magda 1;14893962:
ازيكم يا بنات معلشي انا نكدت عليكم امبارح بس بجد و الله كان غصب عني ده انا فضلت اعيط لحد ما نمت و صحيت بقي عيني وارمه بس الحمد لله انا بقيت كويسه اوووي الحمد لله ...... منااايا اللف حمد الله علي سلامة مامتك و ان شاء الله تيجي مصر بالسلامه و ابقي ادخلي طمنينا عليكي من الموبيل حتي و ربنا معاكي يارررب ..... عايزه بقي حد يقولي الكانيلوني اعمله ازاي ٣ بيضات و كوبايه دقيق و كوبايه لبن صح كده ولا ايه .. اصلي عقبال عندكم انا روحت شقتي و عايزه اعمل للراجل الغلبان ده اكله حلوه كده ترم عضمه ههههههه هعمل محشي كوسه و فراخ مشويه و كانيلوني بس يارب يطلع حلو
الله يسلمك يا مجودة.. و ألف هنا و شفا يا حبيبتي يا رب يكون الأكل عجب جوزك..:)
miramiro;14895015:
السلام عليكم
منمن
الف حمد لله على سلامه ماما و هتوحشينا يا بنتى والله كده مش عندك نت فى مصر
ربنا يكرمك يا حبيبتى ان شاء الله
و حاولى تدخلى برضو تطمنينا عليكى
متعمليش زى ودعه اللى اختفت خالص دى يارب خير يارب
وفرح كمان محدش يعرف شو اخبارها؟؟؟ يارب خير يااارب
ونيسو راحت فين؟؟؟؟؟؟؟؟؟؟؟؟؟؟؟؟؟؟؟
قامت واحده ظريفه قالتلى :|:| ابقى البسى اندر بحملات :009::009: ظريفه اوى البنت دى مش كده :031::031:
الله يسلمك يا ميرو.. والله ححاول.. هي الفكرة مش اني مش عندي نت بس .. الفكرة اني مش بلحق أعد في حتة ... يعني اول ما حننزل ان شاءالله لازم نروح نشوف الشقة الجديدة لاني لسة ماشفتهاش و نبتدي نوضب فيها و نعزل.. و في نفس الوقت لازم اروح معادي مع الدكتور عشان اشوف حعمل حقن وللا تلقيح و للا ايه و في نفس الوقت في أوراق مهمة لازم نلحق نخلصها من القاهرة و اسكندرية... و كل ده غير لسة زيارات الأهل و الأصدقاء دا لو لحقت أشوف حد يعني :D كفاية العزال و النقل دا لوحده قصة ...ربنا يعين...و طبعا في البيت الجديد مش حكون لسة ركبت نت و غالبا مش حنركب عشان حنكون قربنا نسافر :D بس ححاول ادخل اطل عليكم قبل ما اعزل او من بيت بابا بقى .. :)
:lol::lol::lol:عجبتني اوي حكاية اندر بحمالات دي.. لا ذكية و بتفكر :D..بس مش لدرجة ان البيبي حيقع منك كدا و انت ماشية :lol:
انا اعرف واحدة بعيد عنكم جميعا يا رب.. كانت حامل اول حمل ليها و كانت مش في مصر و كان المفروض انها تعمل ربط للرحم....و هي ماكانتش تعرف لان ماكانتش بتتابع مع حد في الغربة دي.. و لا حول و لا قوة الا بالله مرة وقعت على ضهرها.. و بعدها بفترة كدا كانت في الحمام.. و بتقول حست بحاجة كدا نازلة منها و جريت على المستشفى و طلع انه تقريبا رجل البيبي نازلة كدا.. و هي كانت في السابع.. و طبعا ولدوها و البيبي قعد في الحضانة اسبوعين كدا و بعدين اتوفى .. بس الحمد لله ربنا رزقها بعده على طول بحوالي 5 شهور كدا حملت تاني و نزلت مصر و عملت ربط للرحم و جابت بنوتة عسولة ماشاءالله...
أنا مش قصدي أخوفكم بس انا قصدي تخلوا بالكم من الوقعات... و تتابعوا مع الدكاترة كويس و لو محتاجين ربط وللا حاجة ما تطنشوش.. و ربنا يكملكم حملكم جميعا على خير...
RAINBOW2000;14895217:
مساء الخير عليكم
انا اليومين دووول مشغولة جدا و مش عارف اتابع معاكو كويس انا انهرده خلصت اخر واحدة فى الحقن ادعولى بقى ان العلاج ده يبقى بفايدة ان شاء الله و ان ربنا يكرمنى
مانيا
الحمد لله ان ماما بقت بخير و هتنورى مصر ان شاء الله
ربنا يخليكي يا حبيبتي.. و يااااااااااارب يا مي العلاج يجيب نتيجة معاكي الشهر ده يا رب... انت أخدتي حقن ايه؟؟و كام يوم ؟؟ و عملتي متابعة تبويض وللا لسة؟؟
أجمل ايام العمر;14895604:
الفرح كان حلو عشان غظت البنت اللي حادفة نفسها على جوزي و اللي أكدلي انها هتموت عليه انها كانت بتعاملني زبالة و مش طايقاني مع انها اول مرة تشوفني بس انا حرقتلها دمها موووت و كنت عمالة ادلع في جوزي قدامها و مزودة الجرعة على الآخر و لما جيه البفيه و جوزي قعد يتحايل عليا آكل راحت سابت الترابيزة و راحت ترابيزة تانية .. و واحدة تانية برضه ساكنة معانا في الرحاب و لازقة لجوزي بحجة قال ايه انهم اصدقاء دي بقى شافتني و مسلمتش عليا اصلا فجاي جوزي اخر الفرح بيعرفنا على بعض فبيقوللي انا كنت فاكر انكم اتعرفتم على بعض من اول الفرح قلتله لا يا حبيبي قدامها انا كنت قاعدة بلاعب بنتي و بعدين مخدتش بالي من حد سوري مضطرة اروح التويلت اغير لبيللا ياللا يا حبيبي عشان تيجي معايا تشيل بيللا عشان انا مش بشيل تقيل ( عشان البريود ) هي بقى فهمت اني حامل و انا كنت قاصدة اوصلها كدة.. البنت الاولي كانت لابسة فستان فوق الركبة بشبرين بالضبط و الرجالة المقرفة هيموتوا عليها .. جوزي في العربية بيسألني رأيي فيها قلتله يعععععع و الرجالة بتهزر معاها بالايد بس مبسوطة موت
ههههههه جدعة يا هدى.. بجد جامدة.. أنا لو مكانك مش حعرف اتكلم كدا و لا اعمل زيك كدا.. بس الحمد لله ان جوزي ماكانش ليه اصحاب بنات ...:lol: عنده بس واحدة مجنناني هي مش صاحبته هي كانت مديرة المركز اللي كان بيشتغل فيه في مصر و هي ست كبيرة قد مامته يعني و عندها عيال قده .. بس قال ايه واخدة نمرته في السعودية و بترنله من حين لآخر.. و انا بقى حتفقع و اقوله و هي ترنلك ليه أصلا.. يقولي يا بنتي دي قد أمي... بس انا بغير بصراحة من الهوا ... و بطلعه كله عليه|... لكن ادام الناس الحمل الوديع....دلوقتي بغير عليه من بتول بنت أختي... لانها بتعد جنبه علطول و تقولي هو المفروض كان حيتجوزني انا بس هو اتجوزك عشان انا لسة صغيرة :lol::lol::lol:
magda 1;14895746:
رشا عملت الكانيلوني بس حطيت علي الوش بشميل وصلصه زي الشيف يسري وحشيته فراخ عملتها شورمه بس للاسف مش عجب جوزي بيقولي اصل اول مره اكله هو مقالش انه وحش بس مش اكل منه كتير بس الفراخ و المحشي عجبوه الحمد لله ان شاء الله المره الي جايه هعمله واحط عليه جبنه حساه هيبقي احسن من البشامل ..
بصي.. يا مجودة الكانلوني عشان يطلع حلو.. لازم العجينة بتاعته لما تفرشيها في الطاسة تكون رقيقة ماتكونش طخينة.. لازم يمكها يبقى رفيع كدا عشان طعم الحشوة فيه يبان بعد كدا.. و عشان مايكونش دسم و تقيل.. و كمان الباشميل لو حطحطيه يبقى يحطي طبقة خفيفة خالص.. مش زي ما بتحطي باشميل على المكرونة.. لأ .. يعني انا حطيت بالمعلقة كدا على كل واحدة و مسحتهم على بعض بحيث تديني وش بس و مايكونش تقيل و الباشميل انا بعمله بدون اي سمنة و لا زيت.. بدوب الدقيق في اللبن بس و احطه على النار و لما يتقل احط التوابل عليه و بس فبيكون خفيف و طعمه حلو..
و الصلصة كمان لو حطحطيها بدل الباشميل بالمعلقة كدا خط رفيع على كل واحداية كانيلوني و ابشري جبنة رومي فوقها حتبقى جوناااان... انا جربتها مرة بالباشميل و كل المرات اللي قبل كدا بالكاتشب و الجبنة المبشورة و بتبقى تحفة جدا.. و لما كنت اتجمع مع صحابي في البيت و كل واحدة تجيب صنف كانوا بيطلبوها مني الأكلة دي أوي.. عشان عملتهالهم مرة و عجبتهم هي و البروفيترول.. :)
مشمشة تامر;14895986:
احم احم سلامو عليكو
انا بنوتة ومش حامل و مش مجوزة انا يدوب مكتوب كتابي بس
و دخلت شات مصر ملقتش حد قولت اجى ارغى هنا
أهلا بيكي يا قمر.. تنوري طبعا.. :)
د\امونة;14896031:
مانيا ........... حمدالله على سلامة مامتك يا جميل , وتروحي وترجعي بالسلامة , وربنا يجعل اجازتك دي بفايدة ويكرمك يارب بالذرية الصالحة
انا بصراحة من وصفكم للكانيلوني حاسة انه اكله مقرفة جدا استغفر الله العظيم , مش فاهمة ازاي اكل عجينة مستوية محشية اي حاجة وعلى وشها صلصه كمان , مش عارفة حاساها اكله غريبة ووحشة اوي ههههههههههههههه
آمين يا رب.. تسلمي على دعواتك يا أمونة.. ايوة كدا انا محتاجة دعوات الشهرين الجايين دول الله يكرمكم افتكروني في الصلاة و قيام اليل و ادعولي :)
أكلة مقرفة ايه بس :badly: لو اتعمل صح بيطلع جميل جدا و شيك كدا .. احنا عمرنا ما عملناه في عزومة و ما اتاكلش العجينة بتبقى رقيقة خااالص.. شوفي اللي انا كاتباه لمجودة فوق.. :)
د\امونة;14896060:
اهلا بيكي يا مشمشة ............. عرفينا عليكي يا كتكوتة :)
اسمك , سنك , محل سكنك , هتتجوزي امتى , خريجة ايه , بتشتغلي ولا لأ ,وهتتعشي ايه هههههههههههه
هدى ........... لما ترجعي بئة قوليلي هيا بيلا بتتعشا ايه , هيا ممكن لو جاعت تديها ساندويتش في ايدها تاكله ؟ وياترى بتحب تستحما ولا بتغلبك هههههههههههه,
انا كنت من كتر حبي في الحمى اقلع هدومي في الصاله واجري عالحمام اول ما ماما تقولي يلا نستحما هههههههههههههههه
اختي اللي بعدي عدوة الليفة وكانت بتعيط كل حماية هههههههههههههه
ههههههههههههههههههههههههه حلوة اوي بقلع هدومي في الصالة و اجري على الحمام ... متخيلاكي عاملة كدا فعلا.. و لما انت بتحبي الحمى اوي كدا و انت صغيرة..مغلبانا دلوقتي ليه و بتستحمي في المناسبات بطلوع الروح :|
د.ودعه;14896194:
السلام عليكم
ازيكم يا بنوتات
اخباركم ايه؟
يارب تكونو جميعا بخير والحوامل يكونو زادو والتايهين يكونو رسو علي بر والمكتئبين يكون فرفشوا
لسة بتعملو الختمة ولا ايه؟
عموما انا معاكو من النهاردة
دوووووووووووووووووووووووووووووووووووووعة...حمد الله على سلامتك يا قمر.. انت رجعتي السعودية وللا ايه؟؟ واحشاني اوي اوي اوي...
اخبارك ايه و ايه تقريرك عن أجازتك في مصر :)
دينا حمدى;14896957:
منمن
حبيبتى حمد لله على سلامتك وسلامة طنط والحمد لله انها بقت احسن ياحبيبتى
وان شاء الله تيجى مصر بالسلامة وتطمنى اقمر وربنا يوفقك ويكرمك يارب:adore:
الله يسلمك يا دينا... و ربنا يستجيب دعواتك يااااااارب.. و تسلمي حبيبتي على كلامك الجميل ده :) F:
د.ودعه;14898191:
رينبو
كيفك ياقمر
بتعملي ايه دلوقتي؟
اخباري مش تمام قوي
وفي انتظار الدورة عشان ابدا علاج تثبيطي للبطانة المهاجرة
دينا
وانتي كمان وحشتيني
شكرا لسؤالك عليا
ربنا يهديلك الحال ان شاء الله
مانيا
عملتي ايه في التنشيط
ايوة ياعم نازل مصر
ياتري لوحدك ولا مع جوزو؟؟؟
ماجابش أي نتيجة يا ودعتي.. تخيلي اخدت كلوميد 5 ايام 3 مرات في اليوم و بعده علطول حقن جونال اف 4 ايام و عملت سونار في اليوم التاسع و ال 11 و البويضات أصغر من انها تتقاس أصلا.. ماوصلتش حتى 6 مل ...:( مع انها قبل كدا لما كنت باخد كلوميد بس كانت بتوصل على الأقل ل 9 مل و 11 مل ... فنازلة مصر ان شاءالله مع جوزي الخميس الجاي و حروح للدكتور و نشوف ينفع اعمل حقن او تلقيح وللا لأ .. أنا حاسة ان الفوستيمون هو اللي بيجيب معايا نتيجة.. هو الفوستيمون اقوى من جونال؟؟؟
و في حاجة كمان.. انا لما جوزي عمل التحليل بتاعته الصيف اللي فات كان طالع انه كله تمام جدا الحمد لله ما عدا التشوهات كانت نسبتها 76% و مكتوب في التقرير بتاعه ان الطبيعي انها تكون أقل من 70% .. و طبعا كل الدكاترة اللي شافوا التحليل في مصر و السعودية قالوا دي نسبة بسيطة و ما تأثرش على حاجة و لو حابب تطمن عيد التحليل لانك كنت عامله في اليوم ال خامس.. فاعمله من اليوم التالت.. بس لقيت كله هنا بيقول ان النسبة ماتزيدش المفروض عن 25% .. فلما ننزل ان شاء الله حنشوف بقى حنعيده وللا ايه.. بس السرعة و الحركة و العدد و الكمية و كله ممتاز الحمد لله..
فإيه رأيك يا دوعة.. و كمان عايزة أعرف هي التشوهات دي ليها علاقة بتأخر الحمل؟؟وللا أثرها بيبقى على الجنين بس انه ممكن يحصل اجهاض؟؟ و علاج التشوهات دي بياخد وقت اد ايه و بيتعالج ازاي؟؟