تجمع المنتظرات لتحقيق حلم الأمومه

صباح الخير؟؟؟
سكر زوجها انا كان عندي هرمون الحليب و عطاني الدكتور حبوب نوربرولاك وحملت في نفس الشهر
لكن ربي ما كتب انه يتم هذا الحمل وسقطت بعد3 شهور
و لما رجعت للدكتور قالي الهرمون مضبوط وكان 6 وصرفلي نفس الحبوب بس نص حبة باليوم قال:عشان ما يرتفع فجأة,,,بس ما ادري من كم الى كم يكون الهرمون مضبوط؟؟؟
الله يرزقني ويرزق اختك ويرزق كل المحرومات هذا الشهر يا رحييييييييم

بنات انا ودي انظم معاكم ... انا صارلي تاركة حبوب منع الحمل 6 شهور ولحد الان ربي ماكتب احمل وكان عندي هرمون الحليب وخذت العلاج ونزل الحمدلله

بنات ادعو لي احمل والله

بنات ادعولي احمل ودي بطفل اضمه لصدري
ادعو لي امانه
والله يرزقكم بالذريه الصالحه

سكر زوجها ان شاء الله كلنا نكون حوامل هالشهر
وعرفت معلومة ان من بعد الدورة اذا شربتي كل يوم كوب عصير عنب احمر يزيد من فرصة الحمل ان شاء الله
انا شريت ماركة الربيع

ملح وقبله حياش الله انظمي لتجمعنا......عرفينا عن نفسش اكثر؟؟
اللهم ارزقني وارزق كل المحرومات في هذا الشهر يا رحيم

صباح الخير ضيفوني معاكم انا بعد انتظر اصير ام بفارغ الصبررررررررررررررررررر

انا اجهضت 3 مرات ادعولي احمل هشهر بتؤام يعوضني ربي عن للي فقدتهم

امس ياتني اول دوره من بعد الاجهاض بس جداً خفيفه

يارب ارزق كل محرومه وأرزقني بحمل سليم معافه
تصدقون بنات انا لي كم شهر امانع وتوني موقفه من شهرين بس والله تحسفت اني مانعت خمس شهور انا لي الحين سبع شهور من تزوجت بس خايفه الصراحه اني اطول على ما احمل يارب ارزق كل من في التجمع بحمل سليم قولوإ أمين

m,y

هلا حبيبتي انا كنت اكل حبوب منع الحمل وتركته صارلي 6 شهور وولحين ربي ماكتب احمل ان شاء الله هالشهر احمل
من شهرين رحت فحصت عند هرمون الحليب لقته الدكتورة مرتفع شوي عطتني دونتكس والحمدلله نزل وصار طبيعي
وان شاء الله ما اشوفها ولا تشوفونها هالشهر نكون حوامل يارب

سكر زوجها
عادي حبيبتي لا تخافين دام تجيك الدورة منظمة بالم خفيف مالك شر راح تحملين

روح ريلها

الله يعوضك يارب بالحمل السليم المعافى

مراحب بنات،،،،،، انا صارلي4 سنوات متزوجه وعملت كل الفحوصات والحمدلله كل النتائج ايجابية بس سبحان الله لحد الحين ما حملت..
ناويه الحين اعمل منظار للرحم..... وش رايكم؟؟ تنصحوني به او لا؟؟؟؟
اي وحده سوته تخبرني عن تجربتها............

وحشتووووووووني
حياش الله يا خاطري ف بيبي....كلنا خاطرنا في بيبي ...الله لا يحرمنا
روح ريلها الله يعوضش....يمكن انت تحتاجين ربط اثاء الحمل
اللهم ارزقني وارزق كل المحرومات في هذا الشهر يا رحيم

اي خبروني في الحمله اليايه بيسون لي ربط بس بعد حدي خايفه الله يتمم لي على خير في المره اليايه وان شاء الله الله يكتب لي الحمل هالشهر لي ولكم قولوا امين

آآآآآآآآآآآآآآآآآآمييييييييييييين

سلام بنات ،،شخباركم ، وشخبار المعنويات ؟؟

يوم الخميس موعدي مع الدكتورة واتوقع انه بنقل الى دكتورة ثانية ،،


احس نفسي مقهورة 3 سنوات اتعالج ومافي دكتورة قالت لي سوي منظار ...

لان اخر شي قالوا لي مافي سبب طبي يمنع الحمل وفي نفس الوقت ماسوو لي منظار ...

والحين محتارة اسوي منظار أو أطفال أنابيب ؟؟


شرايكم بنات ؟؟

مراحب حبيبتي دف الياسمين.........
انا دكتورتي خبرتني ان الوحده لازم اول تعمل كل الفحوصات والتحاليل (فحص الهرمونات- اشعة الصبغة- منظار للرحم) وبعدين تفكر بالتلقيح الصناعي او اطفال الانابيب..... والمنظار من اهم الفحوصات لان في كثير اشياء ما تبين الا بالمنظار.......... في كثير حريم عملوا الفحوصات العادية والنتائج كانت ايجابية بس كانوا يستغربوا ليش الحمل عندهم متاخر وما اكتشفوا المشكلة الا لما عملوا المنظار..... باذن الله انا ناويه اعمل المنظار عالفترة الجايه وعسى الله يقدم الي فيه الخير..........

انصحك تروحي لدكتوره ثانيه بس خذي معك كل فحوصاتك علشان ما تبدأ من الصفر وان شاء الله يارب تنصحك وتريح بالك......


اللهم يارحمن يارحيم ارزقني وارزق اختي دفء الياسمين الذرية الصالحة السليمة المعافاة عاجلا غير اجلا ...... اللهم بيدك ملكوت الرزق كله ف ارزقنا من لدنك يا الله...............اللهم آمين

سلام
شخباركم ؟ وش مسوين ؟

بسالكم هالشهر كامل كان ينزل علي دم خفيف ووقت الدورة كان فيه قطع يعني دورة العادية
وابي اروح حق دكتورة وحدي خايفة ان فيني شي خطير :(
ومارحت من قبل لدكتورة
تنصحوني بأي دكتورة ؟!