لمتنا السورية اهلا وسهلا فيكم لشهر جمادى الاول(نيسان) 1432

وين الحلوات اليوم ماطلوووووو ... يارب تكونوا بخير
قلت انزلكم الكيكة اللي جبتها لزوجي
هالمرة جبتها بالنكهة اللي بحبها واللي هي التوفي فخترت كيكة باسكن روبنز منه كيك وايس كريم بنفس الوقت بطعم التوفي وحلاوتها بتجمع اكتر من
نكهة توفي وشوكولا وكمان فيها حبات التوت البري

كااااتس هي الك حتى تتوحمي خخخخخخخخخخخخخخ



وهي للتوضيح من فوق ايس كريم توفي وتحت كيك شوكولا



وهي حبة دونات كرسبي هي اللي قدرت اصورها ههههههه



وهي هديتي اللي هي عطور لاكوست

صباااااح الخير
صحة وهنا شكلن لزيز كتير .. والهدية حلوة عجبتني علبتها أنا جبت لخطيبي برادا علبتها مربعة ساده .. الله يخليكن لبعض

على قلبك ياقمر بالفعل الطعم لذيييذ كتير
ماجربت عطر برادا اول مرة اسمع عنه .... لاكوست ريحته حلوة كتير وعلبته تنفع للهدايا ههههه

وين الحلواااات الشات صاير فاااضي وحشتووووني

صباح الخيرات F:
مرحبا دمشقيه كيفك اليوم وكيف الصبايا كلهم F:
شكلو الخميس والجمعه والسبت بنكون مشغولين سوا :hysterical:
يلا وينكم احكولي شو طابخين 8o|

ايه والله يالدمشقية حبيتها كتير يتهنى فيها بركي ان شاء الله بجيب منها وأنا نازلة بس انا كنت حابة جبلو ساعة محتارة ولما نزلت ع محل الهدايا عجبوني العلب دبدوب وبيحمل الهدية وحوليه ورد وحركات كان عبالي جيب منهن ..

يسعد صباحك منارة اليوم ماما طابخة باميه ورز لزيزة أنا بحب هالأكلة ....,

اهلا وسهلا طل القمر والله زهرة شو هالشمسة العالية والله اشتقتلكم

انا بخير الحمد لله انتي كيفك .؟
اليوم طبخت يبرء = ورق عنب .....وانتي ؟

عروسة هنا وعوافي على البامية عقبال لما بتطبخي ببيتك
الله يهنيكي ويخليكي يارب ... بالفعل هدايا الرجال بتحير كتييير حلوة فكرة الدبدوب كمان رومانسية بس انا عن نفسي بفضل الاشياء العملية بتغليف حلو
وبطاقة بتوفي الغرض ...

قلتيلي بدك تنزلي ؟؟؟؟؟
يعني ناويين هالسنة تنزلوا سوريا ؟ والله الاوضاع مابتريح ابداااا ... شو رايك انتي

مساااااا الخير وينكن ماااااافي حدا ؟؟

شايفة تاركيني انا وياكي لحالنا .... ان شالله يكون الجميع بالف خير
كيفك ياقمر اليوم ؟

الدمشقية;14901467:
عروسة هنا وعاوافي على البامية عقباللما بتطبخي ببيتك
الله يهنيكي ويخليكي يارب ... بالفعل هدايا الرجال بتحير كتييير حلوة فكرة الدبدوب كمان رومانسية بس انا عن نفسي بفضل الاشياء العملية بتغليف حلو
وبطاقة بتوفي الغرض ...

قلتيلي بدك تنزلي ؟؟؟؟؟
يعني ناويين هالسنة تنزلوا سوريا ؟ والله الاوضاع مابتريح ابداااا ... شو رايك انتي

عئلبك حبيبتي
ايه والله ناويين .. مشان عرسي كان فينا نروح دغري علبنان بس ماما لازم تجيب تأشيرة من سورية سبق وذكرت أنها فلسطينية وأخواتها بسوريا مو معقول توصل لهنيك وماتنزل بسوريا وعنا نزلة ع طرطوس مشان النفوس بدنا أخراج قيد مشان كتب الكتاب

الدمشقية;14901483:
شايفة تاركيني انا وياكي لحالنا .... ان شالله يكون الجميع بالف خير
كيفك ياقمر اليوم ؟

تمام بخير أن شاء الله آمين كيفك أنتي ؟

انا بخير الحمد لله حبيبة قلبي انتي
ماشالله يعني فرحك بالصيف ... الله يتمملك على خير ... ماشالله خلصتي كل التجهيزات ؟؟
والله يحميكم بسوريا ويارب تهدى الاوضاع وتروووء الدنيا والله نفسيتنا تعبت

اهلين بنات حبيباتي مشتاقتلكم كتير بس والله مو صفيان نفس لاقعدة النت وقتنا كله على الاخبار الله يحميكي يا سورية ويبعد عنك كيد الفجار
ويقويك يا اسدنا وترد الفتنة عن ديارنا
عروسة الله يتمملك على خير حبيبتي ويجعل ايامك كلها افراح
دمشقية صحة وهنا على الكيك ومباركة الهدية وعقبال المية سنة لجوزك والله لا يحرمكم من بعض
زهورة اهلين حبيبتي نحن كلنا بخير انت كيف اطافيلك انا اليوم طبخت مقلوبة وفتة مكدوس ومبارح كنت عاملة كوسا بلبن وبكرة الله اعلم :D
كاتي القمر وينك غاطة شكلك مكبرة المخدة ومسمكة للحاف وعاطية الايفون لتالا ومريحة راسك :lol:
شامية كيفك طلي طمنينا عن اخبارك واخبار سلومة اشتقنالك والله
شامة حبيبة قلبي والله بالي عندكم يارب تكونوا كلكم بخير وما يضرنا لا بسورية ولا باهل سورية
لولية وبنوتة وهنودة طلوا طمنونا عن حالكم

دمشقية نحن كنا مترددين بالنزلة على سورية قبل الاحداث بس بعد يلي عم يصير عنا اصرار اذا ربي وسع رزقتنا شوي باذن الله نازلين خلينا نكون مع اهلنا ونطمن عليهم وباذن الله سحابة صيف على سورية وبتمرق وسورية طول عمرها ابية وكريمة

على فكرة شفت بشريط الاهداء كتابات ما عجبتني ياريت بما انك مشرفة تلاقو حل له القصص يعني ما في داعي يلي بيفهم ويلي ما بيفهم يكتب عن سورية
سورية وشعبها وقائدها اعلى من هيك كتابات

اهلين لولو نورتينا ياقمر انتي والله الك وحشة انتي والبنات
طلوا عن جد منفضفض شوي والله انا ماعم اقدر اشوف اخبار ابداااا عم حس حالي عم اعصب واكتم بحالي والله الليل ماعم نامه الا الغصب
الله يفرجها يارب على الجميييع ويحمي بلدنا من كل شر وكل حقد وغل
شفت شريط الاهداء وشفت شو مكتوب وانحرء دمي حسبي الله ونعم الوكيل وانا مهامي على ركني ياريت اقدر اعمل شي بس راح ابلغ عن هالشي
وبلاها هالبلبة اللي مالها طعمة ..... الله يوسع عليكم ويرزقكم يارب وان شالله بتنزلوا سوريا وانتو وهي بخير وبتكون هالغمامة عدت على خير ياااااااارب


هنا وعوافي هالاكلات الطيبة ... ويخليلي ياكي يارب ويخليلك زوجك واهلك واحبابك

أنهز بدني من عند هالصبح شو كاتبة هي بالأهداء هاد يلي كان ناقص حدا مو فاهمان شي يجي ويتفلسف ماشافت المسيرات المؤيدة ماصارت بعمرا لحدا 11 مليون شخص عم يؤدوه ولسه بتحكي حاكم ظالم ....رجاءا كل وحدة منكن تفوت وتكتب كلمة للرئيس بشار الأسد بالأهداء لأن السكوت علامة الرضا

يلا هلأ صباح الخير يسعد صباحكن وأوقاتكن

دمشقية .. عم جهز وأنزل عالأسواق تركيها لـ الله كل وحدة بتقلي روحي ع السوق الفلاني بتجي التانية بتقلي أووعى تروحيلو شي بيقرف خخخخ ..اليوم يمكن أنزل جيب فساتين السهرة

لؤلؤة تسلمي حبيبتي تفرحي بأحبابك وصحة وهنا ..