تجمع حوامل وامهات قطر لشهر جمادى الاولى لعام 1432ه؛ الموافق لشهر ابريل لعام 2011

صباحكم كادي

دوحانية

.. تمللت وايد مب شوي مادري ليش والمنيو عندهم مسويينه حق شهرين وبعدين يرجع يتكرر.. وبتحمل قد ماأقدر عشان ينزل وزني بس احتمال أشترك في دايت سنتر الشهر الجاي كتغيير ,,

عذبه

.. من رأي دوحانية نكتب اللي نبيه اهني وهالطريقة من قبل كنا نسويها وماتضيع بين الردود

يغاااار

.. يا ذووووق أنتي .. يعطيج ألف عافية ..

يومياتي أمس .. فطوري كشري وفتوش السناك تارت الشوكولاته العشا سندويش دجاج فاهيتا وسلطة الطماط والذرة وعصير برتقال.. سحوري فطيرة زعتر وشاي أحمر .. ووزني من أسبوعين محلك سر مادري اشسالفته..

بنات بسألكم .. ألحين أنا ولدي ما أطلعه إلا بيت هلي ولا عند أهل زوجي وأكثر وقته بالبيت أحسه صغير والبيت أريح له بس لاحظت من أسبوعين طلعته مرة حفلة عيد ميلاد ومرة وديته الحديقة بس ذبح نفسه من الصياح وحسيته خايف واللي حولي يقولون لي صاير متوحش من قعدة البيت مادري هالكلام يضايقني بس أشلون أخليه يتعود ؟وهل هالشي عادي يصير مع عيالكم ولا لا ؟

هلا هتّان ..
اتفقنا خلاص تكون التقارير في نفس الموضوع هنية
على راى الأغلبية ..
وان شاء الله يكون فيه تفاعل ..

بخصوص ولدج بسم الله عليه .. يعتمد على عمره .. لو أصغر من سنه ونص اظن عادى ..
لكن لو أكبر مشكلة ..
هذا فعلاً من قعدة البيت ما خلته جرئ على اللى برا ..
حاولى دايما تطلعينه بتروحين للمول اخذيه للالعاب شويه .. او للحديقة واتركيه يلعب بروحه تحت عينج
بتروحين تاخذين أغراض البيت نفس الشي .. منها يتعلم أشياء جديدة .. ومنها شخصيته تقوى شوي
لو تركتيه هالشكل على سن الحضانه بيلعوزج ..
أذكر وديت بنتى بسم الله عليها ام سنتين ونص فكت منى وتلعب .. ولد عمره تقريبا اربع سنين لازق فى امه لزقه
قالوا لها ما ينفع .. لازم يتعلم يبتعد عنج ..
وان شاء الله ماعليه شر بس يبي له تعود لا أكثر ..

أم شيوخ ..

شأخبارج .. :)
ممكن تسوين لهم سندويشات دجاج ومايونيز .. او تونه ..
كفته لو عندج جاهزة .. تقلينها مع سلطة روب ..

مثل بناتى :)
أنا أستعمل الخبز الجاهز حق البيتزا ..
تلاقينه فى مخابز الامراء فى المخازن الكبرى ..
اشترى كمية وأخزنها بالفريزر .. وقت ما أبي أطلعها وأحط عليها الحشوة اللى يبون وعلى الفرن

تو أقرا خبر عن هيفا ..
طلتها الأخيره فى ستار اكاديمى ..
تونى أدرى أنه للحين فيه ستار أكاديمى .. ^o)

المهم ..
مكياجها كالعاده بسام فتوح ..
تسريحاتها كانت غير على رايهم ..
Tonato Mattewo الذي جاء خصيصاً من روما عاصمة الأناقة والموضة لتسريح شعر الشابة < كلام الموضوع

هذى الفستان الأول تصميم بالمان
ذهبي واسود أكتاف عريضة واكمام طويلة ..
واختارت معه حذاء الله يعزكم اسود بشراشيب من لوبوتان

الطلة الثانية بالكاريه اللى كان اول مره تسويه هيفا ..
شكله حلو .. وفستانها ذهبي من مجموعة Ermano Servino
والحذاء بعد من لوبوتان ذهبي بمسامير ..

الطلة الثالثه ربيعيه نوعاً ما ..
من توقيع Moschino .. والحذاء من سان لوران

لكروشاتنـا نصيب هاللي قدرت احصله





















هاي فكرته بروب قصير ..











استآآآذن خلـص دووووآآمـي F:

عذبة

.. الله يسلمج من الشر يا الغالية .. ولدي صغير عمره 8 شهور بس أشوف اليهال في سنه عادي يلعبون ومستانسين وهو الوحيد المتخرع بينهم حتى اذا كنت ألعبه في الحوش أحياناً يجون عيال عمه وعمته من يشوفهم يذبح نفسه من الصياح ..ان شاء الله بعوده أكثر على الأجواء اللي برى البيت وان شاء الله يتعود ..
بالنسبة حق الكبة عندي رقم وحدة ماجربتها بس أشوف البنات يمدحونها.. أنا دايماً آخذ كبة من جولي بي تعجبني وآخذها مثلجة وأنا أقليها وقت ماأبي جربيها يمكن تعجبج ..

كامي

.. هذا اللي بسويه فديتج ان شاء الله ببدأ أطلعه معاي المشاوير الصغيرة وبجرب بشوف اشلون يصير ..

روح قطر

.. فديت قلبج أنا مشكلتي بيتي وايد هادي ما عندي يهال صغار في البيت بنتي عمرها 11 سنة وماعندي يهال صغار يشوفهم طول الوقت وتشوفينه متعود عالهدوء يمكن هالسبب بعد يخليه يصيح ان شاف حد ولا طلعته معاي مكان عام ..