لمتنا السورية اهلا وسهلا فيكم لشهر جمادى الاول(نيسان) 1432

صباح الخير يا بنات لا تؤاخذوني بتعرفوا أديه مشغولة بس وقت عرفت في طوشة بالتشات قمت الركيض مين هاد اللي عم يحكي على سوريا صحيح مين هي أطياف ايمتى هدول بيطلعوا بس فعلا لازم يحذفوت مشاركتها لإنه بتسم البدن
كيفكن يا حلوات والله عم اشتقلكن كتير بس أد ما عم إفعي طول النهار بوصل لآخر الليل ما شايفة قدامي لإنه متل ما قلتلكن بلشت بالبيت اللي اشتريته
يس الحلو بهيدا البيت إنه بنفس البناية اللي أنا ساكنة فيها بقى طالعة نازلة وكنت عم استفلح وشايفة حالي إنه أنا رح أعمله وما بدي لا مهندس ديكور ولا شي بس كتشفت إنه بصراحة لازم جيب مهندس لإنه بدي غير من خريطة البيت لإنه جوه عندي 3 غرف نوم ومن غير شر بناتي حيتزوجوا بقى فكرت إنه شو بدي بهالغرف فقررت إفتح غرفتين على بعض وأعملها جناح لإلي غرفة نوم كبيرة مع غرفة قعدة صغيرة لإلي ملحقة فيها شو رأيكن
المهم بنوتة خير يا عمري شو صاير معك وليه متضايقة طمنيني عنك
البنوتات اللي بسوريا طمنونا عنكن شو الأخبار وأنا اللي سمعتو إنه الوضع أقل بكتير من اللي عم يحكوه بالقنوات الأخبارية وإنه مبالغ فيه بقى طمنونا