لمتنا السورية اهلا وسهلا فيكم لشهر جمادى الاول(نيسان) 1432

اهلين زهوورة الامورة اية اخبار واية اكشنات بكفي اللي عم نشوفه بهالتلفزيون والله شي ببكي
والواحد ماله نفس لشي ابداااا ان شالله البيات الشتوي بصيب اللي عم يعملوا هالفتنة ويخرسوا بقى ويكنوووو حسبي الله ونعم الوكيل

ايه والله يادمشقية تيتة خلص اربعينها الله يرحمها ويعوض روحها الجنة ونعيمها
عنجد الايام عم تركض ركض الله يباركلنا بايامنا يارب ويجعل خير اعمالنا خواتيمها
ومعك حق الواحد ماله نفس يساوي شي قاعد كل الوقت عالاخبار يارب تفرجها علينا ويارب يهدي الشعب السوري ويفهموا شو عم يصير حواليهم وما يخلوا حدا يدخل فينا والله اعصابنا تعبت بدنا ترجع سورية عروس معطرة بالياسمين ولابسة بدلة من زهر الفل والزنبق متل ما تعودنا عليها دايما
الله يحميكي يا بلادي وينصرك على كل من عاداكي

عروسة سلامتها قرايبت والله يشفيها ويعافيها ويعافي جميع مرضى المسلمين
ويارب تنبسطي بالسهرة اليوم وتغيري جو

دمشقية بما انك ما بتحبي المقلى بقا انا مارح قلك اني اليوم كنت عاملة مقلى وكتير كان طالع طيب :p:D:o

زهورة نحن متل ما قالتلك دمشقية مو صفيان النا خلق لشي والله حتى الاولاد من اول عم يزنو على ابوهم ياخدهم مشوار بس انا وهو مالنا مراق نطلع ومتوترين من هالاوضاع انت شو اخبارك طمنينا عنك وعن كاتي شتقنالها

اليوم عنا غبار وهوا مو طبيعي صرت ماسحة الكونتر تبع المطبخ اربع مرات وهلق دخلت لقيته مغبر لانه فوقه شباك مع انه مسكر بس عم تدخل الغبرة من طرفه
والارض عم ندعس ونحس كانه في تراب مرشوش على الارض
استغفر الله العظيم كتير الجو سيئ الله يلطف فينا

الله لا اله الا انت استغفرك واتوب اليك
الله لا اله الا انت خلقتني وانا عبدك وانا على عهدك ووعدك ما استطعت اعوذ بك من شر ما صنعت ابوء لك بنعمتك علي وابوء لك بذنبي فاغفر لي فانه لا يغفر الذنوب الا انت

حسبي الله ونعم الوكيل نعم المولى ونعم النصير .....

يسعدلي مساكي لولو ... الحمد لله على كل حال وبيبقى الحي ابقى من الميت والله منعم علينا بنعمة النسيان ... فالله يرحمها
اي والله تعبنا بس الحمد لله على كل حال اللي مكتوب على الجبين بدو تشوفه العين وان شالله ربي بيكرمنا وترجع سوريا متل اول واحسن يااارب

ولله الجو هون كتييير شوب عابقة ورجعت جدة لعادتها ..... والله يعينك على الغبار مافي اغلظ منه والله وانا هيك مابلحئ
وهنا وعافية على المقلى مابشتهييييه ابدا خخخخ .. ياستي عملت اليوم فاصوليا بالزيت نعمة الله مع اني مابحبها كتير بس بعملها لما بكون محتارة
وزوجي كمان بحبها ... بكرا ان شالله فطاير وشوربة عدس

تسلمولي يارب والله أنبسطت كتير أشتهيتكن معي بس راجعة عالبيت دااايخة من النعس

ان لله وان اليه راجعون توفت اليوم خالتي اختها لماما من ابوها بس كانت كتير مقربة من تيتة الله يرحمها حتى كانو ساكنين بنفس البيت وسبحان الله من وقت توفت تيتة تعبت هي بزيادة واليوم ربنا توفاها الله يجعل وفاتها على الايمان
بنات امانة دعواتكم الها بالمغفرة والرحمة من رب العالمين ولماما وخالاتي وولادها واحفادها الصبر والسلوان

يسعد مساكن وايامكن ويارب ما تشوفو شي ردي بحياتكن
اسفة ما عم طل بس والله المشاغل ودراسة الاولاد ومتل ما قالتلكن لؤلؤة اجا خالي عاربعين تيتة والتهينا بجيته
سبحان الله سنة 2011 عم تحمللنا شغلات مو بالحسبان اليوم وبعد اربعين تيتة باسبوع اتوفت خالتي الكبيرة اللهم ارحمها وادخلها الجنة
وما بنقول الا اللهم لا نسألك رد القضاء ولكن نسألك اللطف فيه
المهم اني مشتاقتلكم كلكم بدون ذكر اسماء مشان ما انسى حدا حاكم مخي مو معي بهالايام مشوشة كتير الله يفرجها عالجميع يارب
امانة دعوة من قلبكن للحبيبة بلدي سوريا اللهم انصرها على اعدائها وانصر قائدها الغالي بشار الاسد

يسعد صباحكم يارب
عروسو ابراهيم الله يبسطك دوووم ان شالله ويالله غيرتي جو ...

*************

لولو وشامة الله يصبركم ويرحم ربي خالتكم والمؤمن مبتلى .... الحمد لله على كل حال
سبحان الله يمكن من حزنها على ستكم تعبت وماتت والاعمار اصلا بايد الله ,,,, الله يحسن خاتمتنا ويجعلها على الايمان يارب

شامة الله يقويكي والله ضغوطات هالدنيا مو مخلية حدا بحاله فالحمد لله على كل حال
والله يحميكم ويحمي الشام وسوريا من كل شر يارب

الله يرحمها ويجعل مثواها الجنة .....

اهداء مني الكم اسمعوووه وقولوا راااايكم F:F:

وانا بقول من عندي لو سقط النظام لاااا قدر الله ولا ضل مرفووووع فوق الراس بحبك والله يابشارF:

الله يخليلنا بشااااااااااااااااار وبس مارح يسقط نظامو وكلنا معو بنفديه بروحنا ودمنا .

مشكورة دمشقية عالغنية والله أيمن زبيب ابن أصل ازا ماغلطت بالصوت .....

الدمشقية;14974793:
اهداء مني الكم اسمعوووه وقولوا راااايكم F:F:

وانا بقول من عندي لو سقط النظام لاااا قدر الله ولا ضل مرفووووع فوق الراس بحبك والله يابشارF:

دمشقية اسمك بيحكي عنك دمشقية اصيلة

مساء الخير حبيباتي اسفة كتير لاني ما بفوت كتير هالفترة متل ما قالتلكن زهرة انا عند اهلي الي فترة لحتى اكمل الشهر التالت لانو باخر زيارة للدكتورة كانت المي يلي حوالين الجنين قليلة و هالشغلة ما بدها حركة كتير لهيك لازم راعي حالي هالفترة و اهلي ما عم يقصرو ابدا و ما عم يصحلي افوت رد عليكن اول باول بس اعرفو اني عم تابعكن و اعرف اخباركن اول باول
دمشقية يا عمري كان بودي ما رد لحتى تزوريني و اتشرف بشوفتك بدي جرب غيب اكتر يمكن تعمليها و تيجي ههههههههههه
لؤلؤة و شامية عظم الله اجركم حبيباتي و ان شاء الله خاتمة الاحزان يا رب و خلي معنوياتكن عالية دايما و كلو باجرو و ثوابو ان شاء الله
عروسة ابراهيم ان شاء الله تتهني بجهازك يا رب و عم نستنى الصور و هيدي الفترة احلى فترة قبل العرس لا تضيعي و لا دقيقة منها
شامية للعظم كيفك من زمان ما طليتي علينا كيفك و كيف سالم طمنينا عنك حبيبتي
لولية فكرتك للبيت كتير حلوة احلى شي غرف النوم الكبيرة بتحسي براحة بال مو طبيعية و عقبال ما تشوفي احفادك عم يركضو في البيت الجديد
هند مبروك انو صاحب البيت عم يكمللكم اياه و هيدي اول البوادر و ان شاء الله بنفرح فيكي عن قريب
سورية الله يعينك على غيبة جوزك و على غلبة اطافيلك و الله يعطيكي الف عافية و قلبي معك و الله
زهرة ما نسيتك لاني عم اكل ورق العنب يلي بعتيلي اياه تسلملي الايدين يلي لفهن يا رب كتير طيبين و بستناكي السبت لنتسلى بهالحبسة تبعتي
بنوتة الله يتمملك حملك على خير يا رب و ديري بالك انا و انتي في الهوا سوا هههههههههه قوليلي باي شهر انتي هلأ؟؟
يا ريت يا ريت ما كون نسيت حدا و اذاااااااااااااا نسيت اعذروني بتكون ذاكرتي مكسلة من كتر الراحة ههههههههههههه

آخر تنبيـــــه لعضوات الشات الكريمات

الشات وضع لكم لغرض التحدث في مواضيعكم الإجتماعية و الشخصية و الإنسانية

منتدى عروس عموما...و تجمعات ركن الشات خصوصا.. ليس سياسياً أبدا...

لذلك ...و عليه...يمنع التحدث في المواضيع السياسية أبداً ...سواء بالتأييد أو بالإعتراض

بالأمس كنتوا كلكم إخوات لا يفرقكم شيء...و تتحدثوا في الشات بكل روح محبة و أخوية...

و الآن الشات تحول لنزاع فظيع بين عضوات مؤيدات للنظام السياسي ...و عضوات معارضات...و ليس لهذا السبب وضع الشات...و أصبح ينتفي لسبب وجوده...

و نذكركم أنه ( و لنفس السبب ) تم إغلاق تجمع بنات البحرين و تجمع بنات ليبيا من قبل

لذلك هذا يعتبر آخر تحذير لتجمع بنات سوريـــا

و إن شاء الله يلقى إستجابة منكم...لأنه لو تكررت المخالفة سوف يتم إغلاق التجمع بصورة نهائية

شاكرة لكم تعاونكم...

دخيل الله

اف ياه

نفسي رد على مرموم بس ماحبيت اقطع لكم الشات ويتسكر بسببي بس سبحان الله بيحكو هيك وووووووو خليني ساكتة احسن


انا مارحت التلاتا ولا شفت لا صالة عرس ولا شي وقال السبت يعني بكرا بقا ادعولي بقا والله وضعي والعيشة صايرة مملة ووضعي بالبيت كتير بيقرف اصلا انا هلق عم حاكيكن بالسرقة لانو امي مدري شو صايرلها وبالسرقة جبت بطاقة نت وهلق فاتحته لانها مخبية جهاز الراوتر

ويلي رح تحكي كلمة وحدة او تصف مع امي عنجد رح زعلها وازعل منها لانو ماحدا عايش معي ولاحدا بيعرف شو في

مشان الجهاز صحيح انتو عم تقولو انو مالو طعمة بس البنت بتشتهي وخاصة العروس الف شي بيلزمها مشان هيك عم فكر اشتغل بدي اعمل علب وبعيون بقا يلي عنها افكار لاشياء يدوية او شي صورة علبة حلوة تبعتها الي

دمشقية صالة اولد هاوس صار فيها عرس الكبيرة اخت لخطيبي وماحبيتها هههههههه مدري لانو هي عملت عرسها فيها غرين هاوس مو شايفتها

عروسة حابة يكون عرسي ب7/7 بس في كم صالة قالولي عنهم حلوين اتصلت لشوف قال كلون محجوزين ب7/7

مو مشكلة المهم بقا احجز ولحتا اتعكر اكتر امه المصون رايحة بكرا معنا طبعا على اساس خطيبي رح يقلها انو بدو ياخدني معون يعني رح تاخدني معها بالمعية وهي الكل بالكل
يقطع عمر الحموات الحشريات يخرب زوقها من الزوق هي ماترضى تروح مو تقلو عم دورلك على صالة يمكن ياحرام مفكرة حالها العروس

وانا ساكتة بس لانو بدها تدفع ااما لو مابدها وخطيبي معو ماكانت تحلم انو تروح بقا الله يعيني على روحتها وخاصة انو انا ناوية اعمل تعديلات عالصالة وبكرا كل ما حكيت كلمة رح تطلعي وتنطلي اف منها يا

وسلام لكل البنوتات بنت الشام ولؤلؤة وكاتي وزهورة كلكن كلكن

يلا بنات سلام ادعولي