maryoom;14924224:
بسوووووووووومة أن شاء الله على طووول المزاج حلووو وراااااايق
ومبروووووووووك أنج نزلتي كيلو ويارب توصلي للوزن المثالي
وعن الكروشة خو نزلت وااايد بس بعد يبي لها شوي وآنا آبي أسألج هل الرياضة تأثر على العملية ألحين؟؟
بعد ثلاث شهور للي سوت عمليه تقدر تسوي رياضه
maryoom;14924233:
على طاري الأكل متى يأكلون البيبي مو لمن يصير ست أشهر؟؟؟
انا بديت من صار عمره 4 شهور بس اعطيه الرز مال اربع شهور تلاقونه بالجمعيات
وعصير تفاح
وهذا كلام الدكتور بس ولدي ما تقبله كوجبه فاحط له فالمرضعه مع الحليب
لان الرز غليظ شوي فهو تلوع جبده لانه مو متعود فاحطه فالمرضعه وقمت اسوي له موز اهرسه بالهراسه مع شوي ماي فيصير مثل العصير بس اغلظ شوي فيبلعه
قلت من يصير 5 شهور باعطيه بطاط وهاي الامور
مشكلت ولدي ماله نفس للاكل ومعدته على قده ولين احين يزوع لان معدته صغيره ما يتحمل
lene;14936040:
ابشركـــــــــــــــــــــــــــــــــــــــــــــــــــــم :093:
طلعلي بيت الحمد لله :03:
راح ارتاح من الشقه الي تعبتني بسبب ريحه الدخان:badly:
الحمدلله البيت حلو صغير على قدنا,,بس بعيد عن اهلي شي ربع ساعه:035: راح اشتاقلهم كتير.
راح انقل خلال 15 يوم ان شاء الله,, يعني اذا مادخلت التجمع تعذروني
-بسومه اذا يتحرك التجمع كل ما تدخلين ,طلي على التجمع كل يوم ههههههه
الحمدلله حلو انو بلش من هلاء يستقبل الاكل;)عجبني هالطنجره/المكينه الي تحكي عنها انا بدي هيك وحده لاني مابفضل لأبني الاكل المعلب,الاه اذا اطريت له.
مبروووووووووووووك البيت تتهني به
انتبهي تعطيه اكل معلب
حرام تضرين معدته لانه كله مواد حافظه
الجهاز ماركة ايفينت من فيليبس
zumerdah;14942922:
رجع صار ركود بالتجمع وينكم يا بنات ,,عندي شوي تساؤلات يا ريت لو تجاوبوني ..
- القماط لحد اي عمر تقمطون عيالكم ؟
قمطت ولدي شهرين بس وبعدها بديت اعوده شوي شوي ما يتقمط
2-الاكل متى تبدون تدخلون الاكل للياهل و نبدي بشنو احسن ؟
جاوبت فوق
3-الثياب وهذي الي اكثر شاغل بالي ,, حاليا كله ثياب بنتي من 0-3 وابي اشتري لها ثياب جديدة يعني ثياب بيت وكشخة ,, واهي بعد اسبوعين وتصير 3 شهور فاخذ لها شنو سايز 3-6 او 0-3 ؟
3-6 طبعا
4- الطلعات متى السن المناسب عشان نطلع الياهل يعني فسحات ومطاعم وهيك ؟
انا اطلع ولدي مرات معاي من عمره شهرين وفوق لكن نادرا ويستحسن ما تشلينها اذا تقدرين تخلينها عند حد لان برع كله امراض وفايروسات وهي بعدها مو متطعمه جرعات كامله وبعدين بهالعمر البيبي يبي ينام والنوم له غذا وراحه فاذا طلعتيها بيخرب نومها وبتنكد عليج بالليل اذا اخترب نومها وما قدرت تنام بتم كله تصيح
