لمتنا السورية اهلا وسهلا فيكم لشهر جمادى الاول(نيسان) 1432

زهورة ياريت نجتمع عنجد نفسي بشي لمة حلوة معكم ندردش فيها عارض الواقع
وانا يوم الجمعة ما بطبخ طلعنا عاساس ناكل بمطعم تركي مشاوي تركية قام طلع مافي مكان عائلات ومو جاية عبالنا نرجع عالبيت قمنا رحنا على مول تغدينا هنيك مشاوي وبروستد بس بتصدقوا اذا قلتلكم كلنا اكلنا قد يلي بياكله شخص واحد ابدا مافي نفس لشي

كان عاساس يجيني ضيوف فعملت كيك سادة وكب كيك بالشوكلا قامو بطلو يجو هلق رح صور وورجيكم ياهن

لؤلؤة الشام0;14982566:
كان عاساس يجيني ضيوف فعملت كيك سادة وكب كيك بالشوكلا قامو بطلو يجو هلق رح صور وورجيكم ياهن

هههههههههههههههههههه لو انا بمكانن مابطل خخخخخ :lol:

ناطرة الصور

فتحت ايميلي لقيت أختي اون لدردش معها شوي ......

ياريت يا عروسة فيكي تجي وتكرم عينك احلى كيك
هنن معتمرين من سورية وعاساس ينزلوا اليوم من المدينة عمكة بس اجلوها لبكرة

تسلميلي حبيبتي ماشاء الله شكلن بيجنن .صحة وهناا.

يسعدلي مساكم ياحلوات

زهوورة كيفك ياقمر يسعدلي اوقاتك ... ايه الحمد لله الله يخليلي ياه يارب وانا مابهون علي يعمل شي لا قهوةولا غيرها بس اااه والله اسناني تاعبتني
كنت بطرف صرت بطرف تاني الحمد لله على كل حال
وغريبة كيف مابتحبو القهوة وحتى كاتي متلك ... طيب القهوة الاردن كمان مابتشربوها ؟
ضحكتيني على السمايل اللي حاطتيه ههههه الله يقويكي يارب ذكرتيني بامي تقبر قلبي بيتنا بالشام مابيفضى ولما بقلها الله يعينك وهيك ... بتقللي نفس عبارتك .. مابيجيك الا اللي بحبك

هنا وعوافي على الصفيحة وغيرها الله يديمها نعم علينا يارب ..
ولادي بخير الحمد لله شامو باقيلهم شهر وبعطلو ... محمود عينوه مبارح رئيس للفصل وكان بدو يلقي خطاب خخخخ طفش ابوه لحتى حفظه
وزوجي ولاول مرة من ولادتي بشام عم يحن على بيبي هههههههه ... صارله مرتين بقللي شدي حيلك شو قصدووووو ؟؟؟؟

عروسة ابراهيم يسعدلي اوقاتك يارب كيف كان ورق العنب مبارح ؟؟ هنا وعافية ان شالله
طريقة العلبة حلووووة كتير شفت انا هيك تصاميم بالمكتبة بسموه تعتيق ... شطورة وفكرتها جدا حلوة وسهلة ..

وبخصوص الفرح الله يتمملك على خير يارب . بس الاسعار بلبنان جدا غالية والفستان من سوريا والله ارخصلك بكتير ويمكن يكون نفس اللي عم تشوفيهم بلبنان
بس بضل هدا قرارك وقرار خطيبك بالاول والاخر وان شالله بتتوفقي يارب

بخصوص لاب توب ايسر والله انا ماعندي خبرة زوجي هو اللي بيعملي كل شي بس يجي اليوم بسالك ياه من عيوني

لولو يالولو ان شالله النكد والغمة للي مابحبك
بتفرج باذن الله ربي يفرجها على الجميييع ان شالله .... حتى بالمشاوي متفقين مبارح انا وانتي هههه هنا وعوافي يارب
ماشالله شو هالكيك الطيب تسلم الايادي يارب ... والله انا جايني دفعة ماكنة من الشام عماتي كلهم وزواجهم وعمي ومرته الله يجيبهم بالسلامة يارب
على قولة زهورة مابيجيك الا اللي بحبك مع السمايل تبعها خخخخخخخخ:worn_out::worn_out:

وهي فطايراتي من مبارح احاول انزلهم ومانزلو من رداءة الطقس بقصد النت ههههه

اهلين الدمشقية منورة ورقات العنب بيجننو شبعت وضليت عم أكل على أد مانو لزيزين :lol:..

الفستان نفس فكرتي بلبنان كتير غالي أنا سألت بنت عمي عالأسعار ...:I:

مشكورة على الأهتمام مشان الاب توب والله بتعمليلي خير ازا بتسأليه ....:adore:

صحة وهنا عالفطاير بدي أسألك لما تحمريهن شو بتدهني سمنة ولا زيت عادي وشو الأفضل بتزكر مرة شفت أختي عم تدهنو بالسمنة ....^o)

هههههههههه دمشقية ضحكتيني انت وزهورة على هالسمايل يحرق حريشك
ايه والله ربي يفرجها علينا من عنده
صحة عالمشاوي شايفة حتى بهي متفقين
ياريتك قريبة لذوقك كيكاتي عن حق وحقيق مو بس شوف ولا دوق هههههههه
شو هالفطايرات ما شاء الله بيشهوا تسلم الايادي
والله يخليلك جوزك ولا يحرمك منه وشو بدنا بالحكي والله قهوة الرجال طيبة انا كتير بستمتع وقت بكون قاعدة وبتجي القهوة لعندي
سلامة قلبك ما خلصتي لسا من قصة سنانك الله يعينك على هالوجعة والله بتنشف القلب

كاتي يا قمر والله اشتقنالك موووووووووووووووووووووت وشتقنا لاخبارك بس طالما انك تعبانة معلش خليكي مريحة عند اهلك وديري بالك على حالك كتير
وباذن الله بيمرق هالشهر على خير وبتطمني على البيبي تمام
بوسيلنا تالا كتير وسلمي على الاهل وصحة وهنا على ورق العنب بس اعتقد حاجتك خلصتي دوالي الاردن هههههههههههه :D
عم امزح لا تزعلي ان شاء الله مطرح ما يسري يمري

عروسة صحة على ورق العنب والله شهيتوني اعمله عقد ماعم تحكو عنه
كم اخت متزوجة عندك وكلهم بالرياض ولا في حدا منهم بسورية
الله يسلمك وياريتك قريبة متل ما قلت لدمشقية وكان احلى كيك لعيونكم

زهورة صحة على الصفيحة والله يخليكم لبعض انت وكاتي وتعيشي وتلفي ورق عنب:D
خبرينا اجو ضيوفك وشو غديتيهم
وشو اخبار حمودة تعلم على الحمام ولا لسا
انا يوسف لسا بده شوي مرة بيقول وعشرة لا هههههههههه

لؤلؤة الشام0;14987509:
عروسة صحة على ورق العنب والله شهيتوني اعمله عقد ماعم تحكو عنه
كم اخت متزوجة عندك وكلهم بالرياض ولا في حدا منهم بسورية
الله يسلمك وياريتك قريبة متل ما قلت لدمشقية وكان احلى كيك لعيونكم

عئلبك يلا شدي الهمة :thumbs_up:
عندي 4 متزوجات كلن أكبر مني ....... وكمان بالرياض ..

تسلم عيونك ....

مرحبا صبايا




كيفكن
متابعتكن بصمت لوووول






هلأانا عندي سؤال



عملت شاكريه مع رز اليوم عالغدا <<شطوره ماااا

وهلأ مابعرف بيصير بيخلي ياللي فاض منها بالثلاجه يوم او يومين ..؟والا مو منيح منشان الزبادي ..



بستنا ردودكم يا قمرات

يسعد اوقاتكم يارب

اهلين عروسة ابراهيم عوااافي ومية هنا على ورق العنب والله هو طيب مابينشبع منه
واي خليكي واعية وكل قرش بتوفريه انتي الكسبانة وخاصة اذا في بديل بجنن وحلو ... ... هلأ بخصوص اللاب توب والله مانسيتك بس زوجي دوامه اليوم مسائي ولهلأ ما رجع من غير شر بس يجي بسئله من عيوووني
والفطاير مابدهنها شي والله ابدا اللهم بقوي الفرن من فوق و10 دقايق وبشيلهم

لؤلؤة الشام0;14987470:
هههههههههه دمشقية ضحكتيني انت وزهورة على هالسمايل يحرق حريشك
ايه والله ربي يفرجها علينا من عنده
صحة عالمشاوي شايفة حتى بهي متفقين
ياريتك قريبة لذوقك كيكاتي عن حق وحقيق مو بس شوف ولا دوق هههههههه
شو هالفطايرات ما شاء الله بيشهوا تسلم الايادي
والله يخليلك جوزك ولا يحرمك منه وشو بدنا بالحكي والله قهوة الرجال طيبة انا كتير بستمتع وقت بكون قاعدة وبتجي القهوة لعندي
سلامة قلبك ما خلصتي لسا من قصة سنانك الله يعينك على هالوجعة والله بتنشف القلب

ههههههه بس والله هالسمايل حلو كتير يااختي معبببر :D
على قلبك ياقمر تسلميلي والله ..... وهنا وعوافي على قلبك لا تفكري كأني انا والبنات اكلنا والله ...
صدقيني بدي اعملي شي طبق حلو بس والله ماافي حيل اااه من هالاسنان والله مابعرف شو صايرلي عجزت :thumbs_down: كنني على اساس اليوم روح الدكتور ماصحلي ان شالله بكرا ...

تسلمي والله يخليلك زوجك يارب اي والله طيبة ولو انها سايطة ههههه الله لا يحرمنا منهم ولا يحرمهم منا ابداااااا :thumbs_up::D