هام للبنات المصريات

صباح الخير يا بنات
بتوحشوني والله بس أنا اليومين دول عندي شغل فظيع :pain: سيل بعيد عنكم وعاوزة أخلص قبل اجازة الفرح :o ادعولي

عودة

ازيك انت يا قمر عاملة ايه يا جميلة ، انا يا ستي نفسي في حاجة جديدة وبس ومش عارفة تكون ايه، تعرفي حضرت فرح الأسبوع اللي فات العروسة دخلت القاعة محمولة على محمل زى ألف ليلة وليلة ومع دخلتها القاعة عزفوا اغنية ألف ليلة وليلة لسميرة سعيد كانت حركة حلوة وجميلة :up:

بس أنا مش حاجزة في الدار دي للأسف ومش عارفة الدار اللي حجزت فيها ينفع نعمل كده ولا لأ

انا فستاني سبانيش وداريته كله علشان الحجاب وهو من غير ديل بس المفروض منفوش (لسة ما شفتش البروفة:pain:) والطرحة دورين وطويلة مجرجرة على الأرض زى 1.5 متر تقريبا والدور الأول منها عليه ألماظ وكلها حروفها مشغولة خرز فضي زي اللي في الفستان والقماشة بتاعة الفستان عاملة زى الشيفون بس أخف وأرق وعليها زهور صغيرة بارزة في كل واحدة حطيت ألماظية:cool2: انا شفت الشغل بس لسة ما عملتش بروفة :pain: الخياطة مدوخاني والله:confused:

بس مش عارفة أجيب الشوز كريستال فضي ولا أجيبه ستان زى الخطوبة؟ ايه رأيك؟

في الحنة نفسي أجيب طبل بلدي وحصان بيرقص بس مش عارفة ازاى هم طبعا هيكونوا امام البيت مش جواه (يعني احنا بتنا مش كبير قوي كده:D2) ايه رأيك يا دودي؟

ايمي

انت عاملة ايه يا جميل ربنا معك وقلبي عندك والله لو احتجت أى مساعدة تحت أمرك، بس ادعيلي اسلك مع الخياطة :D2

هابعتلك تليفون روبا على الخاص من عيني:smile:

تي واتر

ربنا معك وطمنينا عليك ، زى ما عودة قالت يمكن أنا بأحب سوريا لأن فعلا ما فيش مرحلة من مراحل التاريخ الا ولاقيتي مصر وسوريا فيها سوا (انا كنت أدبي بقى):cool2:

ربنا يجعلك اللي فيه الخير يا رب

باقي البنات قلبي معكم طمنوني عليكم

لازم امشي دلوقت علشان الشغل :pain: ادعولي:confused:

برايد ازيك عامله ايه

ان شاء الله فستانك يطلع حلو واضح من الوصف ان قماشه رقيق جدا

وربنا يعينك على الخياطه بتاعتك وتخلصك بقى

قليلي بقى الحركه اللي بتقولي عليها دي كانت في اي دار بصراحه حلوه ودمها خفيف

برضه علشان نعرف الحركات الجديده دي فين علشان البنات غيرنا يستفيدوا

ازيك يا ايمي
عاش من شافك يا قمر :cool2: وحشتينا:smile:

بصى الحركة دي كانت في قاعة الف ليلة وليلة اللي في دار المركبات وتعرفي حاجة تكلفتها 100 جنيه بس، عجبتني بشكل لدرجة اني فكرت اغير الحجز واحجز هناك لأن الفرح كان فعلا جميل والقاعة حلوة والفقرات تجنن :clap: :up:

ايوة والنبي ادعيلي كمان في موضوع الخياطة ، انا خلاص روحي طلعت منها مش عارفة لو كان الفرح فعلا في يوليو كنت عملت ايه:rolleyes:

تعرفي انا هاجرب خياطة مصراوية بعد كده ان شاء الله بس اخلص من موضوع الجواز وحاجتى اللي عندها:down::pain:

باقي البنات انتم فين

بتوحشوني

يلا سلام دلوقت علشان الشغل :confused:

ازيكم كلكم

وحشتوي كتيرررررر


ايمان


وحشاني وربنا معاكي

عودة


نورتي الموضوع من تاني

ريهام

فينك ده كله


برايد تو بي

ازيك عاملة ايه وحلوة الفكرة اللي قلتي عليها بس صعبة شوية

كنت عايزا اسالك عن المعرض بتاع زوجات الدبلوماسين اللي قلتي عليه
ماتعرفيش هما هيعملوه امتا وفين؟




معلش اتاخرت عليكم

بس اي حاجة عايزينها عيووني ليكم تامروني

كيفكن صبايا

برايد مبروك يا قلبي وا شاء الله يطلع الفستان عاذوقك ...
بالنسبة للشوز انا برايي انه يكون ابيض بحسه كلاسي كتير......
بس ما بيمنع اه في موديلات سيلفر بتكون بتعقد انتي شوفي اذا لقيتي السيلفر كتير واااو شو عليه....:smile:

حلوة حركة الزفة بس اانتي فيكي تعمليها واذا شفتي فرح ميرفت الهوا سوا كانت دخلتها عالفرح احلى شي بالعرس .....كانت محمولة ...بس مش موبايل يعني:D2

اموووش....
وينك يا حلو ناطرينك انتي وردوداتك واخبارك.......


مصراوية
عاش من شافك ترللم ترللم او سمع منك خبر
وينك ....بدنا مشاركاتك تزيد .....دخيلك ماتطولي الغيبة

السلام عليكم ورحمة الله وبركاته

إزيكم يابنات ياحبايبي وحشتوني جدا وأحب أرحب ببنوتة الشقية وشيماء
نوروا الموضوع وعايزين نشوف همتهم معانا هنا في الموضوع.

السلام عليكم ورحمة الله وبركاته

إزيكم يابنات ياحبايبي وحشتوني جدا وأحب أرحب ببنوتة الشقية وشيماء
نوروا الموضوع وعايزين نشوف همتهم معانا هنا في الموضوع

:clap::clap::clap::clap::clap::clap:
:up::up::up::up::up::up::up::up:
:smile::smile::smile::smile::smile:

1-عودة
شكرا ياحبيبتي على ردك علية بس أحب ألفت نظرك لحاجة الميكياج اللي أختك طالباه خفيف جدا على عروسة يعني ده في إضاءة مش هيبان خالص والصور دي اللي إنت حطاها ياعمري لملكات جمال لبنان على ماأظن
يعني مش عرايس إنا معكي الميك أب الخفيف بيبقى جميل ورقيق وسيمبل بس مش للدرجة دي ومش للعروسة فكري شوية حبيبتي.

teawater2002
إزيك ياعسل بالنسبة لموضوعك أحب أقولك إن السوريين كويسين كتير
أنا إتعاملت معاهم فترة كبيرة في الكويت ولسة لية صحبات من سوريا بس ده مايمنعش إنك تشوفي الشخص اللي جايلك طباعه إيه؟ ولكل قاعدة شواذ ولازم قبل أي حاجة أوإرتباط تتقربي منه ولازم تحسي باتجاهه بشعور حب لازم ياشيماء ولوحتى شعور بسيط وربنا معاكي يارب إنت تستاهلي الخير كله.:up:

3-bridetobe
شكرا ياحبيبتي على ردك علية وأي حاجة أنا عيني ليكي بالنسبة للفرح إيه رأيك تحطي صورة كبيرة للخطوبة على مدخل القاعة ليكي إنت وعريسك وتحطي تربيزة فيها دباديب وورد وشمع وبرواز فيها صورتكم وكتاب التوقيع؟؟وتطبعي صورتك وصورة عريسك على مناديل المناشف يتاعت ترابيزات المعازيم..دي شوية أفكار ولما أفتكر حاجة تاني هقولك.

4-إيمان
ميرسي ياعمري على ردك علية ياعسل وربنا معاكي في توضيب الشقة
وشدي حيلك خلاص إنت قربتي خلاص.

5-مصراوية
أنا هنا ياقمر شوية تليفون البيت يعطل وشوية أنشغل بالهم اللي أنا فيه والله دوخة المهم أنا كويسة بس إنت وحشاني ياقمر لوعايزة أي حاجة أأمري عيني ليكي؟(u)

هالة وأمل عادل أنتم فين وحشتوني:mad2: :mad2:

يلا بقى يابنات باي الفجر بيأذن:shy:

صباح الخير يا عرايس

عاملين ايه :smile:

مصراوية

وحشتيييييييييييييييييييينا فينك يا بنتي ايه أخبارك

يا ستي المعرض في يونيو وأنا سألت قالوا لي يوم 21 ان شاء الله ومكانه في نادي الدبلوماسيين في وسط البلد أول ما تدخلي طلعت حرب الصف اللي فيه عمر أفندي خليك ماشية فيه أول تقاطع يقابلك على ناصيته مبني ستايل خالص وشيك تحسي انه طالع من الأربعينات هو ده.

ريهام

وحشتينا يا جميلة ، ميرسي لذوقك وعيني لك في أى حاجة تأمريني والله

ميرسي على أفكارك الحلوة انا كمان فكرت في حكاية الدفتر والصور برضه العروسة اللي حضرت فرحها كانت عملاها :up: يظهر ما خليتش فكرة اللا وعملتها :smile: الدباديب والشمع فكرة حولة ورقيقة قوي يظهر انك مش بس كلك ذوق لأ كمان رقيقة وجميلة:smile: ربنا يسعدك يا رب

كانت كمان عارضين على شاشة البروجيكتور صورها هى والعريس من أول ما كانوا صغار لحد الخطوبة :clap::cool2: برضه دي عجبتني ولو أني شفتها في أفراح تانية:smile: عقبالك يا جميلة ويكون فرحك أحلى فرح في الدنيا، انا عارفة القاعة اللي بتقولي عليها في سميراميس جميلة فعلا :up:

عودة

ازيك يا قمر

ميرسي على ردك ، أنا فعلا محتارة طبعا كان الأحسن أعمل الشوز من قماش الفستان بس القماش يدوبك على القد وانا بأموت في الساتان :up: فعلا زى ما بتقولي كلاس قوي بس شفت حتة موديل كريستال فضي :up: هاتجنن عليه من ساعتها ولعب في دماغي :cool2: ومتحيرة

ايمي

عاملة ايه يا أحلى عروسة في الدنيا ايه أخبارك، انت فعلا قربت خالص
هو انت في كم 7 ؟
ربنا يتمم لك بألف خير يا رب ، قررت هتعملي الميك أب فين؟

اسكتوا مش امبارح عملت بروفة يا بنات أخيرا ما كنتش مصدقة نفسي :D2 المهم برضه لسة ما بانش بس فيه حاجة هى عملت الجيبونة كلها تل بس مش نافش النفشة اللي أنا عاوزاها فهنضيف تل تاني وكده بقى الفستان تقيل قوي ومش عاوزة أحط جيبونة معدن علشان بترفع الفستان برخامة شوية:pain:

ايه رأيكم انتم؟

هالة وامل وشيماء

وحشتونا كلكم طمنونا عليكم

يلا سلام دلوقت يا بنوتات

ربنا يخليكوا كلكوا ...... الحقيقه فكره الملف دى اكتر من هايله

على فكره انا متجوزه السنه اللى فاتت و كانت مقبلانى مشكله انى مكنتش عارفه اروح فين و اجى منين و تعبت جدا من كتر ما لافيت على المحلات لكن الحمد الله بقى عندى خبره كويسه ممكن افيد اى حد فيكوا بس ماعادا حاجه واحده لانى معرفتش اوصلها هى انى مش لاقيه كوافيرات محجبات بيعملوا اشكال مختلفه للطرح فاياريت لو حد عندوا فكره عن الموضوع دا يساعدنى لانى فى واحده صحبتى هتتجوز فى شهر 8 و مش عارفه تعمل الطرحه ازاي و هيه محجبه طبعا
بشكركم على الفكره التحفه دى

:smile:ريهام نعمان:smile:
يسلموا عالرد يا عمري وكلك ذوق ...
مظبوط هودي ملكات جمال لبنان..بس بدك تنتبهي انه هن تصوروا بميك اب خفيف بس طلعت الصور حلوة....يعني اذا الكاميرا عطت هايدا اللوك الحلو والناعم ....فكيف لعروس......
كمان بدنا ننتبه لشي انه شكل وستايل الوجه هو اللي بيحدد الميك اب ...
يعني ناس بيطلع عليهم الستيل البسيط واو وناس الشرقي كتير وااااو
بس بما انه اختي ستيلها اوروبي بدها الميك اب يكون ناعم كتير........مع مراعاة ...انه الكامبرا راح تمتص الوان الميك اب ...وانا من تجاربي العديدة في التصوير والميك اب ..باكد ان اللوك الهادي بيطلع احلى كتير عالتصوير...
كمان تنتبهوا كلكن انا ابدا ما تحطوا ميك اب عالون بنفسجي وتتصوري دغري راح يقلب معكن اللون عاازرق......كتير انتبهوا....بس لو كان المصور كتير فهمان وكتير بروفيشنال وقتها ما بنخاف....
واذا شفتوا الميك اب في فرح الامير حمزة والاميرة نور اللي مانه مبين عليها انها حاطة شي ...والله بتجنن كتير ناتورال ..وصورها طلعت بتجنن ..
واكيد كان في تصوير تلفزيون و فوتوووو...
كمان ميك اب .....عروسة امير اسبانيا كان كتير سامبل..

يعني انا مع النظرية اللي بتقول الاقل هو الاكثر .....:up:the less is more and the more is less:up:

:smile:تاني شي افكاررك ل برايد عن الصور والشموع وهي الشغلات حلوة
بس انا مش مع انه الصور تتوزع عالمعازيم .....درءاا لاي مفسدة ممكن تحصل باي وقت....
فيها تخلي صورها تذكار مع ناس معينين بيهموها بس مش مع كل المعازيم.......
كان في صبية حكت عن انه في دار للافراح بتصور العسان ودغري بتطبع صورهن للمعازيم...
هون بدي نبهكن مش مع اي حدن بنترك صورنا..
مابتعرفوا شو المشاكل اللي بتطلع من االصور ااذا من ناس مانن ثقة او رفقة.....يعني الشغة بدها امانة خاصة ....:smile:

برايد مبروك عالبروفة الاولى و ان شاء الله يطلع عاذوقك الفستان...

صبايا يا عروساتنا ......ماتنسوا الطقم اللي راح تلبسوه ...يعني الحلق و العقد واللاسورة....شو مفكرين يكونوا
الماس ولا دهب ابيض و لا اصفر ولا انه اكسسوار عادي ...

يعطيكوا العافية وموفقين يارب...

السلام عليكم ورحمة الله وبركاته
مساء الخير يابنات
1-bridetobe
ربنا يخليكي لية والله إنت أحرجتيني بذوقك وشياكتك بس حابة أقولك ياقمر إنك لازم تحطي الجيبونة الحديد عشان مش هتعرفي تتحركي ولاتمشي من تقل القماش على رجليك ومدام إنت حاطة تل وقماش كتير يبقى مش هيبان إن شاء الله.
إيه رايك تعملي في فرحك بنت صغيرة تلبس فستان أبيض زيك وولد صغير
يلبس بدلة زي عريسك بالظبط ولما الناس يستنوكم عشان تدخلوا يدخلوا الطفلين بدالكم كمداعبة للضيوف وإنتم تدخلوا من مكان تاني.

2-عودة
حبيبتي ربنا يوفقك وتلاقي الميكياج لاختك وأظن إن علاء التونسي هوأكتر واحدممكن ينفذلك اللي إنت عوزاه.
بالنسبة ياعمري للطقم اللي هلبسه أنا شبكتي أصلا دهب أبيض بس قالولي إن ماينفعش ألبسها في الفرح لازم ألبس إكسسوار عشان كدة أنا
وصيت ماما تجيبلي من الكويت حلو وربنا يسهل.

ازيكم يا بنات عاملين ايه كلكم

معلش انا هارد بسرعه لاني تعبانه جدا وبعد كده ابقى ارجع احكي معاكم بالتفصيل

ريهام ازيك يا قمر معلش انا بسرعه كده هسالك سؤال بما انك قلتي على دقتر التوقيع ممكن تقليلي الاقي حاجت شيك زي كده فين لاني بادور ومش لاقيه حاجه حلوه ورقيقه يا ريت لو عندك فكره تقليلي
وعلى فكره حبيت اقلك اني كنت عند رسميه امبارح اللي في مصر الجديده شارع الاهرام وكان عندهم البراه الترايمف وسعره 195 جنيه ده طبعا الاصلي في منه كمان تقليد


برايد ازيك يا عروسه مبروك على بروفة الفستان عقبال ما يخلص على خير ان شاء الله

انا فعلا قربت خالص وفرحي يا سيتي يوم 16 / 7 يعني خلاص العد التنازلي

بالنسبه للشوز هو الستان صحيح رقيق بس كمان الكريستال فيه موديلات حلوه انا كمان محتاره الخياطه بتقلي ستان وانا بافكر في الكريستال واول ما استقر هاقلك على طول

بالنسبه للميك اب انا لسه ما حديدتش بس سمعت من واحده قربتي ان في واحده مغربيه فتحت سنتر جديد وهي شاطره قوي وان شاء الله هاروح اسال عندها ولو في جديد هاقلكم

بالنسبه لجيبونة الفستان انا شخصيه بافضل التل لانها طبيعيه جدا واريح حتى لو كانت تقيله شويه بس انا مش باحب شكل السلك خالص خصوصا لو حصل وفرقت شويه عن طول الفستان بيبقى شكلها صعب جدا وكمان بتضايق في القعده وتخلي الفستان شكله غريب شويه وانتي قاعده اما بقى ركوب العربيه ده خليه على جنب بتلخم جدا السلك غير التل خالص بصي انتي ممكن تخليها تعملهالك تل ادوار وتنشيها كويس قوي بتنفش الفستان حلو ساعتها ولو ما عرفتش تعملهالك هتيها من النمرسي انا شخصيا عملتها تل وكمان كان ليا واحده صحبتي لبستها تل وكانت نافشه الفستان تحفه كانت جيباها من النمرسي

عوده ازيك يا جميل عامله ايه

انا موجوده بس طبعا انتي عارفه الايام دي انا مزنوقه ازاي وترتيبات الفرح كمان شغلاتني جدا وبرده زي برايد كده بدور على حركات جديده

يعني مثلا انا اول الزفه هاوصل راكبه عربيه بحصان زي بتاعت الاميرات بتوع زمان بس شكلها حلو قوي

وكمان دخلت القاعه هتبقى عن طريق ان الكوشه تلف ونظهر احنا قاعدين عليها طبعا مع موسيقى واضاءه حلوه اكشن يعني

والصور بتاعتي انا وخطيبي واحنا صغيرين وكمان واحنا مع بعض في الكليه هي وشريط الخطوبه وكتب الكتاب والفرح وكمان شريط حفلة التخرج هاعمل منهم كليب يتعرض في الاول

وعايزه اجيب دفتر الزوار بس لسه بادور عليه
اما شو التورته فهنزل انا والعريس والتورته طبعا باسانسير من فوق في اعلى القاعه طبعا مكان الناس مش متوقعاه

وكمان جبت علشان الزفه حاجه اسمها مدافع اوراق ملونه شكلها حلو قوي ده طبعا علشان دور القوات المسلحه بتمنع الالعاب الناريه

قليلي ايه رايك يا عوده وساعدني بالافكار شويه وياريت كل البنات كمان يقولولي رايهم ويساعدوني شويه بالافكار لاني خلاص ما فيش وقت كتير

الاخت نور اهلا بيكي معانا

بالنسبه للعرايس المحجبات معظم الكوافيرات دلوقتي بتلبس محجبات وبتعمل طرح كمان زي نانيس ومسيو عبده وامنه الهيتامي ومجدي وسيد يعني صاحبتك ان شاء الله تلاقي اللي هي عايزه وانا برضه ان شاء الله هالبس حجاب والخياطه هتعملي الطرحه مع الفستان ان شاء الله

معلش يا بنات انا طولت برضه مع اني قلت في الاول هاختصر بس مش باقدر اقاوم الكلام معاكم لانكم بتوحشوني جدا

باقي البنات المختفيه راحوا فين طلوا علينا

الف مبروك يا bridetobe على بروفة الفستان واضح ان ذوقك عالى اوى و انشاء الله تكونى احلى عروسة . على فكرة انا كان نفسى فى القماش اللى زى قماش فستانك اللى هو علية تطريز منة فية بس اللون الاسود او اى لون تانى شك لانى عايزة افصل فستان سوارية عشان فرح بنت خالى قبل فرحى باسبوعين و بجداقماش دة بيسهل التطريز علية و دخت علية لكن مالقيتهوش بجد هو دة القماش اللى انا و ماما عايزينة بس يكون الوان مش ابيض.
ياريت تقوليلى انتى جبتية منين يابرايد
و انشاء اللة تكونى عروسة زى القمر:up:



ايمان
مبروك على تحديد معاد الفرح و ربنا يتمم بخير
بس ما تنسيش تييجى تحكيلنا على فرحك بالتفصيل الممل