تجمع المنتظرات لتحقيق حلم الأمومه

مساء الخير
اللهم ارزقني وارزق كل المحرومات بالذرية الصالحة المعافاة هذا الشهر يا رحيم
الحمد لله على كل حال اليوم جاتني الدورة

سلام

شلونكم ؟؟ شخباركم ؟؟ صار لي جم يوم ما دشيت التجمع كنت مسافرة .. كل عام وانتو بخير مؤخراً

ادعوا لي يا بنات الله يرزقني ويرزقكم هالشهر بالذرية الصالحة السليمة المعافاة ....

M.y

يالله أنا وياج ان شاء الله من اليوم رح ابدي بقراءة سورة البقرة والاستغفار والصلاة ... وعسى الله يرزقنا ما نتمنى وان شاء الله الله ما بيخيب ظنا .. ويا رب نشوفج حامل الشهر الياي

أنثى عاشقة

إحنا بخير انتي شلونج؟ ما ادري أنا اذا تنزل علي اول يوم دم خفيف وبعدين ينزل دم غزير مع قطع يمكن تكون بداية الدورة نزلت عليج خفيف وبعدين غزرت ... واذا تبين تتطمنين اكثر روحي عند الدكتورة وما عندي فكرة عن اي دكتورة احسن ... ادري ما افدتج بشي بس ما حبيت ما ارد عليج .... وان شاء الله ما فيج الا العافية

قوه بنات اخباركم الا بسالكم هشهر نزلت علي الدوره بس كلش خفيفه وراحت هل هشي طبيعي اول مره يصير لي جذي وهذي اول دوره لي من عقب ماسقطت وان شاء الله اخر دوره وحمل هشهر قولو امين

لاني جد محتاجه بيبي يملي علي وحدتي يالله ياربي ارزقني من واسع رحمتك

كيفكم يا حلوين ؟؟؟
اليوم اخذت اول ابرة منشطة .....الله يرزقني ويرزقكم بالذرية الصالحة المعافاة في هذا الشهر...يا رب
مكانك في عيوني حياك الله ابدئي معي ....انا سمعت اكثر من وحدة تقول انها تحمل في نفس الشهر اللي تبتدي تقرا فيه سورة البقرة...الله لا يخيب املنا قولي آآآآميييييييين

بنات انا بقولكم صديقتي حلمت فيني

انها تقولي بالحلم اقري سوره مريم والكرسي والعوذتين بعد كل صلاه ياليت اللي تعرف تقولي شنو معناه
وجزاها الله الف خير

أنثى عاشقة

شخبارج الحين ؟ رحتي المستشفى او لا طمنينا عليج

روح ريلها

ما عندي فكرة عن الدورة ولا عن الحلم والله يرزقج الذرية الصالحة ان شاء الله وما تجيج الدورة مرة ثانية

M.y.

هلا والله أنا بخير انتي شلونج ؟ ان شاء الله يا ربي الله ما بيخيب ظن عبده فيه وبيرزقنا بالذرية الصالحة خصوصاً اذا تقربنا لربنا اكثر بالعبادات ... وليش تأخذين ابر منشطة انتي فيج شي يعني ؟ ان شاء الله يا ربي تحملين بهالشهر من غير ابر ولا مستشفى

بنات أنا باقي على دورتي تقريبا ١٠ ايام ... متى اقدر أحلل؟ وعادي أحلل بعد ٦ ايام ويبين اذا في حمل او لا ؟ الشهر اللي طاف تأملت بالحمل ورحت سويت تحليل دم قبل الدورة بيومين وطلع نجتف وآخر شي نزلت بعد ما تأخرت ٣ ايام وفعلا انحبطت وقمت اشغل روحي عن التفكير في الحمل

مساء الخيرات حبيباتي

ربي يرزقني ويرزقكن في القريب العاجل ياقادر ياكريم
ما تنسوني من دعاؤكم يا بنات
ان شاء الله ربي ما يخيبنا ويعوض صبرنا ويمن علينا بكتكوت بس يملا علينا البيت
مو طالبين كثييييييير وش قلتوا؟

my الله يرزقك بالحمل السليم
انثى عاشقه وروح ريلها دف الياسمين الله يرزقكم بالذريه الصالحه
بكره موعد دورة ادعوا لي انها ما تجي والله خايفه ادعوا لي

يارب ياحي ياقيوم ياذا الجلال والاكرام
ياودود ياودود ياذو العرش المجيد يافعال لما تريد

انك ترزق اخواتي بالاطفال السليمين يارب ياكريم عاجلاُ غير اجلاُ

سكر زوجها

ان شاء الله يا ربي ما تجيج الدورة بكرة ... ولتسعة شهور

ان شاء الله يارب كلنا نكون حوامل هالشهر يارب

مكانك في عيوني مشكوره حبيبتي على دعائك بس انا اليوم تحطمت سويت التحليل المنزلي وماطلع لي حمل
احس بقهر حنون وملح وقبله والجميع اتمنى تفرحوني بحملكم هذا الشهر واما انا نفسيتي تعبانه خايفه الحبوب منع الحمل أثر علي لاني استخدمته خمس شهور والحين لي اكثر من شهرين تركته ولا حملت انتوا شرايكم بنات شسوي احس زهقت الكل يسالني ليه ما حملتي وانا الى الحين اقولهم امانع اخاف اطول

مساء الخير كيفكم يا حلوين؟؟؟وحشتوني ..تنشطتوا بها اليومين....ما شاء الله ...شكرا لدعواتكم لي
مكانك في عيوني ...انا الحمد لله ما عندي شيء حاليا....كان عندي هرمون الحليب و الحين انتظم ولله الحمد
والدكتور قال لي :يا بنتي انت ما عندك شيء يمكن تكونين محسودة روحي لشيخ يقرا عليك؟؟؟وانا الان الحمد لله اروح لوحدة تقرا علي وتسويلي حجامة,,,وقال الدكتور:راح يعطيني ابر منشطة عشان تزيد فرص الحمل
حنونه انشاء الله تكونين حامل
اللهم ارزقني وارزق كل المحرومين في هذا الشهر يا كريم

اخباركم عروسات ان شاء الله بخير اليوم رحت سوت حجامه اه كنت حدي خايفه ومتردده بس توكلت على الله ورحت وبصراحه كلش مايخوف و حسيت براحه موطبيعيه جد فرق وطلع شي بطلت عيوني منه هذي فيني ؟؟؟؟

بس قررت اروح الشهر الياي بعد

Hnoonh

ان شاء الله يا ربي يكون هالتأخير حمل ...

سكر زوجها

مو شرط يبين انتظري جم يوم وردي سوي تحليل مرة ثانية ويفضل لو تسوينه تحليل هرموني مرة ثانية ... الله يحقق لج مرادج ان شاء الله

M.y.

مساء النور أنا بخير اسأل عنج ... يعني انتي ما فيج شي لا سمح الله جايد ... توكلي على ربج وان شاء الله تحملين الشهر الياي .. بس صج اذا الوحدة يحسدونها ممكن انها ما تحمل ؟ وشنو هذي الحجامة اول مرة اسمع فيها ما عندي خلفية عن هالاشياء