تجمع حوامل وامهات قطر لشهر جمادى الاولى لعام 1432ه؛ الموافق لشهر ابريل لعام 2011

النظرة الخجولة: ان شاءالله مايصيده شئ

ام حمني: بقولج عن نظامي مع اختي الصغيرة لما تسافر امي وتخليها عندي

مدرستها الساعة 8

اقعد 6ونص اتسبح وابدل وقعدها 7 تلبس وتجهز وتروح والمدرسة قريبة من البيت

ترجع هي قبلي على الثنتين وثلت تبدل وتتغدا وترتاح وطالع التلفزيون .. عقب تتسبح
لما ارجع من الدوام اتغدا 4وارتاح وابتدي معاها من 5 ونص لي 7 ادرسها ونحل الواجبات وعلى السبع ونص تتعشا والساعة 8 وربع هي في سريرها .. لازم تنام بدري لانها ماتشبع نوم .. وعقب ارقد ولدي وعقب اقعد ساعة ونص او ساعتين مع زوجي نطالع التلفزيون ونام

بس اكيد مافي مجال نسوي اي شئ ثاني

وفي الويكيند الجمعة والسبت ادرسها من الصبح ونطلع الظهر نتغدا برا ونرجع على المغرب .اذا باقي شي كملناه واذا مافي شي اخليها تكمل لعب لين تدوخ عشان ماتتاخ رفي النوم بس في الويكيند اخليها تقعد لين 10 او اكثر على حسب اذا طالعين او معزومين مكان

حيا الله عذووووبه
منوره غلاتي وينج اليوم فقدتج والله
طمنيي عليج وعلى بنتج ؟عساكم بخير

اشووفج تحت ...

بنات
ربي يسلمكم من الشر والله انكم اغلى خوات
وديته طلب اختبار البراز طلع فيه ثلاث او اربع اشيا شي اسمه اميبيا او اميبه وهاي الي تذكرته
غير له العلاج والحليب واليوم من الصبح الحمدلله مامشاه بطنه استانست ماوعيت قبل شوي
الا مع الاسهال دم وااااايد ياتني الصيحه عليه ..وباقي التحاليل الثانية يوم الاحد بتخلص انشالله مافيها شي

ام حمني :
برد من الي اشوفه مع عيال اخوي ،
اول شي مرت اخوي ماتشتغل مثلج يعني
فتقوم 6 تقعدهم بالدور يغسلون ويلبسون ويتريقون
يطلعون على السبع الا ربع ابوهم يوديهم مدارسهم ،
تروح هي تاخذهم
يبدلون يتغدون ، ينزلون يلعبون
عال4 يجون فوق تدرسهم ويسبحون ويتعشون و7 فالفراش فديتهم ،

بحكم انها ويانا فالبيت فتطلع عادي لان اكيد بيكون احد فالبيت ان قامو او شي عرفتي ،
وبس بالعكس احسها مرتاحه من الوضع نومهم مترتب وطلعتهم واكلهم
وهي بعد نومها وطلعاتها وكل شي ،،
لاتحاتين بتتعبين وايد فالبدايه بس عقب بترتاحين
ع قولتهم كبريها تكبر صغريها تصغر ،

وبالنسبة لقعدتج وياه
اول يوم دخلي وياه وقعدي وياه
ثاني يوم دخلي عشر دقايق
تغافليه وطلعي
وبعد نص ساعه دشي ( يعني غيبي عنه شوي وراقبيه من بعيد وقعدي وياه شوي )
ثالث يوم نزليه وقوي قلبج وخلاص
وتابعي مع المدرسه المسؤله بالفون

روووح قطر :
ماعليه شر فديته ،لاتحاتين ، عطيه شي يمسك البطن مثل البطاطا
والنشا ...


ماميز :
بنت اختي لها شي وعشرين يوم
فديتها وايد ترجع وغيرو لها الحليب اس 26
وعطونا دوا لها للوعه
بس مافي فايده
شنو تنصحونا فيه ؟
اي حليب او اي دكتور ؟

صباحكم خير يارب

بالنسبة للى يداومون .. يعطيكم الف عافية هذا الخميس وصل ..
عطلة نهاية اسبوع سعيدة

لولوة ..
ياربي أنا ما يهون علي أقص شعري ..

دوحانيه ..
الشر ما يجيج يا الغالية

النورى ..
بنتى دخلتها الحضانة طلبوا بس صورة كرت التطعيم مع صورة الجواز وباقى الاوراق ..
حتى لما قدمت ملفها فى نيوتن ماطلبوا فحوصات ..

النظرة
فديتج والله يالشيخه
بنتى اليوم احسن الحمدلله ..
وانا رحت البارحه للطوارئ .. ياربي على الزحمه ..
عطونى ادوية وقالوا ارتاحى ..
الشر ما يجيج حبيبتى ..
والله يسلم قلبج ..

اليجنت ..
ماعليه شر فديته ..
حلوة ماركة هالفساتين هذى نوعية فساتين ... نسيت اسمها الله ياخذها ..
تشد الجسم وتلمه ..
بس بعد تبي جسم ينلم

أم حمنى ..
بالبركه ان شاء الله الله يعطيه خير هالمدرسة ويكفيه شرها ..
عنى أنا لازم اداوم معاه أول كم يوم .. وتلقائيا نومج بيتعدل معاه ..
تقدرين ترجعين تنامين عقب ما يطلع للمدرسة .. هالشي بيساعدج أنتى تقابلينه الظهر والعصر وأنتى رايقه ..
حاولى ما تخلينه يرقد الظهر .. العبوا والا اطلعوا اى مكان العصر ..
بالنسبة للواجبات مافيه .. الا تلوين صفحة او شي من هالنوع ..
قبل المغرب بيكون منتهى خالص .. عطيه شاور وعشيه ونوم العوافي على 7 ..
حزتها تتفرغين حق روحج .. يعنى وراج طلعه او مشوار تقدرين خلصينها وبالك مرتاح ان ولدج راقد ..
هذا برنامجى معاهم .. بنتى اللحين فى 3 ابتدائى والصغيرة اللحين حضانه السنه الجاية ان شاء الله preschool ..

عذبه: قصدج باندج؟
على طاري الجسم الي ينلم سمعتوا عن مشد حليمة

النظرة الخجولة
الشر مايجيج انشالله

اولا ميغسييي على افكاركم والله اليقنت والنوري نبي من اختراعاتج وااايد عجبتيني...
على فكره انا ماعطي عيالي دوم حلويات وسكريات هالشكل الا بالويكند اذا شافوا اليهال عندهم ماحرمهم ...
النظره الخجوله اس 26 ثقييل انا اخر واحد جربته نوفلاك وااايد زين وحلو حتى ريحته اوكي... ولا تشربونها المرضاعه كامله مره وحده سانتي واحد وترتاح 5 دقايق وجي يعني
بنت حماي كانت جي لين امها صارت اتجزئ المرضاعه وصج تتاخر بس احسن خف ترجيعها..اما الترجيع تره طبيعي مب انه فيها شي..

على طاري الجدول

صرت الله يسلمكم اقعد 5 وربع او 5ونص اقوم اطلع من الفريزر اكل ولدي الي باسويله حق النيرسري يفج الثلق شوي منه اذا كنت بسويله مقلي او شي بس صرت افضل ادخله داخل الفرن بمسحه بسيطه زبده من تحت والبطاطس صرت اسويله فرش وايد احسن واحلى ويحبه...بعدها اطلع الباقي واقص واخلص بسرعه..اقوم اغسل ثياب ريلي البيض وماليل عيالي ومالي على بيت ابوي دغغغغري لنه مافي وقت وماشالله ثياب اليهال وايد المهم اخلص كللل شي ومن التنظيف وجي نطلع 7وثلث ..عاد تعالوا حق العصريه لي قعد خليفه الله يحفظه عيني في راسي لازم اخلص كل شغلي وتنظيفي وعشاهم اسويه العصر اول ماينام ...

والله تحسين كانج في دوامه تبين تخلصين كل شي وماتنسين شي..بس تصدقون تحسون الحركه بركه والله بس بعد تعب ..

بنات الي تعرف وين اقدر احصل كبت صغنن طوالي اذا افضل عشان اكل اليهال وخرابيطهم واااايد :)

على طاري الثياب والله يبيلنا تغيير الكبت كله معنه في اشيا وايد مانلبست بحكم اني في بيت اهل زوجي فااسويلي جلابيات بالهبل ان شالله اول ماننقل البيت اوووو احس باخذلي رولر وبقعد في الحوش ادور خخخخخخخخخخ

ريحتووني والله من قلب احاتي
سؤال شوي سخيف ههه خدامتي مدري عنها متى تقوم المهم اني لما اصحى من النوم اكلمها تجي ترتب وتكون جايبه الملابس مكويه االحين اذا حمني داوم اخليها تقوم متى عشان تجهز فطوره
عاد تدرون الطامه الكبرى شنو الحين اذا داوم حمني انا بروح معه وابوه بيداوم وريمي شسوي فيها ماحب اخليها بروحهم مع الخدامه شكلي بسحبها من صباح الله خيير لبيت ابووي

اليجنت

المشد خاالتي اشترته من الكويت ينفع للي كروشتهم صغيره لان خالتتي خصررها صغير حيل ومن تحت مليانه بزياده خصر خصرها زياده ونزل الكرشه تحت ماصلح لها

ام حمني عن المشد بليييز دلونا عليه اذا في قطر انا محتاجته من قلب F:

في وحدة تبيعه في قطر بس غير عن الي في يوتيوب مايشد

ام شيوخ ما عنديش فكره
الجينت
اللي باليوتوب روعه بس ترا اللي تجرب الكورسيه مو متينه بس لبسها وسيع

شنو الي باليوتيوب عطوني الاسم او اللنك بشوفه...
يله تايم تو قو :)
هابي ويكند

ام شيوخ: اكتبي مشد حليمة في يوتيوب وبيطلع لج اللنك

ام حمني: اي مو متينة بس شد جسمها عدل

يلا عاد الحين بدا السبات الويك اندي :)

دوحانية

تكسر خاطري اقول للحين صغيرة يمكن تحتاج حليب بس بابدأ اسوي جذي لانها ما تخلص الحليب وقت قومتها , وانا ما انام عدل كل شوي افز عشان اعطيها

مبروك لام الغالين الرجال و يتربى بعزكم

نور الحب
يعني بنوتج ماتصيح ولا انها تبي حليب ؟؟
بنفسج تقومين تعطينها ؟؟؟
ماينفع جذي
اذا هي تبي عطيها رضعه وكل ماتكبر تخففينها عشان تتعود مافيه رضعه نص الليل
تخففيها انج بدل ماتكون رضعه كامله تعطينها نص وعقب كم يوم ربع جذي او ممكن ماي بدل الحليب






اليجنت
ليش تبين المشد ؟؟
ثرا المشد يرهل الجسم وايد ..
بالذات حق هذيل اللي يلبسونه وقت الدوام ودوامهم طويل ..
وحده من ربعي تلبس ..لان جسمها غير عن البيت يبين مع الجلابيه غير جسمها
وهي تقول انه تمارين البطن خربت بطنها
واستحيت اقول لها انه المشد هو اللي يخرب
اذا بتاخذينه حاولي ماتعتمدين عليه

ام حمني
بخصوص ولدج
داومي معاه اةول يومين وعب زرقي شوي شوي
هو اول اسبوع تعب لج بعدين بيتعود ان شالله
وخدامتج خلاص علميها تقوم من 5 مثلا او 5 ونص اذا هي تسوي الريوق وخليها تكوي ثيابه من الليل مب الصبح تجيببه لج ..
يعني شوفي متى حمني لازم يكون في الحضانه عالاقل خليها قبل موعد طلعتكم من البيت بساعه او ساعه ونص تقعد من النوم ..