وصلت الحد وانفجرت فيه ....!(التطورات ص9)

بسم الله الرحمن الرحيم
اخواتي العزيزات


من سنة قاعدة اكتب مشاكلي مع زوجي ...يمكن تلاقونها

ومن سنتين انا صابرة ومتحلمة

بس يوم الخميس انفجرت فيه وكنت على وشك ابلغ الشرطة


بحكي باختصار الاحداث المهمة وانتوا انصحوني


تزوجته من سنتين واشترطت عليه يخليني اشتغل ...لاني انسانة جدا طموحة وافق بس ما كتبته في العقد ...وهذه كانت ثاني غلطه ارتكبها في حياتي ( طبعا الاولى اني تزوجته)
المهم تزوجنا وصار عندنا ولد وبعد ما كبر شوي بدات ادور على شغل وهو كلش مو راضي ...انتظرت لما كمل ولدي السنة ... وكانت حياتي معاه حجيم ...لايصرف على ولا يعاملني مثل الناس ... يسبني ويضربني وانا تحملت ليش ...عشان ولدي بس
المهم اشتغلت بعد ما عشت مشاكل كبيرة بسبب الشغل اللي هو وافق عليه
وبدات اعطيه كل شهر 1000 درهم ... اساعده في مصروفات البيت
سكت عني شوي ...بس اذا قصرت في اتفه شي يقلبها مشكلة



المهم يوم الثلاثاء اللي قبل اللي فات اشتريت لي شبشب حمام ( اكرمكم الله ) اتصل فيني يوم الاربعاء الصبح في المكتب يتهاوش معاي لييييييييش مشترية شبشب قلت له صار لي قريب شهر امشي من غير شبشب وقلت لك جيب لي واحد وانت طنشتني وذكرتك اكثر من مرة ما جبت لي والحين جبت لي واحد شنو فيها
قال لي ليش رحتي السوق من وراي قلت له انا ما رحت السوق وانا راجعة من الدوام دخلت البقالة اللي تحت بنايتنا اشتري شيبس لقيته وجبته
ومن هذاك اليوم ما يتكلم معاي

ويتاخر برا البيت للساعة 2 و3 الصبح لما اتصل عليه ما يرد
ولما يرد البيت يهاوشني
المهم يوم السبت في الاسبوع اللي فات سالته ليش متغير علي ....قال تعبت من كثر ما اقولك ...قلت انا قصرت معاك في شي ولا قلت لك شي
قال انت اي شي تسوينه لي من غير نفس
قلت له يشهد الله اني اسويها بنفس المهم تهاوشنا وقال لي اصلا ما ابيك في حياتي

قلت له وانا بعد استاهل حياة احسن ومعاملة احسن وما استاهل اعيش معاك
ورحت وخليته
كانت الساعة 4 الفجر ...ما قدرت انام صليت ورحت الدوام
من هذاك اليوم هو ما ياكل اي شي اسويه
وقال لي لاتطبخي لي مرة ثانية ...ولا تغسلي لي ثيابي ولا ترتبي لي كبتي
قلت له انشاء الله
وسويت كل اللي قال عليه
زمان كان لما يقول لي جذي اروح اتكلم معاه وادلعه واعتذر له حتى لو مو غلطانه اراضيه ...وبعد مو عاجبه

طنشته ....وصرت اتعامل كان ولا شي صار .البس واحط ميك اب واسوي الغدا واحطه له ...اذا ما اكل اكل انا وولدي
وارتب البيت وانظفه ....واروح اقعد معاه في الصالة اذا رد على لما اكلمه كان بها ما رد على اقرا كتاب او مجلة ارجع امارس هوايتي القديمة ...ارسم واشتركت في دورة النول عشان املاء وقتي

استمرينا كذا لين يوم الخميس


يوم الخميس

اتصلت اختي وطلبت اني اجيب ولدي يلعب معاهم ...اتصلت فيه وقلت له وافق
رحت البيت لبست ولدي ووديته ...ولبست وتعطرت وكشخت وقعدت معاه وتكلمت معاه ما رد علي ...قعدت اقرا كتاب
قال لي شو قصدك بالكلام اللي قلتيه قلت اي كلام ....قال اخر مرة لما تناقشنا ....قام تهاوش معاي ويصرخ ويرمي علي اي شي جدامه ....مع اني حاااااااامل في اول الرابع ما همه وكل هذا وانا ما ارد عليه قام قالي انت مو متربية وقليلة ادب ....انا هذه ما سكت عليها قلت له انت كذا تغلط على اهلي وهم احسنوا تربيتي وقال لي كلبة قلت هذه الكلمة اثبتت فعلا شكثر انت متربي ....وقام يضربني وجرجرني من ايدي دخلني الغرفة وحبسني وانا اطق في الباب بغيت اكسره واصارخ ...قال اسكتي الجيران قلت افتح الباب ...ولا يفتح ويضربني ويقول لي ما يهمني اي شي فيك قصده ما يهمه اني حامل ....انا رديت الكلمة بالكلمة وكل ما يضربني ادزه بعيد عني ....و يرمي علي شي ارد ارميه على الارض ويهددني قلت له الضرب ما اخاف منه والحبس ما اخاف منه ما اخاف الا من اللي خلقني ....ورحت استفغرت ولميت اغراضي ولبست عباتي وفي هذه اللحظة وصلت اختي ومعاها ولدي ....


شافت جسمي وهو محمر ووجهي ... وعرفت ان نحن تهاوشنا وقالت ضربك قلت لها ايوا ,.... راحت اختي تهاوشت معاه وهو اخذ الولد ودخل الغرفة وسكر عليهم
اتصلت في ابوي وامي ...تعرفون شنو صار قالو لو لي نحنا تعبنا من كثرة مشاكلكم ومن كثر ما تجين البيت ونحنا نرجعك ....شنو تبين نسوي ....قلت لهم بنفصل قالو لي اذا هذا خيارك نحنا معاك ...بس لايجي يوم تقولين بترجعين ولا اذا جا صالحك ترجعي له ...انفصلي
قلت زين ابي ولدي قالو لي كيف نجيبه لك ما عندنا حل غير نكلم الشرطة
لحظتها قلت بتصل في ابوه في السعودية اذا ما انحل الموضوع بتصل الشرطة وبثبت الضرب اللي ضربني اياه وانا حامل


اتصلت لابوه وخبرته ...قلت له انا بس باخد ولدي وبطلع ما ابي اي شي ثاني .... اذا بتخليه يعطيني اياه عشان ما اتصل بالشرطة


ابوه انسان جدا محترم وهو بروفيسور في جامعة الملك فهد
ترجاااااني انتظر واعطيه فرصة يتكلم معاه وقال لي انا اول مره اعرف ان في مشاكل بينكم ....لازم تعطيني فرصة ولازم احاول معاه ....سوي لشيبتي اعتبار وانتظري بس اتفاهم معاه اللي قلتي عليه بالنسبة لي مرفوض ...وانا ما ربيته على كذا
تكلم معاه ابوه من الساعة 10 ونص لمدة اكثر من 40 دقيقة وبعدها جا زوجي واعتذر لي ....وقام يبرر ويحلف انه ما يكررها

بس انا ما سامحته ...وقلت له هذه مو اول مرة تمد يدك علي ولا تسئ لي ولاهلي وانا ما عدت اثق فيك بالمرة ولا اصدق كلامك تناقشنا لين الساعة 1 وما وصلنا لحل ابوه رد اتصل وتكلم معانا الاثنين بالاسبيكر وترجانا نحاول لاخر مرة واني اعطيه اخر فرصة عشان ولدنا والبيبي اللي جاي بالطريق
قلت لهم انا صابرة سنتين عشان ولدي وما فاد وما بصبر اكثر ...اصلا انا ما ائمن ولدك على حياتي ولا حياه عيالي

قال عشان خاطري .....قلت خير عمي
ورحت انام كل شبر في جسمي يالمني ....وخفت انه يصير شي في الجنين ....قمت الصبح متاخر من التعب ...لقيته اخذ الولد وبيطلع ولا كلمته ...طلع ورد قال لي نحنا بنروح السوق
ما رديت عليه
طلع ورجع مرة ثانية قالي تروحين معانا قلت له لاااااء
وقمت رتبت ونظفت وجهزت الفطور ...رجع هو وولدي جايبين اغراض لميتها ورحت قعدت في غرفتي جا قال لي اذا تبين تروحين تقعدين مع اهلك وترجعين المغرب روحي
ما رديت وهو طالع الصلاة قال لي بتروحين قلت له لاء
طبعا هو ذلاني على الاكل والاشياء اللي يشتريها بفلوسه ....قلت لامي تجيب لي اكل وماي وجابت لي ....واليوم مطرش لي مسج على الفيس بوك ما معناها نرجع مثل ما كنا نحب بعض ونبدأ حياتنا من اول وجديد
ما رديت عليها ... واخذت صورة جوازي وجوازه وجواز ولدي ورحت للمحامي ....بكرة بنرفع عليه قضية طلاق


صح اني قلت لابوه خير ....بس مو قادرة انسى او اسامح او حتى اعيش معاه

والاسوأ اني ما عدت اثق فيه او احترمه ....صرت الكلمة بالكلمة وما اسوي له اي اعتبار ...حتى اني اليوم رحت بيت امي ولا قلت له ...والحين اانا في دوامي واتفقت مع المدير اني بغير وقت الدوام للوقت اللي يناسبني مو اللي يناسب زوجي ....لاني كنت ارجع قبله بساعة عشان الحق اعدل البيت واتكشخ له وهذه الساعة مخصومة من راتبي


شنو رايكم خواتي ....لا تحرموني من ارئاكم