persian_moi;14776567:
مشكورين بنات ينعم بحالكم
بالنسبة للتريتمنت سمعتكم تمدحون خولة هني بس بعيد علي خصوصا في هالاوضاع
ام احمدي صالون رحمة يصير في جدعلي
بحاول ادليج مع انه ادري اني فاشلة في الشرح بس قولي لي انتي شنو تدلين هناك ؟
بنات اليوم رحت هيد تو توه اللي صبغت فيه شعري عشان يسوون لي حل حق شعري وااايد صاير جاف ماقدر امشطه كله متشربك
سوت لي تريتمنت وطبعا يستخدمون منتجات لوريال وسوت لي 3 خطوات ماتذكر شنو بالضبط بس كله حق الفروة الحساسة والشعر الجاف وبعدين غسلته بشامبو وردت قعدتني على الكرسي قامت تحط مستحضرات ثانية اتوقع ماسك او شي جذي مو متأكدة
عقب قالت لي لازم تنتظرين شوي عقب اغسله عاد قلت خلني استغل الوقت واحف حواجبي مرة وحدة حفتني الهندية اللي هناك والحمدالله ماخربتهم لي لانه اساسا رسمتهم كانت واضحة .. وبعدين غسلت شعري وسوت لي استشوار على خفيف حسيته صار احسن وفيه لمعة بس طبعا مو مثل قبل .. قالت لي اول شهر لازم ايي كل اسبوع عقب اقدر ايي كل اسبوعين مرة .. التريتمنت طلع علي 23 دينار والحفاف 3 دينار وشريت شامبو ب 7 ونص
بعدين كلمت اللبنانية اللي هناك طمنتني قالت الشعر عقب الصبغ وخصوصا السحب يبي له عناية لاتخافين الكل جذي وقالت لي خلج على الشامبو والاسبوع الياي اشتري ماسك بدل ماتيين هني حق تريتمنت لانه ادري زحمة عليج خصوصا مع هالاوضاع وراوتني اي ماسك اشتري
المهم بنات تعرفون صالون في الرفاع او مدينة عيسى يبيع منتجات لوريال؟ لانه افكر اشتري الماسك من الحين عشان افتك مرة وحدة
قررت اقص شعري يوم الخميس عند منى في صالون اصيلة عشان تنزل الصبغة وافتك مع انه حسافة اللون وايد عاجبني بس شعري يبط الجبد مارضى يصبغ الا لما سحبو اللون .. مسكينة اللبنانية يبت لها احباط قلت لها تووووبة هاي اول وآخر مرة اصبغ شعري حتى قامت فلت شعرها تراويني شلون جاف وكيرلي من الصبغ ههههه
هلا ابوي بيرشيان إشلونج ,, واي عوار قلب اذا الشعر يصير مزعج , بصراحة انا ما كنت ابي اقولج عن اللي صبغت شعرج بس انا بكتب هالشي عشان الكل يحط في اعتباره , بنات حبايبي ادري انه رينا مميزه في الصبغ وهي مدربة كل اللي يشتغلون هناك بس ترى هي تموت على انها تسحب اللون وهي ترى مشهورة بهالشي , وانا في وحدة خبرتني عنها كانت تدربها شخصيا انه سحب اللون هو عبارة عن "بليج" يعني بالعربي تشقيييييير , وهذا اكيد يعدم الشعر وكله جذب خلطة خاصة وخرابيط المستحضر هو نفسه وهذي البنت تعرف كل المستحضرات اللي تستخدمها , واكيد بتقول لج ما راح يأثر ويوم رحتي لهم مرة ثانية قالوا لج شوفي شعورنا كلنا جذي من الصبغ !!
خوب اللبنانين يحبون يطلعون لج حتى ماي البحر الميت , أعذب ماي في العالم , وان هم اللي يفهمون واحنا ما نفهم شي , انا اللي في ايلي اند جان الريجينسي قتلت روحها من كثر ما حاولت تقنعني انه اصبغ شعري حتى لو هاي لايت , وانا اعرف مع منو اكون ثقيلة دم عشان ما يأذيني , المهم حبيبتي انا ما كنت ابي اقول هالكلام عشان ما ازعلج بس الحين انا حابة الكل يكون حذر من سالفة سحب اللون وخاصة عند وينا وللأمانة صبغها حلو بس رجاءا لحد يسحب لون لا عندها ولا عند غيرها , و ليش مسوية تريمنت بـ 23 !!! انا مسوية نفس الخطوات اللي انتي قلتي عنها عقب ما رجعت من السفر لانه خبرج من التسريحات بـ 15 دينار عند أللور , وكان عندهم مستحضرات لوريال كامل وانا بعد استخدموا لي علبة صفرة على برتقالية, وحتى باربي عندهم مستحضرات لوريال, انزين حبيبتي انا عشانج بعطيج وبعطي كل بنات ديرتي الحلوين "سر المهنة" تبعي >> :lol: خفي علينا , اخذي اي حمام زيت مناسب لشعرج المصبوغ وحطي الكمية المناسبة في "طاسة" وضيفي عليها : ملعقة كبيرة عسل , ملعقة كبيرة زبدة , ملعقة كبير مايونيز واللي ما تحب ريحة المايونيز تحط نص ملعقة , و تستخدم خمرية للشعر وهو مبلول , وخلطي الكميات مع بعض عدل وحطيها على شعرج كاااامل ابتداءا من الجذور الى اخر طرف واذا الكمية ما تكفي الشعر سوي المقادير دبل على حسب طول الشعر وبعدها لفي شعرج وحطي علي غطاء الشعر تبع الشاور "شاور كاب" وخليه لمدة ساعتين الى 3 ساعات مب اكثر وحتى بتشوفين البخار اللي يطلع من شعرج على الكاب عقب مدة , و بعد ما تغسلين شعرج بتشوفين الفرق من اول استخدام وبتدعين لي ;) , تقدرين تسوين هالخلطة مرتين في الاسبوع لين ما يرجع شعرج احسن من اول , وطبعا تحملي في هالفترة تستخدمين الستشوار عشان يتعدل شعرج وعقبها روحي سوي بس تريمينغ للأطراف , وعقب شهر قصي شعرج نصيحة مني لج , لانه وايد الاحظ البنات اذا تصير مشاكل في شعورهم على طول يقصونه وساعات قص الشعر يضر اكثر من انه ينفع , واتمنى اكون افدتج حبيبتي بيرشيان تدرين انج عزيزة علي وما احب اشوفج متضايقة F: , واتمنى اكون افدت كل خواتي وبنات ديرتي :) , واللي تستفيد من اللي كتبته شسمه .. :o :biggrin:
مــيــار;14777827:
بنات بقيت رقم عايده النعيمي للشعر .... ضروري يا بنات .... ومشكورين ... واهيه في أي صالون ؟؟
هلا حبوبة ميار , عايدة ما عندها صالون هي اكثر شي تشتغل مع ابتسام كمال في البسيتين , ورقم ابتسام تحصلين في موقعها , عندها موقع خاص انتي بس اكتبي موقع ابتسام كمال في غوغل وبيطلع لج , وبالتوفيق حبوبة
داري بلا أحباب;14777931:
قووووة بنات شلونكم عساكم بخير
اخ اليوم راسي راح يتفجر علي من الوجه انا قلت يمكن من الخوف لان الصبح مسوين حادث و شوي اروح فيها لو لا رحمه ربي لي و سعت كل شي جان انا في اعداد الموتى
هلا حبيبتي داري ,, اسم الله عليج , ما تشوفين شر ابوي الحمدلله الله حفظج , حبيبتي عليج بالصدقة والقرآن عشان يندفع عنج السو , وربي يبعد عنج كل مكروه آمين F:
