سنع12ات و لا احلى ,, ببيت جمادى الاولى

خلود
يااااااااااااااااااالله قطعت قلبي سالفتهم والعجوز مابقي فيها حيل
لتربية هالصغار تقوم بهم امهم الله لا يهينها
والا يتزوج ابوهم ناس عقلياتهم مقفله
الشرهه على الام ماراح ضحيتهم الا هالبراءه
............................
روحي تحبك
مشكوره عالدعوات الله يسعدك.
...........................
كوامن ليل
الحمد لله على سلامة الاسفار كان جلستي لين تنتهي العطله.
...........................

مساء النشاط والحيوية..

وريحة النظافة القوية..

والدجاجة المشوية..<< وش تبي ذي!!!!
__________________

يومياتي..

امس ما سويت اي شي في البيت..حتى المواعين ما لمستها.. اصلا مو من كثرها..

فاليوم.. شبعت نوووووم..ما فيه مدرسة سعودية.. :03:ولا ورانا طلعة..

سحبتها اليييين حدعش ونص..قمت فايقه..ورايقة.. ودخلت المطبخ..

وركبت على القهوة.. وكانت نيّة شوي..قمت حمستها بالابريق..قبل اصب عليها الماء..

وغفلت عنها واحترقت..:worn_out:

سكرت باب المطبخ بسرعة..وشلت الابريق وطلعته برا.. وفتحت الشبابيك..وشغلت الهواية على اعلا شي..

كبيت الحثل المحترق.. و غسلت الابريق.. وحطيت قهوة ثانية.. ووقفت عليها لين ظبطت.. وصبيت عليها الموية..:ok:

ثم مسحت الكاونتر بديتول..وكنست الارضيه ابي امسحها قبل يقوم زوجي على ريح الحرق..

بس سبقني:01: عطيته بلاك كوفي..مع بسكوت.. ورجعت لمطبخي.. سويت فول..

وزليت قهوتي..و رتبت المقلط والمجلس.. وبخرت البيت بمعمول.. وركزت عالمطبخ اكثر شي..

ثم خذت قهوتي ورحت للكونسيرفتي..الجو رهيييييب.. وبناتي يلعبون بالباك يارد..

وانا اتقهوى وابربر مع بعلي..

ثم قمت وكنست المجلس والسيب والمقلط.. ورجعت اكمل تفنجل..

همين..سخنت الفول.. وقليت بيض..وافطرنا وعينا خير..

سويت شاي لقوزي..وطلع به للمكتبة..الله يوفقه ولا يظيع له تعب يا رب..

وانا ..شمرت عن ساعداي.. غسلت المواعين.. وبخيت مستر مصل عالفرن..

ومن جوا الفرن بخيت فيري.. ثم مسحت الدواليب بمناديل فلاش..

ثم رجعت للفرن فرك ومسح..فرك ومسح.. وما اعجبتني نتيجة تنظيف باب الفرن..

قمت وجبت السكروب..وفكيت القزازة<<اول مره بحياتي اسويها:hysterical:

وبخيت القزازه بفيري..خليتهاشوي..ثم فركتها ولمعتها ورجعتها مكانها بعد ما نظفت الباب من جوا..

ثم خذت معي حثل قهوتي..ورقيت تروشت وتصنفرت مظبوط..

ثم لبست تي شيرت ابيض علية رسومات مدري شلونها!! باهته.. وجينز رصاصي فاتح..

حطيت مني كير احمر<< يوم قربت اغسل!!!!!!!!

وخليت شعراتي كيرلي.. ونزلت..كروشت شوي.. ثم كلت مع بناتي شيبس..:079:

ورهف الكحة مشرقتها.. حطيت عندها علبه فيها موية حاه مع فقس..وارتاحت على ريحتها وبخارها..

همييييين.. دخلت المطبخ مدري وش اطبخ!!!!:042:

تبلت الدجاجه بتتبيلة ابو جوري.. وبدل ما اشويها بالفرن.. حطيتها بقدر الظغط بعد ما كشنت لها بصل<< اختراع وش وراي!!

وحطيت بالفرن بطاطس..بسوي جاكو بوتيتو.. وبسلق رز..وبس..

الحين احدثكم من المطبخ..واقفه..والجهاز عالكاونتر.. رايقه..وفايقة.. الله لا يغير علي..

وقطو..

خلود.. ماشاء الله على اختك.. سميتي؟

اكثر وحدة عجبتني " لحظة سقوط" مع ان الاضائة ما كانت من صالح اللقطة..

اما رجل المولود..واااي ابي اعظها.. بسم الله عليه ماشاء الله..

اما السالفة اللي قلتيها.. هالعجوز ما عندها عُود يوقفها عند حدها..

والابو شكله يبيها من الله ما صدق افتك منها!!!!!!!

شذو.. الله يعقل عليكم ابوكم.. ويرده لكم سالم غانم..

استودعيه الله كل يوم وكل ليله..لا تنسين..ان الله خير الحافظين..

البقية.. لكم سلامي واحترامي..

يااااي عالركود.. قلنا معطلين بس مو لهالدرجة!!!!


عندي واجب مابعد حليته.. متعيجزة..

وابي اجهز اليونيفورم حق بناتي.. واللنش بكس..

و رهف بعد تبي تجهيز ملابس.. مدري شلبسها بكره!! اخر يوم لها بالنيرسري..

الحين الساعة حدعش الا ربع..زوجي ما بعد رجع من المكتبة.. وبناتي نايمات..

ورهف الكحة ما خلتها تتهنى بنومتها.. والحمد لله اليوم تقشرت اثار طيحتها من السرير..

كنت شايله هم منها لا يقولون شي بالمدرسة..<< حقوق الطفل وشلتها..

بقوم اشوف دوسي اصرف..

مساء آلخ ـــير..

.. مبروووك الملف خساره كنت مجهزة مقدمه وارسلتها لانوثه بس شكلها سبقتني جوجو ياللا مره ثانيه ان شاءالله.
يومياتي الاحد الماضي
صحيت 1ونص الظهر غيرت لعيالي وعطيتهم حليب بشوكولاته وبديت الفطور كان باقي من امس لحم مفروم مكشن فقشت عليه بيض
وسيحت عليه جبن مثلث
وطلع روووعه مع كاسات شاهي
افطرت انا وعيالي وغلفت لابو الشباب بصحن ولبستهم واخذت دووش
ولبست قام زوجي افطر وتابعنا وصال وطلعنا لاهلي
كانت امي تعبانه ياقلبي المهم رتبت انا واختي البيت
وعزمنا اخوي على بروستد ومقبلات تعشينا ورجعت 12ونص نومت الشباب ونمت متاخره امكن 2ونص
....
اليوم(الاثنين)
صحيت الفجر 6وربع صحيت ولدي ولبسته واستودعته وطلع ونمت 8ونص
وقمت 11ونص رحت باخذ دفعه غسيل من امس لقيت ريحتها خايسه خساره حطيت عليها صابون الزير يعطرها وشغلت الغساله ورحت طلعت دجاج وفتحت لولدي
ودخلنا ننام بعد الصلاه وقمت 1ونص
افطرنا فواكه وزبادي وخبز
والساعه 3جاء زوجي جايب معه غداء الله يخليه لنا تاخر مره الله يستر عليه ويرزقه النقل ياااااارب دخل يقيل وانا تصفحت نت
وتابعت وصال ودخلت الدجاج وقام زوجي تغدينا ولبست العيال ولبست واخذت لي كوب شاهي اخضروطلعنا نختار قيشاني للمطبخ
والعيال معنا ماااقدرنا نشوف شي الله يصلحهم
كنت بحطهم عند امي بس تعبانه
علطووول رجووع للببيت وقبله البقاله خخخخ
مشتهيه ليز ليمون وفلفل وشكولاتات وبيره وهيك هههه اختارولي وانا بالسياره ورجعنا تقهوينا ونقنقنا
مع خلطه الزبادي للشيبس يممممي..
وصمت وحطيت مناكير احمررر تطقيم مع قميصي الروز خخخخخ وشغلت الفواحه وعطرت البيت والعشاء طلعت عندي موعد ولازم صيام 4ساعات قبل التحليل وصلت 9قالو باقي ساعه روحي
وتعالي بكرا ورجعنا مرينا هرفي اخذنا وجبات وتشيز كيك كرز يم يم ورجعنا تعشينافرغت الزبايل وعبيت علبه الصابون السايل من الجيك الكبيروغسلت حمام الرجال وغسلت زبالته بديتول وطلعت الملابس عالمجفف وحطيت بدله ولدي ونسيت اطلع المناديل من جيوبه وصار البدله منقطه بيضاء وهي عنابي قهر
المهم دخلت العيال ونومتهم وقمت طلعت البدله عالمجفف وطلعت الملابس بكرا ارتبها بالدولاب
هذا الرد كاتبته الاسبوع الماضي وحافظته
الايام الللي بعدها روتين يومي نسيت وش سويت المهم خلال هالايام الثلاثاء نظفت غرفتي مضبوووط وكنستها وبخرتها والاربعاءعزمت ابوي واخوي كانواهلي طالعين وجو تعشو عندنا وقبل نظفت قسم الرجال ومسحت الممر بداك وغسلت الحمام والمغاسل وبخرت
وبعده قمت على المطبخ غسيل مواعين وتمسيح وترتيب والخميس طلعت لحمولتي مسوين حفله عن الام روووعه وكانت مفاجئه لي ولكل الامهات
عيالي اهدولي هديه طبعا البنات القايمات بالحفله منسقين مع زوجي وجاب هديه باسم عيالي ياحبي لهم
وقدمها لي ولدي قدام الحضور وه بس ياقليبي
وكل الحاظرات قدمولهم عيالهم وبناتهم هدايا
صراااحه كانت الحفله تجننننن ابتدو بقران واناشيد عن الام وكلمات وتوزيعات وبالاخير تووووووووورته كبيره وترمس عصير مقدم للجميع
انبسطنا مررره تعشينا ورجعنا 2وشوي..
الجمعه صحيت 11 رضعت الصغير وسويت الشاهي والقهوه
والغداء سويت ساندويشات فاهيتا دجاج
وخيار وطماط المغرب غسلت الحمام بالعملاق وغسلت المواعين وطلعت لاهلي صارو رايحين لجدتي ورحت لجدتي ورجعت 10 ونص معهم وتعشينا ورجعت بيتي 2
السبت عزيمه عند حمولتي افطرنا متاخرين
فاصوليا حمراء وبيض ومخلل
ولبسنا واخذت قهوتي ورحنا ورجعنا 2 ونص
نومت العيال ونمت
اليوم صحيت 9رضعت ولدي ورجعت نمت وقمت 1ونص سويت ايدام خضار وغسلت المواعين
تغدينا وضفيت السفره وورحت اتسدح مع والصغير بغرفتي المغرب قمت شبيت على القهوه وصليت
وجاء زوجي تقوينا وطلعو هو والعيال رتبت الغرفه بسرررعه وكنست وغيرت للصغير ورضعته وعطيته
خافض ونومته رجعو كملنا قهوه وكلمت ماما وحطيت ملابسي بالغساله وسويت العشاء (مصقعه باذنجان باللحم المفروم +ورز ابيض وسلطه)
تعشينا وقلت لزوجي يطلع شنط الصيف
فرغت الشنط بالدولاب وصفيت الشتوي بشنطه بقى الثانيه الله يعين قام الصغير وتقطع شغلي
لي رجعه بعد مااغلق شغلي لهاليوم
....
همس منزل مبارك عليكم الله يهنيكم
شذى الله يرجع بعلك بالسلامه سليم من كل مكروه ويقرعينك فيه .
الباقين لكم ارق تحيه. وعسى ربي يحقق امانيكم ويحفظكم من كل مكروه

ودكم تردحون عالخفيف >>خخخخ

[YOUTUBE]2l1-omUMmCk[/YOUTUBE]

دانه بقلبه
انا معاملتي لزوجي قدام اهله وهو كذلك رسميه جدااااااااا
لدرجة احيانا احقد من هالمعامله
بس الحمد لله احسها من صالحي
عكس المجتمع اللي هم عايشينه!!!
هو تقريبا الوحيد واخوه الكبير اللي يعاملون زوجاتهم برسميه
اما البقيه فالينها لو ماينادي زوجته في العزيمه كم مره ماتهنى..!!
على أيه ؟ماادري؟
وخلاص كبرو عيالهم ماشاء الله كبرهم
واحس فعلا اخوات زوجي يكرهون هالشي
ودايم ينصحون زوجي يعاملني زين >>خخخخخ
طبعا عشانه يعاملني برسميه لااكثر ولا اقل
فهم يحسبون حساب شي ثاني
والحياء شعبه من شعب الإيمان بس من يفهم؟؟؟
...................................

عندما يهجر النوم جفوني والناس بنومها هانئه
يتدفق نبع عيناي بنهر دموعي و اتخبط بين جدارن السراب
شعرت بقربك ياربي فاغمضت عينيا لاستبدل انفاس القلق براحة البال

يسعد صباحكم حبيباتي

هههههههههههههههههههههههههه ضحكتيني يومياتك اكشن على حماس يا انثى تروحو وتيجو بالسلامه انشالله وانبسطي ولا تشيلي هم اي حاجه


خلود ياقلبي على الدخله على غفله هههههههههههههههه منجد مقلب بس اكويس حسبتي حسابك شطوره

صباح الخير..

لفت انتباهي المباااااالغة عند بعض البنات في المعاملة الرسمية لأزواجهم قدام اهلهم!!!!

ما ينام معها!!!!!! وليه ان شاء الله!!!!!!!!

الله يكون بعونك يا دانه.. عرفت ليه كنتي تتعبين نفسيا..

خير الامور الوسط.. لا يتغزل فيني قدامهم..ولا يمسك يديني.. والسلام مصافح..

لكن يقعد جنبي عادي..مثل ما يقعد جنب اخته..

ويسولف معي عادي..مثل ما يسولف مع اخته..

يعني كاني اخته تماما..ما عدا السلام.. بس مصافح..

لكن انه يكون كانه ما يعرفني!! خير ان شاء الله..بنت الجيران على غفلة!!!!!!!!

بتقولون لاحقه اذا رحتو لبيتكم سولفو والزقو ببعض..

اقول لكم وش فيها ؟!!! حرام والا اجرام ؟!!!

كيف خواته يتصرفون معه انا اتصرف..

لأني لو كان يعاملني بجفاء زايد قدامهم ..بكره الروحه لهم وبحقد عليه طول العطله اللي المفروض تكون تجديد نشاط وانتعاش..

وبعدين للي ما جربت..ترا الشي لما تسوينه في بيتكم..يكون عادي جدا..

لكن لما تسوينه في مكان عام..يكون له طعم غيييير.. يدغدغ مشاعر ركدت من بعد الزواج..

مشاعر كنتي تحسينها ايام الملكة.. خجل مع سعادة..

ما راح احرم نفسي هالشعور عشان خاطر وحده ثقيلة!!

يعني لا تنقدون على اللي يناديهم زوجهم كل شوي.. وخليهم بحالهم..

هم عارفين وش يحسون فيه ومبسوطين منه..

طبعا انا اقول وجهة نظري...لكني مش منهم..لكني فاهمتهم..

حتى اللي يمسك يد زوجته بالسوق.. انا ما اشوف فيها شي..

وكثييير ينقدون عليهم.. وش عليكم منهم!! الله يهنيهم..

خليكم بحالكم.. وخلوهم بحالهم..

لازم نبدأ نغير ثقافة التدخل بشؤن الاخرين..وانتقادهم..

ويسير مثلنا: كلٍ ينام على الجنب اللي يريحه..

:093:

شريت أي فون 4