة مش زى صور الافراح العادية بس ربنا يسهل وخطيبى يوافق على افكارى المجنونة

ولو عزتة اى استفسار قوللى يا قمر

آة

انتى شوفتى الفستان بتاعى انا عرضتة بس مش فاكرة فى اى صفحة
36 او37 يارب يعجبك

ايمى
ازيك يا عروسة والله وحشانى اوى ياقمر
طمنينى عليكى واية اخبار الفستان يلا ربنا معاكى

المفروض بقى تبتدى تريحى نفسك من دلوقتى

وحلوة اوى الافكار اللى انتى عملاها فى الفرح :up::up::up::up::up:



مصراوية

ازيك يا حبيبتى


انا عارفة ان الكل دلوقتى فى العد التنازلى والكل مشغول اوى ربنا معاكى يا مصراية بس طمنينا عليكى وعلى اخبارك



tea water2002

اعملى استخارة وربنا بنورلك بصيرتك واهم حاجة انة مفيش اعتراض على انة من جنسية تانية لان موضوع الجنسية الحمدلله اتحل هنا فى مصر فمفيش قلق


bridetobe

اخبارك اية يا عسل

ربنا معاكى ومبروك على اول برفة

[CELL=filter: shadow(color=burlywood,direction=135) glow(color=orange,strength=5);][ALIGN=center][/CELL]عرايس المنتدى الحلوين والله وحشتوني من امبارح للنهارده وربنا يكون في عونكم كولكم وانتوا بتجهزوا في الجو النار ده


بس ياريت يا بنات تكونوا عاملين احتياطكم عشان بشرتكم متسمرش في الجو ده:mad2:

ريري عايزه اقولك ان فكرة العريس والعروسه الصغيرين دي لذيذه جدا وعلى فكره عملتها انا واخويا واحنا صغيرين في فرح خالو ولبست فستان ابيض وطرحه طويله جميله واخويا لبس العبايه وغطره وعقال الكويتي"اصل كنا لسه جايين من الكويت" بس والله كانت روشه اوي والكل في العيله وبره العيله فاكرينها كويس لحد دلوقتي بس طابعا مسكنهالي:o اصل شاكلي كان تحفه وعايشه في دور اني عروسه بجد:D2:D2 ..

بناويت يارب محدش يزعل مني لو نسيت اسلم عليه بس ربنا اعلم جهازي عامل فيا ايه بس يا انا يا هو:angry: ..


يابنات حطلب منكم طلب بسيط لو سمحتم .. عايزه اعرف مكان او اكتر اشتري منه المراتب السفنج عشان صاحبتي فرحها بعد اسبوع تقريبا ومحتاسه ومش عارفه تيجبها منين لانها عايزه تسافر من هنا على مكان معين مفيش وقت تعد تدور ياريت تفيدونا يا بنات

اقولكم:z_bye: :z_bye: :z_bye: :z_bye: دلوقتي وباذن الله ارجعلكم تاني

بنوتة شقية


افضل واحسن مكان تشتري منه المراتب في مصر

وهو المميز والمعروف والافضل ع الاطلاق

هو تاكي

ليها فروع في كل حتة

بتاخدي مقاس السرير بالضبط وتعطيه ليهم
وهما بيعملوا المرتبة علي المقاس


اي خدمة


منورة يا هالة

ازيكم يا بنات وحشني جدا

انا بجد متشكره قوي لكل البنات اللي بيسالوا عليا

ودعواتكم معايا اليومين دول لاني محتجالها جدا

انا فعلا مش عارفه اريح خالص كل ما اقول اني خلصت الاقي 100 حاجه تانيه ناقصه ابدا الموال من الاول تاني

بس يلا هما اليومين دول بيبقوا كده

بجد بجد ادعولي لاني تعبت جدااااااا

ومعلش اسيبكم بقى لاني خلاص مش قادره خالص

سلام دلوقتي

::صباح الخييييييييييير يا عرايس

وحشتوني كلكم ايه أخباركم


ميرسي لكم كلكم على المباركة على الفستان
ريهام

انت والله اللي كلك ذوق، ربنا معك ولو احتجت أى فرح أنا في الخدمة يا جميل، وميرسي على أفكارك الجميلة:up: أنا كنت بأفكر في حركة الولد والبنت دي فعلا:cool2:

بالنسبة للجيبونة أنا هأشوف الأول التل لأني خايفة من المعدن ولو لاقيته فعلا تقيل هاجرب على المعدن ان شاء الله

عودة

اهلا بك يا قمر عاملة ايه، افكار الشموع دى فعلا حلوة قوي وأنا معك ف يموضوع الصور ما يصحش فعلا تكون الصور مع حد ما نعرفوش:smile:

إيمي

ربنا يتمم لك بألف خير يا رب وبالرفاء والبنين ان شاء الله:smile:

أفكارك هايلة في الفرح يا رب تكون زى ما انت عاوزة ويكون أحلى فرح في الدنيا ان شاء الله.

مصراوية

انت تأمري يا ستي أى خدمة، المعرض بيقعد ثلاثة أيام فقط للأسف.

انا يظهر اقتنعت بموضوع الكريستال في الشوز في واحد عاجبني هاشوف وأقلكم :cool2:.

the cat

الله يبارك فيك يا جميلة وعقبالك ان شاء الله، أنا القماش جبته من السعودية وممن تلاقي حاجات مشابهة له في الوكالة بس أنا لفيت على حاجة زيه بالضبط ما لاقيتش وفيه حاجات مشابهة كل اللوان تقريبا

بنوتة شقية

أهلا بك يا جميلة والله يبارك فيك يا رب ميرسي لذوقك.


هالة

الله يبارك فيك يا جميلة

وجشتينا يا عروسة ما تطوليش علينا كده تاني :smile:

يا بنات عاوزة أقولكم على حاجة في الميك أب

والله لونا وأماندا فيهم حاجات جميلة ولنا بالذات عندها عبوات هايلة وأسعارهم طبعا هايلة لأنهم مصري ، طبعا فهمتوا ليه بأقولكم عليهم علشان المقاطعة[/SIZE]

ربنا يتمم لكم ولي بألف خير يا رب وعقبال كل البنات

هأسيبكم دلوقت مضطرة علشان الشغل بس أوعدكم أول ما أعرف جديد هأقولكم عليه

سلام يا أحلى عرايس

السلام عليكم ورحمة الله وبركاته
إزيكم يابناتيت ياقمرات وحشتوني قوي
1-إيمان
شكرا ياحبيبتي على سؤالك على البراه تعبتك معايا والله بالنسبة لدفتر التواقيع أنا سمعت إنه بيتجاب من درب البرابرة بس لسةماروحتش أشوفه
وربنا معاكي في توضيب حاجاتك وأي خدمة أنا عيني ليكي ياقمر.

2-مصراوية
حبيبتي إنت بتغيبي كتير وده مزعلني منك إنت بتوحشيني موت ياعسل وكمان مش مطمناني عليكي إيه أخبار خطيبك معاكي؟؟؟
وقررتم إيه في موضوع الجواز؟؟
أما أنا ففستاني إتأجلت بروفاته شوية لان مدام سهير عندها دفيليه في الماريوت والصراحة التأجيل ده جيه في وقته لأني مش فاضية خالص كل يوم بنزل أنقي سيراميك الشقة والأبواب والمصيص و....و...الخ
عموما لو أي حاجة عايزاها أطلبيها ومتتأخريش.:shy:

3-بنوتة شقية
شكرا ياحبيبتي على ردك علية بالنسبة للمراتب زي ماقالتلك مصراوية إن ماركة تاكي دي كويسة قوي وماركة تانية إسمها هايستن إنجليزي كويسة برضه
حبيبتي أنت ساكنة فين في مصر؟والظاهر أنك كنت بنوتة فعلا شقية وإنت صغيرة وانت كنتي عايشة فين في الكويت؟عموما لوإحتاجتي أي حتجة تاني أأمري.

4-هالة
وأخيرا ياهالة رجعتي ونورتي الوضوع وحشتينا.

5-bridetobe
إنت ياعمري اللي كلك رقة وذوق وربنا معاكي في الفستان.

:smile:كيفكن صبايا اشتقتلكن كتير

:smile:ريهام..
كيف التحضيرات والفستان ...؟؟يارب يطلع عاذوقك
بالنسبة للعقد او الطقم فانا بقلك انه الدهب الابيض اكيد بيكون حلو
بس حسب موديل الطقم...
وعموما حلو كتير انه يكون طقم العروس الماس او باجيت او دهب ابيض
مع زريكون.....بيكون كتير كلاسي ومميز للعروس لانها نجمة الحفل
بس انه الاكسسوار كماني مابيشكي من شي خاصة اذا انه
في موديلات اوريجنال وكتير وااااااااااااااو ....وفي شغلات بتكون دارجة
عالاكسسوار مانا موجودة بالدهب او الماس
موفقة يارب ويطلع كل شي عاذوقك...
انا شفت ميك اب علاء التونسي بس حسيته كتير تقيل...

:shy:يعني بخطبة اختي بلبنان عملنا الميك اب
انا عند احمد قبيسي وهي عند بسام فتوح
والصراحة كان كتير حلو وناعم ...
عالرغم انه بسام مشهور انه ميك اب تاعه بيركز عالعيون فيه..
.اذا بتشوفوا ميك اب اليسا هو اللي بيعمله....
بس كان جد كتير حلو..
.بس كان ميك اب تاعي اللي عمله احمد قبيسي كتير حلو
وكتير لفت نظر العالم اللي حضرواا.....
كمان صبايا بدي قلكن انه الميك اب ارتيست شخصيته وارتيحالك
اله بيفرق
يعني انا كتير برتاح لاحمد قبيسي
انسان كتير كلاس ومحترم وهيك طيوب :smile:
واللي عجبني فيه انه حريص عالصلاة و دايما بالكاسيت في قراان:up:
وهو نفسه كتير هيك بتحسواا انه ايديمي....
وطبعا عنده مساعدة اله كمان كتير منيحة للمحجبات او ياللي بيفضل انه تكون ست اللي بتعمل االميك اب..
..اي بصور الخطبة كان االمصور كتير بروفيشنال .:cool2:
..وفنان جد ...ياريت
يجيي عامصر انا اكيدة كنتوا لقيتوا صوره شي واااااو كتير ..
.يعني بيصور :cool2:
صور احلى من غلاف المجلات ...كتير فنان...
ماعلينا حكيت كتير عن خطبة اختي:smile:
بس شو اعمل يعني حبيت اشرككن
معي متل مابتشاركوني معكن....:shy:


:up:امووش
حلوة حكاية مدافع ورق بس فسريلنا اكتر..:shy:
عم فتش لك عا حركات حلوة بس لسة مالقيت شي يكون وااااو:eek2:
الله يتمملك عاخير ويكون كل شي عاذوقك...


:shy:مصراوية

وينك يا حلووو....شو هالغيبة.....:eek2:
تسلمي عالطفك .....:smile:
وبدنا انتي ترجعي تنوري الموضوع من جديد....
وانتي وريهام رايكون حلو تسلمولي:smile:


:up:هالة
تسلميلي والله يسلمك يا قمر...
وتسلمي كلك ذوق
ومتل ماقلتلك يا قلبي كلينك تاعبة لايستي لاودر وهي شركات
صهيونية الله لايوفقهن..
حبيبة قلبي زين الاتات...رفيقتي جربت كذا شغلة من عنده وكتير شكرتلي في:smile:
يعني في ماسك للوجه قالتلي كتير ممتاز واشتريته ويخزي العين حلو
كتير..

وكريم البقع كمان جاب معها نتيجة....
يعني هو الخبير كتير اله سمعه وبيساعد ناس كتير...
مابعرف اذا بيوصل عامصر...بس اذا بدك بسالك عارقمه وانتي شوفي..

بالنسبة للميك اب مسيو عبده...ياريت فيي شوف الصور..
بتعرفي انه شغلة ميك اب العين هيدا شي كتير بيبين مهارة الميك اب
ارتيست.....لانه هي شغلة انه يشوف شو ستيل الوجه و العين ويلبق عليهم الميك اب يعني انه مانا شغلة نسخة تتعمل عالكل..
هيدا كتير بيفرق معي..
انا متلك هلول بحب كتير التصوير ..وبصور ...وعم فكر افتح استوديو
بس بدي اتعمق اكتر بدراسة التصوير...
بتصدقي بايام الجامعة كان عنا كورس تصوير و
الدكتور ماصدق انه انا اللي صورت الصور ...الا لما شاف النيجاتيف..
ايي بتفق معك انه الصور لابد تكون حلوة لانه لمن تقشعيها
وتلاقي فيها ديفويات كتير بتتضايقي وبتزعلي..
بس ان شاء الله تلاقي الصمرو عاذوقك بس ماتنسي
تخبرينا عن المصور او االمصورة اللي واااااو االلي بتلاقيه انتي او الصبايا
:smile:اي فيي قلك في استوديو الالفي بالمهندسين
يعني صح انه ديجيتال وديكور وهيك بس صراحة
ما بيفهم شي بالتصوير:down:
مانه فنان ...يعني هو بيعتمد عالتقنيات من غير اي لمسة فنية من عنده..
كماني لازم لو في بالصور اي ديفوهات يشيلا بالكمبيوتر ..:s2.
هيدا رايي مابعرف شو رايك انتي والصبايا
اي في ستوديو شفته بالاسكندرية كان حلوو واااااااو
ووووووووووووبس :eek2:نسيت اسمه:eek2:


ياللا اتكلي عاالله وان شاء الله يطلع فستانك ومكياجك وصورك عاذوقك
بس وينك انا معزومة عافرحك انتي والصبايا ....:smile:
هلول ماشفت فستانك مابين عندي...:pain:


ياللا صبايا طولت عليكن :s2
قلولي لالالالالا:D2

ياللالالالا باااااااااااااااااااااااااااااي

ازيكم يا بنات وحشتوني جدا كلكم واحده واحده وبجد انا متشكره قوي انكم ادتوني رايكم في افكار الفرح بس لسه مستنياكم تساعدوني بافكار تانيه جديده معلش بقى بتقل عليكم اصل انا ما ليش غيركم

يا ترى يا بنات ايه اخر الاغاني الحلوه المناسبه للدخله والرقصه السلو علشان انا لسه محتاره
وبرضه الاغنيه اللي هتتعرض مع الكليب خصوصا انا انا وخطيبي كنا زمايل في الكليه وهنحط صورنا في الرحلات وحفلة التخرج والكليه والحاجات دي فطبعا بادور على اغنيه تناسب قصة الحب طويلة العمر دي

يا ريت الله يخليكم لو واحده عندها فكره مناسبه تقلي


معلش انا عارفه اني مش مركزه معاكم شويه في الموضوع اليومين دول بس سامحوني لاني مزنوقه جدا

على فكره انا رحت عملت الكروت في اشكال كتير حلوه والسعار طبعا متفاوته يعني من اول جنيه ده طبعا سع الكارت فاضي لحد 15 جنيه على حسب خامة الكارت وحجمه اما الطباعه غالبا اسعارها ثابته

بس للاسف اضطرت اعمل الصيغه التقليديه لما حاولت اغير فيها ما نفعش علشان حجم الكارت وطريقة الطباعه في المطبعه والاكلشيه والحاجت دي طبعا الموضوع كان محتاج اني ابقى فايقه واتكلم مع الراجل واتفق معاه وكمان يبقى فيه وقت علشان يعملي حاجه مخصوص بس انا اتاخرت ويدوبكم استلمهم واوزعهم على طول

بالنسبه للفستان مفروض اعمل بروفه يوم الجمعه وادعولي يطلع كويس لاني خايفه جدا

بالنسبه للحاجات اللي ناقصه لسه ما خلصتش منها قدامي حوالي 10 ايام كمان

اما حالتي انا فانا اتهديت جدا ادعولي بجد وكمان الرجيم قصر على مع ان وزني ثبت ومش راضي ينزل تاني تقريبا لان جسمس اتعود عليه


بالنسبه لمدافع الورقت اللي سالتني عليها عوده هي بتبقى عباره عن اسطوانه مقفوله وطبعا جواها ورق ملون ومقطع شرائح زي ورق الزينه ومضغوطه وفي العلبه من تحت حلقه مربوطه بخيط تشديها على الاخر وتسبيها تندفع الاوراق دي عاليه وبقوه ويبقى شكلها زي الحاجت اللي بتشوفوها في الحفلات بتنزل على المطربين يا ترى فهمتوا قصدي

وميزتها عندنا هنا في مصر للي بيعمولوا افراحهم في دور لقوات المسلحه انهم بيسمحوا بيها طبعا لانهم مش بيسمحوا بالالعاب الناريه فدي بيكون شكلها حلو قوي خصوصا في الزفه والرقصه السلو

ريهام انا هاحاول اسال على الدقتر في درب البرابره بس يارب الاقيه لاني دخت عليه وسالت عليه اللي بيعملي الكروت قالي انع مش بيعمله لو لاقيته هاقلك على طول

معلش يا بنات لو ما كنتش رديت على حد سامحوني وادعولي

متشكره جدا يا بنات على ردكم عليا ... وذوقكم وبجد ربنا معاكم اكيد كل الي معاده قرب اعصابه بايزه:down: بس باذن الله تكونوا كلكم عرايس قمر..


عايزه اقول لهاله وحشتينا .... ولمصراويه متشكره على ردك وياريت متغبيش علينا تاني

وايمي ربنا معاكي ويوفقك ومبرووك مقدما..

اما ريري والله ظلمتيني .. الاسم مش على مسمى خالص دا انا بطلع الطاقه الى جوايا في الاسم بس لكن انا والله خجوله:o جدا بدرجه محدش يتصورها..


وانا ياستي مش ساكنه في القاهره انا من محافظة السويس "بعيده صح؟:rolleyes:" وانا كنت عايشه في السالميه في الكويت.. وجينا على حرب الخليج بس بابا لسه بيسافر هناك.. وعموما اتمنى نكون اصدقاء :shy: لو تحبي وياريت اقدر اخدم في اي حاجه

اقولكم باى واشوفكم قريب على خييير

ازيكم كلكم وحشتوني جدا والله

ربنا يقويكم كلكم يارب

والله بدعي لكم وانا بصلي

وربنا معاكم ريهام وايمان وهالة وبرايد وعودة وكلكم والحب كده والكات وكلكم كلكم


انا حضرت يوم الثلاثاء في الدفاع الجوي فرح صاحبتي
والفستان كان حلو اوي


بس فعلا راي ايمان صح
ان لما بنعمل في دار غالية او فندق بتكون غالية واقل حاجة فيها في السعر بيعمل في دار تاانية فرح احلي وامكانياته اعلي

بس لان الدار سمعته عالية عشان كده سعرها عالي


عارفين البوفيه كان وهمي مشرف جدا جدااااا
والقاعة حلوة قاعة الكاميليا

بس الفرح ما فيهوش اي حركات خالص
هو بس التورتة بتطلع باسانسيرر

يعني ول الفرح مش فيه اي شباب او بنات كتير مش هيكون ليه اي طعم

الحركات برضوا بتدي له طعم تاني


بس بصراحة احلي حاجة في الفرح انه كان كله شباب وبنات بس
والناس الكبار والاطفال مش كتير

كانوا 4 اطفال في الفرح كله

وكله كله شباب وبنات في نفس السن

والعريس كان بيرقص زي العسل الفرحة كانت مجنناه هو اللي عمل طعم لللفرح برقصه

رقص مع كل اللي في الفرح

عقبالكم كلكم

بس حبيت اكد علي راي ايمان

انه لازم يكون في حركات في الفرح مش كله كده زي بعضه لاجديد


تخيلوا بقا لو كان العريس خجول زي العروسة لانها مش بتعرف ترقص

او ماكانشي فيه بنات او شباب كتير يهيصوا
كان هيبقا الفرح ممل وحرام ال 18 الف جنيه اللي اندفعوا

:smile::smile:


عقبالكم كلكم وانا معاكم يارب

الفرحة في اليوم ده بيكون ليها طعم تاني

العروسة مش بتفتكر اي حد في الدنيا في الفرح حتي اهلها:D2

بسم الله الرحمن الرحيم
بنات انا اول مره اشارك بهذا القسم واتفاجأت بالموضوع
بنات لو سمحتولي انا عايزه اشارك معاكوا :o
انا من الاسكندريه لكن خطيبي من القاهره وان شاءالله كتب كتابي شهر 10 او علي العيد ان شاءالله وبحب كتير اشارك في مواضيع الزفاف وبالمناسبه انا منقبه وهعمل فرح اسلامي طبعا فانا عايزه اعرف رايكوا البس طرحه ولالا لان السيدات لوحدها والرجال لوحدها يعني من الاحسن اخليني بالحجاب عشان انا متعوده عليه ادام الناس ولا اشيله؟؟؟ :shy:
علي فكره لو حابين تعرفو اي حاجه عن الجهاز انا في الخدمه لان انا جبت حجات كتير وكلها رووووووووعه
اختكم في الله
مراهقه مصريه(u)

ازيكم يا بنات عاملين ايه كلكم

ان شاء الله تكونوا بخير

مراهقه مصريه اهلا بيكي معانا ونورتينا

انا من راي انك تشيلي الطرحه وتلبسي براحتك وتعملي فورمه حلوه مادام الفرح ستات بس علشان تحسي بالتغير

هو انتي هتبقي عروسه كل يوم


بقلكم ايه يا بنات انا طالبه منكم طلب

ارجوكم ارجوكم تدعولي بجد من قلبكم لان عندي ظروف وحشه اليومين دول

عمتي تعبانه جدا والدكاتره بيقولوا كلام مش كويس خالص وفعلا فعلا ربنا يستر عليها لان لو جرالها حاجه بعد الشر احتمال كبير جدا وغالبا اكيد ان بابا يلغي الفرح واما ياجل الجواز خالص او يجوزني سكيتي وانا اعصابي تعبانه جدا وهاموت من القلق لدرجة اني بطلت اعزم الناس ومش عارفه اعمل ايه حتى خطيبي لسه مخبيه عليه ان حالتها اتدهورت كده وكل ما يسالني عليها اقله زي ما هي علشان اعصابه ماتبظش زي

لسه 19 يوم على الفرح ادعولي يا بنات ربنا يسترها

بجد بجد كل اللي بتحبني بجد تفتكرني بالدعاء

انا مخنوقه وهاموت من القلق اولا طبعا علشان عمتي لاني بحبها جدا هي اقرب عمه لقلبي

وثانيا طبعا علشان الفرح وفرحة اني عروسه اللي مش قادره احس بيها خالص

دعواتك معايا ومعلش طولت عليكم

السلام عليكم ورحمة الله وبركاته

إزيكم يابنات وحشتوني ولوإني بعتب عليكم لقلة مشاركتكم في الموضوع

روحتوا فين ياحبايبي؟؟؟:pain:

لازم ترجعوا زي الاول واحسن فين همة بنات النيل:up:

السلام عليكم ورحمة اله وبركاته

وحشتوني يا بنات

عاملين ايه

ايمي

ربنا معك وان شاء الله يتمم لك على خير ، توكلي على الله، والله أكرم من انه يكسر قلب عروسة في ليلة فرحتها:up:

ربنا يشفيها ان شاء الله قريب وما يجيب شر

مراهقة مصرية

اهلا بك والف مبروك ربنا يتمم لك بألف خير

أنا من رأى إيمان ، اعملي كل اللي نفسك فيه انت عروسة :up:( بس من هيصوركم فيه ستات في المجال ده؟)

مصراوية

ازيك يا جميلة

ربنا يخليك يا قمر وعقبال ما ندعيلك انت كمان وربنا يكمل فرحك على خير ان شاء الله

ريهام

احنا هنا أهه أنا متأكدة انك مشغولة لشوشتك ربنا معك

عودة وهالة

انتم فين؟:rolleyes:

يا بنات عاوزة اقولكم اني عملت بروفة والفستان الحمد لله ما شاء الله :up:يظهر هأنفع أكون عروسة بجد:shy: يا بنات

المهم الخياطة صحيح تعبتني في البروفات بس أنا فعلا الحمد لله مبسوطة باللي شفته لحد دلوقت :cool2: ادعولي بس الفينشينج يكون حلو زى الشغل ، انتم عارفين التقفيل ده أهم حاجة :smile:

يا بنات عاوزة أسألكم على الشمع، هو فيه حد لسة بيمسك شمع للعروسة؟

انا رحت فرحين قريب واحد كان فيه والتاني لأ أنا بقى أعمل ايه؟

طب لو فيه شمع كم شمعة يعني اثنين كفاية ولا ستة ؟ أنا ما عنديش الا وصيفتين بس أختي وبنت أخت خطيبي:pain: (5 سنوات بس):D2

المهم ما طولوش الغيبة تاني هارجع لكم بعد شوية ان شاء الله