شات منتظرات الحمل وامهات الستقبل القريب بإذن الله (بنات مصر)لشهر جماد الاول /ابريل

دندون
اخبارك يا جميل عامله ايه.ها عملتي ايه في التوتر والهسهس اللي انتي عايشه فيه.ليه يا دينا متروحيش لاربيرتو وتقوليله علي العلاج اللي في دماغك وانك عايزه تاخدي الكلكسان والكيرتيزون ولما ميجيبش نتيجه يبقي تعمل تلقيح

اللولوه
حبيبتي تسلمي علي سوالك انا اكيد مش زعلانه منك خالص انا بس اوقات بدخل اقرا اللي فاتتي بس يببقي معنديش نفس ارد او اكتب او نفسيا مش مظبوطه فبدخل بس اطمت عليكم واخرج

مانيا
حمدالله علي سلامتك والف سلامه علي مامتك وحمدالله علي سلامتها يارب دايما بخير وبصحه.ووتنزلي مصر بالسلامه انا عارفه الايام اللي قبل السفر بتبقي لخبطه وبتجري هوا انا زيك بقول عايزه الايام تجري والاقي نفشي في الطيارهوعلشان اخلص من هم السفر.انتي هتقعدي في مصر قد ايه

ودعه
حمدالله علي السلامه يا قمر وحشاني موت

مي
الله يعينك علي الشغل يا جميل ويارب تبسرينا الشهر ده باذن الله

ماجده
ازيك يا حبيبتي عامله ايه.يارب يفرح قلبك يارب قوليلي هتعماي التلقيح الشهر ده باذن الله وله ناويه علي ايه

فلور
الف سلامه يا حبيبتي ربنا يكملك علي خير طيب هتعملي ايه في موضوع الشغل

امونه
ازيك يا قمر يا بت الكانولوني ده جميل جربيه انتي بس الاول وبعدين احكمي

ميرو
صحتك عامله ايه يا مفستكه وحلو الاندر اللي بحملات ده القيه فيه هههههههه هو ده اللي هيحفظ البيبي انه ميقعش هيسنده يعني هههههه مامتك لسه مرجعيتش من السعوديه

فجر
فينك يا جميل مختفيه بقالي شويه نقرتلكيش مشاركات يارب تكوني بخير

محبه
انتي كمان يا سكره مختفيه ليه تعالي متغبيش عننا

شوشو
اخبارك يا قمر وحماتك عامله ايه دلوقتي انتي قاعده صحيح في مصر قد ايه

هدهود
ايوه كده هي ديه ستات مصر اللي شاربين من نيلها يعرفوا يحافظواوعلي جوزهم ولو حد قربلوهم يكلوه

مشمشة تامر
اهلا بيكي معاتا يا قمر منورانا والف سلامه عليكي من السخونيه الوحشه ديه اللي كمان مخلتكيش تتعشي وسدت نفسك.ياربريكرمكم ويرزقكم بالشقه علشان تتجوزوا بقا

اه يا اختي زهقت خلالالالالالالالالاص جواز مع ايقاف التنفيذ حاجة تقرف بجد

المصيبة ان كل الى كتبوا بعدينا اجوزوا قبلينا وانا وهو بنلالالالالالي ههههههههههههههههه

مشمشة تامر;14899050:
اه يا اختي زهقت خلالالالالالالالالاص جواز مع ايقاف التنفيذ حاجة تقرف بجد

المصيبة ان كل الى كتبوا بعدينا اجوزوا قبلينا وانا وهو بنلالالالالالي ههههههههههههههههه

بكرة تزهقى من الجواز

يااااااااااارب ازهق منه نفسي يجي على اليوم الى اقول فيه انا زهقت من الجواز

هيجى يا حبيبتى متخفيش
هيجى

وانتى اية اللى ماخر جوزكم يا مشمشة

السلام عليكم ورحمة الله وبركاته
عاملين ايه كلكم يارب تكونوا بخير

مانيا ............ازيك يا قمر والحمد لله ان ماما بقت كويسه سلامتها الف سلامه

لحظه.............شكرا يا حبيبتى على سؤالك انا بخير الحمد لله انتى عامله ايه

امونه...............عامله ايه والحمل اخباره معاكى ايه وهاتروحى للدكتوره تانى امتى

هدى......................برافوا عليكى انك رديتى على البنت دى كده ايه قلة الادب دى هى عاوزه منكم ايه

دينا..............................يارب تكونى استقريتى على دكتور وعرفتى انتى عاوزه تعملى ايه

الى أخر الزواج انه لا يوجد شقة

manyaa;14898849:
جوجو..ربنا يثبتلك حملك ياااااااارب..خدي بالك من نفسك اوي.. و ربنا يسترها معاكي يارب..و تولدي في معادك بالسلامة.. انت في الشهر الكام يا جوجو؟
يقطع التكليف و سنينه بتفكريني بتكليفي اللي ما استلمتوش بقالي 3 سنين .. حاسة اني حنزل مصر حيقبضوا علية إهيء إهيء...

ربنا يسترها يااااااااااارب

وانا فى اول السابع

وخليكى احسن هرباااااااااانة بلا تكليف بلا وجع قلب

لحظةحب;14899027:



فلور
الف سلامه يا حبيبتي ربنا يكملك علي خير طيب هتعملي ايه في موضوع الشغل

الله يسلمك ياقمرررررر

والشغل لازم ارووووووح ماليش غير 3 ايام عارضه اول 6 شهور:'(:'(

ازيكم يا بنات وحشتوووني

حد يقولي الملخص بقا ؟؟؟؟؟؟؟؟


حماتي معملتش العمليه امبارح اتاجلت لبكرة باذن الله

امونه روحتي للدكتوره الخميس سمعتي النبض يا قطه طمنيني

هي ودعه جت يا عيال وحشتني اووي هي عامله ايه حد يقولي وعملت المنظار ولا لا ؟؟

ياسمين ازيك يا حبيبتي انا كويسه الحمدلله عمليه حماتي اتاجلت لبكره بامر الله وانا لسه مش عارفه قاعده لامتي في مصر بس خلاص احتمال كبير جوزي ميجيش وانا اللي هروحله لسه برضه فيها كلام يعني

بت يا امونة بنتي بتحب الحما قد عنيها عايزة تعيش في البانيو و بتعشق البسين .. بالنسبة بقى للعشا هي عندها كرسي اكل بتاعها في المطبخ وقت اكلها احطها فيه و اديها الموجود ساندويتش ممكن و عصير او موز بلبن او نسكويك حسب و تطلع من الكرسي على البانيو لانها بتبقى اكلت الارض و هدومها و شعرها و من البانيو على السرير تنام النانا في تمام العاشرة

ra_tamima;14897190:

:L::L:امونه:L::L:
على فكره ياهانم انتى يالى بتقولى اكله مقرفه انتى لو ركزتى شويه هاتلاقيها نفس مكونات البيتزا وطعمها جى ع البيتزا شويه لانها عجينه قريبه جدا من عجينه البيتزا ومحشيه لحمه مفرومه زى البيتزا وعليها صلصله وجبنه رومى برضه زى البيتز ازاى بقى مستغرباه
انا مستغرباكى انتى والله:D:D:D

انا اساسا عمري ما اكلت بيتزا ولا حطيتها في بقي بقرف منها ههههههههههههه
بس بجد الكانيلوني ده :hysterical:,عايز ناس نفسها حلوة ومستعده تغامر , انا حكيت لجوزي عن طريقة الكانيلوني , وهو بيحب الفطاير والبيتزات قالي :thumbs_down:

manyaa;14898147:
صباح الخير على الحلوين..مع اني مشغولة جدا بس مش قادرة ما ادخلش اتكلم معاكوا ...:) امبارح رحنا بريدة عشان اشتري من المولات هناك أحلى بكتيييييييييييييييير من عندنا و رجعنا باليل الساعة 12 و انهاردة ان شاءالله معزومين على عقيقة سعودي :) في بلد كدا جنبنا برده ... نفسي اروح اوي رغم ان الوقت مزنوق... ..

ان شاء الله هتلحقي تخلصي كل حاجة , تنضيف وغسيل وشرا الهدايا , ومش هتحسي بالوقت وهتلاقي نفسك راكبة الطيارة وبيقولولك اهلا بيكي في مصر يا مزة:)

manyaa;14898497:
ههههههه جدعة يا هدى.. بجد جامدة.. أنا لو مكانك مش حعرف اتكلم كدا و لا اعمل زيك كدا.. بس الحمد لله ان جوزي ماكانش ليه اصحاب بنات ...:lol: عنده بس واحدة مجنناني هي مش صاحبته هي كانت مديرة المركز اللي كان بيشتغل فيه في مصر و هي ست كبيرة قد مامته يعني و عندها عيال قده .. بس قال ايه واخدة نمرته في السعودية و بترنله من حين لآخر.. و انا بقى حتفقع و اقوله و هي ترنلك ليه أصلا.. يقولي يا بنتي دي قد أمي... بس انا بغير بصراحة من الهوا ... و بطلعه كله عليه|... لكن ادام الناس الحمل الوديع....دلوقتي بغير عليه من بتول بنت أختي... لانها بتعد جنبه علطول و تقولي هو المفروض كان حيتجوزني انا بس هو اتجوزك عشان انا لسة صغيرة :lol::lol::lol:

ههههههههههههههههههههههههه حلوة اوي بقلع هدومي في الصالة و اجري على الحمام ... متخيلاكي عاملة كدا فعلا.. و لما انت بتحبي الحمى اوي كدا و انت صغيرة..مغلبانا دلوقتي ليه و بتستحمي في المناسبات بطلوع الروح :|

لا كده الغيرة تبقى زيادة يابت , اتقلي :D, دي واحدة اد امه هتكون عايزة منه ايه يعني ,عارفة يا منمن انا معنديش مشكلة الغيرة دي , يعني لو بنت حلوة كلمت جوزي , يعد ما تمشي اقوله البت دي حلوة اوي :lol: او اقوله البت دي مزة مزة :D
حكاية الغيرة دي بتيجي من انك تحسي ان جوزك ممكن يطير عقله بواحدة, لكن طالما واثقة في اخلاقه خلاص ملهاش لازمة الغيرة

الحمد لله جوزي شوية مش جنتل مع الستات , يعني بيتكلم معاهم كانه بيتكلم مع راجل , معندوش سهوكة مع الستات, بيتسهوك عليا وبس ههههههههههه

Dr.Flowers;14898759:

بنااااااااات ادعووووووولى ربنا يكملى حملى على خيييييييييييير عشان تعبانه وبيجيلى مغص ونغز كتيييييير والدكتور مانعنى من الحركة والمجهوووود

عشان الولادة المبكرة والمشكلة انى استلمت تكليفى اليومين دوووووول وماليش اجازات ولازم انزل الشغل

امانه تدعولى ربنا يثبت حملى

بت يا جوجو يولع التكليف , حملك اهم ولا التكليف, سيبك منهم , ولما تولدي ان شاء الله شوفي حكاية التكليف دي, ربنا يثبت حملك ويقر عينك ببنوتك يارب ........... الف سلامة عليكي ياجوجو

هو الدكتور مقالش المغص ده من ايه؟ وهل اداكي حاجة توقف المغص؟

مشمشة تامر;14899014:


اسمي سها

سنى 22

محل سكنى الاسكندرية

انا طالبة كنت في كلية تجارة و حولت اداب اجتماع

اما الشغل انا طبعا لسة مش متجوزة لاكن خطيبي رافض مبدا لالشغل عااااااااااااااااا بجد

حجوز امتى اما يجي الفرج و نلاقي شقة ههههههههههههههه و بقالى سنتين مكتوب كتابي عااااااااااا

و اعتذر انى مردتش امبارح كان عندي سخنية جامدة و دخلت انام ههههههههههه

اما العشا انا ماكلتش نفسي كانت مسدودة من السخونية

اهلا بيكي يا سها , اسمعي كلام خطيبك بلا شغل بلا وجع قلب , بعدالجواز كفايه على الواحدة الطبخ وتشطيب المطبخ , وهتلاقي وسطك اتقطم:D

بس صعبة اوي انه يبقالك سنيتن مكتوب كتابك , انا جوزي مستحملش 3 شهور ههههههه, ربنا يصبر خطيبك, واذا كانت الشقة هيا المشكلة , يبقى مفيش مشكلة, خدو شقة ايجار لحد ما تلاقو شقة تمليك تناسب امكانياتكم

انا ساكنة في شقة ايجار وبندفع اقساط شقة تمليك والمفروض نستلمها قريب وهنعرضها للبيع لانها صغيرة اوي , وهتاخد فلوسها نحطها في شقة اوسع, بس المهم تتلمو وتتجوزو بدل الشحتفة دي :D

والف سلامة عليكي , اشربي ليمون كتييييييييييييير هتبقي زي الحصان ان شاء الله:)

شوشو .............معلش كنت بقرا اللي فاتني

انا مسمعتش نبض ولا شفت النونو , مفيش حاجة باينة خالص غير كيس الجنين , وقالتلي بعد اسبوعين اروحلها يمكن يبان حاجة

انا كمان حماتي هتعمل عملية حماتك بس الاسبوع الجاي


هدى........... ربنا يخليلك بيلا , عسولة اوي , يارب اكرمني ببنوتة يارب :)

كنت بقول لجوزي والله لو طلع ولد هلبسه لبس بنات لحد ما يبقى 6 شهور واهو محدش عارف حاجة , اصل انا مش معقولة اشوف لبس البنات العسل ده واروح اشتري تي شيرت عليه عربيات سباق وموتيسكلات , بلا قرف ههههههه, فعلا لبس الصبيان مقرف اوي وتحسيه دايما رخيص ومبهدل


هصلي العصر وارجع تاني

مشمشة.. انتوا مش لاقيين شقة و الفلوس موجودة.. وللا مفيش شقة تناسب امكانياتكم؟؟؟ لو الفلوس معاكم شوفوا في مدينة فيصل فيها كل الأسعار تقريبا ... لان احنا لفينا على شقق بالهبل و مالقيناش غير في فيصل اكتر حاجة كانت مناسبة لامكانياتنا... و حتى رحنا العجمي نشوف فيها شقق و حسينا أسعارها محصلة اسكندرية و ماعجبتناش أوي.. أما لو لسة أصلا مفيش فلوس كفاية يبقى اتجوزوا في شقة ايجار يا بنتي علبال ما تعرفوا تجيبوا شقة تمليك.. أنا عملت كدا... كان المفروض الاتفاق الاول ان الجواز بعد 3 سنين على بال مانلاقي شقة و نجهزها بس لقينا الموضوع حيطول عن 3 سنين بالأسعار الموجودة حاليا.. فاتجوزنا بعد سنة خطوبة و ماكتبناش الكتاب حتى غير يوم الفرح :) و فرشت شقتي عادي جدا و الحمد لله بعد جوازي بسنة ربنا كرمنا بشقة تمليك اه صغنونة شوية بس معقولة و بنسدد لسة في اقساطها.. و اخدتها في مدينة فيصل.. على القطر علطول ادام الأكاديمية.. لكن صعب اوي تستنوا كل ده مكتوب كتابكم .. و الله اعلم لحد امتى كمان.. و بعدين عندي اعتقاد معرفش صح وللا غلط.. بس متهيألي الأسعار حتقل بعد اللي حصل في مصر...

أمونة.. هي الغيرة مش معناها عقدة نقص يعني.. أنا أصلا جوزي ملوش في التعرف على بنات أساسا.. و بيستحرم أصلا الكلام ده.. يعني بيقولي مفيش حاجة اسمها زميلي زي أخويا و زميلتي زي أختي و كدا.. و أكيد عمره ما حيبص لبرة و لا حتى بيمدح في اي بنت حتى لو على التلفزيون هههههههه بالعكس الحمد لله دايما محسسني اني في عينه أجمل واحدة في الدنيا و مفيش واحدة أجمل مني أبدا... بس انا يمكن عندي شوية حب التملك ده.. مش عارفة.. مش بصورة أوفر بس عندي الاحساس ده.. حتى صحابه أحيانا بغير منهم.. لما احس انهم بياخدوه مني.. او واحد يتصل كل يوم يرغي معاه و كدا .. فانا احس انه مش سايبهولي فأغير .. حتى في واحد صاحبه دايما أقول لجوزي ده عامل زي ضرتي بالضبط.. هههههههههه و جوزي بيبقى مبسوط من غيرتي دي.. بالعكس ممكن يزعل لو حس اني مش بغير عليه. و انا كمان بتعجبني غيرته علية حتى من القرايب.. طالما مش غيرة خنيقة خلاص.. بتبقى حلوة جدا.. و بتبقى مدخل للغلاسة لما احب اغلس عليه :)

جوجو.. بصراحة الشغل وانت في السابع غلس اوي.. انا صحابي كانوا بيروحوا الشغل لحد اخر يوم في التاسع معرفش ازاي.. طب انت تابعي مع دكتورتك و لو هي حاسة بخطر عليكي حتقولك.. بلاش شغل و ساعتها بقى في داهية التكليف ده..المشكلة في تكليفي انهم و لا راضيين يقبلوا استقالتي و لا انا استلمت فانا كدا برقص على السلالم و لا محصلة طبيب حر و لا محصلة دكتورة :) حتى بطاقتي و بسبوري مكتوب فيهم اني طالبة و مش عارفة أغيرهم لحد ما احدد موقفي من التكليف ... تخيلي انا من اسكندرية و مكلفني في الوادي الجديد -باريس.. طب بالله عليكوا اروحلكم انا الوادي عشان التكليف .. !!!!!!!! ححاول اخلص الحوار ده الاجازة دي حتى لو حدفع غرامة بس أخلص..