VIP Lady;15064114:
مرحباا
شخباركم ؟؟
انشغلت واايد هاليومين وما كان عندي وقت أبدا أطل عليكم
كنت طول هالمدة في بيت أبووي لأني لاحظت انه وايد يهدأ مع الجماعة والسوالف والفوضى خخخ
بأسألكم
شلوون تنومون أولادكم هل في طريقة معينة
لاني تعبت جربت كل الطرق وياها واايد يتعبني حزة النووم
يقعد يزن ان فيه نوم بس ما ينااام
ومدري اشسالفته مع نومة النص ساعة
يعني ينام الساعة 12 والا 1 الليل واحسبه خلاص نايم بعد نص ساعة يقعد مفرفش وشبعان نوووم وأنا أكون واصلة حدي من التعب وأبي أنااام
هلا في اي بي حياالله القاطعين ,,
شخبارج وشخبار قسوووم ,,
بالنسبة للنوم الياهل بروحه يعدل نومه و بالطريقة الي اهو تعجبه خخخخخخخخ يعني من لنفسه حتى لو حاولتي انج تعدلين نومه وتتبعين معاه طريقة معينة ماراح تنجح ولا تضبط يعني ممكن تضبط يوم يومين بس بيرد يرجع للي متعود عليه اهو ,,
بس بسألج انتي وقت النوم تقمطيه لحين او شلتي لقماط من عليه ؟ لانه اذا تقمطيه ينام عدل ويطول في نومته ,,
انا عن نفسي ماتبعت طريقة معينة بس بنتي منها لنفسها تنام واذا شبعت نوم تقعد يعني من تجي الساعة 10 او 11 في اليل تقعد تصيح على النومة سيدة اقمطها وارضعها واعطيها ماي غريب << هذا شي اساسي يساعد على النوم بعد لانه يريح الياهل من المغص والغازات .. وبعدها تنام وما شاء الله تواصل نوم للصبح ..
يعني يختلف من ياهل لثاني و الياهل بهالعمر نومه يكون متخربط لين يكمل تقريبا سنة بعدين يتعدل نومه وفي يهال العكس يعني من يخلصو الاربعين يتعدل نومهم ..
ويالله قولي لنا قصة ولادتج نبي نعرفها :lol: