Moonzy;14780180:
ايه عليييج مخملياات دايما تفيدين البنااات F:
هلا غاليتي مونزي ,, إشلونج حبيبتي عساج بخير :)
وانتو يا بنات ديرتي اغلى من ماي العين , و "الاقربون أولى بالمعروف" اذا ما افيدكم افيد منو عيل F:
persian_moi;14782197:
هلا حبيبتي مخمليات والله انه انتي العزيزة والغالية على قلبي F:
مشكوووورة حبيبتي على النصيحة وايد تفيديني وتفيدين بنات المنتدى
بالنسبة لرينا للامانة هي حاولت تصبغه لي بدون سحب حتى سوت لي تست مرتين بس مارضى يصبغ يمكن هي فعلا مثل ماقلتي تحب السحب بس مو دايركت جربت علي وانا اتذكر انه كتبت لكم رد لو شيصير ماراح اسحب اللون بس بصراحة لحظتها تهورت وكان وايد وايد خاطري اصبغه واسوي نيولوك وكنت حاطة في بالي انه هاي اول وآخر مرة في حياتي بس انا اللي باط جبدي هالمغنيات والمشاهير شكثر يغيرون بشعرهم من قصات وصبغات وتسريحات واستشوار ليش مايصيد شعرهم شي شنو السر؟؟؟
بالنسبة للتريتمنت شكلي بروح صالون آن اللي قالت عنه ام احمدي بـ 8 دينار معقولة وانا ادري انه 23 وايد بس ماكنت اعرف مكان ثاني بس الحين اكا عندي خيارات وايد وجريب لي
بالنسبة للخلطة اللي حطيتيها انا نوعا ما ماقدر استخدم زيوت او اشياء زيتية لانه شعري فروته دهنية من احط زيت يطيح اكثر مادري ليش .. سؤال حمام الزيت مو المفروض ماينحط ع الفروة ؟
والقص شلون يخرب الشعر؟
هلا الغالية بيرشان , حبوبة اذا فروة راسج دهنية انا بحط لج وللبنات ب تحت ردا على حكاية غرام خلطة ما "تخرش المية" على قولة اخواننا المصريين :lol:
والقص يالغالية ليش يخرب الشعر التالف لانه , اساسا شعرج تعبان ومتقصف وجاف فإذا انتي رحتي قصيتيه قصة معينة والاكيد انه راح يكون فيها الشعر كذا طبقة او ستب وهو اصلا محتاج عناية راح يطول على اساس هالطبقات وهو متقصف وراح تزيد المشكلة مع تباين الطبقات , عشان جذي حبيبتي اول عالجي الشعر وابتعدي عن الستشوار مدة العلاج واول ما تلاحظين التحسن روحي بس سوي تريمينغ للشعر عشان تتخلصين من الاطراف المتقصفة وواصلي على العلاج لحد ما يرجع شعرج طبيعي وبعدين قصيه القصة اللي تبينها وانتي مرتاحة , وانا ادري انتي الحين تبين تقصينه عشان الصبغ ينزل , وشلون ينزل وانتي تعانين من مشكلة معينة ؟؟! يعني الموضوع راح يتفاقم , لا تستعيلين حبوبة اول عالجي الوضع وبعدها فكري في اللون , وثانيا اللون عاجبج وعاجب ريلج , حتى لو راح اللون مشكلة الشعر ما يحلها انه اللون يروح لانه حتى الشعر اللي بينمو بيكون متأثر بدرجة معينة , خلاص خلص عرسج للحين بصلتج محروقة :lol: , فديتج اي شي تحتاجينه كلميني , وحبيبتي ليش تسئلين عن الحنة ما ينفع تحنين شعرج وهو مصبوغ يعني تخيلي مكونات كيميائية وبتردين تحطين عليها مكونات ما يندرى اذا كانت طبيعية بالكامل او لا , حبوبة لا تقعين في الاخطاء اللي معظم البنات يطيحون فيها صبري على شعرج :)
وعادي عيشي حياتج استمتعي باللون ومشكلة شعرج بتنحل بإذن الله بس تأني شوي وبتشوفين شعرج احلى من اول F:
حكاية غرام;14785193:
هلا بنات شخباركم وحشتوني كلكم
مخمليات شلونج ؟؟عجبتني طريقتج في حمام الزيت
بحط ملعقتين حمام زيت + ملعقة زبدة
بسالج اي نوع زبدة تستخدمين ونفس الشي بالنسبة لحمام الزيت شنو افضل نوعية للشعر اللي مو مصبوغ ؟؟
اللي اعرفه وسالت عنه الدكتورة ان حمام الزيت الافضل ما تحطينه على الفروة انا احط بس من الاذن لتحت واحطه حسب المدة المكتوبة واذا كلش طولت نصف ساعة وهاي نادرا ..
الاول كنت اضيف عليه عسل بس قريت موضوع ان يسبب تكسر للشعر وفعلا قام شعري يتكسر منه والمايونيز حطيته مرة مع البيض وسبب لي تساقط واقرا عنه في النت انه مب زين للشعر ..
بس الزبدة اعتقد انها وايد زينة بس ريحتها عقب ما تغسلين شعرج تعلق فيه .. وبعد نصيحة مني لج تضيفين على الحمام زيت ملعقة شاي زيت جوز الهند طبعا مو على العلبة قصدي على الكمية اللي بتحطينها لان قريت هالنصيحة من خبيرة وكنت اسويه بس للاسف الحين ما اسويها .
هلا حبيبتي غرام,, بالنسبة للزبدة انا استخدم لورباك , ومن خلال كلامج عرفت انه شعرج يناسبه شي يقويه مب يسيحه او يخفف الجفاف لانه انا الخلطة اللي ذكرتها خاصة للي يشتكون من الجفاف فقط والحين بعطيكم بعد خلطة ثانية عجيبة وهذي تناسب جميع انواع الشعر بدووون استثناء : من كل شي ملعقة >> روب , بيضة , عسل , زيت زيتون , دابر املا واللي تبي تماسك للشعر اكثر تزيد الروب والعسل وهاذي الخلطة بتدعون لي من قلب :)
وعلى فكرة شوي راح تكون الريحة مزعجة بسبب البيض بس والله هو الحل الفعال وعقب ما تغسلون الشعر حطو فيه خمرية وهو مبلول , وعقبها بخروه وبتحل مشكلة الريحة خاصة للمتزوجات , هاذي الخلطة فعلا انسوا اي مشكلة للشعر , ليش؟؟ انا بقول لكم ليش
اولا: البيض يمنع التكسر والتقصف ويعيد حيوية وتماسك الشعر بشكل ملاحظ جدا من الاستخدام الاول , ومع الاستمرار يقلل من التساقط
ثانيا: الروب يقلل من الافرازات الدهنية بالشعر بسبب الاحماض اللي فيه ويزيل اي اي اوسلخ متراكمة على المسامات لفروة رأس نظيفة ومهيأة لباقي المكونات المفيدة للشعر
ثالثا: العسل يكسب الشعر لمعان رهيب ويعطي طراوة وحيوية للشعر
رابعا : زيت الزيتون + دابر املا زيوت اساسية للشعر تساعد على تغذية الشعر بالطريقة الصحيحة ولإطفاء النعومة على الشعر
وبالمثل تحطونها على شعركم لمدة 2 الى 3 ساعات من الجذور الى الاطراف من دون خوف على الجذور لانها كلها مكونات طبيعية , وفوقها الشاور كاب , وربي يحلي ايامكم "بشعوركم" ;)
حكاية غرام;14785462:
بنات انا عادة اسوي واكس في صالون عروس البحرين السلمانية بس الحين الاحظ رجولي قامت تحبب وتبقع اكثر من الاول
اللي تعرف صالون زين للواكس تدلني عليه
وسؤالي للاخت حلم شنو افضل للواكس اللور ولا رحمة ؟؟
وانا بعد جربت صالون يالا وبعد ايدي من فوق حببت بشكل مخيف ..
هلا حبيبتي حكاية ,, على فكرة سمعت من كذا بنت انه يطلع لهم حرار صغار اذا يشيلون حلاوة في عروس البحرين , وفي ناس العكس يمدحون فيه , والظاهر انه اللي بشرتهم حساسة ما تناسبهم حلاوتهم , شوفي حبوبة نوعية الحلاوة وايد مهمة وفي صالونات تدور الواكس الاقتصادي وطبعا هاي يضر بالبشرة الحساسة, شوفي انا شلت حلاوة عند كذا صالون, منهم باينابل , غصون , السبا اللي في اليت ,طبعا هاي كلهم صالونات 5 نجوم , وشغلهم حلو بس أللور افضل والحلو انهم ما يستخدمون الواكس العادي ولا حتى مكينة الواكس اللي اذا سخن الواكس زيادة عن اللزوم يحرقج , الواكس تبعهم يجي في مكينة صغيرة بحجم الكف او اكبر شوي , والواكس يكون دافي مب حار وحتى لون الواكس وشكله غير انا في المناسبات اروح اشيل عندهم , بس في الايام العادية اروح لصالون باربي اللي في المحرف شغلهم نظيف ومعروف , بالنسبة حق رحمة انا ما قط رحته بس اسمع البنات يقولون انه مشهور في الحمام المغربي بس , واتمنى اكون افدتج حبوبة :)
