سنع12ات و لا احلى ,, ببيت جمادى الاولى

خلود..شكلك تردين علينا من الاي فون.. صح؟

فجر الاحساس والطببه اخباركم جميعااا كنت اطل عليكم بسرعه واتمتع بيوميتتكم جعلي مااذوق حزنكم يارب اليوم رابحه عمتي نعشي بنتهااا وحلفت الا تنامون عندي وطبعاا مامعي غيار الا لبنتي بسسس وولدي لا فكلمت زوجي وقال علي راحتكم لان من زمان عن شوفه اهلي والطلعه جزاه الله خير بس للاسف بنتي نكدت علي حراره وحاله ،،خلوود مبروووووك الاي فون يالله هاتي الاي دي تبعك ههههههه اخيرت لقيت ايفونييه تبعي،،،

خلود بالعكس الاي فون عند اهلي واهل زوجي انتشر بشكل اعوذ بالله...

روز
صادزه من الاي فون بس يرفع الضغط موب مثل اللاب

خيط من حرير

وشو وشو وش تبين تراني مابعد دبرت فيه شي اصبري علي

الين احمل البلاوي والبرامج حقته

وانا أشوف في اللي حولي البلاك بيري منتشر مره كل خواتي وبنات خالي وعماني

صباح الخير

صباح الازعاااااااااااااااااااج

صباح القلق

الله يصلحكـ ياريووون ماتهنيت بالنومه بهـ العطله

كل يوم صاحي من صباح الله خير .. واذا شافني نايمه تشيطن

ويطير عني النوم بطرق غريبه !!

وكل باقي اليوم ادف نفسي دف ع الشغل لان نفسي بالنوم بس مايخليني :(

لي عوده باليوميات

يومياتكم حلوه وفيها أكثن =)

بيتي الحمد لله نظيف لأني طلبت زوجي يجيب حرمه تنظف الغبرة قبل لا أجي عشان الحساسية
وما قصر جابها ونظفت الحمد لله الله يجزاها خير
وأنا بدأت أنظف البيت كمان حبه حبه لازم أعيد ع التظيف عشان أرتاح أكثر

يوم الجمعة يقالكم نطلع نتمشى !!!!!! زحمة موووووووت جده ما تندخل هالأيام والله ما رجعت البيت إلا وراسي مصدع وعيالي طفشو
وقلت خلاص ماراح أطلع إلا بعد ما تخلص الإجازة ويخفون العالم شوي

يوم السبت نظفت الحمام عميييق روشته ترويش من قلب
وأمس الأحد بدأت في غرفة النوم والمخزن بس ما كملت أشغلوني عيالي

اليوم ناويه على
المدخل وباب الشقة
وأنظف الثلاجة
وأكنس
وابخر >> فرحانه بالبخور الجديد مبسوس شريته من حامل المسك
وكمان أطبخ الغداء


---------------------------------------------

على طاري موضوع الزوج عند أهله رغم أنكم قلتو نسكر ع السالفة
بس بخبركم بوضعنا زوجي يعاملني مثل أخواته مصافحه وكلام عادي ولو كنا لوحدنا في غرفة ما يخلو من بعض الكلمات والحركات
لكن المشكلة لما نسافر مع أهله ونسكن في بيت واحد .. مستحييييل ينام معي في غرفة وحده عكس أخوانه
تخيلو أنام مع أخواته خخخخخخخخ
بس كذا مرتاحه لأني جمعتي معهم مو كثير .. غالباً لما يسافرون ما أجلس معهم ببيتهم على طول أروح لأهلي
أريح وأرتااح

------------------

همس \
منزل مبارك يا رب عقبالي =)

خلود \
مبروك الأي فون تتهني فيه .. و أحس شغلته طويله عريضة

شذو \
يرجع أبوكم بالسلامة
والله يخلي لك خليفة أبوه وتشوفين عياله وأنتي بصحة وسلامة

أنوثه \
تروحين وترجعين بالسلامة

الباقين \
الله يقويكم ويسعد أيامكم


يالله بقوم أشف شغلي ما عندي وقت قبل يقومون عيالي
وموقته الجوال على 9 ونص عشان أبدأ الهجوووم ع البيت

كوامن الليل;14911169:



---------------------------------------------

على طاري موضوع الزوج عند أهله رغم أنكم قلتو نسكر ع السالفة
بس بخبركم بوضعنا زوجي يعاملني مثل أخواته مصافحه وكلام عادي ولو كنا لوحدنا في غرفة ما يخلو من بعض الكلمات والحركات
لكن المشكلة لما نسافر مع أهله ونسكن في بيت واحد .. مستحييييل ينام معي في غرفة وحده عكس أخوانه
تخيلو أنام مع أخواته خخخخخخخخ
بس كذا مرتاحه لأني جمعتي معهم مو كثير .. غالباً لما يسافرون ما أجلس معهم ببيتهم على طول أروح لأهلي
أريح وأرتااح

------------------

صباح المساء ..

اخباركم..
__________________
يومياتي..

البارح..وش اخر شي كتبته!!!!!:042:ما اذكر!!

المهم اني سهرت شوي..جا زوجي من برا وسويت لنا بيزا سريعة..

وغسلت المواعين..ونمت..

اليوم..قمت ثمان وربع.. قومت الاميرات ونزلنا افطرو ولبسو و و و..

والمشكله ان الصغيرة قايمه معنا!!

غيرت لها..وعطيتها رضع يانسون.. وشغلت لها الـTV وطلعنا من دون ما تحس..

دخلت بناتي المرسة ودفعت حق اللنش.. ورجعت للبيت..

رتبت المطبخ وغسلت مواعين الفطور <<صحن وكاسين وملعقة..

رتبت المقلط.. وسويت لي كوبتشينو..:010:روقت عليه..

ثم عالعشر قومت زوجي.. ورتبت غرفة بناتي.. ثم رتبت غرفتي.. وفتحت الشباك..

ونزلت اسوي قهوة زوجي.. و روفة مسكت معها هوت شوكلت!!:C:

عطيتها كوب وورم شوكلت.. وزوجي عطيته بلاك كوفي وساندويتش..

وكنست المقلط والكونسيرفتي.. وكنست تحت كنب الكونسيرفتي..العنكبوت معشش فيه!!

لمعت طاوله الاكل.. و شيكت عالمطبخ..

وفتحت الماسن وسولفت مع اختي..

وقطو..

السلام عليكم

أخباركم

عروس نجديه

عطي بنتك حبه سودا مع عسل يقوي مناعتها

الله يشفيها

ويعينكم علي إخوانكم أعوذ بالله شر

عيني عالساعة.. انتظرها تمشي عشان امشي..

وبنتي عندي تلعب بعروستها..تفغصها لين تصيح

ثم تطبطب عليها وتقول: حلاس حلاس..

ثم تفغصها اخرى وتصفقها بالرضاعة..<< تجرح وتداوي..

و ودي اسوي شي اغسل ملابس والا اكوييييي.. صح ذكرت عندي كوي!!

ليتني ذاكرته بدري..

ودي اسولف........!!

ايه ذكرت.. بستشيركم.. وخصوصا انتي يا ام احلا بنية..

زوجي امس قعد يسولف علي ..

قال: اليوم شفت فلان..الليبي اللي كنت اشوفه بالمكتبة..وسلمت عليه وقلت وينك ماعاد شفتك..

وقال انه انشغل شوي مع زوجته ولدت وجابت بنت..

طبعا زوجي كلمه لازم يقولها لكل من يقابله: سيرو علينا..

قال الرجال: انتم اللي تعالو زورونا عندنا مولوده جديدة..

فزوجي اقترح علي اننا نزورهم واكون مسويه معي عشى ..بالاضافة الى الهدايا..

وش رايكم ؟!!!

وحده ما عمري شفتها ولا حتى اعرف اسمها!!! وزوجي معرفته لزوجها سطحية جدددددا..

واول ما اروح لها ادخل عليها بعشى!!!!!!!!!!

ام احلا بنية..بصفتك ليبية مثلها..وش رايك..عادي..والا بتشوف كاننا نتصدق عليها!!!!

طبعا زوجي يقول بكيفك..اذا تحبين تروحين..و يجيك اجر..

انا حبيت الليبيات وحابه اتعرف عليهم وجها لوجه..

لكن بنفس الوقت مستحية واخاف ااذيها تقعد تخترش وتظف بيتها وهي توها نفاس!!!

وش رايكم..اروح او لا.. واذا رحت وش اسوي معي..

خوخه
مشكوره ع الوصفه بس موكأنها صغيره ع العسل والحبه السودا
اما خواني من ابوي خلااااااااااااص انا بالذات ماعاد اتحمل اكثر من كذا الله يصلح الحال
على فكره مبروك الايفون بس غريبه رخيص انا شريته قبل شهر ب3500 !!!!!!!!!!!!

روز
روحي فيها الأجر واحتسبي شيئين
ادخال الفرح لقلب مسلم
زيارة مريض والملائكه بإذن الله تستغفر لك وتقول طبت وطاب ممشاك
وصدقيني ماراح تتكلف لك لانك عارفه انها والده
بس انا اقترح عليك تأخذي رقمها وتكلميها قبل تروحين افضل عشان تتطمن وماتتكلف ولاتسوي عشاء لاني متأكده انها راح ترتاح لك من كلامك العسل وتحبك زي ماحبيناك
وعلمينا وش تقول
بالتوفيق



مرت ولد اختي جايه تزور امي بس مانزلت وزعلت امي تقول انتي قلبك صاير اسود وانا والله الشاهد مو قصدي بس بنتي ماعليها الا بربتوز عشان حرارتها واعرفها بس تنقد
يارب نطلع من هالبيت ونفتك من قربهم وحشرتهم بالصغيره والكبيره
الله يالدنيا من متى يجون ويسلمون ويتصلون احس وراهم بلاء استغفر الله

رجعت بيتي نيمت بنتي ومسكت المطبخ فيه مواعيين عقب امس العصر قهوه وشاي وحوستهم غسلتهم وفوطتهم ودخلتهم الدروج وشبيت علي ترمس قهوه وشاي وعطيته زوجي الله يحفضه وراح وسويت سمبوسه وشوربه وبوديها العشا معي لام زوجي مسكينه،الحين بقوم امسح البيت واجهز لي جلابيه خفيفه واتروش علي بال ماتصحي بنتي فيها حراره ياحياتي الله يخليها لي هي واخوهاا فتوكم بعافيه ...
روز انا اقول دقي عليها وشوفي وسوي طبخه وشوكيلت معك وقهوتك والله بتفرح ..
خلود الاي دي هذا ياطويله العمر الرقم الي زي البيبي بالمسن اذا فهمتي عليه خبريني نتواصل...

يالله هـ الاسبوع بطيئ بشكل

مادري لاني حاسه اني بالحالي بالرياض خخخ لان اهلي واهل زوجي مسافرين

مع ان زوجي كل يوم يطلعناا .. الله يجزاه خير ويخليه لنااا..

...

يومياتي

يوم الاثنين ..

قمت الساعه 5ونص سويت قهوه لزوجي وفطور

وكويت له ثوب وشماغ وراه لدوامه ..

وشبيت على قهوه ثانيه لابو زوجي وسويت له فطور ونزلته

يوم رقيت لقيت ريان يتحراني يالله ذبحني هـ الولد اسهره ولا مااسهره ماشاء الله عليه لازم يقوم يا سبع او ثمان

عطيت ريوون فطوره ورحت ابنام اشوي .. بس ماخلاني اقلقني

واقلق اخوه قفلت الغرفه على اخوه

وجبت لي فطور وجلست ع النت

يوم صارت 10 رتبت البيت ع السريع وخاصه غرفة عيالي وشلت الملابس من المنشر

وصفطتهاا وع الدولاب وجمعت الملابس الوسخه بشبكـ الغسيل

وكويت ملابس زوجي الداخليه والثيات حطيتها بكيس بيوديهاا الكواي مالي خلق لهاا

رحت شبيت على غداي يمكن وحده واتصل زوجي

قالي سوي لبوي سلطه قطعتها ونزلتهاا طياره
يوم رتبتهاا بصينه سمعته دخل غرفته بيناااااااام

ضاق صدري دقيت على زوجي وقلت له قال ان اخوه يقول بيتغدا بعد صلاة العصر

كملت الغدا

ونزلت غدا اخوه رز ودجاج وسلطة حطيت معها بطاطس مقلي وصحن صغير دقوس

ورقيت جهزت غدانا وجاء زوجي وتغدينااا

ونام ريوون وانا رحت اصلي العصر وتمددت ع السرير

مادريت الا زوجي جاي من الصلاة قالي سويتي قهوه لبوي <<هو متعود يتقهوى بعد الصلاة

قلت يوه ماذكرتني بعدين هو اللحين بتغدا خلني ارتاح اشوي

سكت ونزل تحت

انا ضاق صدري وقحصت من فراشي ودقيت عليه قلت له تراي شبيت عليهاا قال خلاص انا جالس اسويهاا تحت <زعل

انا قلت بكيفه وجلست اغسل مواعين الغداء

دق علي وقال نزلي صحن فصفص ( اللي يجي مفتح )

قلت اوكي غيرت ولبست جلالي ونزلت عطيته اياه وتفشلت يوم شفته ع الفرن يسوي قهوه

وجمعت المواعين وقعدت اغسلهاا

واعتذرت منه .. ورقيت

كملت مواعيني ..

ورقى زوجي ونام هو وصلووح .. وانا جلست ع النت ماجاني نوم

بعد العشاء طلعناا ورحنا سوق الجوالات وغلف جواله زوجي توه شاري اي فون وشرى له كفر

قلت له نبي شورماا من ماما نوره ورحنا واخذنا منهم بس انواع الزحمه واخرتهاا الحمد لله والشكر ماعجبتني

رجعنا ونمنا وصلوحي مصحصح وتنبهت الساعه 4 بشي تحت رجليني

وافز واثره صلوح اسم الله عليه نايم عند رجوليني ربي ستر عليه ماطاح من السرير

حطيته بفراشه و رجعت نمت وصحيت 6 شبيت على قهوتي وصليت وكويت لزوجي شماغه

وسويت فطور وقهوه لابوه وافطر وتقهوى ونزل فطور ابوه معه <<اختصر علي

رجعت نمت وتنبهت بريون فوق راسي انواع الحركات البهلاونيه حتى المروحه ماسلمت منه

جايب مركى وحاط فوق المروحه سيارت وشغالهااا ويضحك عليها اذا طاحت

وبدا يسوي حركات حول يطب على اخوه قمت وطلعته وقفلت الباب على اخوه وكملت نومتي بالصاله

بعد ماعطيته فطوره وشغلت له يوتيوب نقي افلام كرتوون

بس انواع الازعاج اخر شي استسلمت وقمت وسويت فطور وصحى صلوح وافطرناا

وقمت على البيت قومه نفضت غرفتي وغيرت مفرشي ومسحتها ومسحت مرايه التسريحه فيها طبعات يدين عيالي

ومسحت السراميك وعطرتها وسكرتها

رحت لصاله وقلبت الجلسه وكنست اللي تحتتها ومسحته ورجعته ومسحت الباقي بمويه مخلوطه بالعملاق

وطلعت ريحت البيت منعششه ومسحت الديكورات والمغاسل والمدخل والارفف

وحطيت مناشف بالغساله

دخلت المطبخ وشبيت على الغدا رز بشاور وسلطه

جهز الغدا الساعه 2 نزلت الغدا ولقيت خالي توه جاي ( ابو زوجي ) قلت تراي جهزت الغدا

قالي وشوله تكلفين يام ريان . قلت له مهنا كلافه واستحيت خخخخ

انكبت غدانا وقصدرته وسلطه غلفته وجمعت المواعين بالمجلى ومسحت الكونترات

يوم صارت 3 جاء زوجي حطيت الغدا وتغدينااا ونام ريون ودخل زوجي ينام لين يقيم للصلاة ( ماحب هـ الحركه يتعبني ماقام )

ظفيت الغداء وشبيت ع القهوه والشاي وجلست اغسل بالمواعين لين اقام للصلاة

رحت اقوم زوجي ورجعت ازل القهوه وجهزتهاا هي وشاهي مر لزوجي

قام زوجي واخذها ونزل بهاا تحت

وانا رحت وصليت ولبست ونزلت وجلست اغسل المواعين اللي تحت ( الله يعظم اجري ) خخخخ

طلع ابوه واخوه وقالي زوجي وش رايكـ نطلع قلت اوكي

طلعناا وجبناا ثياب ززوجي من الخياط وامطرت مطر سبحان الله احس المطر يغسل هـ الغبرات اللي بالرياض خخخ

على قولت زوجي سحابة صيف

رجعنا للبيت وزوجي اخذ ريون واحوو لبيت اجداده

وانا صليت المغرب وجبت قهوتي وشوكلت وتقويت انا وصلحي وانواع الهواش الله يصلحه صاير عله وعنييد

وقعدت اكلم اختي تقولي الموجز حق اجتماع خالاتي بالقصيم

مادريت الا صلوح متسبح جايب كرسي وفاتح المغسله وغسل لين ربص ملابسه

نزلته وكفخته على خفيف خخخ وغيرت له

وووبس

تعبت من الكتابه خخخ من زمان ماكتبت شي!!

عروس نجديه

بنتك تسنن .. عطيهاا صعوط وان شاء الله تطييب

اذا ماتعرفين مقاديره اعلمكـ

...

روز

مثل ماقالو البنات دقي عليهاا قبل وسلمي وجسي النبض خخخ
واحتسبي الاجر اولن واخرن

..

خلود

مبروكـ الاي فون .. زوجي معه واحد قبل كم يوم مستلمه وكل اشوي اقوله عطني اياه ونبش فيه خخخخ
انا معي سوني اركسون تتش بس ممل عاد زوجي يقول ابجيب لك واحد بس خليهاا تيسر

..

البقيه قواااااااكم الله

فمان الله...

بنات ما عندكم طريقه انزل فيهاا الدوره

طقت كبدي احتريهاا لي شهر ونص:(

دفا الثلج.. استمتعت بيومياتك..

حبي لي ريون اسم الله على قلبه.. اما المروحة ههههههه

زين ما انفلقتي بسيارة عالطاير..



يعني اطبخ عشى للحرمة ؟!! والا اكتفي بقهوة وشاي ؟!!<< هذا اللي محيرني..

اانا اقول اطبخي عشاء وجبي قهوه وشاي يعني كل شي سويه انتي مو تبين الاجر والحرمه نفاس

وسوي كيكه التمر وغلفيها وخذيها معك واتصلي عليها وقوليلهاا لاتسوين ولاشي كلشي جاهز وبيجيبه معي طبعا مع هديه المولود

والله يكتبلك حسنات كالجبال بروحتك لها

السلام عليكم ورحمة الله وبركاته

اخباركم صبايا واخبار اولادكم انشاء اله تكونوا بالف خير

حبيت اسلم عليكم واطمنكم انى ولدت وجبت بنوته وسميتها غلا

والحين انا عند اهلى تحياتى للجميع معليش ماقريت اخباركم لانى تعبانه اشوفكم على الف خير