ساعدوني اقبل أتزوجه ولا لا

DrEaM Red RoSe;14745362:

أول شي خبري أهلك

و كوني صريحة معاهم هالشغلات ما فيها لف و لا دوران
بس بعد دراسة كاملة لــعدةامور منها :

و لازم تعرفي تاريخ المرض
و إذا عندك القدرة على التعايش مع شخص أبكم ( بعد ما تدرسي كيف حيكون مستقبلك معه غير الوضع المادي )
يعني كزوج كأحداث يومية - كعلاقة - ككل شيء يحدث في حياة 2 متزوجين
بعد ما تتخيلي الصورة الكاملة أو تسألي و تبحثي عن وضع هكذا علاقة
فليس هناك مانع

غير كذه حددي أولياتك
إنتي وش تبي من ذه الزواج ؟
و استخيري الله مراراً و تكراراً

و الله يوفقك

الله يسعدكم
وربي كثير شجعوني اني ما اتخوف منه ومن حياتي معاه
وانا الي يهمني الأخلاق
واذا عالشغل هو ما شاء الله قالو يشتغل وعنده بيت ملك له
وبهذي الايام باتأكد من كثير شغلات
ومنها اتأكدت انه يسمع ويتكلم بس بثقل يعني كلماته بسيطة جدا جدا
يعني مو وراثي
بس انا ارجع واقول لو لقيته انسان طايع ربه وبيصونني ما بارفضه
صعب بهالزمن نلاقي الناس الكويسة
وبالأخر كلنا نعرف حقيقة وحدة
ان كل شي مكتوب للانسان من اول ما خلق
وكل مكتوب لازم نحصله ولو بعد حين

استخيري ومثل ماقالوا لج البناات
والله يوفقج .. واهم شي لاتوافقين شفقه مثل ماقالت الاخت ديور مي


:)

اختي الغاليه البنات ماقصروا جزاهم الله خير بس نصيحتي لج نفسهم واكرر استخيري واستخيري وغير كذا اذانه كل شي تمام وسالتو تاكدي من فحوصاته اذا انها وراثية او لا بس عشان عيالج عشان ماتندمين باكر لاسمح الله وتوكلي على الله وربي يوفقج بس لاتنسين رضا الوالدين سبب من اسباب التوفيق وبالنسبه للي يقولون الحوار مهم بين الرجل والمرأة انا وياكم بس وايد رجال فقدو السنتهم بعد فترة من الزواج بكيفهم وانعدمت لغة التفاهم والحوار بينهم يعني كل شي قسمه ونصيب ففي هالحالتين شو اللي احسن لكم؟!!فكرو فيها عدل؟وتمنياتي لج اختي بالتوفيق ويعطيج على قد نيتج....