تجهيزات عرائس " مملكة البحرين " لشهر ربيع الثاني 1432 - 2011 م / الجزء :75

السلام عليكم صبايا يا حلوين

صج في منع ان احنا نروح السعودية مانقدر نطوف الجسر :'(

هلا حبيبتي ترجية ,, العفو يالغالية حاضرة لج

انا تقريبا استخدمت معظم انواع البخور المعروفة بس من تجاربي هاي احلى البخورات والثابتة على العبايات والجلابيات :

"العود المعطر" من أجمل هذا التوب ولو وين اروح ارد ارجع له

"العود المميز" من الرصاصي وايد حلو وعجيب وفعلا مميز , بس ما ادري ليش احب العود المعطر >> في بيني وبينه عشق متبادل :lol:
"بخور ياس" في منه العربي والفرنسي واثنينهم جربتهم وااااايد حلوين وما شاء الله الريحة ثابتة لمدة طويلة وهو يجي دوائر كبار يعني الدائرة الوحدة تكفي لمرتين او يمكن اكثر على حسب الاستخدام

وشوفي انا استخدمت الدخون اللي يجي بوزن او بالاحرى بالتولة من اجمل و جنيد وطبعا ما عليهم كلام بس بصراحة بسرعة يخلص والتولة تييج بـ 40 او اللي بـ 20 وانا اشوف اللي اقترحتهم يوفون بالغرض , و اتمنى انه اكون افدتج حبيبتيF:

قائمة عرائس البحرين " الخطوبة " :
عـروسـه كـيـوت .. 15 - 2 ( تم )
Bent Alm7roos .. مم 1 - 3 ( تم )
جنون العشق فني .. 4 - 3 ( تم )
al amooora .. مم 6 - 3 ( تم )
ميدو العروسة .. 1- 4
sicko .. مم 8 - 4

قائمة عرائس البحرين " الزواج " :
فوفو البحرين .. 6 - 2 ( تم )
ili احلى مس ili .. مم 11- 2 ( تم )
مجنونة الحب (2) .. 12 - 2 ( تم )
¦¦ Strawberry ¦¦ .. مم 13 - 2 ( تم )
ندم السنين .. 14 - 2 ( تم )
مريومه20007 .. 14 - 2 ( تم )
أمــاني .. 17 - 2 ( تم )
sweet persian .. مم 25 - 2 ( تم )
أجاصة .. 3 - 3 ( تم )
persian_moi .. مم 3-3 ( تم )
نــــــــوارة .. 4 - 3 ( تم )
ام ليال91 .. 4 - 3 ( تم )
ع ـذبة المشاعر .. 18 - 3
أميرة الواحة .. 2 - 4
روح غاليهآ .. 11- 4
روحي وروحكـ .. 13 - 5
fate88 مم - 14 - 5
مكانك في عيوني .. 4 - 7
أحاسيس الورد .. 7 - 7
حكاية غرام .. 28 - 10




إلي حابه اضيف اسمها للقائمة تخبرني برسالة خاصة بتاريخ الحفل واذا كان زواج او خطوبة ..

مرحبا بنات ديرتي ,, انا كنت كاتبة رد طويل للعطور والبخور والمسك , ونزلت بعض الصور للعطور والمسك , والحين بنزل صور للبخور عشان الكل يستفيد :


أولا : "العود المعطر " من أ جمل >> محبوب الجماهير وما أقدر استغني عنه









ثانيا : دخون "كشخة" من سويس أريبيان او العربية للعود , انا دوم آخذه من السعودية او دبي بس اتوقع انه فتح في البحرين بس مب متأكدة , ريحته فظيععة وانا استخدمه مع المخلط تبعه وصورته مع العطور اللي عرضتها










ثالثا: انا كتبت عن السرتي لانه مب موجود في البحرين , واي وحدة تروح العمرة تشتري بالجكية من هناك :lol: لانه فغلا رخيص وقوي



هاي البخور احطه في المطبخ بعد مااطبخ ريحته واااايد حلوة , والاحلى سعر بـ 15 ريال بس!!








رابعا: "مبثوث الزين" وفعلا زين , هاي انا ابخر فيه البيت لانه ما يسوى ابخر البيت كل يوم من العود المعطر وابخر بيجاماتي منه الله يذكرها بالخير وحدة كويتية قالت لي اخذيه وانتي مغمضة وهي كانت ماخذه نص درزن ما شاء الله ,حسافة ما خذت منه وايد وسعره 25 ريال بس !









واتمنى اكون افدتكم حبوبات F:

مساكمـ الله بـ الخير .,

أخباركمـ ؟!..

بنوتـات .. المخالفات زايدة وايد بـ الموضوع :|

أغيب يومين أرجع مخالفات هـ الكثر ؟!..

إي , ليش عاد ؟!..

يا جماعة الخير .. الله يرحم لي روح والديكمـ :(

موضوعنـا هني متخصص للنقاش عن ( تجهيزات العرائس )

ماله أي شغل بـ أشياءات ثانيـة

رجاءاً

تركوا عنكمـ السوالف الجانبية , الشات .. إلخ

وإلي تبي تهني , تبي تبارك , تبي ترد على أحدى العضوات

خليه كل ردودج بـ رد واحد :thumbs_up: :thumbs_up:

ماله داعي تعدد الردود !!!..

وشكراً

ملحوظة : " أشكر مشرفات المنتدى الفاضلات .. إلي ما قصروا بـ غيابي "

F:

||||

اسماء الحلوه;14686057:
اختي حلم


صالون لا فيلا وين يصير بالضبط ؟؟؟
وشلون الشعر يسوونه ؟؟ تحسين حلو او لا ؟؟
وعندج فكره عن اسعار الشعر او لا ؟؟
اقررت اروح عرس اختي احط ميك اب هناك على شورج
واذا عندج الرقم او اي شي عطيني اياه ماعليج امر

أنا عني شخصياً

حبيت جداً شغلهمـ في الميك آب + الشعر

شي مرتب وحلو وراقي , وأسعارهمـ يا بلااااش :adore:

وسبق أن تحدثنا عنهمـ هني بـ المنتدى ومدحوا شغلهمـ

بـــــــس !!..

ما أنصحج تحجزين هـ اللون عمياني :confused:

روحي شوفي الشغل بـ عيونج

إذا عجبج .. توكلي على الله ;)

مو تحجزين وبعدها ما يعجبج وتقولين كل من حلوم ههههههه

||||

ع ـذبة المشاعر;14686290:
مشكوورة اختي

حلم

مي تووو بغيت استفسر عن اسعار صالون لافيلا
لانه اختي نصحت امي تروحه ليوم الجلوة .. يناسب امهات ؟ :lol:
امي تبي شي ناعم
يعني مكياج بو عشره
وشعرها تبي شي بسيط يعني نفخه وويفي خفيف بجم اسعارهم للشعر ؟

وضحت لكمـ خيتو الأسعار ;)

بو 10 العادي ( بودرة سمر كيك الحمرة ) .. وبدون رموش وبدون بودرة جسمـ

ما أحسه يعني ينفع حق أم العروس !..

وإنتي أخبر بـ بودرة سمر كيك الحمرة ,

أحسه بيكون جداً عادي

عندج بو 15 هذي ( بودرة ماك ) شي ثبات وزقررررررررت

مع الرموش وبودرة الجسم يصير بـ 18 !..

أحسه وايد أفضل !..

;)

بس بـ شكل عام شغل الصالون شعر + مكياج حلو ونعوووومـي

||||

Um A7mdy87;14686536:

بنات من سوت باقة ورد حق عروس من عند المحل الي في بسيتين ..؟؟
نسيت اسمه جنه سيكو؟؟؟
واشلون اسعارهم؟؟

ومن سوت عن الزنبقه الي في المحرق؟؟

قصدج أسمـ المحل ( لا سولا ) :thumbs_up:

والله أمانةً ما شفت لهمـ شي ع الواقع

بس شفت صور وايد كشوخي شغلهمـ ومرتب وحلو

شي ذوووووق :L:

و الزنبقة ,

شغلهمـ لا يعلى عليه صراحة :thumbs_up:

||||

منسه;14686705:

مرحبا بنات شخباركم؟!!

اهلا وسهلا

المهم خيووو بغيت اسالش عن صالون لافيلا شرايش في حفافهم احليووو؟ وعندهم حفافات هنديات؟!!

ابغي صالون للحفاف على شارع البديع

لاني ساكنة على خط البديع وبيت اهلي فجدعلي ومتعوده كللللللللللللله على صالوناتهم بس مشووووووووار

عليي واتمللللللللللللللل.. يعني اني احب اروح احف اي وقت يكون مزاجي تمام فحلووو يكون الصالون قريب عشان ما اتخايب فالروووووحه

فنصحيني

آآآآيه عليج , فديتج :o

لويه , لويه :confused:

تسلمين حبوبة

بـ خصوص الحفاف

إي " لا فيلا " عندهمـ حفافة هنديـة

وللأمانة كلما أروح الصالون أشوفها تحف هنديات ( ممرضات المستشفى الدولي ) ههههه

ما أقدر أقيم لج حفافها شلون

الكستمر إلي هناك نصهم أجانب يعني ما أقدر احكم على الشغل

على فيس بحرينية غير :p

عندج (لطيفة) في البديع

هذي الحفافات كلهمـ هنود .. ومعروفين بـ شغلهمـ الحلو والنظيف

أحسه أضمن ;)

||||

مخمليات;14687064:

حلــــــمـ حبيبتي شلونج ,,

الكل فرح برجعتج وانا وحدة منهم , عسا المانع خير F:

وايد افدتيني عن لا فيلا , وفريال شكلي بحطها في اللستة ;) مع انها بعيدة عني , انا مرت عمي تعدلت عندهم في عرسي وبصراحة وااايد طلعوها حلوة ونعومة

:o

تسلمين يا بعد قلبي

هـ التجمع منور فيكمـ والله

||||

مخمليات;14694532:

هلا بنات عروس ,, حبيت اخبركم بشغلة ترى الحنايات :

منى ام ابراهيم

صغرى ام محمد

زهرة ام علي

كلهم خوات وكلهم نفس مستوى النقش , يعني اللي ما تحصل عند ذي تروح للثانية وكلهم نفس الاسعار من 40 الى 45 دينار

وبالتوفيق عروسات وبنوتات F:

وبضيف نقطة حلوة , بعد

إن أهما عادي يجون قروب كلهمـ يحنون العروس

بـ 50 دينار :D

بـ صراحة الفكرة لطيفة وحلوة

لأنهمـ يخلصون في وقت قياسي ما يزيد عن الـ 3 ساعات

فـ هالنقطة مهمة للي ما تبي تتعب وتتتكسر ههههههه :lol:

||||

قًلْبـِـیۓ حببُيــۓ;14694770:

مررحبـا ,,

شخباركم خواتي حبيباتي مع الاوضاع المتأزمه :thumbs_down:

آنه بكرا ان شاء الله لين مآصار اي شي مقرره آروح صالون نواعم بعد التجديد والصيانه خآطري اجوف شكله ههههـ لأنه قبل الشكل قبيح للصالون والخدمه وآآيد زينه ,, باروح ان شاء الله بسوي حلاوه و منكير حق الثلاثاء الفحص :p ,, وبحطط لكم تقريري ان شاء الله ( بالصور ) ;)
حلووم وآآيد فرحت واستانست لما جفت ردودج وحششتنآ ترى ههههـ لاتقطعين يالغلا ترى مكآنج خآلي ..
F:

أنا كل آمر على هـ " النواعمـ "

ويوماً ما بجربـه هههههه

حدي أحب أستكشف الصالونات

تسلمين يا بعد قلبي , فيكمـ الخير ;)

||||

أميرة الواحة;14699121:

مرحبا بنات شلونكم ؟؟


ولله حدي متضايقة من هالاوضاع والازمة االلي صايرة:'(:( .. عرسي ماباقي عليه وايد وانا الحين في حيرة ما ادري شسوي اخاف اسوي الحفلة واصير شي وتشتد الازمة وقررت خلاص ان آآجل العرس بس عماتي وبيتنا شاروا علي ان الحين اجوف لي ليلة زينة واروح بيت زوجي وبعد ما تهدأ الاوضاع وتخلص هالازمة وترجع المياه لمجاريها اسوي حفلة استقبال على نفس الحجوزات .. وقالت لي امي ان ناس وايد اتسوي الحين جذي و هالفكرة احسن لج وتستقرين في بيت زوجج وبعدها تسوين لج حفلة استقبال لان الحين محد له بارض ايي عرسج

شرايكم بنات ؟؟ انا احس روحي مقتنعة نوعا ما وقلت بشاور زوجي بعد وبجوفه شيقول؟؟

حسبي الله ونعم الوكيل

الوضع في البحريـن فعلاً متآزمـ

يا رب ,

تعدي هـ الأزمة على خير

وتحمي كل شعب البحرين من كل مكروه :'(

اللهمـ أنصرنا على القومـ الظالميـن

يعني حتى لو كان الوضع أمان في المنطقة إلي بـ تسوين فيها زواجج

من بيحضر ؟!.. >> هني السؤال

الكل حزين ومتضايق ومتكدر على وضع البحرين

وحرام تخسرين روحج بـ مبالغ وقدرها

وآخرتها إلي بيجون الحفلة ينعدون على أصابع يدج

فكرة ,

إنج تروحين بيت زوجج

وبعدها تسوين إستقبال

حدها حلوة

ولا تروحين عادي

يعني لبسي الأبيض وتمكيجي وكل شي وصوري ورورحي بيت زوجج

لا تفوتين على نفسج الأبيض

أنا خالتي سوت هـ اللون !..

آلغت كل حجوزاتها

بس لبست الأبيض وراحت الصالون وصورت :thumbs_up:

الأبيض ما يتفوت ,

والإستقبال خططي ونسقي له على راحتج

والله يسهل عليج إن شاء الله

F:

مررحبا /

:)

آيي حد حده خآآطري اروحه بس للأسف مارحت بسبب وضع أمس وسويت لي حلاوه في البيت ! و اليوم الساعه 7 ونص موعدنآ مال الفحوصات ! رحنا المركز اول شي توقيع على عمل فحص ماقبل الزوآج بعدها اخذ الدم (4 غراش دم )و بعدهآ قعدنآ معا الباحثه الاجتماعيه وعطتنآ نصآئـح وآآيد استفدت منها وعطتني كتيب بععد ونشره ..
و ان شاء الله خير دعوآآتكم F:

السلام عليكم اليوم المفروض كان موساتي في البيت و طبعا مسوين حجوزات بوفيه و اشياء جذي بس للاسف من شوي صار طلق رصاص و اهل المعرس قالو مايبون يجون خايفين لان بيتنا في الحدث :'(

داري .. الله يسهل امورج يارب , حسبي الله ونعم الوكيل

حلووم ,, ولله انا في حيرة وتفكير بس يلا ربج كريم يمهل ولا يهمل

انا لله وانا اليه راجعون حسبنا الله وكفى ونعم الوكيل:'(

كل تأخيرة وفيها خيرة اختي.. :)